30 C
Phnom Penh

TAG

បទចោទ​ញុះញង់

តុលាការ​កំពូល​សម្រេច​តម្កល់​សាលក្រម​ផ្ដន្ទាទោស​របស់​សាលា​ឧទ្ធរណ៍​លើ​សំណុំរឿង​លោក ថាច់ សេដ្ឋា ទុក​ជា​បានការ​ដដែល

តុលាការ​កំពូល​ក្រុង​ភ្នំពេញ សម្រេច​តម្កល់​សាលក្រម​ផ្ដន្ទាទោស​របស់​សាលា​ឧទ្ធរណ៍​លើ​សំណុំរឿង​លោក ថាច់ សេដ្ឋា អនុប្រធាន​គណបក្ស​ភ្លើង​ទៀន ពី​បទ «មិន​បំពេញ​កាតព្វកិច្ច​ចំពោះ​ឧបករណ៍​ដែល​អាច​ជួញដូរ​បាន ឬ​ចេញ​សែក​ដែល​គ្មាន​ប្រាក់» ទុក​ជា​បានការ​ដដែល​នៅ​ថ្ងៃ​សុក្រ​នេះ។ នៅ​ថ្ងៃទី​៣១ ខែ​ឧសភា ឆ្នាំ​២០២៤ តុលាការ​កំពូល​បើក​សវនាការ​លើ​សំណុំរឿង​អនុប្រធាន​គណបក្ស​ភ្លើង​ទៀន លោក ថាច់ សេដ្ឋា ដោយ​សម្រេច​តម្កល់​សាលក្រម​ផ្ដន្ទាទោស​របស់​តុលាការ​ថ្នាក់​កណ្តាល​ពី​បទ ចេញ​សែក​ស្អុយ ទុក​ជា​បានការ​ដដែល។ ការ​សម្រេច​នេះ ធ្វើ​ឡើង​ស្រប​ពេល​ដែល​គេ​មើល​ឃើញ​ថា ការ​ផ្ដន្ទាទោស​លើ​មន្ត្រី​ជាន់ខ្ពស់​គណបក្ស​ភ្លើង​ទៀន​រូប​នេះ គឺ​ស្ថិត​ក្នុង​របៀបវារៈ​នយោបាយ​ដែល​រៀបចំ​ដោយ​គណបក្ស​ប្រជាជន​កម្ពុជា ដើម្បី​បោស​សម្អាត​បក្ស​ប្រឆាំង​នៅ​កម្ពុជា។ តំណាងរាស្ត្រ​គណបក្ស​សង្គ្រោះ​ជាតិ​លោក អ៊ុំ សំអាន...

តុលាការ​លើក​ពេល​បើក​សវនាការ​សំណុំរឿង​សកម្មជន​ចលនា​មាតា​ធម្មជាតិ​ទៅ​ថ្ងៃទី​៥ មិថុនា

សាលាដំបូង​រាជធានី​ភ្នំពេញ សម្រេច​លើក​យក​សំណុំរឿង​សកម្មជន​ចលនា​មាតា​ធម្មជាតិ ដែល​រង​នូវ​ការ​ចោទប្រកាន់​ពី​បទ ប្រមាថ​ចំពោះ​អង្គ​ព្រះមហាក្សត្រ និង​បទ​រួម​គំនិត​ក្បត់ ទៅ​បើក​សវនាការ​នៅ​ថ្ងៃទី​៥ ខែ​មិថុនា ឆ្នាំ​២០២៤ ខាងមុខ​វិញ។ នៅ​ថ្ងៃទី​២៩ ខែ​ឧសភា ឆ្នាំ​២០២៤ តុលាការ​ក្រុង​ភ្នំពេញ សម្រេច​លើក​ពេល​បើក​សវនាការ​លើ​សំណុំរឿង​សកម្មជន​ចលនា​មាតា​ធម្មជាតិ ដែល​រង​នូវ​ការ​ចោទប្រកាន់​ពី​បទ ប្រមាថ​អង្គ​ព្រះមហាក្សត្រ និង​បទ​រួម​គំនិត​ក្បត់ នៅ​ថ្ងៃទី​៥ ខែ​មិថុនា ឆ្នាំ​២០២៤ វិញ។ សកម្មជន​បរិស្ថាន​ដែល​រង​នូវ​ការ​ចោទប្រកាន់​ពី​បទ ប្រមាថ​អង្គ​ព្រះមហាក្សត្រ និង​រួម​គំនិត​ក្បត់ ដែល​មាន​វត្តមាន​ក្នុង​សវនាការ​នា​ថ្ងៃទី​២៩ ឧសភា...

