កម្មករ

កម្មករ​និយោជិត​របស់​ក្រុមហ៊ុន ណាហ្គា វើលដ៍ (Naga world) រក្សា​ជំហរ​បន្ត​ធ្វើ​កូដកម្ម​ដោយ​សន្តិវិធី ដើម្បី​ទាមទារ​ឱ្យ​ក្រុមហ៊ុន​កាស៊ីណូ​នេះ​ទទួល​យក​ពួកគេ​ឱ្យ​ចូល​បម្រើ​ការ​ដូច​ធម្មតា​វិញ ខណៈ​ភាគី​ខាង​ក្រុមហ៊ុន​បដិសេធ​ទទួល​យក​កម្មករ​ជាង ៣៦០​នាក់​ដែល​ខ្លួន​បាន​បញ្ឈប់​នោះ​ឱ្យ​ចូល​ធ្វើការ​វិញ​ជា​ដាច់ខាត។ តំណាង​កម្មករ​និយោជិត​របស់​ក្រុមហ៊ុន ណាហ្គា វើលដ៍ កញ្ញា ឈឹម ស៊ីថរ បាន​លើកឡើង​ក្នុង​សន្និសីទ​សារព័ត៌មាន​នៅ​មុខ​ក្រុមហ៊ុន​កាស៊ីណូ ណាហ្គា វើលដ៍ នៅ​ថ្ងៃ​ទី​២៤ ខែ​ធ្នូ ឆ្នាំ​២០២១ នេះ​ថា បន្ទាប់ពី​មាន​ការ​ចរចា​អស់​រយៈពេល​ប៉ុន្មាន​ថ្ងៃ​កន្លងមក​នេះ ក្រុមហ៊ុន ណាហ្គា...

អាជ្ញាធរ​ខ្មែរ និង​អាជ្ញាធរ​នៃ​ប្រទេស​ថៃ បាន​ចាប់​ឃាត់​ពលរដ្ឋ​ខ្មែរ​មាន​ទាំង​មនុស្ស​ចាស់ និង​ក្មេងៗ​ផង​ប្រមាណ​ជិត ១០០​នាក់​នៅ​កន្លែង​ផ្សេងៗ​គ្នា​តាម​ព្រំដែន​កម្ពុជា-ថៃ កាលពី​យប់​ថ្ងៃ​ទី​២២ ខែ​ធ្នូ ដោយសារ​តែ​ពួកគេ​បាន​ព្យាយាម​លួច​ឆ្លងដែន​ដោយ​មិន​មាន​ឯកសារ​គ្រប់គ្រាន់ ដើម្បី​ទៅ​រក​ការងារ​ធ្វើ​នៅ​ប្រទេស​ថៃ។ តាម​ប្រភព​ព័ត៌មាន​ក្នុង​ស្រុក​បាន​ឲ្យ​ដឹង​ថា នៅ​ថ្ងៃ​ទី​២២ ខែ​ធ្នូ អាជ្ញាធរ​ថៃ ក្នុង​ខេត្ត​ស្រះកែវ បាន​ឃាត់​ខ្លួន​ពលរដ្ឋ​ខ្មែរ​សរុប ៦០​នាក់ មាន​ទាំង​ក្មេងៗ ១៨​នាក់ ដែល​បាន​ព្យាយាម​ឆ្លងដែន​ដោយ​មិន​មាន​ឯកសារ​ផ្លូវច្បាប់​គ្រប់គ្រាន់​ចូល​ទៅ​ប្រទេស​ថៃ ដើម្បី​រក​ការងារ​ធ្វើជា​កម្មករ​សំណង់ និង​នៅ​តាម​កសិដ្ឋាន និង​ចម្ការ​ផ្លែឈើ។ ប្រភព​ដដែល​បាន​បញ្ជាក់​ថា តាម​ការ​សាកសួរ​របស់​សមត្ថកិច្ច​ថៃ ពលរដ្ឋ​ខ្មែរ​ទាំងអស់​ខាងលើ​បាន​ប្រាប់​ថា ពួកគាត់​ចង់​លួច​ចូល​ប្រទេស​ថៃ...

