TAG
ឃាតកម្ម
ភរិយាសពឧកញ៉ា ខូវ ជឺលី ដែលជាប់ទោស២០ឆ្នាំរឿងប៉ុនប៉ងឃាតកម្មត្រូវបានលើកលែងទោសតាមសំណើនាយករដ្ឋមន្ត្រី
ព្រះមហាក្សត្រព្រះបាទ នរោត្តម សីហមុនី បានត្រាស់បង្គាប់លើកលែងទោសដល់អ្នកស្រី សេង ច័ន្ទដា ហៅ ខូវ ច័ន្ទដា ភរិយាក្រោយរបស់សពឧកញ៉ា ខូវ ជឺលី ដែលស្ថាប័នតុលាការតាំងពីសាលាដំបូងរហូតដល់កំពូល សម្រេចផ្ដន្ទាទោសដាក់ពន្ធនាគារ ២០ឆ្នាំ ពាក់ព័ន្ធសំណុំរឿង «ប៉ុនប៉ងឃាតកម្ម» ឲ្យមានសេរីភាពវិញ តាមសេចក្ដីក្រាបបង្គំទូលថ្វាយរបស់លោក ហ៊ុន ម៉ាណែត នាយករដ្ឋមន្ត្រី។
យោងតាមព្រះរាជក្រឹត្យចុះថ្ងៃទី១១ ខែតុលា ឆ្នាំ២០២៣...
សាធារណជនរិះគន់មន្ត្រីជាន់ខ្ពស់រដ្ឋាភិបាលថារឿងចោរឆក់ប្លន់ឃាតកម្មនិងក្មេងទំនើងជារឿងកំប៉ិកកំប៉ុក
សកម្មជនសិទ្ធិមនុស្ស និងអ្នកប្រើប្រាស់បណ្ដាញសង្គម រិះគន់មន្ត្រីជាន់ខ្ពស់របស់រដ្ឋាភិបាលដែលចាត់ទុកករណីចោរឆក់ ចោរប្លន់ ឃាតកម្ម ក្មេងទំនើង ឬករណីគ្រោះថ្នាក់ចរាចរណ៍ ថាជារឿងកំប៉ិកកំប៉ុក។ មហាជនទូទៅអះអាងថា បញ្ហាអសន្តិសុខសង្គមនេះហើយដែលធ្វើឲ្យភ្ញៀវទេសចរបរទេសខ្លាចរអាក្នុងការមកលេងប្រទេសកម្ពុជា។
ប្រតិកម្មនេះ ធ្វើឡើងបន្ទាប់ពីប្រធានអង្គភាពអ្នកនាំពាក្យរាជរដ្ឋាភិបាល លោក ប៉ែន បូណា បានប្រាប់សារព័ត៌មានក្នុងស្រុកថា ប្រទេសជឿនលឿនគេចាត់ទុកបញ្ហាអសន្តិសុខសង្គមមួយចំនួនជារឿងកំប៉ិកកំប៉ុក មិនពង្រីកឲ្យធំឡើយ។ បញ្ហាអសន្តិសុខសង្គម ដូចជាករណីចោរលួច ចោរប្លន់ ឃាតកម្ម ក្មេងទំនើង ឬករណីគ្រោះថ្នាក់ចរាចរណ៍ជាដើមនោះ កំពុងកើតឡើងក្នុងប្រទេសកម្ពុជានាពេលបច្ចុប្បន្ននេះ...
សមត្ថកិច្ចឃាត់ខ្លួនជនជាតិវៀតណាម១១នាក់ករណីបាញ់សម្លាប់បុរសជនជាតិវៀតណាមម្នាក់ទៀត
សមត្ថកិច្ចរាជធានីភ្នំពេញ ឃាត់ខ្លួនជនជាតិវៀតណាម ១១នាក់ពាក់ព័ន្ធនឹងករណីបាញ់សម្លាប់ជនជាតិវៀតណាមដូចគ្នាម្នាក់កាលពីថ្ងៃទី២៩ ខែកក្កដា នៅទល់មុខផ្សារហេងលី ក្នុងសង្កាត់ទឹកថ្លា ខណ្ឌសែនសុខ រាជធានីភ្នំពេញ។
អ្នកនាំពាក្យស្នងការដ្ឋាននគរបាលរាជធានីភ្នំពេញ លោក សាន សុខសីហា បានប្រាប់សារព័ត៌មានរបស់រដ្ឋាភិបាល Fresh News ថា សមត្ថកិច្ចឃាត់ខ្លួនជនជាតិវៀតណាមទាំង ១១នាក់នេះនៅម្ដុំផ្សារហេងលី ក្នុងសង្កាត់ទឹកថ្លា ខណ្ឌសែនសុខ រាជធានីភ្នំពេញ។
ក្រោយពីឃាត់ខ្លួនបាននោះ លោកថាសមត្ថកិច្ចកំពុងធ្វើការសួរចម្លើយជនជាតិវៀតណាមទាំង ១១នាក់នៅនាយកដ្ឋានព្រហ្មទណ្ឌក្រសួងមហាផ្ទៃ ប៉ុន្តែយ៉ាងណា គិតមកដល់ពេលនេះ...
