TAG
Uyghurs
សាលាជំនុំជម្រះក្ដីនៃអង្គការអន្តរជាតិចោទចិនថាគ្រៀវបុរសជនជាតិ Uyghurs បំបាត់ពូជសាសន៍
សាលាជំនុំជម្រះក្ដីនៃក្រុមអង្គការសិទ្ធិមនុស្ស ដែលមានមូលដ្ឋាននៅប្រទេសអង់គ្លេស បានធ្វើការជំនុំជម្រះក្ដីកាលពីសប្ដាហ៍កន្លងមកនេះអំពីករណីប្រល័យពូជសាសន៍នៅស៊ីនជាំង ដោយបានចោទទៅលើរដ្ឋាភិបាលបក្សកុម្មុយនីស្តចិន ពីបទប៉ុនប៉ងបំបាត់ជាតិសាសន៍នៃក្រុមជនជាតិដើម Uyghurs នៅក្នុងតំបន់ស៊ីនជាំង ភាគពាយ័ព្យនៃប្រទេសចិន។
ការចោទប្រកាន់របស់អង្គការអន្តរជាតិមួយនេះ បន្ទាប់ពីបានប្រមូលនូវភស្តុតាងមួយចំនួនដែលថារដ្ឋអំណាចចិន បានចេញវិធានការគ្រប់គ្រងការបន្តកំណើត និងការគ្រៀវលើជនជាតិ Uyghurs។
រដ្ឋអាជ្ញាដ៏ល្បីមួយរូបនៃសាលាជំនុំជម្រះក្ដីនៃក្រុមអង្គការសិទ្ធិមនុស្ស លោក Geoffrey Nice ដែលជាប្រធានសវនាការសាលាជំនុំជម្រះក្ដីនេះផងដែរ បានលើកឡើងក្នុងវេទិកាមួយអំពីករណីប្រល័យពូជសាសន៍នៅស៊ីនជាំង ប្រទេសចិន។ លោកបាននិយាយអំពីការរំលោភសិទ្ធិមនុស្សពីសំណាក់អាជ្ញាធររដ្ឋាភិបាលចិន ទៅលើអ្នកជាប់ឃុំច្រើនម៉ឺននាក់នៅក្នុងជំរំលុតដំនៅខេត្តស៊ីនជាំង ប្រទេសចិន។
លោកថា ចិនបានប្រើប្រាស់គោលនយោបាយជាប្រព័ន្ធរួមគ្នា ហើយដោយមានការព្រាងទុកដើម្បីកាត់បន្ថយរយៈពេលវែងនូវចំនួនប្រជាជន Uyghurs...