អង្គការ​ក្រៅ​រដ្ឋាភិបាល​ចាត់ទុក​ការ​ចាប់​ខ្លួន​លោក កើត សារ៉ាយ ជា​ការ​គំរាម​យុវជន​លែង​ហ៊ាន​ចូលរួម​កិច្ចការ​សង្គម

មន្ត្រី​ជាន់ខ្ពស់​សមាគម​ការពារ​សិទ្ធិមនុស្ស​អាដហុក លោក នី សុខា អះអាង​ថា ការ​ចាប់​ខ្លួន​លោក កើត សារ៉ាយ ពី​សំណាក់​រដ្ឋាភិបាល​កម្ពុជា គឺជា​កត្តា​មួយ​នាំ​ឱ្យ​យុវជន​លែង​ហ៊ាន​ចូលរួម​ក្នុង​កិច្ចការ​សង្គម​បន្ត​ទៀត ហើយ​ក៏​ជា​សញ្ញា​នៃ​ការ​រឹតត្បិត​លើ​សេរីភាព​បញ្ចេញមតិ និង​ជា​ការ​បំបិទ​នូវ​ការ​បញ្ចេញ​ព័ត៌មាន​ពិត​ដែល​កំពុង​កើត​មាន​ក្នុង​សង្គម។ ប្រធាន​សមាគម​ការពារ​សិទ្ធិមនុស្ស​អាដហុក លោក នី សុខា លើកឡើង​នៅ​ថ្ងៃទី​២៤ ឧសភា នេះ​ថា លោក កើត សារ៉ាយ ជា​ប្រធាន​អង្គការ​ក្រៅ​រដ្ឋាភិបាល​ស្រប​ច្បាប់​មួយ ដូច្នេះ​រាល់​សកម្មភាព​របស់​គាត់​ដែល​ធ្លាប់​បាន​ចូលរួម​ទប់ស្កាត់​លើ​បញ្ហា​កាប់​បំផ្លាញ​ព្រៃឈើ ការ​រំលោភ​ដីធ្លី...

លោក ហ៊ុន ម៉ាណែត ចោទ​ប្រធាន​បក្ស​កម្លាំង​ជាតិ​ថា​ផ្សាយ​បំភ្លៃ​ពី​កម្មវិធី​ជាតិ​ជំនួយ​សង្គម​និង​ការ​អភិវឌ្ឍ​របស់​រដ្ឋាភិបាល

នាយករដ្ឋមន្ត្រី​បន្ត​ពូជ​ថ្មី​របស់​កម្ពុជា​លោក ហ៊ុន ម៉ាណែត ចោទ​ប្រធាន​គណបក្ស​កម្លាំង​ជាតិ​លោក ស៊ុន ចន្ធី ថា​បាន​ផ្សាយ​បំភ្លៃ​ពី​កិច្ចប្រឹងប្រែង​របស់​រាជរដ្ឋាភិបាល​លើ​កម្មវិធី​ជាតិ​ជំនួយ​សង្គម ដូច្នេះ​ការ​អនុវត្ត​ច្បាប់​ចំពោះ​លោក ស៊ុន ចន្ធី គឺ​ដើម្បី​ការពារ​ភាព​ត្រឹមត្រូវ​របស់​រាជរដ្ឋាភិបាល​តែប៉ុណ្ណោះ។ លោក ហ៊ុន ម៉ាណែត បាន​លើកឡើង​នៅ​ក្នុង​កម្មវិធី​មួយ​នៅ​សណ្ឋាគារ រេស៊ីដង់ សុខា​ភ្នំពេញ នៅ​ថ្ងៃទី​២៣ ឧសភា នេះ​ថា រដ្ឋាភិបាល​កម្ពុជា​គាំទ្រ​សេរីភាព​នៃ​ការ​បញ្ចេញមតិ​ពេញ​ទំហឹង ប៉ុន្តែ​រដ្ឋាភិបាល​ក៏​ត្រូវ​អនុវត្ត​ច្បាប់​ចំពោះ​ការ​បំភ្លៃ ចោទប្រកាន់ និង​ការ​បង្កើត​ចលាចល​ក្នុង​សង្គម​ដែរ ព្រោះ​ការ​លើកឡើង​ថា​គោលនយោបាយ​ជាតិ​ជំនួយ​សង្គម​មាន​ការ​រើសអើង...