ឈាមដែលហូរចេញពីខ្លួនបណ្ឌិត កែម ឡី គឺជាឈាមតំណាងឱ្យយុត្តិធម៌សង្គម
ក្រុមយុវជនបរិស្ថាន និងតំណាងអង្គការក្រៅរដ្ឋាភិបាល លើកឡើងថា ឈាមក្រហមឆ្អិនឆ្អៅដែលបានហូរចេញពីខ្លួនបណ្ឌិត កែម ឡី គឺជាឈាមនៃការពិត តំណាងឲ្យយុត្តិធម៌សង្គម និងបានដាស់ស្មារតីយុវជនឱ្យចេះស្រឡាញ់ជាតិ បើទោះបីជារូបលោកបានឃ្លាតឆ្ងាយពីជនរួមជាតិខ្មែរទៅហើយក្តី។
ក្រុមយុវជនបរិស្ថាន រួមជាមួយអង្គការសង្គមស៊ីវិល បានប្រារព្ធពិធីរំលឹកខួប ៧ឆ្នាំនៃការបាញ់សម្លាប់បណ្ឌិត កែម ឡី នៅថ្ងៃទី១០ ខែកក្កដា ឆ្នាំ២០២៣ នៅស្តុបស្តារម៉ាត កាល់តិច ក្រោមប្រធានបទ «ឈាមនៃការពិត» ដោយអាននូវលិខិតចំហរបស់ពួកគេជាសាធារណៈនៅថ្ងៃទី១០ កក្កដា...
ក្រុមយុវជនស្នើក្រសួងយុត្តិធម៌បន្តជំរុញឱ្យស៊ើបអង្កេតឯករាជ្យករណីឃាតកម្មលោក ឈុត វុទ្ធី
ក្រុមយុវជនស្រឡាញ់បរិស្ថាន ស្នើឲ្យក្រសួងយុត្តិធម៌បន្តជំរុញទៅស្ថាប័នអយ្យការឲ្យស៊ើបអង្កេតដោយឯករាជ្យលើករណីឃាតកម្មលើលោក ឈុត វុទ្ធី ដើម្បីស្វែងរកអ្នកផ្តើមគំនិត និងអ្នកពាក់ព័ន្ធឲ្យមកទទួលខុសត្រូវចំពោះមុខផ្លូវច្បាប់ បន្ទាប់ពីក្រុមគ្រួសារទទួលរងនូវភាពអយុត្តិធម៌អស់រយៈពេល ១១ឆ្នាំ។
យុវជនប្រមាណ ២០នាក់នៅថ្ងៃព្រឹកពុធ ទី២៦ មេសា នេះ បាននាំគ្នាធ្វើដំណើរដោយថ្មើរជើងពីសួនវត្តបទុមវតី ឆ្ពោះទៅក្រសួងយុត្តិធម៌ ដើម្បីដាក់ញត្តិទាមទារយុត្តិធម៌សម្រាប់គ្រួសារ និងលោក ឈុត វុទ្ធី។
ការដើរថ្មើរជើងរបស់ក្រុមយុវជនអមជាមួយនឹងរូបថតភ្ជាប់ជាមួយសារ «យុត្តិធម៌គង់តែមានសម្រាប់លោក ឈុត វុទ្ធី»។
ក្រៅពីសរសេរសារភ្ជាប់នឹងរូបថតហើយ ពួកគេក៏បានសរសេរអក្សរនៅលើអាវខ្លួនថា «ខ្ញុំជា ឈុត...
