26 C
Phnom Penh

TAG

កម្មករ

ក្រុម​កូដករ​ណាហ្គា​វើលដ៍​ថា​ប្រព័ន្ធ​យុត្តិធម៌​កម្ពុជា​មិន​ការពារ​សិទ្ធិ​សហជីព​និង​កម្មករ

ក្រុម​កូដករ​ណាហ្គា​វើលដ៍ ព្រមាន​ថា ប្រព័ន្ធ​យុត្តិធម៌​កម្ពុជា​មិន​បាន​ការពារ​សិទ្ធិ​សហជីព និង​កម្មករ​និយោជិត​ទេ​ក្នុង​វិវាទ​រវាង​កម្មករ និង​ថៅកែ​ក្រុមហ៊ុន​ណាហ្គា​វើលដ៍​អស់​រយៈពេល​ជាង ២​ឆ្នាំ​មក​នេះ ខណៈ​រដ្ឋាភិបាល​បាន​ផ្តល់​សិទ្ធិ និង​អំណាច​គ្រប់​បែប​យ៉ាង​ឲ្យ​ថៅកែ​ក្រុមហ៊ុន​បញ្ឈប់​បុគ្គលិក​តាម​អំពើ​ចិត្ត។ សហជីព​ទ្រទ្រង់​សិទ្ធិ​ការងារ​បុគ្គលិក​កម្មករ​ខ្មែរ​នៃ​ក្រុមហ៊ុន​ណាហ្គា​វើលដ៍ បាន​ចេញ​លិខិត​ចំហ​មួយ​កាលពី​ថ្ងៃទី​១៩ ខែ​កុម្ភៈ ឆ្នាំ​២០២៤ នេះ​ថា វិវាទ​ការងារ​រវាង​កម្មករ​និយោជិត និង​ថៅកែ​ក្រុមហ៊ុន​ណាហ្គា​វើលដ៍​បាន​អូស​បន្លាយ​អស់​រយៈពេល ៧៩២​ថ្ងៃ​ហើយ បើ​ទោះបីជា​ភាគី​កម្មករ​និយោជិត​ព្យាយាម​រក​ដំណោះស្រាយ និង​ព្យាយាម​ស្វែងរក​កិច្ច​អន្តរាគមន៍​ពី​ភាគី​ពាក់ព័ន្ធ ព្រមទាំង​ស្ថាប័ន​រដ្ឋ​ហើយ​ក៏ដោយ តែ​ផ្ទុយទៅវិញ គឺ​មាន​តែ​ការ​ជំរុញ​ឲ្យ​កម្មករ​និយោជិត​ចុះហត្ថលេខា​បញ្ចប់​កិច្ចសន្យា​ការងារ ដោយ​ទទួល​ស្គាល់​ថា​ថៅកែ​ក្រុមហ៊ុន​មាន​សិទ្ធិ​បញ្ឈប់​កម្មករ​គ្រប់​ពេល បើ​ទោះបីជា​ការ​បញ្ឈប់​នោះ​មិន​អនុលោម​តាម​ស្មារតី​នៃ​ច្បាប់​របស់​កម្ពុជា​ក៏ដោយ។ សហជីព​ទ្រទ្រង់​សិទ្ធិ​កម្មករ​មួយ​នេះ​រៀបរាប់​ថា ចាប់តាំងពី​ខែ​ឧសភា ឆ្នាំ​២០២២...

ក្រុម​កូដករ​នៃ​ក្រុមហ៊ុន​ណាហ្គា​វើលដ៍​ថា​ពួកគេ​ជា​ទាសករ​ក្នុង​ប្រព័ន្ធ​ដឹកនាំ​សម័យ​ទំនើប