ប្រធាន​គណបក្ស​កម្លាំង​ជាតិ​រង​នូវ​ការ​ចោទប្រកាន់​ក្នុង​សំណុំរឿង​ព្រហ្មទណ្ឌ​ចំនួន​ពីរ​ករណី

ប្រធាន​គណបក្ស​កម្លាំង​ជាតិ​លោក ស៊ុន ចន្ធី បាន​រង​នូវ​ការ​ចោទប្រកាន់​ក្នុង​សំណុំរឿង​ព្រហ្មទណ្ឌ​ពី​បទ​ឆបោក​ពី​តុលាការ​ខេត្ត​កំពង់ធំ និង​ពី​បទ​ញុះញង់​បង្ក​ឲ្យ​មាន​ភាព​វឹកវរ​ធ្ងន់ធ្ងរ​ដល់​សន្តិសុខ​សង្គម​ពី​តុលាការ​ក្រុង​ភ្នំពេញ ខណៈ​លោក​ត្រូវ​បាន​ឃុំ​ខ្លួន​ក្នុង​ពន្ធនាគារ​ខេត្ត​ពោធិ៍សាត់ ក្នុង​ពេល​បច្ចុប្បន្ន​នេះ។ សាលាដំបូង​ខេត្ត​កំពង់ធំ បាន​ចេញ​សេចក្តី​ប្រកាស​ព័ត៌មាន​កាលពី​ថ្ងៃទី​១៣ ឧសភា ដែល​ត្រូវ​បាន​ផ្សព្វផ្សាយ​នៅ​ថ្ងៃទី​១៤ ខែ​ឧសភា នេះ​ថា អយ្យការ​អម​សាលាដំបូង​ខេត្ត​កំពង់ធំ បាន​ផ្ទេរ​សំណុំរឿង​ព្រហ្មទណ្ឌ​ពាក់ព័ន្ធ​នឹង​ជន​ត្រូវ​ចោទ​ឈ្មោះ ស៊ុន ចន្ធី ទៅ​សាលាដំបូង និង​អយ្យការ​អម​សាលាដំបូង​រាជធានី​ភ្នំពេញ​វិញ ដើម្បី​បន្ត​ចាត់ការ​ជា​សមត្ថកិច្ច​តាមរយៈ​លិខិត​ចុះ​ថ្ងៃទី​១០ ខែ​ឧសភា ឆ្នាំ​២០២៤ របស់​ក្រសួង​យុត្តិធម៌។ សេចក្តី​ប្រកាស​ព័ត៌មាន​ដដែល​នេះ​រៀបរាប់​ថា កាលពី​ដើម​ខែ​កុម្ភៈ ឆ្នាំ​២០២៤...

អ្នក​ឃ្លាំមើល៖ ការ​ចាប់​ខ្លួន​ប្រធាន​បក្ស​កម្លាំង​ជាតិ​មិន​បញ្ជាក់​ពី​ការ​លើក​កម្ពស់​ប្រព័ន្ធ​យុត្តិធម៌​របស់​កម្ពុជា​នោះ​ទេ