ព្រះមហាក្សត្រលើកលែងទោសអតីតអភិបាលខេត្តតាកែវដែលជាប់ចោទពីបទមនុស្សឃាត
ព្រះមហាក្សត្រខ្មែរសម្រេចលើកលែងទោសអតីតអភិបាលខេត្តតាកែវ លោក ឡាយ វណ្ណៈ បន្ទាប់ពីមានការស្នើសុំពីលោកនាយករដ្ឋមន្ត្រី ហ៊ុន សែន បើទោះបីជាជនជាប់ចោទរូបនេះត្រូវបានតុលាការកំពូលកាត់ទោសឱ្យជាប់ពន្ធនាគារ ១៣ឆ្នាំ ពីបទមនុស្សឃាត និងបានអនុវត្តទោសត្រឹមតែជាង ៥ឆ្នាំក៏ដោយ។
ព្រះមហាក្សត្រខ្មែរសម្តេចព្រះបាទ នរោត្តម សីហមុនី បានចេញព្រះរាជក្រឹត្យចុះថ្ងៃទី៦ ខែមេសា ឆ្នាំ២០២៣ ត្រាស់បង្គាប់ឱ្យលើកលែងទោសអតីតអភិបាលខេត្តតាកែវ លោក ឡាយ វណ្ណៈ ដែលត្រូវបានតុលាការកំពូលសម្រេចផ្ដន្ទាទោសដាក់ពន្ធនាគាររយៈពេល ១៣ឆ្នាំកាលពីចុងខែធ្នូ ឆ្នាំ២០២១...
លោក សម រង្ស៊ី ចោទលោក ហ៊ុន សែន ថាជាឃាតករសម្លាប់ប្អូនថ្លៃនិងក្មួយខ្លួនឯង
អតីតមេដឹកនាំបក្សប្រឆាំងលោក សម រង្ស៊ី ចោទមេដឹកនាំបក្សកាន់អំណាចលោក ហ៊ុន សែន ថាជាឃាតករសម្លាប់ប្អូនថ្លៃ និងក្មួយប្រុសស្រីខ្លួនឯងក្រៅប្រព័ន្ធច្បាប់ ដែលបង្កទៅជាអំពើនិទ្ទណ្ឌភាពនៅកម្ពុជាអស់រយៈពេលរាប់សិបឆ្នាំក្រោមអំណាចដ៏ឃោរឃៅរបស់គាត់។
លោក សម រង្ស៊ី បានសរសេរលើទំព័រហ្វេសប៊ុករបស់លោកនៅថ្ងៃទី២៨ កុម្ភៈ នេះថា មេដឹកនាំខ្មែរបាតដៃប្រឡាក់ឈាមលោក ហ៊ុន សែន បានសម្លាប់ទាំងប្អូនថ្លៃរបស់ខ្លួន គឺលោក កូវ សាមុត ព្រមទាំងកូនប្រសារបស់លោក កូវ សាមុត...
ក្រុមឃ្លាំមើល៖ និទ្ទណ្ឌភាពនៅកម្ពុជានឹងបន្តកើតមាននៅថ្ងៃមុខ បើពលរដ្ឋមិនចូលរួមលុបបំបាត់
អ្នកឃ្លាំមើលនិយាយថា អំពើនិទ្ទណ្ឌភាពនៅកម្ពុជានឹងនៅតែបន្តកើតមានទៅថ្ងៃមុខ ប្រសិនបើពលរដ្ឋមិនចូលរួមលុបបំបាត់ និងមិនឱ្យតម្លៃលើវីរភាពរបស់អ្នកដែលតស៊ូដើម្បីសិទ្ធិសេរីភាពសម្រាប់សង្គមជាតិ និងអំពាវនាវឲ្យរដ្ឋាភិបាលវែកមុខរកឃាតករពិតយកមកផ្ដន្ទាទោស ដើម្បីផ្តល់យុត្តិធម៌ជូនអតីតប្រធានសហជីពសេរីកម្មករលោក ជា វិជ្ជា ទេនោះ។
អតីតតំណាងសហជីពសេរីកម្មករ និងជាប្រធានសមាគមសេដ្ឋកិច្ចប្រជាធិបតេយ្យឯករាជ្យក្រៅប្រព័ន្ធ (IDEA) លោក វន់ ពៅ ប្រាប់សារព័ត៌មាន The Cambodia Daily នៅថ្ងៃទី២៣ មករា នេះថា អស់រយៈពេលជិត ២០ឆ្នាំហើយ ឃាតកម្មក្រៅប្រព័ន្ធច្បាប់លើលោក...
