ក្រសួង​វប្បធម៌ និង​វិចិត្រ​សិល្បៈ

ក្រសួង​វប្បធម៌​កម្ពុជា ជំទាស់​ទៅ​នឹង​ក្រសួង​វប្បធម៌​ថៃ ដាច់អហង្ការ ពាក់ព័ន្ធ​នឹង​សកម្មភាព​នានា​ដែល​អាជ្ញាធរ​ថៃ បាន​អនុវត្ត​នៅ​តាម​តំបន់​ប្រាសាទ​តាមាន់ និង​ប្រាសាទ​តាក្របី ហើយ​កម្ពុជា​មិន​ព្រម​ទទួលយក​ការ​ជួសជុល ឬ​សកម្មភាព​ស្ដារ​ឡើងវិញ​ណា​មួយ​ដែល​ធ្វើ​ដោយ​ឯកតោភាគី​របស់​ថៃ ឡើយ បន្ទាប់ពី​ពួកគេ​ឈ្លានពាន​ចូល​ទៅ​កាន់កាប់​ដោយ​ខុស​ច្បាប់។ ក្រសួង​វប្បធម៌ និង​វិចិត្រសិល្បៈ បាន​ចេញ​សេចក្តី​ប្រកាស​ព័ត៌មាន នៅ​ថ្ងៃទី​៣ កុម្ភៈ នេះ​ថា កម្ពុជា​ប្ដេជ្ញាចិត្ត​ក្នុង​ការ​ការពារ និង​ថែរក្សា​បេតិកភណ្ឌ​វប្បធម៌​របស់​ខ្លួន ព្រមទាំង​កិច្ចសហប្រតិបត្តិការ​ដោយ​ផ្អែកលើ​ការ​គោរព​គ្នា​ទៅវិញ​ទៅមក ភាព​ស្រប​ច្បាប់ និង​គោលការណ៍​ដែល​ត្រូវ​បាន​គាំទ្រ​ដោយ​អង្គការ​អន្តរជាតិ។ រដ្ឋាភិបាល​កម្ពុជា បដិសេធ​ទាំងស្រុង​នូវ​ការ​ប្រើប្រាស់​កម្លាំង​ណា​មួយ​ប្រឆាំង​ទៅ​លើ​តំបន់​វប្បធម៌ និង​បុរាណវិទ្យា រួម​ទាំង​សកម្មភាព​ស្ដារ​ឡើងវិញ អភិរក្ស...

ក្រសួង​វប្បធម៌​កម្ពុជា ស្នើ​ឱ្យ​ភាគី​ថៃ បញ្ឈប់​សកម្មភាព​បំផ្លិចបំផ្លាញ និង​គម្រោង​សាងសង់​នានា​នៅ​ជុំវិញ​ប្រាសាទ​តាក្របី ដែល​ជា​កម្មសិទ្ធិ​ស្ថិត​ក្នុង​ដែនដី​ខ្មែរ ដោយ​ងាក​មក​រក​ការ​ដោះស្រាយ​បញ្ហា​ព្រំដែន​ក្រោម​លក្ខខណ្ឌ​សន្ធិសញ្ញា​បារាំង-សៀម ឆ្នាំ​១៩០៤ និង​ឆ្នាំ​១៩០៧ ដោយ​សន្តិវិធី​ជំនួស​វិញ។ ក្រសួង​វប្បធម៌ និង​វិចិត្រសិល្បៈ បាន​ចេញ​សេចក្តី​ថ្លែងការណ៍ ស្ដីពី​ការ​តវ៉ា​ចំពោះ​ការ​រំលោភ​បំពាន​របស់​ប្រទេស​ថៃ នៅ​ថ្ងៃទី​២២ មករា ដោយ​ប្រកាស​តវ៉ា​ប្រឆាំង​នឹង​សកម្មភាព​នានា​របស់​ថៃ នៅ​ប្រាសាទ​តាក្របី ទាំង​សកម្មភាព​ផ្ទាល់​មក​លើ​ប្រាង្គ​ប្រាសាទ និង​ការ​សាងសង់​ហេដ្ឋារចនាសម្ព័ន្ធ​នានា​ជិត​ប្រាសាទ​ផង​ដែរ។ ប្រភព​ដដែល​លើកឡើង​ថា ប្រាសាទ​តាក្របី ដែល​រង​ការ​បាញ់​បំផ្លាញ​ពី​យោធា​ថៃ ស្ទើរតែ​ខ្ទេច​រូបរាង​ទាំងស្រុង​កាលពី​ពេល​ថ្មីៗ​នេះ គឺជា​ទីតាំង​បុរាណ​ស្ថាន​អភិរក្ស​យ៉ាង​ខ្ជាប់ខ្ជួន​ដោយ​ស្ថាប័ន​វប្បធម៌​កម្ពុជា និង​ជា​ទីតាំង​គោរព​សក្ការៈ​ទៅ​តាម​ជំនឿ ប្រពៃណី...