អ្នក​សង្កេតការណ៍​លើកឡើង​ថា ការ​លើក​ឡើង​របស់​ប្រធាន​គណបក្ស​កម្លាំង​ជាតិ ទាក់ទង​ទៅ​នឹង​ការ​និយាយ​អំពី​បញ្ហា​ចែក​ប័ណ្ណ​សមធម៌​ដែល​ខ្វះ​ឯកសារ​ជា​ភស្តុតាង ឬ​សាក្សី ស្រប​តាម​មូលដ្ឋាន​ច្បាប់ មិន​គួរ​ត្រូវ​បាន​ចាប់​ខ្លួន​នោះ​ទេ។ អ្នក​ប្រឹក្សា​យោបល់​ផ្នែក​អភិវឌ្ឍន៍​ផ្នត់គំនិត និង​ការ​ស្រាវជ្រាវ​លោក សេក សុជាតិ បាន​ប្រាប់​សារព័ត៌មាន The Cambodia Daily នៅ​ថ្ងៃទី​១០ ឧសភា នេះ​ថា បើ​ទោះបីជា​លោក​យល់ឃើញ​ថា​ការ​ចាប់​ខ្លួន​ប្រធាន​គណបក្ស​កម្លាំង​ជាតិ​លោក ស៊ុន ចន្ធី នៅ​ពេលនេះ​មាន​ទំនោរ​ទៅ​និន្នាការ​នយោបាយ​ច្រើន​ជាង​ការ​អនុវត្ត​ច្បាប់​ក៏ដោយ ក៏​លោក​នៅតែ​លើក​ទឹកចិត្ត​ឱ្យ​មេដឹកនាំ​បក្ស​នយោបាយ​ក្រៅ​រដ្ឋាភិបាល​ទាំងអស់ បញ្ចេញ​សារ​នយោបាយ​ដែល​មាន​មូលដ្ឋាន​ជាក់លាក់​ដែរ។ លោក សេក សុជាតិ...

អាជ្ញាធរ​ចាប់​ខ្លួន​ប្រធាន​គណបក្ស​កម្លាំង​ជាតិ​លោក ស៊ុន ចន្ធី នៅ​ព្រលាន​យន្តហោះ​ពោធិ៍ចិនតុង

ប្រធាន​គណបក្ស​កម្លាំង​ជាតិ លោក ស៊ុន ចន្ធី ត្រូវ​អាជ្ញាធរ​មាន​សមត្ថកិច្ច​ចាប់​ខ្លួន​ភ្លាមៗ​នៅ​វាល​យន្តហោះ​អន្តរជាតិ​ភ្នំពេញ-ពោធិ៍ចិនតុង ដោយ​គ្មាន​ដីកា​តុលាការ អំឡុង​ពេល​ដែល​លោក​កំពុង​ចាកចេញ​ពី​មាត់ទ្វារ​យន្តហោះ​នៅ​ថ្ងៃទី​៩ ខែ​ឧសភា នេះ ដោយ​ចោទ​រឿង «ពាក់ព័ន្ធ​នឹង​បទ​ញុះញង់​បង្ក​ឱ្យ​មាន​ភាព​វឹកវរ​ដល់​សន្តិសុខ​សង្គម»។ ប្រធាន​គណបក្ស​កម្លាំង​ជាតិ លោក ស៊ុន ចន្ធី បាន​ធ្វើ​មាតុភូមិ​និវត្តន៍​មក​ប្រទេស​កម្ពុជា​នៅ​ថ្ងៃ​ព្រហស្បតិ៍ នេះ បន្ទាប់ពី​លោក​បាន​ធ្វើ​ដំណើរ​ទៅ​ជួបជុំ​អ្នកគាំទ្រ​គណបក្ស​នៅ​ប្រទេស​ជប៉ុន កាលពី​ពេល​ថ្មីៗ​នេះ ប៉ុន្តែ​នៅ​ពេល​ដែល​លោក​វិលត្រឡប់​ចូល​ក្នុង​ប្រទេស​វិញ ស្រាប់តែ​អាជ្ញាធរ​ចាប់​ខ្លួន​លោក​ដោយ​គ្មាន​មូលហេតុ​តែម្តង។ ការ​ចាប់​ខ្លួន​មន្ត្រី​បក្ស​ក្រៅ​រដ្ឋាភិបាល​រូប​នេះ ធ្វើឡើង​ស្រប​ពេល​ដែល​ការ​រិះគន់​អំពី​ការ​រឹតត្បិត​សេរីភាព​នយោបាយ​ពី​មជ្ឈដ្ឋាន​ជាតិ និង​អន្តរជាតិ​ទៅ​លើ​រាជរដ្ឋាភិបាល​កាន់តែ​ខ្លាំង​ឡើងៗ​នៅ​ពេលនេះ។ ក្រោយ​ការ​ចាប់​ខ្លួន ស្នងការ​នគរបាល​រាជធានី​ភ្នំពេញ​នៃ​អគ្គស្នងការដ្ឋាន​នគរបាល​ជាតិ ចេញ​សេចក្តី​ប្រកាស​ព័ត៌មាន​មួយ​នៅ​ថ្ងៃ​ដដែល​នេះ​ថា...