អតីតនាយករដ្ឋមន្ត្រីប៉ាគីស្ថានរងការបាញ់ប្រហារដែលនាំឱ្យមានការរំឭកពីការបាញ់សម្លាប់អ្នកស្រី Benazir Bhutto
ឃាតកម្មនយោបាយ និងគំនុំនយោបាយនៅប្រទេសប៉ាគីស្ថាន ទៅលើមេដឹកនាំកំពូលៗ គឺជារឿងផុយស្រួយបំផុត។ ប្រទេសអាស៊ីខាងត្បូងមួយនេះ បានដើរឆ្លងកាត់រដ្ឋប្រហារ និងការកាត់ទោសមេដឹកនាំកំពូលក៏ជារឿងងាយបំផុត។
តុលាការកំពូលរបស់ប្រទេសនេះហ៊ានជល់ជាមួយប្រធានាធិបតី និងនាយករដ្ឋមន្ត្រី ឲ្យតែស្រាវជ្រាវរកឃើញកំហុសរំលោភរដ្ឋធម្មនុញ្ញ និងករណីពុករលួយ ក្បត់ជាតិ ដែលកន្លងមកមេដឹកនាំនយោបាយកំពុងកាន់អំណាចជាច្រើននាក់ហើយត្រូវបានតុលាការរបស់ប្រទេសនេះកាត់ទោស ហើយរុញឲ្យធ្លាក់ពីអំណាចតែម្ដង។
ជាក់ស្ដែង នាយករដ្ឋមន្ត្រី Imran Khan បានខ្ទាតចេញពីអំណាចកាលពីខែមេសា ឆ្នាំ២០២២ ដោយញត្តិស្ដីបន្ទោសលោកធ្លាក់ចូលរដ្ឋសភា គឺមួយថ្ងៃបន្ទាប់ពីតុលាការកំពូលចេញដីកាបង្គាប់ឲ្យសភាបោះឆ្នោតសម្ដែងសេចក្ដីទុកចិត្តលោកជាថ្មីមានឋានៈនាយករដ្ឋមន្ត្រី។
នៅពេលនោះ សភាក្រុមប្រឆាំងប្រមូលកម្លាំងគ្នាក៏រុញលោកធ្លាក់ពីអំណាចតែម្ដង ដោយសារគេបន្ទោសលោកថាដឹកនាំប្រទេសកើនបំណុលគរដូចភ្នំ ហើយភាគច្រើនជាប់បំណុលរបស់ចិន។ លើសពីនេះទៅទៀតនោះ...
សង្គមស៊ីវិលជំរុញឱ្យអាជ្ញាធរចាប់ឧក្រិដ្ឋជនដែលសម្លាប់អ្នកកាសែតដើម្បីបញ្ចប់និទ្ទណ្ឌភាព
សង្គមស៊ីវិលធ្វើការលើកកម្ពស់សេរីភាពសារព័ត៌មាន និងសិទ្ធិមនុស្សជាង ៣០ស្ថាប័ន ជំរុញឲ្យអាជ្ញាធរកម្ពុជាមានវិធានការបើកការស៊ើបអង្កេត និងចាប់ឧក្រិដ្ឋជនសម្លាប់អ្នកសារព័ត៌មានមកផ្ដន្ទាទោស ដើម្បីបញ្ចប់និទ្ទណ្ឌភាពលើឧក្រិដ្ឋកម្មប្រឆាំងអ្នកសារព័ត៌មាននៅកម្ពុជា។
ការជំរុញនេះ ធ្វើឡើងតាមរយៈសេចក្ដីថ្លែងការណ៍រួមមកពីស្ថាប័នសារព័ត៌មាន និងសិទ្ធិមនុស្សចំនួន ៣២ស្ថាប័ន ដែលបានចេញផ្សាយក្នុងឱកាសទិវាអន្តរជាតិដើម្បីបញ្ចប់និទ្ទណ្ឌភាពលើឧក្រិដ្ឋកម្មប្រឆាំងអ្នកសារព័ត៌មាន នាថ្ងៃទី២ ខែវិច្ឆិកា ឆ្នាំ២០២២។
ស្ថាប័នព័ត៌មាន និងសិទ្ធិមនុស្សទាំង ៣២ស្ថាប័ន ក្នុងនោះមានសមាគមការពារសិទ្ធិមនុស្សអាដហុក និងមជ្ឈមណ្ឌលសិទ្ធិមនុស្សកម្ពុជា មជ្ឈមណ្ឌលកម្ពុជាដើម្បីប្រព័ន្ធផ្សព្វផ្សាយឯករាជ្យ សមាគមសម្ព័ន្ធអ្នកសារព័ត៌មានកម្ពុជា ព្រមទាំងសមាគមការពារអ្នកកាសែតកម្ពុជា ជាដើម។
បើតាមសេចក្ដីថ្លែងការណ៍រួម បានលើកឡើងថា អាជ្ញាធរ និងរដ្ឋាភិបាលកម្ពុជាបានខកខានក្នុងការនាំយកជនល្មើសដែលប្រព្រឹត្តឧក្រិដ្ឋកម្មប្រឆាំងអ្នកសារព័ត៌មានមកផ្ដន្ទាទោសជាយូរមកហើយ។...