ក្រសួង​វប្បធម៌​កម្ពុជា ប្រកាស​កាន់ទុក្ខ​ប្រាសាទ​តាក្របី ដែល​ជា​និមិត្តរូប​នៃ​វប្បធម៌​អរិយធម៌​ដ៏​រុងរឿង​របស់​ខ្មែរ ក្រោយពី​យោធា​ថៃ បំផ្លិចបំផ្លាញ​ធ្វើ​ឱ្យ​ខូចខាត​ទាំងស្រុង​ដោយ​ការ​បាញ់​ផ្លោង​កាំភ្លើងធំ​ជុំវិញ​សង្គ្រាម​ឈ្លានពាន​ទឹកដី​កម្ពុជា នា​ពេលនេះ។ ក្រសួង​វប្បធម៌ និង​វិចិត្រ​សិល្បៈ ចេញ​ថ្លែងការណ៍​នៅ​ថ្ងៃទី​១១ ធ្នូ ដោយ​ថ្កោលទោស​កងទ័ព​ថៃ ដាច់អហង្ការ ដែល​បាន​ប្រព្រឹត្ត​ទង្វើ​អសីលធម៌​មក​លើ​វិស័យ​វប្បធម៌​របស់​កម្ពុជា ព្រោះ​ទង្វើ​របស់​ថៃ ក្នុង​ពេលនេះ គឺជា​ឧក្រិដ្ឋកម្ម​ដ៏​ធ្ងន់ធ្ងរ​មក​លើ​បេតិកភណ្ឌ​មនុស្សជាតិ ដែល​ប្រឆាំង​នឹង​អនុសញ្ញា​ឆ្នាំ​១៩៥៤ និង​អនុសញ្ញា​ឆ្នាំ​១៩៧២។ ប្រភព​ដដែល​អះអាង​ថា បន្ទាប់ពី​ទទួល​រង​នូវ​ការ​វាយប្រហារ​ពី​សំណាក់​យោធា​ថៃ កាលពី​ថ្ងៃទី​៩ ខែ​ធ្នូ ឆ្នាំ​២០២៥ បណ្តាល​ឱ្យ​រូបរាង និង​រចនាសម្ព័ន្ធ​របស់​ប្រាសាទ​តាក្របី ជា​ទី​សក្ការៈ​របស់​កម្ពុជា...

