តុលាការផ្ដន្ទាទោសសកម្មជនកិច្ចព្រមព្រៀងទីក្រុងប៉ារីស ពីបទញុះញង់បង្កឱ្យមានភាពវឹកវរធ្ងន់ធ្ងរដល់សន្តិសុខសង្គម

អ្នកលេងបណ្ដាញសង្គមហ្វេសប៊ុកខ្មែរ ធ្លាប់ពោលថា គុកស្រុកខ្មែរមានតែខ្មែរនៅ!! តុលាការក្រុងភ្នំពេញ សម្រេចផ្ដន្ទាទោសសកម្មជនកិច្ចព្រមព្រៀងសន្តិភាពទីក្រុងប៉ារីស លោក ស្រ៊ុន ស្រ៊ន និងកញ្ញា ភឹង សោភា ដាក់ពន្ធនាគាររយៈពេល ២ឆ្នាំ ក្រោយពីឃុំខ្លួនបណ្ដោះអាសន្នអស់រយៈពេល ១៩ខែ (១ឆ្នាំ និង ៧ខែ) និងផាកពិន័យជាប្រាក់ ៤លានរៀល ជុំវិញការតវ៉ាប្រឆាំងកិច្ចព្រមព្រៀងតំបន់ត្រីកោណអភិវឌ្ឍន៍កម្ពុជា ឡាវ វៀតណាម (CLV-DTA) កាលពីឆ្នាំ២០២៤ កន្លងទៅ។

សាលាដំបូងរាជធានីភ្នំពេញ នៅថ្ងៃទី២៩ ខែមេសា នេះ បានប្រកាសសាលក្រមផ្ដន្ទាទោសសកម្មជនកិច្ចព្រមព្រៀងសន្តិភាពទីក្រុងប៉ារីស លោក ស្រ៊ុន ស្រ៊ន និងកញ្ញា ភឹង សោភា អំពីបទញុះញង់បង្កឱ្យមានភាពវឹកវរធ្ងន់ធ្ងរដល់សន្តិសុខសង្គម។

តុលាការបញ្ជាក់ថា ជនជាប់ចោទ ៣៥នាក់ផ្សេងទៀតដែលមានទំនាក់ទំនងជាមួយបណ្ដាញសកម្មជនកិច្ចព្រមព្រៀងសន្តិភាពទីក្រុងប៉ារីស រូបនេះ ដែលត្រូវបានចោទប្រកាន់ ពីបទញុះញង់ដែរនោះ ក៏ត្រូវបានផ្ដន្ទាទោសឱ្យជាប់ពន្ធនាគារចន្លោះពី ១៨ខែទៅ ២៤ខែ ឬ ២ឆ្នាំផងដែរ។

កាលពីថ្ងៃទី២៨ ខែមេសា ឆ្នាំ២០២៦ សាលាដំបូងរាជធានីភ្នំពេញ បានបើកសវនាការលើសំណុំរឿងសកម្មជនកិច្ចព្រមព្រៀងសន្តិភាពទីក្រុងប៉ារីស លោក ស្រ៊ុន ស្រ៊ន កញ្ញា ភឹង សោភា លោក សាន សិទ្ធ និងលោក ចក់ បានមុនី រួមទាំងសកម្មជនប្រាំមួយនាក់ផ្សេងទៀតផងដែរ។

ជុំវិញដំណើរការសវនាការនេះ ព្រះរាជអាជ្ញារងនៃអយ្យការអមសាលាដំបូងរាជធានីភ្នំពេញ លោក សេង ហៀង បានស្នើឱ្យចៅក្រមផ្ដន្ទាទោសជនជាប់ចោទទាំងអស់ ពីព្រោះគេបានប្រព្រឹត្តអំពើញុះញង់បង្កឱ្យមានភាពវឹកវរដល់សណ្ដាប់ធ្នាប់សាធារណៈ និងសន្តិសុខសង្គម ចំពោះការតវ៉ាប្រឆាំងគម្រោងត្រីកោណអភិវឌ្ឍន៍នោះ។

គួររំឭកថា សារព័ត៌មាន The Cambodia Daily ធ្លាប់បានផ្សាយថា រដ្ឋាភិបាលក្រុងហាណូយ បានដាក់ទុនអភិវឌ្ឍនតំបន់ត្រីកោណរួមគ្នា ខ្មែរ ៤ខេត្ត លាវ ៤ខេត្ត និងយៀកណាម ៥ខេត្តនោះ ចំនួន ២៥០០លានដុល្លារសម្រាប់ខាងខ្មែរ និង ១៥០០លានដុល្លារសម្រាប់ខាងលាវ។

