កម្ពុជា-ថៃ

នាយករដ្ឋមន្ត្រី​កម្ពុជា លោក ហ៊ុន ម៉ាណែត អះអាង​ថា គោលដៅ​នៃ​ការ​វាស់វែង និង​បោះ​បង្គោល​ព្រំដែន​បណ្ដោះអាសន្ន​ក្នុង​ភូមិសាស្ត្រ​ឃុំ​អូរបីជាន់ ស្រុក​អូរជ្រៅ ខេត្ត​បន្ទាយមានជ័យ រវាង​កម្ពុជា-ថៃ មិន​មែន​ដើម្បី​ចំណេញ ឬ​ខាត​ដី​ទេ គឺ​ដើម្បី​បញ្ចប់​ជម្លោះ។ លោក ហ៊ុន ម៉ាណែត សរសេរ​លើ​ទំព័រ​ហ្វេសប៊ុក​របស់​ខ្លួន​នៅ​ថ្ងៃទី​២៥ វិច្ឆិកា ថា គោលដៅ​ចម្បង​នៃ​ការ​វាស់វែង និង​បោះ​បង្គោល​ព្រំដែន​បណ្ដោះអាសន្ន​នេះ គឺ​ដើម្បី​កំណត់​នូវ​ការ​ខណ្ឌសីមា​នៅ​លើ​ដី​ជាក់ស្តែង ដែល​បញ្ជាក់​អំពី​ខ្សែ​ព្រំដែន​មួយ​ដែល​ត្រឹមត្រូវ និង​ច្បាស់លាស់​រវាង​ប្រទេស​កម្ពុជា និង​ថៃ។ លោក...

អង្គការ​អន្តរជាតិ ថ្កោលទោស​ដាច់អហង្ការ​ចំពោះ​ការ​វាយប្រហារ​ដោយ​គ្មាន​ហេតុផល និង​ការ​គំរាម​ប្រើប្រាស់​កម្លាំង​ប្រដាប់​អាវុធ និង​ការ​បង្កហេតុ​ជា​ប្រព័ន្ធ​ពី​សំណាក់​កងទ័ព​ថៃ ជុំវិញ​ជម្លោះ​ព្រំដែន​ជាមួយ​ប្រទេស​កម្ពុជា ជាពិសេស​ការ​បាញ់​ប្រហារ​ពី​កងទ័ព​ថៃ លើ​ជនស៊ីវិល​គ្មាន​អាវុធ​នៅ​ខេត្ត​បន្ទាយមានជ័យ កាលពី​ថ្ងៃទី​១២ វិច្ឆិកា កន្លង​ទៅ។ អង្គការ​អ្នក​ប្រជាធិបតេយ្យ​និយម​កណ្តាល​អន្តរជាតិ (CDI-IDC) ចេញ​សេចក្ដី​សម្រេច​ចិត្ត​ស្តីអំពី​បទ​ឈប់​បាញ់​គ្នា និង​សេចក្តី​ប្រកាស​អំពី​ការ​ព្រមព្រៀង​សន្តិភាព​រវាង​ប្រទេស​កម្ពុជា និង​ប្រទេស​ថៃឡង់ដ៍ កាលពី​ថ្ងៃទី​២២ វិច្ឆិកា ដែល​ទើប​នឹង​ត្រូវ​បាន​ផ្សព្វផ្សាយ​នៅ​ថ្ងៃទី​២៤ វិច្ឆិកា ថា បទ​ឈប់​បាញ់​គ្នា និង​សេចក្តី​ប្រកាស​សន្តិភាព​នៅតែ​ផុយ​ស្រួយ ដែល​ស្តែង​ចេញ​តាមរយៈ​ការ​វាយប្រហារ​របស់​កងទ័ព​ថៃ លើ​ជនស៊ីវិល​ដែល​គ្មាន​អាវុធ​នៅ​ខេត្ត​បន្ទាយមានជ័យ កាលពី​ថ្ងៃទី​១២...