តុលាការ​កំពូល​រក្សា​សាលក្រម​សាលា​ឧទ្ធរណ៍​នៅ​ដដែល​ឱ្យ​តំណាង​សហជីព​ជាប់​ពន្ធនាគារ​ពីរ​ឆ្នាំ

តុលាការ​កំពូល សម្រេច​តម្កល់​សាលដីកា​របស់​សាលា​ឧទ្ធរណ៍​ដែល​បាន​ផ្ដន្ទាទោស​កញ្ញា ឈឹម ស៊ីថរ និង​ថ្នាក់​ដឹកនាំ​សហជីព ៦​នាក់​ផ្សេង​ទៀត​ពី​បទ «ញុះញង់​ឱ្យ​មាន​ភាព​វឹកវរ​ធ្ងន់ធ្ងរ​ដល់​សន្តិសុខ​សង្គម» តាម​បញ្ញត្តិ​មាត្រា​៤៩៤ និង​មាត្រា​៤៩៥ នៃ​ក្រមព្រហ្មទណ្ឌ ទុក​ជា​បាន​ការ​ដដែល ក្នុង​សវនាការ​នៅ​ថ្ងៃទី​៣ ខែ​ឧសភា ឆ្នាំ​២០២៤ នេះ។ ការ​បើក​សវនាការ​ប្រកាស​សាលក្រម​នេះ ធ្វើឡើង​បន្ទាប់ពី​ថ្នាក់​ដឹកនាំ​សហជីព​ណាហ្គា​វើលដ៍ ប្តឹង​ទៅ​តុលាការ​កំពូល​ជំទាស់​ទៅ​នឹង​សេចក្តី​សម្រេច​នៅ​សាលា​ឧទ្ធរណ៍​ក្រុង​ភ្នំពេញ លើ​សំណុំរឿង​របស់​ខ្លួន​កាលពី​ពេល​កន្លង​ទៅ​នោះ។ កាលពី​ថ្ងៃទី​២៥ ខែ​ឧសភា ឆ្នាំ​២០២៣ សាលាដំបូង​រាជធានី​ភ្នំពេញ​បាន​ប្រកាស​សាលក្រម​ផ្ដន្ទាទោស​ប្រធាន​សហជីព​ទ្រទ្រង់​សិទ្ធិ​ការងារ​បុគ្គលិក​កម្មករ​ខ្មែរ​នៃ​ក្រុមហ៊ុន​ណាហ្គា​វើលដ៍ កញ្ញា ឈឹម ស៊ីថរ...

មន្ត្រី​បក្ស​កម្លាំង​ជាតិ​អំពាវនាវ​ចេញពី​ពន្ធនាគារ​ឱ្យ​សមាជិក​បក្ស​ខ្លួន​រក្សា​ស្មារតី​ស្មោះត្រង់​នឹង​បក្ស

មន្ត្រី​គណបក្ស​កម្លាំង​ជាតិ​ប្រចាំ​ខេត្ត​កំពង់ចាម ដែល​កំពុង​ជាប់​ពន្ធនាគារ បាន​អំពាវនាវ​ចេញពី​ពន្ធនាគារ ឱ្យ​មន្ត្រី និង​សមាជិក​គណបក្ស​កម្លាំង​ជាតិ​ទាំងអស់ រក្សា​ស្មារតី​សាមគ្គី​រួបរួម ស្មោះត្រង់​នឹង​គណបក្ស​បន្ត​ទៀត ជាពិសេស​ក្នុង​ការ​បោះឆ្នោត​ជ្រើសរើស​សមាជិក​ក្រុមប្រឹក្សា​រាជធានី-ខេត្ត​នៅ​ចុង​ខែ​ឧសភា ឆ្នាំ​២០២៤ ខាងមុខ​នេះ ដើម្បី​បន្ត​វេន​របស់​អ្នក​ប្រជាធិបតេយ្យ​នៅ​ក្នុង​ប្រទេស​កម្ពុជា​ទៅ​ថ្ងៃ​មុខ។ អនុប្រធាន​ក្រុម​ការងារ​បណ្ដោះអាសន្ន​របស់​គណបក្ស​កម្លាំង​ជាតិ​ខេត្ត​កំពង់ចាម និង​ជា​បេក្ខជន​ក្រុមប្រឹក្សា​ខេត្ត​លេខ​រៀង​ទី​១ គឺ​លោក មី សេងហ៊ ហៅ គា វិសាល បាន​ចេញ​លិខិត​មួយ​ពី​ពន្ធនាគារ​ដែល​ត្រូវ​បាន​ផ្សព្វផ្សាយ​នៅ​ថ្ងៃទី​១៩ មេសា នេះ បាន​អំពាវនាវ​ឱ្យ​អង្គ​បោះឆ្នោត​ទាំងអស់​ដែល​ត្រូវ​ចូលរួម​បោះឆ្នោត​ជ្រើសរើស​សមាជិក​ក្រុមប្រឹក្សា​រាជធានី-ខេត្ត​នៅ​អំឡុង​ខែ​ឧសភា ឆ្នាំ​២០២៤ ខាងមុខ​នេះ...