សាលា​រាជធានី​ភ្នំពេញ ព្រមាន​ថា ប្រសិនបើ​កម្មករ​និយោជិត​របស់​ក្រុមហ៊ុន ណាហ្គា វើលដ៍ (Naga World) និង​សហជីព​នៅតែ​បន្ត​សកម្មភាព​ធ្វើ​បាតុកម្ម​នៅ​តាម​ទី​សាធារណៈ​ទៀត នោះ​ពួកគេ​ត្រូវតែ​ទទួល​ខុសត្រូវ​ចំពោះ​មុខ​ច្បាប់។ រដ្ឋបាល​ក្រុង​ភ្នំពេញ​បាន​ចេញ​សេចក្តី​ប្រកាស​ព័ត៌មាន ស្ដីពី​លទ្ធផល​នៃ​កិច្ចប្រជុំ​ដោះស្រាយ​វិវាទ​ការងារ​រវាង​ក្រុមហ៊ុន ណាហ្គា វើលដ៍ និង​កម្មករ​និយោជិត កាលពី​ថ្ងៃ​ទី​២១ ខែ​ធ្នូ ឆ្នាំ​២០២១ នេះ​ថា ទោះបី​សាលា​រាជធានី​ភ្នំពេញ​ខិតខំ​អញ្ជើញ​ភាគី​ពាក់ព័ន្ធ​មក​ប្រជុំ​ដោះស្រាយ​វិវាទ​នេះ​ក៏ដោយ ក៏​កម្មករ​និយោជិត​ក្រុមហ៊ុន ណាហ្គា វើលដ៍ ពុំ​បាន​រំសាយ​ការ​ប្រមូល​ផ្តុំ​សម្ដែង​មតិ​ដោយ​ខុសច្បាប់​តាម​សំណើ​របស់​សាលា​រាជធានី​ភ្នំពេញ​ឡើយ។ ប្រភព​ដដែល​បន្ត​ថា ទោះ​មិន​មាន​ការ​ចូលរួម​ប្រជុំ​រក​ដំណោះស្រាយ​វិវាទ​ទាំង​ពីរ​ភាគី​ពាក់ព័ន្ធ​ក៏ដោយ ប៉ុន្តែ​សាលា​ក្រុង​ភ្នំពេញ​បាន​សម្រេច​យក​ដំណោះស្រាយ​មួយ​ចំនួន...

មន្ត្រី​ជាន់ខ្ពស់​របស់​អង្គការ Human Rights Watch បាន​លើកឡើង​ថា ការ​យាយី​របស់​អាជ្ញាធរ​ចំពោះ​កូដកម្ម​ដោយ​សន្តិវិធី និង​ការ​ចេញ​ដីកា​បដិសេធ​កូដកម្ម​របស់​តុលាការ​ចំពោះ​កម្មករ​នៃ​ក្រុមហ៊ុន ណាហ្គា វើលដ៍ (Naga World) គឺ​ធ្វើឡើង​ដោយ​លម្អៀង​ផ្នែក​នយោបាយ ដែល​បង្ខំ​ឱ្យ​កម្មករ​ទាំងនោះ​ប្រឈម​មុខ​កាន់តែ​ខ្លាំង​មួយ​កម្រិត​ទៀត​ជាមួយ​នឹង​អាជ្ញាធរ​បន្ថែម​ពី​លើ​ការ​ប្រឈម​ជាមួយ​នឹង​ម្ចាស់​ក្រុមហ៊ុន Naga World។ អនុប្រធាន​ប្រចាំ​តំបន់​អាស៊ី​របស់​អង្គការ​ឃ្លាំមើល​សិទ្ធិមនុស្ស Human Rights Watch លោក ហ្វីល រ៉ូបឺសុន បាន​ចេញ​សេចក្តី​ថ្លែងការណ៍​នៅ​ថ្ងៃ​ទី​២១ ខែ​ធ្នូ នេះ​ថា...