ក្រុម​កូដករ​ក្រុមហ៊ុន​ណាហ្គា​វើលដ៍​រាប់​សិប​នាក់ លើកឡើង​ថា ការ​មិន​ដោះស្រាយ​វិវាទ​បុគ្គលិក​ក្រុមហ៊ុន​ណាហ្គា​វើលដ៍ ដែល​រង​ការ​រំលោភ​បំពាន​សិទ្ធិ​ការងារ​ជាង ២​ឆ្នាំ​មក​នេះ​ពី​សំណាក់​រដ្ឋាភិបាល និង​ក្រសួង​ពាក់ព័ន្ធ គឺ​បង្ហាញ​ពី​ទង្វើ​ចាត់ទុក​កម្មករ​និយោជិត​រងគ្រោះ​ជា​ទាសករ​ក្នុង​សម័យ​ទំនើប។ ក្រុម​កូដករ​ជាច្រើន​នាក់​បាន​ប្រមូល​ផ្តុំ​គ្នា​នៅ​មុខ​ក្រុមហ៊ុន​បនល្បែង​ស៊ីសង​ណាហ្គា​វើលដ៍​២ ស្ថិត​ក្នុង​ភូមិ​៤ សង្កាត់​ទន្លេបាសាក់ ខណ្ឌ​ចំការមន រាជធានី​ភ្នំពេញ កាលពី​ថ្ងៃទី​១១ ខែ​កុម្ភៈ ឆ្នាំ​២០២៤ ថា ការ​រំលោភ​សិទ្ធិ​ការងារ​ពី​សំណាក់​ថៅកែ​ក្រុមហ៊ុន​ណាហ្គា​វើលដ៍​មក​លើ​កម្មករ​សព្វថ្ងៃ​នេះ មិន​ខុស​ពី​ចៅហ្វាយ​នាយ​ធ្វើបាប​ទាសករ​ក្នុង​សម័យ​បុរាណ​នោះ​ទេ ព្រោះ​ថៅកែ​ណាហ្គា​វើលដ៍​បាន​គាប​សង្កត់​កម្មករ​និយោជិត​គ្រប់​យ៉ាង ជា​ថ្នូរ​ផ្តល់​ឱ្យ​កម្មករ​ជា​លុយកាក់​ស្មើ​នឹង​អាហារ ៣​ពេល​ប៉ុណ្ណោះ ខណៈ​សិទ្ធិ​សេរីភាព​នានា​ត្រូវ​ថៅកែ​ក្រុមហ៊ុន​នេះ​បំបិទ​ចោល​ទាំងស្រុង។ ប្រភព​ដដែល​រៀបរាប់​ថា កម្មករ​និយោជិត​ក្នុង​ក្រុមហ៊ុន​ណាហ្គា​វើលដ៍​បច្ចុប្បន្ន​នេះ កំពុង​រង​នូវ​ការ​គាប​សង្កត់​សិទ្ធិ​សេរីភាព​យ៉ាង​ធ្ងន់ធ្ងរ នៅ​ពេល​ដែល​អវត្តមាន​សហជីព...

ក្រុម​កូដករ​ក្រុមហ៊ុន​ណាហ្គា​វើលដ៍​ស្នើ​នាយករដ្ឋមន្ត្រី​ថ្មី​ជួយ​រក​យុត្តិធម៌​ឱ្យ​ពួកគេ​បន្ទាប់ពី​ស្វែងរក​យុត្តិធម៌​ជាង​២​ឆ្នាំ

ក្រុម​កូដករ​នៃ​ក្រុមហ៊ុន​ណាហ្គា​វើលដ៍ ស្នើ​ឱ្យ​តុលាការ នាយករដ្ឋមន្ត្រី ថៅកែ​ណាហ្គា​វើលដ៍ និង​រដ្ឋមន្ត្រី​ក្រសួង​ការងារ ផ្តល់​យុត្តិធម៌​ឱ្យ​ក្រុម​ខ្លួន និង​ស្នើ​ឱ្យ​ដោះលែង​កញ្ញា ឈឹម ស៊ីថរ ព្រមទាំង​ទទួល​យក​កម្មករ​ដែល​ត្រូវ​បាន​បញ្ឈប់ ឱ្យ​បាន​ចូល​ធ្វើការ​វិញ បន្ទាប់ពី​ពួកគេ​ស្វែងរក​យុត្តិធម៌​អស់​រយៈពេល​ជាង ២​ឆ្នាំ​មិន​បាន​ផល។ ក្រុម​កូដករ​ក្រុមហ៊ុន​ណាហ្គា​វើលដ៍​ជាង ២០​នាក់ បាន​ប្រមូល​ផ្តុំ​គ្នា​នៅ​មុខ​ក្រុមហ៊ុន​បន​ល្បែង​ស៊ីសង​ណាហ្គា​វើលដ៍​២ កាលពី​ថ្ងៃទី​១៤ ខែ​កុម្ភៈ ឆ្នាំ​២០២៤ ដោយ​កាន់​បដា​មាន​សរសេរ​អក្សរ ដូចជា LRSU តំណាង​ឱ្យ​សិទ្ធិ​ការងារ មាន​សហជីព មាន​សិទ្ធិ​ការងារ...

