Yoon Suk Yeol

នាយករដ្ឋមន្ត្រី​ជប៉ុន លោក Fumio Kishida ដែល​បាន​ទៅ​ធ្វើ​ទស្សនកិច្ច​នៅ​កូរ៉េខាងត្បូង កាលពី​ថ្ងៃ​អាទិត្យ ទី​៧ ឧសភា ត្រូវ​បាន​មើល​ឃើញ​ថា ទីក្រុង​តូក្យូ និង​ក្រុង​សេអ៊ូល ព្យាយាម​ផ្សះផ្សា​ទំនាក់ទំនង​ឡើងវិញ​នៅ​ចំពោះ​មុខ​ការ​គំរាមកំហែង​កាន់តែ​ខ្លាំង​ពី​រដ្ឋ​កុម្មុយនីស្ត​ផ្ដាច់ការ​នៅ​ក្រុង​ព្យុងយ៉ាង។ ទីភ្នាក់ងារ​ព័ត៌មាន AFP បាន​ចុះផ្សាយ​ថា យន្តហោះ​របស់​លោក Kishida បាន​ចុះ​ចត​នៅ​ឯ​អាកាសយានដ្ឋាន​ក្នុង​ទីក្រុង Seongnam ក្បែរ​រដ្ឋធានី​សេអ៊ូល ដែល​ជា​ការ​ចាប់ផ្តើម​ដំណើរ​បំពេញ​ទស្សនកិច្ច​ផ្លូវការ​លើកដំបូង ធ្វើឡើង​ដោយ​នាយករដ្ឋមន្ត្រី​ជប៉ុន ទៅ​កាន់​ប្រទេស​កូរ៉េខាងត្បូង ក្នុង​បំណង​បង្ហាញ​កម្លាំង​រួម​គ្នា​ទប់ទល់​នឹង​ការ​បង្ក​រឿង​គំរាម​ផ្ទុះ​សង្គ្រាម​ពី​សំណាក់​កូរ៉េខាងជើង។ ការ​ទៅ​ដល់​ក្រុង​សេអ៊ូល របស់​លោក...