អ្នក​ឃ្លាំមើល​ស្ថានការណ៍​កម្ពុជា ចាត់ទុក​ការ​វាស់វែង​បោះ​បង្គោល​ព្រំដែន​បណ្ដោះអាសន្ន​ក្នុង​ពេល​ដែល​ថៃ មិន​គោរព​បទ​ឈប់​បាញ់​គ្នា មិន​គោរព​កិច្ចព្រមព្រៀង​សន្តិភាព មិន​ដោះលែង​ទាហាន​ខ្មែរ​ទាំង ១៨​នាក់ គ្មាន​ការ​ចរចា​បញ្ចប់​ជម្លោះ គ្មាន​ការ​ផ្តល់​យុត្តិធម៌​ដល់​ពលរដ្ឋ និង​ទាហាន​ខ្មែរ​រងគ្រោះ គ្រាន់តែ​ជា​ការ​វាស់វែង​ខណ្ឌ​ចែក​ទឹកដី​ដែល​ចាញ់​ប្រៀប​សត្រូវ​ឈ្លានពាន​ប៉ុណ្ណោះ។ ប្រធាន​ក្រុមប្រឹក្សា​ឃ្លាំមើល​កម្ពុជា លោក ម៉ែន ណាត ប្រាប់​សារព័ត៌មាន The Cambodia Daily​នៅ​ថ្ងៃទី​២៤ វិច្ឆិកា ថា ការ​វាស់វែង​បោះ​បង្គោល​ព្រំដែន​បណ្ដោះអាសន្ន​លើ​ដី​ជាក់ស្តែង​រវាង​ភាគី​កម្ពុជា និង​ភាគី​ថៃ តាម​រូបមន្ត​ដេហ្វាក់តូ (defacto) នៅ​តំបន់​ភូមិ​ព្រៃចាន់...

អ្នក​ឃ្លាំមើល​សង្គម អំពាវនាវ​ឱ្យ​ពលរដ្ឋ​ខ្មែរ​ជំរុញ​មេដឹកនាំ​ខ្មែរ​គោរព​ពាក្យសន្យា​ប្ដឹង​ថៃ លើ​ករណី​តំបន់​ប្រាសាទ​តាមាន់តូច ប្រាសាទ​តាមាន់ធំ ប្រាសាទ​តាក្របី និង​តំបន់​មុំបី ទៅ​តុលាការ​យុត្តិធម៌​អន្តរជាតិ (ICJ) ព្រោះ​នេះ​គឺជា​ការ​សន្យា​របស់​ពួកគេ​ជុំវិញ​ជម្លោះ​ព្រំដែន​ជាមួយ​ថៃ នា​ពេលនេះ។ អ្នក​ឃ្លាំមើល​សង្គម លោក វ៉ន ចាន់ឡូត សរសេរ​លើ​គណនី​ហ្វេសប៊ុក​របស់​ខ្លួន​នៅ​ថ្ងៃទី​២១ វិច្ឆិកា នេះ​ថា តុលាការ​យុត្តិធម៌​អន្តរជាតិ (ICJ) ខុសពី​តុលាការ​ឧក្រិដ្ឋកម្ម​អន្តរជាតិ (ICC) ព្រោះ​តុលាការ ICC បើក​ចំហ​ឱ្យ​បុគ្គល ក្រុម​មនុស្ស...

រដ្ឋបាល​ខេត្ត​បន្ទាយមានជ័យ អះអាង​ថា ក្រុម​វាស់វែង​ចម្រុះ​កម្ពុជា-ថៃ កំពុង​បន្ត​ដំណើរការ​ការងារ​បោះ​បង្គោល​បណ្ដោះអាសន្ន​នៅ​ចន្លោះ​បង្គោល​ព្រំដែន​លេខ​៤២ ដល់​បង្គោល​ព្រំដែន​លេខ​៤៧ ស្ថិត​ក្នុង​ភូមិសាស្ត្រ​ឃុំ​អូរបីជាន់ ស្រុក​អូរជ្រៅ ខេត្ត​បន្ទាយមានជ័យ ខាង​ប្រទេស​កម្ពុជា និង​ខេត្ត​ស្រះកែវ ខាង​ប្រទេស​ថៃ ដោយ​រលូន។ រដ្ឋបាល​ខេត្ត​បន្ទាយមានជ័យ ចេញ​សេចក្តី​ប្រកាស​ព័ត៌មាន​នៅ​ថ្ងៃទី​២១ វិច្ឆិកា នេះ​ថា ក្រុម​វាស់វែង​ចម្រុះ​កម្ពុជា-ថៃ កំពុង​បន្ត​ចុះ​អនុវត្ត​ការងារ​លើ​ទីតាំង​ជាក់ស្តែង​ដោយ​ប្រើប្រាស់​ដ្រូន ដើម្បី​ថត​រូបភាព​ពី​លើ​អាកាស បន្ទាប់​មក ភាគី​ទាំង​ពីរ​នឹង​បន្ត​ដំណើរការ​ការងារ​បោះ​បង្គោល​បណ្ដោះអាសន្ន​នៅ​ចន្លោះ​បង្គោល​ព្រំដែន​លេខ​៤២ ដល់​បង្គោល​ព្រំដែន​លេខ​៤៧ ដោយ​អនុវត្ត​ការងារ​តាម​ស្មារតី បែបបទ​ណែនាំ បច្ចេកទេស​ដែល​ភាគី​ទាំង​ពីរ​បាន​ឯកភាព​គ្នា។ ប្រភព​ដដែល...