សង្គម​ស៊ីវិល​នៅតែ​បារម្ភ​អំពី​សិទ្ធិ​ការងារ ពីព្រោះ​សិទ្ធិ​ការងារ​នៅតែ​មាន​ការ​រំលោភ​បំពាន​នៅឡើយ

មន្ត្រី​ជាន់ខ្ពស់​អង្គការ​ក្រៅ​រដ្ឋាភិបាល អះអាង​ថា លោក​នៅតែ​មាន​ការ​បារម្ភ​ពី​ស្ថានភាព​ក្នុង​វិស័យ​ការងារ​នៅ​ប្រទេស​កម្ពុជា ទោះបីជា​រដ្ឋាភិបាល និង​ក្រសួង​ការងារ អះអាង​ពី​ការ​ធានា​លើក​កម្ពស់​វិស័យ​នេះ​ក៏ដោយ ព្រោះ​ថា​សិទ្ធិ​កម្មករ​និយោជិត​នៅតែ​រង​នូវ​ការ​រំលោភ​បំពាន និង​សហជីព​ឯករាជ្យ​នៅតែ​រង​ការ​យាយី​ដដែល​សព្វថ្ងៃ​នេះ។ មន្ត្រី​ជាន់ខ្ពស់​ទទួល​បន្ទុក​ផ្នែក​ការងារ​នៃ​អង្គការ​សង់ត្រាល់ លោក ឃុន ថារ៉ូ ប្រាប់​សារព័ត៌មាន The Cambodia Daily នៅ​ថ្ងៃទី​៩ កុម្ភៈ នេះ​ថា រោងចក្រ​មួយ​ចំនួន​ដែល​បាន​បញ្ឈប់​បុគ្គលិក​ពី​ការងារ មិន​បាន​គោរព​លក្ខខណ្ឌ និង​ច្បាប់​ការងារ​នៅ​ប្រទេស​កម្ពុជា​ទេ ខណៈ​កម្មករ​ដែល​នៅ​បម្រើការ​មិន​ទាន់​ត្រូវ​បាន​បញ្ឈប់ ត្រូវ​បាន​ថៅកែ​រោងចក្រ​បង្ខំ​ឱ្យ​ឈប់​សម្រាក​ពី​ការងារ​ដោយ​មិន​ទទួល​បាន​ប្រាក់​ឈ្នួល​ទៅ​តាម​ច្បាប់​កំណត់ រួម​ទាំង​ត្រូវ​កាត់បន្ថយ​ម៉ោង​ធ្វើការ​របស់​ពួកគេ​ថែម​ទៀត។ លោក...

សង្គម​ស៊ីវិល​ជំរុញ​ឱ្យ​គណៈកម្មការ​ប្រឹក្សា​ការងារ​អាណត្តិ​ថ្មី​ធ្វើ​កំណែ​ទម្រង់​ដើម្បី​ធានា​ឱ្យ​មាន​វត្តមាន​សហជីព​ឯករាជ្យ​និង​តំណាង​ភាគី​កម្មករ

សង្គម​ស៊ីវិល​ដែល​ធ្វើការ​លើ​វិស័យ​ការងារ ជំរុញ​ឱ្យ​គណៈកម្មការ​ប្រឹក្សា​ការងារ​អាណត្តិ​ថ្មី​ឆ្នាំ​២០២៤ ធ្វើ​កំណែ​ទម្រង់​ឡើងវិញ ដើម្បី​ធានា​ឱ្យ​មាន​វត្តមាន​សហជីព​ឯករាជ្យ​លើ​គ្រប់​វិស័យ​ក្នុង​ការ​ធានា​សិទ្ធិ​មូលដ្ឋាន​របស់​កម្មករ​និយោជិត។ អ្នក​គ្រប់គ្រង​សិទ្ធិ​ការងារ​នៃ​មជ្ឈមណ្ឌល​ការងារ និង​សិទ្ធិមនុស្ស (សង់ត្រាល់) លោក ឃុន ថារ៉ូ ប្រាប់​សារព័ត៌មាន The Cambodia Daily នៅ​ថ្ងៃទី​៦ កុម្ភៈ នេះ​ថា គណៈកម្មការ​ប្រឹក្សា​អាណត្តិ​ទី​១២​ថ្មី​នេះ គួរតែ​ធ្វើ​កំណែ​ទម្រង់​ឡើងវិញ ដើម្បី​ធានា​ឱ្យ​មាន​វត្តមាន​សហជីព​ឯករាជ្យ​ដែល​តំណាង​ឲ្យ​វិស័យ​ផ្សេងៗ ដូចជា វិស័យ​សំណង់ វិស័យ​សេវាកម្ម វិស័យ​សណ្ឋាគារ និង​វិស័យ​សេដ្ឋកិច្ច​ក្រៅ​ប្រព័ន្ធ...

