ក្មេងទំនើង

ក្រសួង​មហាផ្ទៃ ព្រមាន​កុំ​ឱ្យ​យុវជន​ធ្វើ​សកម្មភាព​ទំនើង​នៅ​ក្នុង​សង្គម​បន្ត​ទៀត ជាពិសេស​ត្រូវ​ចៀស​ឱ្យ​ផុត​ពី​ការ​ប្រព្រឹត្ត​ដែល​នាំ​ទៅ​ដល់​បទល្មើស​ឃាតកម្ម និង​ប៉ុនប៉ង​ឃាតកម្ម ដែល​នឹង​ត្រូវ​រង​ទោសទណ្ឌ​ចាប់ពី ១០​ឆ្នាំ​ទៅ ១៥​ឆ្នាំ តាម​មាត្រា​១៩៩ នៃ​ក្រមព្រហ្មទណ្ឌ។ អ្នកនាំពាក្យ​ក្រសួង​មហាផ្ទៃ លោក ទូច សុឃៈ បាន​ចេញ​សេចក្ដី​ណែនាំ​ស្ដីពី​បទល្មើស​ឃាតកម្ម​ពាក់ព័ន្ធ​នឹង​សកម្មភាព​ក្មេង​ទំនើង​នៅ​ថ្ងៃទី​៦ មីនា ថា បទល្មើស​ឃាតកម្ម​សំដៅ​ដល់​រាល់​អំពើ​ប្រព្រឹត្ត​ទាំងអស់​របស់​ជន​បង្ក​ដែល​មាន​ចេតនា​ចង់​ឱ្យ​ជនរងគ្រោះ ឬ​គូបដិបក្ខ​របស់​ខ្លួន​ស្លាប់ ដោយ​សកម្មភាព​សកម្ម​រស់​រវើក ដូចជា ការ​វាយដំ និង​កាប់​ចាក់ ជាដើម នៅ​ក្នុង​ពេល​នៃ​ការ​ប្រព្រឹត្ត​អំពើ​ហិង្សា​នោះ។ អ្នកនាំពាក្យ​រូប​នេះ ពន្យល់​ថា...

ប្រធាន​គណបក្ស​ជំនាន់​ថ្មី លោក មាជ សុវណ្ណារ៉ា ស្នើ​ឱ្យ​ក្រសួង​មហាផ្ទៃ ពិចារណា​ដាក់​បញ្ចូល​និស្សិត​បញ្ញវន្ត​ដែល​ទទួល​បាន​ការ​អប់រំ​ត្រឹមត្រូវ ចូល​បម្រើ​កិច្ចការ​សង្គម​នៅ​តាម​មូលដ្ឋាន ជំនួស​ឱ្យ​ការ​ដាក់​ក្មេង​ទំនើង ពីព្រោះ​ពួកគេ​មិន​អាច​ក្លាយ​ជា​មនុស្ស​ដែល​អាច​ធានា​នូវ​សុវត្ថិភាព​ជូន​ពលរដ្ឋ​នៅ​តាម​មូលដ្ឋាន​បាន​ទេ។ លោក មាជ សុវណ្ណារ៉ា បាន​ប្រាប់​សារព័ត៌មាន The Cambodia Daily នៅ​ថ្ងៃទី​៤ មីនា នេះ​ថា អត្តចរិត​របស់​ក្មេង​ទំនើង​បាន​បង្ហាញ​ពី​លក្ខណៈ​មនុស្ស​កាច​សាហាវ ហើយ​ភាព​កាច​សាហាវ​នេះ​មិន​ត្រឹមតែ​ប្រព្រឹត្ត​ទៅ​លើ​មិត្តភក្ដិ ឬ​មនុស្ស​ទូទៅ​ក្នុង​សង្គម​ទេ សូម្បី​សាច់ញាតិ និង​ឪពុក​ម្តាយ​របស់​ពួកគេ ក៏​ទទួល​រង​នូវ​ទង្វើ​កាច​សាហាវ​របស់​ពួកគេ​ធ្ងន់ធ្ងរ​ដែរ។ លោក​បន្ត​ថា...

រាជបណ្ឌិត្យសភា​កម្ពុជា រិះគន់​ថា បើ​លើក​ក្មេង​ទំនើង​ឱ្យ​ធ្វើ​ជា​សន្តិសុខ​ភូមិ ឬ​ប្រជា​ការពារ​ភូមិ ក្រសួង​មាន​សមត្ថកិច្ច​ក៏​គួរតែ​លើក​ចោរ​ឱ្យ​ធ្វើ​ជា​ប៉ូលិស​ចាប់​ចោរ​ដែរ។ ប្រធាន​វិទ្យាស្ថាន​ទំនាក់ទំនង​អន្តរជាតិ​នៃ​រាជបណ្ឌិត្យសភា​កម្ពុជា បណ្ឌិត គិន ភា សរសេរ​លើ​ទំព័រ​ហ្វេសប៊ុក​របស់​ខ្លួន​នៅ​ថ្ងៃទី​៣ មីនា នេះ​ថា បើ​អាជ្ញាធរ​ឃុំ សង្កាត់ ស្រុក ក្រុង ខណ្ឌ ឬ​រាជធានី ខេត្ត​ណា​ដែល​គ្មាន​សមត្ថភាព​បង្ក្រាប​ក្មេង​ទំនើង ពួកគេ​គួរតែ​ចុះចេញ និង​លើក​ក្មេង​ទំនើង​ទាំងនោះ​ឱ្យ​ធ្វើ​ជា​មេ​ប៉ុស្តិ៍ អធិការ​ស្រុក ខណ្ឌ ឬ​ស្នងការ​រាជធានី-ខេត្ត​ជំនួស​វិញ មិន​ចាំបាច់​ឱ្យ​ធ្វើ​ត្រឹមតែ​ប្រជា​ការពារ​ភូមិ​នោះ​ទេ។ បណ្ឌិត...

