ចរាចរណ៍

ក្រសួង​មហាផ្ទៃ បំភ្លឺ​ថា ចំណូល​ចំនួន ៧០% ដែល​មន្ត្រី​នគរបាល​ចរាចរណ៍​ផ្លូវគោក​ទទួល​បាន​ពី​ការ​ផាក​ពិន័យ​ចំពោះ​បទល្មើស​ច្បាប់​ចរាចរណ៍​ផ្លូវគោក ត្រូវ​បាន​ប្រើប្រាស់​ដើម្បី​ធានា​និរន្តរភាព​ការងារ​ជំនាញ​តែប៉ុណ្ណោះ មិនមែន​សម្រាប់​ដាក់​ហោប៉ៅ​មន្ត្រី​ដែល​អនុវត្ត​ច្បាប់​ចរាចរណ៍​តាម​ទីតាំង​នានា​នោះ​ឡើយ។ ការ​បំភ្លឺ​នេះ ជា​ការ​ឆ្លើយតប​នឹង​ការ​រិះគន់​ដែល​ថា តម្រួត​ចរាចរណ៍​ផ្លូវគោក ប្រឹង​ចេញ​បណ្ណ​ផាក​ពិន័យ​លើ​ពលរដ្ឋ មកពី​ការ​ទទួល​បាន​ភាគរយ​ពី​ការ​ផាក​ពិន័យ។ នាយកដ្ឋាន​នគរបាល​ចរាចរណ៍ និង​សណ្ដាប់ធ្នាប់​សាធារណៈ បាន​ចេញ​លិខិត​បំភ្លឺ​នៅ​ថ្ងៃទី​៧ ខែ​មេសា នេះ ដោយ​បដិសេធ​នូវ​ការ​រិះគន់​ទាំងឡាយ​ណា​ដែល​មិន​មាន​មូលដ្ឋាន​ច្បាស់លាស់​លើ​មន្ត្រី​នគរបាល​ចរាចរណ៍​ផ្លូវគោក។ ប្រភព​ដដែល អះអាង​ថា ចំណូល​ចំនួន ៧០% ដែល​មន្ត្រី​នគរបាល​ចរាចរណ៍​ផ្លូវគោក​ទទួល​បាន​ពី​ការ​ពិន័យ​អន្តរការណ៍​ចំពោះ​អំពើ​ល្មើស​នឹង​ច្បាប់​ស្ដីពី​ចរាចរណ៍​ផ្លូវគោក គឺ​សម្រាប់​ប្រើប្រាស់​ដើម្បី​ធានា​និរន្តរភាព​ការងារ​ជំនាញ​ប៉ុណ្ណោះ ដូចជា ការ​ជួសជុល​ថែទាំ​ឧបករណ៍ សម្ភារៈ​ជំនាញ...

អ្នក​ឃ្លាំមើល​លើកឡើង​ថា ការ​អនុវត្ត​ច្បាប់​ចរាចរណ៍​ឈរ​លើ​គោលការណ៍​ដាក់​ពិន័យ​ផ្សារភ្ជាប់​នឹង​ការ​អប់រំ ក្នុង​គោលដៅ​ប្រែ​ក្លាយ​ពី​ការ​ដាក់​ទោស មក​ជា​ការ​កែប្រែ​ឥរិយាបថ មាន​ប្រសិទ្ធភាព​ជាង​ការ​ផ្ដោត​ខ្លាំង​តែ​លើ​យន្តការ​ផាកពិន័យ​ជា​ប្រាក់​តែ​មួយ​មុខ។ អ្នក​ផ្តល់​ប្រឹក្សា​យោបល់​ផ្នែក​អភិវឌ្ឍន៍​ផ្នត់គំនិត និង​ការ​ស្រាវជ្រាវ លោក សេក សុជាតិ ប្រាប់​សារព័ត៌មាន The Cambodia Daily នៅ​ថ្ងៃទី​២៧ កុម្ភៈ ថា ការ​អនុវត្ត​ច្បាប់​ចរាចរណ៍​ផ្លូវគោក​ដោយ​ផ្ដោត​ខ្លាំង​តែ​លើ​យន្តការ​ផាកពិន័យ​ជា​ប្រាក់​តែ​មួយ​មុខ អាច​បង្ក​ឱ្យ​មាន​ផល​ប៉ះពាល់​ផ្សេងៗ ដូចជា ការ​បាត់បង់​ទំនុកចិត្ត​ពី​ពលរដ្ឋ​លើ​មន្ត្រី​អនុវត្ត​ច្បាប់ និង​ធ្វើ​ឱ្យ​ធ្លាក់​ចុះ​នូវ​ការ​អប់រំ​ផ្នែក​ច្បាប់​ទៅ​ដល់​ពលរដ្ឋ​ផង​ដែរ។ លោក សេក សុជាតិ លើកឡើង​ថា...