សង្គម​ស៊ីវិល​ថា​ការ​បញ្ឈប់​ថ្នាក់ដឹកនាំ​សហជីព​ពី​ការងារ​ក្នុង​រោងចក្រ សេង បូ ប៉ះពាល់​ដល់​សិទ្ធិ​ធ្ងន់ធ្ងរ

ក្រុម​អ្នក​ឃ្លាំមើល​សិទ្ធិ​ការងារ លើកឡើង​ថា ការ​ប្រើ​លេស​យក​កិច្ចសន្យា​ការងារ​របស់​កម្មករ​និយោជិត​ក្នុង​រោងចក្រ សេង បូ (សេង បូ ហ្កាមិន ខេមបូឌា ឯ.ក) ដើម្បី​បញ្ឈប់​ថ្នាក់​ដឹកនាំ​សហជីព​ពី​ការងារ បាន​ធ្វើ​ឱ្យ​ប៉ះពាល់​ដល់​សិទ្ធិ​ជា​មូលដ្ឋាន និង​សិទ្ធិ​ការពារ​ពិសេស​របស់​ថ្នាក់​ដឹកនាំ​សហជីព​ឯករាជ្យ​យ៉ាង​ធ្ងន់ធ្ងរ។ អ្នក​គ្រប់គ្រង​ផ្នែក​សិទ្ធិ​ការងារ​នៃ​មជ្ឈមណ្ឌល​ការងារ និង​សិទ្ធិមនុស្ស (សង់ត្រាល់) លោក ឃុន ថារ៉ូ បាន​ប្រាប់​សារព័ត៌មាន The Cambodia Daily នៅ​ថ្ងៃទី​៥ កុម្ភៈ...

មន្ត្រី​សង្គម​ស៊ីវិល​ច្រានចោល​ការ​លើកឡើង​ថា​សិទ្ធិ​ការងារ​នៅ​កម្ពុជា​ត្រូវ​បាន​លើក​កម្ពស់​និង​ត្រូវ​បាន​ធានា​ដូច​មាន​ចែង​ក្នុង​ច្បាប់

មន្ត្រី​សង្គម​ស៊ីវិល​ទទួល​បន្ទុក​សិទ្ធិ​ការងារ ច្រានចោល​នូវ​ការ​លើកឡើង​ដែល​ថា សិទ្ធិ​ការងារ​នៅ​កម្ពុជា​ត្រូវ​បាន​លើក​កម្ពស់ ឬ​ត្រូវ​បាន​ធានា​ដូច​ដែល​មាន​ចែង​ក្នុង​ច្បាប់ ខណៈ​ក្រសួង​ការងារ​មិន​បាន​អនុវត្ត​តួនាទី​របស់​ខ្លួន​ក្នុង​ការ​លើក​កម្ពស់​សិទ្ធិ​សេរីភាព​កម្មករ​ឱ្យ​បាន​ពេញលេញ​ដូច​មាន​ចែង​ក្នុង​ច្បាប់​ការងារ និង​ច្បាប់​ស្ដីពី​សហជីព​ឡើយ។ អ្នក​គ្រប់គ្រង​ផ្នែក​សិទ្ធិ​ការងារ​របស់​អង្គការ​សង់ត្រាល់ លោក ឃុន ថារ៉ូ ប្រាប់​សារព័ត៌មាន The Cambodia Daily នៅ​ថ្ងៃទី​១៦ មករា នេះ​ថា ការ​រំលោភ​សិទ្ធិ​ការងារ​នៅ​កម្ពុជា​មិន​មាន​ភាព​ធូរស្រាល​ទេ ជាពិសេស​ការ​វាយប្រហារ​ទៅ​លើ​ចលនា​សហជីព​ឯករាជ្យ​នៅ​តាម​បណ្តា​រោងចក្រ​នានា ខណៈ​ក្រសួង​ការងារ​មិន​បាន​អនុវត្ត​តួនាទី​របស់​ខ្លួន​ក្នុង​ការ​លើក​កម្ពស់​សិទ្ធិ​សេរីភាព​កម្មករ​ឱ្យ​បាន​ពេញលេញ​ដូច​មាន​ចែង​ក្នុង​ច្បាប់​ការងារ និង​ច្បាប់​ស្ដីពី​សហជីព​ឡើយ។ ប្រភព​ដដែល​បញ្ជាក់​ថា សេរីភាព​ជា​មូលដ្ឋាន គឺ​មាន​សារសំខាន់​បំផុត​សម្រាប់​កម្មករ​និយោជិត ដែល​ជា​មធ្យោបាយ​ឈាន​ទៅ​សម្រេច​បាន​សិទ្ធិ​ដទៃ​ទៀត​ជាច្រើន ដែល​ត្រូវ​បាន​ធានា​នៅ​ក្រោម​ច្បាប់​អន្តរជាតិ...

