បណ្ឌិត ពៅ សូរពង្ស

សាស្ត្រាចារ្យ​ខាង​វិទ្យាសាស្ត្រ​នយោបាយ​ក្នុង​ប្រទេស​កាណាដា លើកឡើង​ថា ខ្មែរ​មិនមែន​កើតមក​ដើម្បី​បែកបាក់​ទេ តែ​កើតមក​ដើម្បី​ភាព​រឹងមាំ ការ​រួបរួម និង​ភាព​ក្លាហាន ព្រោះ​ខ្មែរ​មាន​ឈាមជ័រ​របស់​បុព្វបុរស​ដែល​ជា​អ្នក​កសាង​អាណាចក្រ​ដ៏​រុងរឿង។ សាស្ត្រាចារ្យ​ខាង​ផ្នែក​នយោបាយ និង​រដ្ឋបាល​សាធារណៈ​នៃ​សាកលវិទ្យាល័យ Ryerson ក្នុង​ប្រទេស​កាណាដា បណ្ឌិត ពៅ សូរពង្ស បាន​សរសេរ​លើ​គណនី​ហ្វេសប៊ុក​របស់​ខ្លួន​ជុំវិញ​ការ​បែកបាក់​សាមគ្គី​ជាតិ​អំឡុង​ពេល​សង្គ្រាម​កម្ពុជា-ថៃ នា​ពេលនេះ​ថា ខ្មែរ​ត្រូវតែ​ឈប់​ច្បាំង​ជាតិ​ឯង តែ​ត្រូវ​ជំនួស​ដោយ​ការ​ច្បាំង​សម្រាប់​គ្នា​ទៅវិញ​ទៅមក ដើម្បី​ឱ្យ​ក្លាយ​ជា​បេះដូង​នៃ​ប្រជាជាតិ​មួយ​ពិតប្រាកដ នោះ​ទើប​ក្លាយ​ជា​កម្លាំង​ដ៏​រឹងមាំ​សម្រាប់​ការពារ​ជាតិ។ សាស្ត្រាចារ្យ​នយោបាយ​រូប​នេះ​លើកឡើង​ថា ដើម្បី​កសាង​ជាតិ​ឱ្យ​ថ្លៃថ្នូរ និង​ស៊ីវិល័យ ខ្មែរ​ត្រូវ​ក្រោក​ឡើង​ដោយ​សេចក្តី​ថ្លៃថ្នូរ មិន​មែន​ដោយ​កំហឹង​ឡើយ ដែល​មាន​ន័យ​ថា...