ព្រះរាជអាជ្ញារូបនេះបញ្ជាក់ថា ជនជាប់ចោទមិនបានយល់ដឹងគ្រប់ជ្រុងជ្រោយអំពីគម្រោងអភិវឌ្ឍ CLV-DTA ទេ ប៉ុន្តែបែរជានាំគ្នាផ្សព្វផ្សាយព័ត៌មានមិនពិត រហូតនាំឱ្យមានការរៀបចំផែនការប្រមូលផ្ដុំកាលថ្ងៃទី១៨ ខែសីហា ឆ្នាំ២០២៤ និងបានធ្វើឱ្យសាធារណជនខឹងសម្បានឹងរដ្ឋាភិបាលថែមទៀត។

សកម្មជនកិច្ចព្រមព្រៀងសន្តិភាពទីក្រុងប៉ារីស លោក ស្រ៊ុន ស្រ៊ន និងកញ្ញា ភឹង សោភា និងលោក សាន សិទ្ធ ត្រូវបានស្នងការប៉ូលិសខេត្តសៀមរាប ចាប់ខ្លួននៅថ្ងៃទី២៣ ខែកក្កដា ឆ្នាំ២០២៤ នៅឃុំស្រែណូយ ស្រុកវ៉ារិន ខេត្តសៀមរាប ពាក់ព័ន្ធនឹងការផ្សាយអំពីគម្រោងត្រីកោណអភិវឌ្ឍ CLV-DTA។

ជុំវិញបញ្ហានេះ អង្គការសម្ព័ន្ធខ្មែរជំរឿន និងការពារសិទ្ធិមនុស្ស (លីកាដូ) បានអះអាងថា ចាប់តាំងពីចុងខែកក្កដា ឆ្នាំ២០២៤ មក មនុស្សជាង ១០០នាក់ត្រូវបានចាប់ខ្លួន និងជាង ៦០នាក់ កំពុងជាប់ឃុំក្នុងពន្ធនាគារ ដោយសារការរិះគន់កិច្ចព្រមព្រៀងត្រីកោណអភិវឌ្ឍន៍នេះ។

អង្គការលីកាដូ អះអាងថា អ្នកដែលត្រូវបានឃុំខ្លួន និងរងបទចោទប្រកាន់ គឺមានអាយុចន្លោះពី ១៦ឆ្នាំទៅ ៧០ឆ្នាំ ក្នុងចំណោមនោះ ក៏មានអនីតិជនអាយុក្រោម ១៨ឆ្នាំចំនួន ៤នាក់ផងដែរ។

ប្រភពដដែល បញ្ជាក់ថា អ្នកជាប់ឃុំភាគច្រើនដែលរងបទចោទពីបទ រួមគំនិតក្បត់ ថាបានបង្កើតគម្រោងដើម្បីផ្តួលរំលំរដ្ឋាភិបាល នឹងត្រូវប្រឈមចំពោះការផ្ដន្ទាទោសឱ្យជាប់ពន្ធនាគារចាប់ពី ៥ឆ្នាំទៅដល់ ១០ឆ្នាំ។

មានទេសចរជនជាតិខ្មែរពីបរទេសទៅលេងស្រុកកំណើត បាននិយាយថា តំបន់ CLV មិនអាចចូលទៅមើល ឬទៅលេងគ្រប់កន្លែងបានទេ គឺមានគេយាមល្បាតហាមមិនឱ្យចូល មិនដឹងមកពីមូលហេតុអ្វីឡើយ។

ជុំវិញបញ្ហានេះ ប្រធានព្រឹទ្ធសភា លោក ហ៊ុន សែន ធ្លាប់បានគំរាមកាលពីពេលកន្លងទៅថា អ្នកដែលរស់នៅក្រៅស្រុកប្រឆាំងនឹងគម្រោងអភិវឌ្ឍន៍ត្រីកោណ CLV អាចរួចខ្លួន ប៉ុន្តែសម្រាប់អ្នករស់នៅក្នុងស្រុក គឺត្រូវតែចាប់ដាក់គុកទាំងអស់ គ្មានវាសនាគេចផុតពីគុកឡើយ៕

បទវិភាគ

បទវិភាគ៖ ហេតុអ្វីបានជារុស្ស៊ី ខ្លាចមីស៊ីល Tomahawk អាមេរិក? ធ្វើដូចម្ដេចអ៊ុយក្រែន បានអាវុធនេះពីលោក ត្រាំ?