អង្គការ​សង្គម​ស៊ីវិល​ស្នើ​ឱ្យ​ក្រសួង​ការងារ​ពង្រឹង​ប្រសិទ្ធភាព​សេវា​បេឡា​ជាតិ​សន្តិសុខ​សង្គម

ក្រុម​អង្គការ​សង្គម​ស៊ីវិល​ចំនួន ១៧​ស្ថាប័ន​ដែល​ធ្វើការ​ក្នុង​វិស័យ​ការងារ ជំរុញ​ឲ្យ​សួង​ការងារ និង​បេឡា​ជាតិ​សន្តិសុខ​សង្គម (ប.ស.ស) ពង្រីក​សេវា​បេឡា​ជាតិ​សន្តិសុខ​សង្គម​ឱ្យ​មាន​ប្រសិទ្ធភាព តម្លាភាព និង​គណនេយ្យភាព បន្ទាប់ពី​រក​ឃើញ​ថា​ការ​ប្រើប្រាស់​សេវា ប.ស.ស នៅ​មាន​ភាព​ខ្វះ​ចន្លោះ។ នៅ​ថ្ងៃទី​២៥ ខែ​ធ្នូ អង្គការ​សមាគម សហព័ន្ធ និង​សហជីព​ដែល​ធ្វើការ​ក្នុង​វិស័យ​ការងារ បាន​ដាក់​សំណើ​រួម​គ្នា​ជំរុញ​ឱ្យ​ក្រសួង​ការងារ ពង្រីក​សេវា​បេឡា​ជាតិ​សន្តិសុខ​សង្គម​ឱ្យ​មាន​ប្រសិទ្ធភាព តម្លាភាព និង​គណនេយ្យភាព តាមរយៈ​សំណើ​ចំនួន ២២​ចំណុច។ សំណើ​ទាំង ២២​ចំណុច អង្គការ​សង្គម​ស៊ីវិល​ស្នើ​ឱ្យ...

សហជីព​អំពាវនាវ​ឱ្យ​បុគ្គលិក​ណាហ្គា​វើលដ៍​ដោះស្រាយ​វិវាទ​ការងារ​ដើម្បី​ជា​បុណ្យ​កុសល​បញ្ជូន​ឱ្យ​ថៅកែ​ដែល​ទើប​ទទួល​អនិច្ចកម្ម