អ្នកសង្កេតការណ៍អាស៊ាន ផ្អាកសកម្មភាពត្រួតពិនិត្យតាមជាយដែន ដោយឮស្នូរផ្ទុះគ្រាប់ ក្រសួង​ការពារ​ជាតិ​នៃ​ប្រទេស​កម្ពុជា អះអាង​ថា ក្រុម​អ្នក​សង្កេតការណ៍​អាស៊ាន (ASEAN Observer Team) សម្រេច​ផ្អាក​ដំណើរ​ចុះ​ផ្ទៀងផ្ទាត់​ការអនុវត្ត​បទ​ឈប់​បាញ់​នៅ​ច្រក​ច១ ឃុំ​ថ្មដា ស្រុក​វាលវែង ខេត្ត​ពោធិ៍សាត់ ដោយ​ធ្វើ​ដំណើរ​ត្រឡប់​ក្រោយ​វិញ ក្រោយពី​មាន​ស្នូរ​ផ្ទុះ​អាវុធ​នៅ​ខាង​ភាគី​ថៃ ក្បែរ​តំបន់​ព្រំដែន​ជាមួយ​នឹង​ប្រទេស​កម្ពុជា។ តាម​សេចក្តី​ប្រកាស​ព័ត៌មាន​ពី​ក្រសួង​ការពារ​ជាតិ នៅ​ថ្ងៃទី​១៩ វិច្ឆិកា ថា ក្រុម​អ្នក​សង្កេតការណ៍​អាស៊ាន (AOT) បាន​ចុះទៅ​ត្រួតពិនិត្យ​ការអនុវត្ត​បទ​ឈប់​បាញ់​នៅ​ច្រក​ច១ ឃុំ​ថ្មដា ស្រុក​វាលវែង ខេត្ត​ពោធិ៍សាត់...

អតីត​រដ្ឋមន្ត្រី​ក្រសួង​ព័ត៌មាន និង​ជា​សមាជិក​ក្រុម​ឧត្ដមប្រឹក្សា​ផ្ទាល់​ព្រះមហាក្សត្រ លោក ខៀវ កាញារីទ្ធ លើកឡើង​ថា ថ្ងៃទី​១៧ ខែ​វិច្ឆិកា គឺជា​ថ្ងៃ​ប្រវត្តិសាស្ត្រ​ដ៏​ជូរចត់​មួយ​ដែល​កុលបុត្រ​ខ្មែរ​គ្រប់​រូប​ត្រូវ​ចងចាំ​ពី​ប្រវត្តិ​នៃ​ទឹកដី​ខេត្ត​បាត់ដំបង និង​ខេត្ត​សៀមរាប មុន​នឹង​ថៃ ប្រគល់​មក​ឱ្យ​ខ្មែរ​វិញ​ក្រោម​គំនិត​ផ្ដួចផ្ដើម​របស់​អាមេរិក។ លោក ខៀវ កាញារីទ្ធ សរសេរ​លើ​ទំព័រ​ហ្វេសប៊ុក​របស់​ខ្លួន​នៅ​ថ្ងៃទី​១៨ វិច្ឆិកា នេះ​ថា កុលបុត្រ​ខ្មែរ​គ្រប់​រូប​ត្រូវ​ចងចាំ​ប្រវត្តិសាស្ត្រ​ជូរចត់​ជាមួយ​ថៃ ជាពិសេស​ប្រវត្តិ​នៃ​ខេត្ត​បាត់ដំបង និង​ខេត្ត​សៀមរាប ដែល​ត្រូវ​បាន​ធានា​ដោយ​សន្ធិសញ្ញា​បារាំង-សៀម​ឆ្នាំ​១៩០៧ និង​កិច្ចព្រមព្រៀង​បារាំង-ថៃ ឆ្នាំ​១៩៤៦ ក្រោម​ការ​ជួយ​ជ្រោមជ្រែង​របស់​សហរដ្ឋ​អាមេរិក។ លោក​រៀបរាប់​ថា...