ក្រុម​អ្នក​ឃ្លាំមើល​អបអរ​សាទរ​វិធានការ​ទប់ស្កាត់ និង​បង្ក្រាប​ក្មេង​ទំនើង​របស់​រដ្ឋាភិបាល​កម្ពុជា ប៉ុន្តែ​តើ​រដ្ឋាភិបាល​មាន​វិធានការ​បន្ទាប់​ក្នុង​ការ​ជួយ​អប់រំ​ក្មេង​ទាំងនោះ​ដែរ​ឬ​ក៏​អត់ ដើម្បី​បញ្ចៀស​យក​ក្មេង​ទាំងនោះ​ទៅ​ធ្វើ​ទារុណកម្ម ឬ​យក​ទៅ​ទុក​ចោល​នៅ​ពន្ធនាគារ ដែល​ជា​ហេតុ​ធ្វើ​ឱ្យ​បាត់បង់​អនាគត​របស់​ពួកគេ។ អ្នក​ផ្តល់​ប្រឹក្សា​យោបល់​ផ្នែក​អភិវឌ្ឍន៍​ផ្នត់គំនិត និង​ការ​ស្រាវជ្រាវ​លោក សេក សុជាតិ ប្រាប់​សារព័ត៌មាន The Cambodia Daily នៅ​ថ្ងៃទី​២៨ ឧសភា នេះ​ថា ដោយសារតែ​ក្មេង​ទាំងនោះ​មិន​ទទួល​បាន​ការ​អប់រំ​ប្រៀន​ប្រដៅ និង​ថែទាំ​ពេញលេញ ដូច្នេះ​ហើយ​បាន​ជា​ពួកគេ​ធ្លាក់​ខ្លួន​ទៅ​ជា​ក្មេង​ដែល​បង្ក​អសន្តិសុខ​ក្នុង​សង្គម​បែប​នេះ ដូច្នេះ​អាជ្ញាធរ និង​រដ្ឋាភិបាល គួរ​មាន​វិធានការ​អប់រំ​ក្មេង​ទាំងនោះ ដើម្បី​កែប្រែ​ពួកគេ​ឱ្យ​ទៅ​ជា​ក្មេង​ល្អ​ដែល​មាន​គុណភាព​សម្រាប់​កសាង​សង្គម​ជាតិ។ លោក សេក...

ពលរដ្ឋ​តាម​បណ្តា​ខេត្ត អំពាវនាវ​ឱ្យ​អាជ្ញាធរ​ថ្នាក់​ជាតិ ចាត់​វិធានការ​តឹងរ៉ឹង​លើ​អាជ្ញាធរ​មូលដ្ឋាន​ក្នុង​ការ​ទប់ស្កាត់ និង​បង្ក្រាប​សកម្មភាព​ក្មេង​ទំនើង​ឱ្យ​បាន​ម៉ឺងម៉ាត់ បន្ទាប់ពី​លោក ហ៊ុន ម៉ាណែត អំពាវនាវ​ឱ្យ​ស្ថាប័ន​អយ្យការ និង​ស្ថាប័ន​តុលាការ ចាត់​វិធានការ​អនុវត្ត​ច្បាប់​ឱ្យ​បាន​ម៉ឺងម៉ាត់​ចាត់ការ​លើ​សំណុំរឿង​ក្មេង​ទំនើង។ ពលរដ្ឋ​មួយ​ចំនួន​មកពី​ស្រុក​ជីក្រែង ខេត្ត​សៀមរាប ស្រុក​កណ្ដៀង ខេត្ត​ពោធិ៍សាត់ ស្រុក​ស្ទោង ខេត្ត​កំពង់ធំ ស្រុក​មោងឫស្សី ខេត្ត​បាត់ដំបង និង​ស្រុក​មង្គលបុរី ខេត្ត​បន្ទាយមានជ័យ បាន​នាំគ្នា​ប្រាប់​សារព័ត៌មាន The Cambodia Daily ក្នុង​លក្ខខណ្ឌ​មិន​បញ្ចេញ​ឈ្មោះ​នៅ​ថ្ងៃទី​២៤...