Dmitry Medvedev

ក្នុង​ស្ថានភាព​ដែល​កំពុង​ឆ្ពោះ​ទៅ​រក​តុ​ចរចា ឃើញ​ថា​ក្រុង​មូស្គូ ប្រឆាំង​យ៉ាង​ខ្លាំង​ដែល​អឺរ៉ុប​ដាក់​ផែនការ​បញ្ជូន​ទ័ព​ទៅ​អ៊ុយក្រែន ក្រោម​គោលការណ៍​កងកម្លាំង​រក្សា​សន្តិភាព។ ក្នុង​អន្តរកាល​នេះ គេ​សង្កេត​ឃើញ​រុស្ស៊ី បង្កើន​ការ​វាយលុក​កាន់តែ​ខ្លាំង​ដោយ​ដណ្ដើម​បាន​ទីតាំង​ជាច្រើន​ពី​អ៊ុយក្រែន ក្នុង​នោះ​មាន​ទាំង​សមរភូមិ​នៅ​ក្នុង​ដែនដី​រុស្ស៊ី នៅ​តំបន់ Kurks ដែល​តាម​ការ​ចុះផ្សាយ​របស់​ក្រសួង​ការពារ​ជាតិ​រុស្ស៊ី តំបន់​នេះ​ត្រូវ​បាន​ទ័ព​រុស្ស៊ី វាយ​កាន់កាប់​បាន​វិញ​បន្ទាប់ពី​អ៊ុយក្រែន កាន់កាប់​បាន​រយៈពេល​ជាង ៧​ខែ​មក​នេះ។ បន្ថែម​ពី​នេះ​ទៀត រុស្ស៊ី ព្រមាន​ថា បើ​អង្គការ​ណាតូ (NATO) ដាក់​កង​រក្សា​សន្តិភាព​នៅ​ប្រទេស​អ៊ុយក្រែន មែន​នោះ វា​នឹង​បង្ក​ឱ្យ​មាន​សង្គ្រាម​ធំ​រវាង​ប្លុក​យោធា​ណាតូ (NATO) ជាមួយ​រុស្ស៊ី ដោយ​មិន​អាច​លើកលែង​ឡើយ។ នេះ​ជា​ការ​ព្រមាន​ចេញពី​អនុប្រធាន​ក្រុមប្រឹក្សា​សន្តិសុខ​រុស្ស៊ី...

អតីត​ប្រធានាធិបតី​រុស្ស៊ី លោក Dmitry Medvedev ដែល​បច្ចុប្បន្ន​ជា​នាយករង​នៃ​ក្រុមប្រឹក្សា​សន្តិសុខ​ជាតិ​រុស្ស៊ី ព្រមាន​ថា បើ​ដែនដី​គ្រីមៀរ ត្រូវ​រង​ការ​វាយប្រហារ​ពី​អ៊ុយក្រែន ឬ​ពី​ប្រទេស​ណា​មួយ គឺជា​ការ​ត្រូវ​កំណត់​ថា ជា​ថ្ងៃ​អវសាន​នៃ​ពិភពលោក ហើយ​អ៊ុយក្រែន​នឹង​រង​ការ​វាយប្រហារ​ឲ្យ​ក្លាយ​ជា​ផេះ​តែម្ដង។ បើ​តាម​សារព័ត៌មាន Newsweek លោក Dmitry Medvedev បាន​ធ្វើការ​ព្រមាន​ដូចនេះ​ខណៈ​លោក​វាយប្រហារ​ទៅ​លើ​អ៊ុយក្រែន និង​លោក​ខាងលិច​ដែល​នៅតែ​អះអាង​ថា ដែនដី​គ្រីមៀរ គឺជា​ដែនដី​អ៊ុយក្រែន។ លោក​បញ្ជាក់​ថា នេះ​ជា​ការ​គំរាមកំហែង​ជា​លក្ខណៈ​ប្រព័ន្ធ​ចំពោះ​រុស្ស៊ី ហើយ​រាល់​ការ​វាយប្រហារ​ពី​ខាង​ក្រៅ​ណា​មួយ​ទៅលើ​តំបន់​គ្រីមៀរ គឺ​មាន​ន័យ​ថា​ជា​ថ្ងៃ​អវសាន​នៃ​ពិភពលោក...