គណបក្ស​ភ្លើង​ទៀន​ចាត់ទុក​សកម្មភាព​អាជ្ញាធរ​ចាប់​ខ្លួន​សមាជិក​ខ្លួន​ថា​ជា​ការ​គំរាមកំហែង​និង​ធ្វើ​ទុក្ខបុកម្នេញ

គណបក្ស​ភ្លើង​ទៀន ចាត់ទុក​សកម្មភាព​របស់​អាជ្ញាធរ​កម្ពុជា​ដែល​ធ្វើ​សកម្មភាព​ចាប់​ខ្លួន​សកម្មជន​របស់​ខ្លួន​កាលពី​ពេល​ថ្មីៗ​នេះ និង​រយៈពេល​កន្លង​មក គឺជា​ការ​គំរាមកំហែង និង​ជា​ការ​ធ្វើ​ទុក្ខបុកម្នេញ​គ្រប់​រូបភាព ក្នុង​គោលបំណង​រារាំង​ការ​ធ្វើ​សកម្មភាព​នយោបាយ​ស្រប​ច្បាប់​របស់​សមាជិក និង​សកម្មជន​គណបក្ស​ភ្លើង​ទៀន នៅ​ទូទាំង​ប្រទេស។ គណបក្ស​ភ្លើង​ទៀន បាន​ចេញ​សេចក្តី​ថ្លែងការណ៍​មួយ​កាលពី​ថ្ងៃទី​១០ ខែ​មេសា ឆ្នាំ​២០២៤ នេះ​ថា ថ្នាក់​ដឹកនាំ​គ្រប់​លំដាប់​ថ្នាក់ ក៏ដូចជា​សកម្មជន​របស់​គណបក្ស​ភ្លើង​ទៀន ធ្វើ​សកម្មភាព​នយោបាយ​ដោយ​ប្រកាន់ខ្ជាប់​នូវ​ការ​គោរព និង​អនុវត្ត​តាម​រដ្ឋធម្មនុញ្ញ ព្រមទាំង​ច្បាប់​ជា​ធរមាន​នានា​របស់​ប្រទេស​កម្ពុជា​ជានិច្ច ជាពិសេស​ច្បាប់​ស្ដីពី​គណបក្ស​នយោបាយ​តែម្តង ដូច្នេះ​ការ​ចាប់​ខ្លួន​សកម្មជន​គណបក្ស​ភ្លើង​ទៀន គឺ​ស្មើ​នឹង​ការ​គំរាមកំហែង​ចំពោះ​ការ​អនុវត្ត​ច្បាប់​នៅ​កម្ពុជា។ គណបក្ស​ក្រៅ​រដ្ឋាភិបាល​នេះ អំពាវនាវ​ឱ្យ​អាជ្ញាធរ​មាន​សមត្ថកិច្ច​ដោះលែង​សកម្មជន​គណបក្ស​ភ្លើង​ទៀន​ទាំងអស់ ដែល​ត្រូវ​បាន​អាជ្ញាធរ​ចាប់​ខ្លួន​កន្លង​មក ឱ្យ​មាន​សេរីភាព​ពេញលេញ​ឡើងវិញ ដើម្បី​លើក​ស្ទួយ​ការ​គោរព​សិទ្ធិមនុស្ស...

Latest news