អភិបាល​រាជធានី​ភ្នំពេញ លោក ឃួង ស្រេង សម្រេច​បិទ​ចរាចរណ៍​ផ្លូវគោក​ក្នុង​ទីក្រុង​ភ្នំពេញ​ចំនួន ៥​ខ្សែ និង​ហាមឃាត់​ការ​ធ្វើ​ចរាចរណ៍​ផ្លូវទឹក​តាម​ដង​ទន្លេសាប ទន្លេមេគង្គ​លើ និង​ហាមឃាត់​ការ​បង្ហោះ​ខ្លែង និង​ឧបករណ៍​ថត​ដែល​បំពាក់​លើ​យន្តហោះ​បញ្ជា ឬ​ដ្រូន ក្នុង​ភូមិសាស្ត្រ​រាជធានី​ភ្នំពេញ​អំឡុង​ពេល​កិច្ចប្រជុំ​អាស៊ាន​ដែល​ចាប់​ដំណើរការ​នៅ​ថ្ងៃទី​១០ វិច្ឆិកា នេះ។ លោក ឃួង ស្រេង បាន​ចេញ​សេចក្តី​ជូនដំណឹង​កាលពី​ថ្ងៃទី​៤ វិច្ឆិកា ដែល​ត្រូវ​បាន​ផ្សព្វផ្សាយ​នៅ​ថ្ងៃទី​៩ វិច្ឆិកា នេះ​ថា ដើម្បី​ឱ្យ​កិច្ចប្រជុំ​អាស៊ាន​លើក​ទី​៤០ និង​លើក​ទី​៤១ ដែល​នឹង​ចាប់ផ្តើម​ដំណើរការ​នៅ​ថ្ងៃ​ព្រហស្បតិ៍​នេះ​ប្រព្រឹត្ត​ទៅ​ដោយ​រលូន...

អ្នក​នាំពាក្យ​នៃ​ស្នងការដ្ឋាន​នគរបាល​រាជធានី​ភ្នំពេញ បាន​បដិសេធ​ព័ត៌មាន​ដែល The Cambodia Daily បាន​ចុះផ្សាយ​ថា សកម្មភាព​សមត្ថកិច្ច​នគរបាល​ដាក់​ពង្រាយ​អនុវត្ត​ច្បាប់​ចរាចរណ៍​ផ្លូវគោក​នៅ​កម្ពុជា ធ្វើឡើង​ដើម្បី​រក​ប្រាក់​ចំណូល​ចូល​ហោប៉ៅ ជាជាង​ការ​ចុះ​ពង្រឹង​ការ​អនុវត្ត​ច្បាប់​ចរាចរណ៍​ឲ្យ​មាន​ប្រសិទ្ធភាព។ ស្នងការដ្ឋាន​នគរបាល​រាជធានី​ភ្នំពេញ បាន​សរសេរ​លើ​បណ្ដាញ​សង្គម Facebook របស់​ខ្លួន​នៅ​ថ្ងៃ​ទី​២៧ ខែ​កញ្ញា ដោយ​ភ្ជាប់​រូបភាព print screen របស់​គេហទំព័រ​សារព័ត៌មាន The Cambodia Daily ថា​បាន​ផ្សព្វផ្សាយ​ព័ត៌មាន​មិន​ពិត ជាពិសេស​គឺ​ការ​ចុះផ្សាយ​មាន​លក្ខណៈ​ប្រមាថ​លើ​មន្ត្រី​អនុវត្ត​ច្បាប់​ដែល​គ្មាន​មូលដ្ឋាន​ច្បាស់លាស់ ដែល​ធ្វើ​ឱ្យ​ប៉ះពាល់​យ៉ាង​ធ្ងន់ធ្ងរ​ដល់​កិត្តិយស​របស់​កងកម្លាំង​នគរបាល​ជាតិ។ The Cambodia...

