រ័ត្ន ស្រ៊ាង

កងរាជអាវុធហត្ថ​រាជធានី​ភ្នំពេញ បង្ក្រាប​ករណី​ជួញដូរ​គ្រឿងញៀន​មួយ​កន្លែង ដោយ​ចាប់​បាន​ជនជាតិ​ចិន ៤​នាក់ និង​រឹបអូស​គ្រឿងញៀន​បាន​ជាង ១០០​គីឡូក្រាម បន្ទាប់ពី​បាន​ធ្វើការ​ស្រាវជ្រាវ​រយៈពេល​ជិត​មួយ​ខែ។ បើ​តាម​ព័ត៌មាន​ដែល​បង្ហោះ​លើ​ទំព័រ​ហ្វេសប៊ុក​របស់​លោក រ័ត្ន ស្រ៊ាង មេបញ្ជាការ​រង​កងរាជអាវុធហត្ថ​លើ​ផ្ទៃ​ប្រទេស និង​ជា​មេបញ្ជាការ​កងរាជអាវុធហត្ថ​រាជធានី​ភ្នំពេញ កាលពី​ថ្ងៃទី​១៩ តុលា បាន​សរសេរ​ថា កងរាជអាវុធហត្ថ​រាជធានី​ភ្នំពេញ កាលពី​ថ្ងៃទី​១៩ ខែ​តុលា បាន​បង្ហាញ​ថា កម្លាំង​ជំនាញ​នៃ​កងរាជអាវុធហត្ថ​រាជធានី​ភ្នំពេញ បាន​ធ្វើការ​ស្រាវជ្រាវ​រយៈពេល​ជិត​មួយ​ខែ​ដើម្បី​កំណត់​មុខសញ្ញា​មេខ្លោង​ជួញដូរ​គ្រឿងញៀន​ជនជាតិ​ចិន ៤​នាក់ ក្នុង​នោះ​គេ​បាន​ចុះ​ឆែកឆេរ​នៅ​តាម​ទីតាំង ៤ ផ្សេង​គ្នា...

អ្នក​ប្រើប្រាស់​បណ្ដាញ​សង្គម ហៅ​ការ​បន្ត​តែងតាំង​សាច់ញាតិ និង​សែស្រឡាយ​ក្នុង​តំណែង​ធំ​នៅ​ជួរ​កងទ័ព និង​រដ្ឋាភិបាល ក្រោម​ការ​ដឹកនាំ​របស់​លោក ហ៊ុន ម៉ាណែត នេះ បង្ហាញ​ថា​មិន​ខុស​ពី​ការ​ដឹកនាំ​នៅ​ប្រទេស​បង់ក្លាដេស ឡើយ។ នេះ​គេ​ហៅថា​មុខតំណែង​សួពូជ ពោល​គឺ​ឪ​ម៉ែ​ធ្វើ​អ្វី កូន​ធ្វើ​អ៊ីចឹង​ដែរ។ ការ​លើកឡើង​នេះ កើត​មាន​បន្ទាប់ពី​រដ្ឋាភិបាល​លោក ហ៊ុន ម៉ាណែត បាន​ទូល​ថ្វាយ​ព្រះមហាក្សត្រ ស្នើ​តែងតាំង​កូនប្រុស​មេបញ្ជាការ​រង​កងរាជអាវុធហត្ថ​លើ​ផ្ទៃ​ប្រទេស និង​ជា​មេបញ្ជាការ​កងរាជអាវុធហត្ថ​រាជធានី​ភ្នំពេញ លោក រ័ត្ន ស្រ៊ាង គឺ​លោក សៀ...