ការ​ថែរក្សា​មរតក​វប្បធម៌ ទំនៀមទម្លាប់ និង​ប្រពៃណី គឺជា​កាតព្វកិច្ច​របស់​កូន​ខ្មែរ​គ្រប់​រូប មិន​ថា​ទោះ​ស្ថិត​នៅ​ទីណា​នោះ​ទេ។ សុភាសិត​ខ្មែរ​ពោល​ថា វប្បធម៌​រលត់​ជាតិ​រលាយ វប្បធម៌​ពណ្ណរាយ ជាតិ​ថ្កើងថ្កាន។ ត​ទៅ​នេះ សូម​លោក​អ្នក​ទស្សនា​កិច្ចសម្ភាសន៍​របស់​លោក តាំង សារ៉ាដា ជាមួយ​លោក អៀង ស៊ីធុល ដែល​ជា​គ្រូ​តូរ្យតន្ត្រី និង​ចម្រៀង​បែប​បុរាណ និង​ប្រពៃណី​ខ្មែរ ខណៈ​លោក​កំពុង​បង្រៀន​សិស្ស​ខ្មែរ​ក្នុង​សមាគម​ខ្មែរ​ទីក្រុង​ឡូវែល នៃ​រដ្ឋ​ម៉ាសាជូសេធ។

រដ្ឋាភិបាល​កម្ពុជា​ចេញ​អនុក្រឹត្យ​ស្ដីពី​ការ​អនុវត្ត​កម្មវិធី​ជាតិ​ជំនួយ​សង្គម​ផ្នែក​បណ្ដុះបណ្ដាល​ជំនាញ​វិជ្ជាជីវៈ​ដូនតា​សម្រាប់​យុវជន​មកពី​គ្រួសារ​ក្រីក្រ និង​គ្រួសារ​ងាយ​រង​នូវ​ហានិភ័យ ដើម្បី​ផ្តល់​ឱកាស​ស្មើៗ​គ្នា​ដល់​ពួកគេ​ក្នុង​ការ​ទទួល​បាន​ការ​អភិវឌ្ឍ​ជំនាញ និង​ឱកាស​ការងារ​កាន់តែ​ល្អ​ប្រសើរ​សម្រាប់​បង្កើន​ប្រាក់​ចំណូល និង​ជីវភាព​រស់នៅ។ យោង​តាម​អនុក្រឹត្យ​របស់​រាជរដ្ឋាភិបាល​ចុះ​ថ្ងៃទី​១៤ ខែ​វិច្ឆិកា ឆ្នាំ​២០២៣ នេះ បាន​បញ្ជាក់​ថា សិស្ស​ដែល​បាន​ចុះឈ្មោះ​ចូល​រៀន​ជំនាញ​វិជ្ជាជីវៈ​ដូនតា នឹង​ទទួល​បាន​ការ​សិក្សា​ដោយ​មិន​បង់​ថ្លៃ ទទួល​បាន​ប្រាក់​ឧបត្ថម្ភ​ប្រចាំ​ខែ​ចំនួន ២៨​ម៉ឺន​រៀល​ក្នុង​មួយ​ខែ ហើយ​ដែល​កម្មវិធី​សិក្សា​នេះ​មាន​ការ​សម្របសម្រួល​បណ្តុះបណ្តាល​ដោយ​ក្រសួង​វប្បធម៌ និង​វិចិត្រ​សិល្បៈ។ វគ្គ​សិក្សា​នេះ​មាន​រយៈពេល ៤​ខែ។ ក្នុង​ករណី​សិក្សា​នៅ​វេន​យប់ ឬ​ចុង​សប្តាហ៍ ប្រាក់​ឧបត្ថម្ភ​នឹង​ត្រូវ​កំណត់​ក្នុង​សៀវភៅ​គោល​ស្ដីពី​ការ​អនុវត្ត​កម្មវិធី។ សម្រាប់​ជំនាញ​វិជ្ជាជីវៈ​ផ្សេង​ទៀត ការ​ផ្តល់​ប្រាក់​ឧបត្ថម្ភ​មិន​ត្រូវ​លើស​ពី ១​លាន ២​សែន​រៀល​ក្នុង ១​វគ្គ​សិក្សា​នោះ​ទេ។ អនុក្រឹត្យ​ដដែល​បាន​លើកឡើង​ថា...