មន្ត្រី​រាជការ​ថ្នាក់​ទាប និង​សាធារណជន​សម្ដែង​ការ​ហួសចិត្ត​កាលបើ​ពិនិត្យ​ឃើញ​ថា សកម្មភាព​របស់​សមត្ថកិច្ច​នគរបាល​ដែល​ដាក់​ពង្រាយ​ការ​ត្រួតពិនិត្យ និង​អនុវត្ត​ច្បាប់​ចរាចរណ៍​ផ្លូវគោក​នៅ​ទូទាំង​ប្រទេស​កម្ពុជា ជាពិសេស​នៅ​រាជធានី​ភ្នំពេញ​រាល់​ថ្ងៃ​នេះ ធ្វើឡើង​តែ​ដើម្បី​រក​ប្រាក់ចំណូល​ចូល​ហោប៉ៅ ជាជាង​ការ​ចុះ​ពង្រឹង​ការ​អនុវត្ត​ច្បាប់​ចរាចរណ៍​ផ្លូវគោក​ឲ្យ​មាន​ប្រសិទ្ធភាព។ មន្ត្រី​រាជការ និង​ពលរដ្ឋ​មួយ​ចំនួន​បាន​ប្រាប់​សារព័ត៌មាន The Cambodia Daily តាម Messenger Facebook នៅ​ថ្ងៃ​សុក្រ ទី​២៤ ខែ​កញ្ញា នេះ​ថា ជា​រៀងរាល់​ថ្ងៃ​គេ​សង្កេត​ឃើញ​មន្ត្រី​នគរបាល​ចរាចរណ៍​ផ្លូវគោក​ដែល​ដាក់​ពង្រាយ​កម្លាំង​នៅ​តាម​ផ្លូវ​ជាតិ​នានា ឬ​នៅ​តាម​ទីប្រជុំជន​ក្នុង​រាជធានី-ខេត្ត​ទូទាំង​ប្រទេស គឺ​បាន​យក​ការងារ​ចុះ​ពង្រឹង​ច្បាប់​ចរាចរណ៍​ផ្លូវគោក​នេះ​សម្រាប់​តែ​រក​ប្រាក់ចំណូល​ប្រចាំ​ថ្ងៃ ដើម្បី​ចែក​គ្នា​ចាយ​តែប៉ុណ្ណោះ។ ពលរដ្ឋ​បាន​ថ្លែង​ថា ជានិច្ចកាល ពួកគាត់​តែង​ឃើញ​មន្ត្រី​នគរបាល​នៅ​តាម​គោលដៅ​នីមួយៗ​បាន​ឃុបឃិត​ជាមួយ​ម្ចាស់​យានយន្ត​ល្មើស​ច្បាប់​ចរាចរណ៍​មួយ​ចំនួន...

ក្រុម​អ្នក​ឃ្លាំមើល​សិទ្ធិមនុស្ស​នៅ​កម្ពុជា អះអាង​ថា ករណី​ប្រើ​អំពើ​ហិង្សា​ធ្ងន់ធ្ងរ​លើ​អ្នក​ធ្វើ​ដំណើរ​ជា​ស្ត្រី​ពី​សំណាក់​មន្ត្រី​នគរបាល​ចរាចរណ៍​ផ្លូវគោក ដែល​បណ្តាល​ឱ្យ​របួស​ធ្ងន់ធ្ងរ​នោះ ថា​ត្រូវតែ​កែលំអ​ក្រុម​មន្ត្រី​ទាំងនោះ​ជាបន្ទាន់ និង​មាន​វិធានការ​ផ្លូវច្បាប់​ជាក់លាក់​ដើម្បី​ធានា​ដល់​សុវត្ថិភាព​របស់​ពលរដ្ឋ​គ្រប់​រូប។ សារ​រិះគន់​របស់​អ្នកស្រី ចក់ សុភាព នាយក​ប្រតិបត្តិ​មជ្ឈមណ្ឌល​សិទ្ធិមនុស្ស​កម្ពុជា ហៅ​កាត់​ថា CCHR ធ្វើ​ឡើង​បន្ទាប់ពី​មាន​ករណី​ហិង្សា​មួយ​កើតឡើង​លើ​ស្ត្រី​ខ្មែរ​ម្នាក់​ពី​សំណាក់​នគរបាល​ចរាចរណ៍ ដែល​បាន​ដាក់​ពង្រាយ​កម្លាំង​អនុវត្ត​ច្បាប់​ចរាចរណ៍​ផ្លូវគោក​ដើម្បី​ត្រួតពិនិត្យ​ការ​បើកបរ​ខុស​បច្ចេកទេស​កាលពី​ពេល​ថ្មីៗ​នេះ។ អ្នកស្រី ចក់ សុភាព បាន​សរសេរ​លើ​គណនី Facebook របស់​ខ្លួន​នៅ​ថ្ងៃ​ទី​៩ ខែ​កញ្ញា ឆ្នាំ​២០២១ ថា ការ​ដាក់​កម្លាំង​អនុវត្ត​ច្បាប់​ចរាចរណ៍​ផ្លូវគោក​គួរតែ​កែសម្រួល​ឡើងវិញ ដើម្បី​សុវត្ថិភាព​របស់​ពលរដ្ឋ​គ្រប់​គ្នា ព្រោះថា​មន្ត្រី​មួយ​ចំនួន​មិន​បាន​គោរព​វិជ្ជាជីវៈ...