បទវិភាគ៖ ពីឧក្រិដ្ឋជនសង្គ្រាមក្លាយជាភ្ញៀវរបស់អាមេរិក លោក ត្រាំ ទាញលោក ពូទីន ចេញពីភាពឯកា

បទវិភាគព័ត៌មាន៖ មិនអាចប្ដូរមេដឹកនាំផ្ដាច់ការនៅបេឡារូស លើកលែងតែដូចប្រទេសបង់ក្លាដេស

បទវិភាគ៖ របបផ្ដាច់ការនៅប្រទេសស៊ីរី ដល់ពេលត្រូវបាត់បង់ហើយ

បទវិភាគ៖ ប្រទេសមួយក្រោមឥទ្ធិពលចិនខ្លាំង ហើយពីរទៀតក្រោមឥទ្ធិពលវៀតណាមផងចិនផង

បទវិភាគ៖ ផ្លែការ៉ុតនិងដំបងដាក់នៅចំពោះមុខកម្ពុជាក្នុងភូមិសាស្ត្រនយោបាយរវាងអាមេរិកនិងចិន

បទវិភាគ៖ តើប៉ាឡេស្ទីន អាចក្លាយជាសមាជិកពេញសិទ្ធិនៃអង្គការសហប្រជាជាតិបានដែរឬទេ?

បទវិភាគ៖ អាហ្វ្រិកខាងត្បូងអូសអ៊ីស្រាអែលឡើង ICC តែផ្ដល់ឱកាសឱ្យរុស្ស៊ីបន្តវិនាសកម្មនៅអ៊ុយក្រែន

អត្ថបទទាក់ទង

ម្តាយភិក្ខុដែលត្រូវចាប់ផ្សឹកដោយសាររិះគន់រដ្ឋាភិបាល អង្វររដ្ឋអំណាចដោះលែងកូនឱ្យមានសេរីភាព

រដ្ឋាភិបាលដោះលែងប្រធានគណបក្សប្រជែងម្នាក់ ខណៈអ្នកនយោបាយចង់ឱ្យដោះលែងទាំងអស់

កម្ពុជាសង្ឃឹមបារាំង អ្នកអាណាព្យាបាលចាស់ ជួយខ្មែរតាមផ្លូវច្បាប់លើវិវាទព្រំដែនជាមួយថៃ

តុលាការខេត្តបន្ទាយមានជ័យ ចោទប្រកាន់អ្នកកាសែតរាយការណ៍អំពីកងទ័ពខ្វះទឹកប្រើពីបទញុះញង់

អត្ថបទអានច្រើន

និស្សិតភូមា យករូបមេដឹកនាំកម្ពុជាលោក ហ៊ុន សែន ទៅជាន់ឈ្លីនិងដុតចោលតាមទីសាធារណៈ

លោក ហ៊ុន សែន គំរាមមិនឱ្យលោក ស ខេង ឈរជាបេក្ខភាពនាយករដ្ឋមន្ត្រីបន្ទាប់ពីលោកជាដាច់ខាត

អតិថិជនទិញអចលនទ្រព្យពីអ្នកឧកញ៉ា ឡេង ណាវ៉ាត្រា ទាមទារផ្ទះតាមកិច្ចសន្យា

អតិថិជនទិញផ្ទះល្វែងពីបុរីពិភពថ្មីកំបូលខកចិត្តនឹងគុណភាពសំណង់ផ្ទះល្វែង និងសេវាមួយចំនួនរបស់ក្រុមហ៊ុននេះ

លោក ជា សុផារ៉ា រងការចោទប្រកាន់ថាប្រព្រឹត្តអំពើពុករលួយក្នុងជួរបក្សកាន់អំណាចរបស់ខ្លួន

លោក សម រង្ស៊ី ប្រកាសរកការរួបរួមជាមួយបក្សកាន់អំណាចរបស់លោក ហ៊ុន សែន ដើម្បីជាតិខ្មែររុងរឿង

សេចក្ដីរាយការណ៍ពិសេស

លោក ចេន ហ្ស៊ី បាត់មុខពីកម្ពុជា ស្របពេលអាមេរិកលាតត្រដាងអំពើឆបោកនិងលាងលុយកខ្វក់ក្នុងប្រព័ន្ធគ្រីបតូ

តើព្រះសង្ឃ និងមេដឹកនាំខ្មែរ បានធ្វើអ្វីខ្លះដើម្បីជាប្រយោជន៍ដល់ព្រះពុទ្ធសាសនា និងសង្គមជាតិរបស់ខ្លួន?

តើកាកបាទក្រហមកម្ពុជាទទួលអំណោយសប្បុរសដោយកុសលកម្ម ឬអកុសលកម្មបថ?

លោក ហេង សិទ្ធី អំពាវនាវឱ្យពលរដ្ឋខ្មែរចូលរួមរំដោះប្រទេសចេញពីអំណាចប្រមូលផ្ដុំគ្រួសារតែមួយ

មេធាវី៖ ការចាប់ខ្លួនលោក ហេង សិទ្ធី ដោយសារដឹងអំពីផែនការបង្កើតបក្សនយោបាយប្រឆាំងត្រកូលហ៊ុន