ក្រុម​អង្គការ​សមាគម និង​សម្ព័ន្ធ​សហជីព​ជាង ២០​អង្គភាព បាន​បង្ហាញ​ការ​សោកស្ដាយ​ចំពោះ​ក្រុមហ៊ុន ណាហ្គាវើលដ៍ (Naga world) ដែល​ប៉ុនប៉ង​រំលាយ​រចនាសម្ព័ន្ធ​ថ្នាក់​ដឹកនាំ​សហជីព និង​កាត់បន្ថយ​បុគ្គលិក​ជា​ប្រព័ន្ធ​ជាង ១៣០០​នាក់​ដោយ​អយុត្តិធម៌​ក្នុង​អំឡុង​ពេល​ដែល​កម្ពុជា​បាន​រង​វិបត្តិ Covid-19។ អង្គការ​សមាគម​ទាំងនោះ បាន​ចាត់ទុក​ថា​ការ​ប៉ុនប៉ង​បែប​នេះ គឺជា​ការ​រំលោភ​ច្បាប់​ជាតិ និង​អន្តរជាតិ​ទាំងស្រុង។ សេចក្ដី​ថ្លែងការណ៍​រួម​ដែល​បាន​ចេញផ្សាយ​នៅ​ថ្ងៃ​ទី​១ ខែ​ធ្នូ របស់​អង្គការ​សមាគម និង​សហជីព​ជាង ២០ នោះ បាន​ឱ្យ​ដឹង​ថា កាលពី​ថ្ងៃ​ទី​៨ ខែ​មេសា ឆ្នាំ​២០២១ តំណាង​ក្រុមហ៊ុន...

ក្រសួង​ការងារ និង​បណ្តុះបណ្តាល​វិជ្ជាជីវៈ ឱ្យ​ដឹង​ថា ប្រាក់ឈ្នួល​កម្មករ​និយោជិត​ដំឡើង​បាន​តែ ២​ដុល្លារ​ប៉ុណ្ណោះ​នៅ​ឆ្នាំ​២០២២ ខាងមុខ​នេះ ដែល​ធ្វើ​ឲ្យ​ប្រាក់ឈ្នួល​គោល​របស់​កម្មករ​កើន​ពី​ចំនួន ១៩២​ដុល្លារ​ក្នុង​មួយ​ខែ​នៅ​ឆ្នាំ​២០២១ ដល់ ១៩៤​ដុល្លារ​ក្នុង​មួយ​ខែ​នៅ​ឆ្នាំ​២០២២។ ការ​ប្រកាស​ប្រាក់ឈ្នួល​កម្មករ​នៅ​ថ្ងៃ​នេះ ធ្វើឡើង​បន្ទាប់ពី​ក្រុមប្រឹក្សា​ជាតិ​ប្រាក់ឈ្នួល​អប្បបរមា​បាន​ជួប​ចរចា​ត្រីភាគី​ជា​លើក​ទី​ពីរ ដោយ​បោះឆ្នោត​ជ្រើសរើស​យក​តួលេខ​ចុងក្រោយ​សម្រាប់​ការ​ដំឡើង​ប្រាក់ឈ្នួល​គោល​របស់​កម្មករ​ឆ្នាំ​២០២២ ខាងមុខ​នេះ។ សេចក្ដី​ប្រកាស​ព័ត៌មាន​របស់​ក្រសួង​ការងារ និង​បណ្តុះបណ្តាល​វិជ្ជាជីវៈ ចេញ​ផ្សាយ​នៅ​ថ្ងៃ​ទី​២៨ ខែ​កញ្ញា ឆ្នាំ​២០២១ ឱ្យ​ដឹង​ថា ការ​បោះឆ្នោត​ដំឡើង​ប្រាក់ឈ្នួល​កម្មករ​នៅ​ថ្ងៃ​នេះ​ដោយ​មាន​សមាជិក​ជា​តំណាង​ភាគី​កម្មករ​និយោជិត​ចំនួន ១៧​រូប តំណាង​ភាគី​និយោជក​ចំនួន ១៧​រូប និង​តំណាង​ភាគី​រាជរដ្ឋាភិបាល​ចំនួន ១៧​រូប។...