ប្រធាន​សមាគម​ខ្មែរ​ប្រចាំ​រដ្ឋ North Carolina ច្រានចោល​ការ​ចោទប្រកាន់​របស់​លោក ម៉ៃឃើល ប៊ើរី អាល់ហ្វារ៉ូ (Michael B Alfaro) លើ​សមាគម​របស់​ខ្លួន​ថា​ធ្វើ​កិច្ចការ​គ្មាន​តម្លាភាព គឺជា​ការ​ចោទប្រកាន់​ដោយ​គ្មាន​មូលដ្ឋាន​ត្រឹមត្រូវ។ លោក ថាច់ សីហា ប្រធាន​សមាគម​ខ្មែរ​ប្រចាំ​រដ្ឋ North Carolina បាន​លើកឡើង​ក្នុង​កិច្ចសម្ភាសន៍​ពិសេស​មួយ​ជាមួយ​អ្នក​ធ្វើ​អត្ថាធិប្បាយ​អំពី​បញ្ហា​សង្គម លោក មួង ណារ៉េត នៅ​ថ្ងៃទី​១៧ វិច្ឆិកា នេះ​ថា...

ប្រធាន​ព្រឹទ្ធសភា លោក ហ៊ុន សែន ប្រកាស​ឱ្យ​ពលរដ្ឋ​ខ្មែរ​ចូល​ប្រើ​សេវាកម្ម​ស្ថានីយ​ប្រេងឥន្ធនៈ PTT ឡើងវិញ ដោយសារតែ​ក្រុមហ៊ុន​នេះ​បាន​ផ្លាស់ប្ដូរ​ការ​នាំចូល​ប្រេង​មកពី​ប្រទេស​សិង្ហបុរី។ មេដឹកនាំ​បក្ស​កាន់​អំណាច លោក ហ៊ុន សែន លើកឡើង​ក្នុង​ពិធី​បើក​អនុសំវច្ឆរៈ​មហាសន្និបាត​មន្ត្រី​សង្ឃ​ទូទាំង​ប្រទេស​លើក​ទី​៣៣ នៅ​ថ្ងៃទី​១៧ វិច្ឆិកា នេះ​ថា ស្ថានីយ​ប្រេងឥន្ធនៈ PTT ថ្វីត្បិតតែ​ប្រភព​របស់​ក្រុមហ៊ុន​មកពី​ប្រទេស​ថៃ ក៏​ពិត​មែន ប៉ុន្តែ​នៅ​ក្នុង​ប្រទេស​កម្ពុជា នា​ពេល​បច្ចុប្បន្ន​នេះ ក្រុមហ៊ុន​នេះ​មិន​បាន​នាំចូល​ប្រភព​ប្រេង​មកពី​ប្រទេស​ថៃ ទៀត​ទេ ពោល​គឺ​នាំចូល​មកពី​ប្រទេស​សិង្ហបុរី...

រដ្ឋមន្ត្រី​ក្រសួង​មហាផ្ទៃ លោក ស សុខា ប្រកាស​ប្ដឹង​ទាហាន​ឈុត​ខ្មៅ​ថៃ ៧​នាក់​ទៅ​អន្តរជាតិ ចំពោះ​ទង្វើ​ដ៏​ស្មោកគ្រោក​ដែល​បាន​រំលោភ​បូក​លើ​យុវតី​ខ្មែរ​ម្នាក់​អំឡុង​ពេល​វិលត្រឡប់​ពី​ប្រទេស​ថៃ ទៅ​កម្ពុជា វិញ។ លោក ស សុខា លើកឡើង​ក្នុង​ពេល​សួរ​សុខទុក្ខ​យុវតី​ដែល​ត្រូវ​បាន​ទាហាន​ឈុត​ខ្មៅ​ថៃ ចាប់​រំលោភ​បំពាន​លើ​រាងកាយ​នៅ​ថ្ងៃទី​១៧ វិច្ឆិកា នេះ​ថា អគ្គស្នងការដ្ឋាន​នគរបាល​ជាតិ កំពុង​សហការ​ជាមួយ​អ្នក​ពាក់ព័ន្ធ ដើម្បី​ប្រមូល​ព័ត៌មាន និង​ប្ដឹង​ទៅ​អន្តរជាតិ ឲ្យ​ឃើញ​អំពី​ទង្វើ​ដ៏​ស្មោកគ្រោក​របស់​ក្រុម​ទាហាន​ថៃ ដែល​បាន​ប្រព្រឹត្ត​មក​លើ​នារី​រងគ្រោះ​ដែល​ជា​ជនជាតិ​ខ្មែរ។ លោក ស សុខា អះអាង​ថា...