សហជីព​ទ្រទ្រង់​សិទ្ធិ​ការងារ​បុគ្គលិក​កម្មករ​ខ្មែរ​នៃ​ក្រុមហ៊ុន​ណាហ្គា​វើលដ៍ អំពាវនាវ​ឱ្យ​បុគ្គលិក​ក្រុមហ៊ុន​ណាហ្គា​វើលដ៍​ដែល​នៅ​មាន​ជីវិត​ទាំងអស់ ដោះស្រាយ​វិវាទ​ការងារ​ជាមួយ​សហជីព ដើម្បី​បាន​ជា​បុណ្យ​កុសល​បញ្ជូន​ទៅ​ឱ្យ​ថៅកែ​ក្រុមហ៊ុន​ណាហ្គា​វើលដ៍​លោក CHEN LIP KEONG ដែល​ទើប​ទទួល​មរណភាព​កាលពី​ពេល​ថ្មីៗ​នេះ។ សហជីព​ទ្រទ្រង់​សិទ្ធិ​ការងារ​បុគ្គលិក​កម្មករ​ខ្មែរ​នៃ​ក្រុមហ៊ុន​ណាហ្គា​វើលដ៍ បាន​ចេញ​លិខិត​រំលែក​ទុក្ខ​មួយ​កាលពី​ថ្ងៃទី​១១ ខែ​ធ្នូ ឆ្នាំ​២០២៣ នេះ​ដោយ​លើកឡើង​ថា នៅ​ពេល​ដែល​លោក CHEN LIP KEONG លាចាក​លោក​នេះ​ទៅ គាត់​មិន​អាច​យក​អ្វី​ទៅ​ជាមួយ​បាន​ទេ ក្រៅតែ​ពី​បុណ្យ​កុសល​ដែល​គាត់​ធ្លាប់​បាន​ប្រព្រឹត្ត និង​ការ​បន្សល់​នូវ​កេរ្តិ៍ឈ្មោះ ដូច្នេះ​បុគ្គលិក​ដែល​កំពុង​នៅ​រស់​ផ្សេង​ទៀត គួរ​តែ​នាំគ្នា​ដោះស្រាយ​វិវាទ​ការងារ​ជូន​កម្មករ​និយោជិត​ដែល​ខ្លួន​ធ្លាប់​បាន​រំលោភបំពាន​សិទ្ធិ​ការងារ​ដោយ​ការ​បញ្ឈប់​កម្មករ​និយោជិត​ទាំង​អយុត្តិធម៌​កន្លង​មក ដើម្បី​បាន​ជា​កុសល​ផល​បុណ្យ​ជូន​ដល់​វិញ្ញាណក្ខន្ឋ​របស់​លោក CHEN...

ក្រុម​កូដករ​ណាហ្គា​វើលដ៍​ចោទ​ក្រសួង​ស្ថាប័ន​ចំនួន​៥ ស្ថិត​ក្រោម​បង្គាប់​ថៅកែ​បនល្បែង​កាស៊ីណូ​ណាហ្គា​វើលដ៍

ក្រុម​កូដករ​ក្រុមហ៊ុន​ណាហ្គា​វើលដ៍ ចោទ​ក្រសួង​ស្ថាប័ន​ចំនួន ៥ កំពុង​ស្ថិត​ក្រោម​ការ​បង្គាប់​បញ្ជា​របស់​ថៅកែ​បនល្បែង​ស៊ីសង​ណាហ្គា​វើលដ៍ ទើប​ពួកគេ​មិន​ចេញ​មុខ​ដោះស្រាយ​វិវាទ​កម្មករ​ជាមួយ​ក្រុមហ៊ុន​មួយ​នេះ បើ​ទោះបីជា​ថៅកែ​ណាហ្គា​វើលដ៍​បាន​រំលោភ​បំពាន​សិទ្ធិ​ការងារ​ធ្ងន់ធ្ងរ​ដោយ​ខុស​ច្បាប់​របស់​ប្រទេស​កម្ពុជា​ក៏ដោយ។ ក្រុម​កូដករ​ក្រុមហ៊ុន​ណាហ្គា​វើលដ៍​រាប់​សិប​នាក់ កាលពី​ថ្ងៃទី​៧ ខែ​ធ្នូ ឆ្នាំ​២០២៣ បាន​ប្រមូល​ផ្តុំ​គ្នា​នៅ​មុខ​ក្រុមហ៊ុន​បនល្បែង​ស៊ីសង​ណាហ្គា​វើលដ៍​២ ស្ថិត​ក្នុង​ភូមិ​៤ សង្កាត់​ទន្លេបាសាក់ ខណ្ឌ​ចំការមន រាជធានី​ភ្នំពេញ ដោយ​រៀបចំ​ឱ្យ​មាន​អ្នក​ឈរ​ពាក់​មុខ​តំណាង​ថៅកែ​ក្រុមហ៊ុន​ណាហ្គា​វើលដ៍ និង​កាន់​ខ្សែ ដែល​ពួកគេ​បាន​ចង​ទៅ​អ្នក​ផ្សេង​ទៀត ដែល​ចង​បដា​ពាក់​នឹង​ក ដែល​សរសេរ​អក្សរ​ថា «ស្នងការ​នគរបាល​រាជធានី​ភ្នំពេញ សាលា​រាជធានី​ភ្នំពេញ ក្រសួង​ការងារ និង​បណ្ដុះបណ្ដាល​វិជ្ជាជីវៈ តុលាការ​ក្រុង​ភ្នំពេញ...

Latest news