TAG
តំបន់ការពារពាមក្រសោប
អង្គការចលនាមាតាធម្មជាតិអំពាវនាវឱ្យសាធារណជនចូលរួមការពារព្រៃកោងកាងដែលប្រឈមបាត់បង់
អង្គការចលនាមាតាធម្មជាតិ អំពាវនាវទៅសាធារណជនឲ្យចូលរួមជាមួយពួកគេដើម្បីការពារព្រៃកោងកាង ដែលកំពុងប្រឈមនឹងការបាត់បង់ បន្ទាប់ពីលោក ហ៊ុន សែន បានកាត់ផ្ទៃដីទំហំជាង ៦ពាន់ហិកតារចេញពីតំបន់ការពារដែនជម្រកសត្វព្រៃពាមក្រសោប មានទីតាំងជាប់មាត់សមុទ្រនៃខេត្តកោះកុង។
បើតាមអង្គការចលនាមាតាធម្មជាតិ បានសរសេរលើហ្វេសប៊ុកនាថ្ងៃទី១៥ ខែសីហា ឲ្យដឹងថា តំបន់ដែនជម្រកសត្វព្រៃពាមក្រសោប មានទីតាំងជាប់មាត់សមុទ្រនៃខេត្តកោះកុង ជាតំបន់កំណប់ទ្រព្យនៃព្រៃកោងកាងធំជាងគេនៅអាស៊ី ប៉ុន្តែព្រៃកោងកាងធំបំផុតនៅស្រុកខ្មែរបច្ចុប្បន្នកំពុងប្រឈមបាត់បង់ដោយសារតែលោក ហ៊ុន សែន ចេញអនុក្រឹត្យមួយកាលពីថ្ងៃទី១៧ ខែកក្កដា ឆ្នាំ២០២៣ កាត់ផ្ទៃដីទំហំជាង ៦៧០០ហិកតារ (៦៧៦៨ហិកតារ)...