TAG
គណបក្សកម្លាំងជាតិ
គណបក្សកម្លាំងជាតិគ្រោងប្រមូលផ្ដុំនៅទីលានប្រជាធិបតេយ្យដើម្បីទាមទារឱ្យដោះលែងប្រធានបក្សរបស់ខ្លួន
គណបក្សកម្លាំងជាតិ គ្រោងជួបជុំថ្នាក់ដឹកនាំ សមាជិក និងសកម្មជនគណបក្សនៅទីលានប្រជាធិបតេយ្យ នៅក្រោយការបោះឆ្នោតជ្រើសរើសសមាជិកក្រុមប្រឹក្សារាជធានី-ខេត្តខាងមុខនេះ ក្នុងគោលបំណងសម្ដែងមតិដោយសន្តិវិធី ទាមទារឱ្យមានការដោះលែងប្រធានគណបក្សរបស់ខ្លួនលោក ស៊ុន ចន្ធី។
គណបក្សកម្លាំងជាតិ ចេញសេចក្តីថ្លែងការណ៍នៅថ្ងៃទី១៧ ខែឧសភា ឆ្នាំ២០២៤ នេះថា គណៈកម្មាធិការនាយក និងថ្នាក់ដឹកនាំគណបក្សកម្លាំងជាតិរាជធានី-ខេត្តទាំងអស់ ចាត់ទុកការចាប់ខ្លួនលោក ស៊ុន ចន្ធី ប្រធានគណបក្សរបស់ពួកគេ គឺជាការធ្វើទុក្ខបុកម្នេញផ្នែកនយោបាយមកលើគណបក្សកម្លាំងជាតិ ដែលធ្វើឱ្យប៉ះពាល់ដល់សេរីភាពផ្នែកប្រជាធិបតេយ្យ និងដំណើរការការបោះឆ្នោតអសកលខាងមុខនេះយ៉ាងធ្ងន់ធ្ងរ។
ប្រភពដដែល ឱ្យដឹងថា បើទោះបីជាប្រធានគណបក្សត្រូវបានចាប់ខ្លួនទាំងអយុត្តិធម៌ក៏ដោយ...
ប្រធានគណបក្សកម្លាំងជាតិរងនូវការចោទប្រកាន់ក្នុងសំណុំរឿងព្រហ្មទណ្ឌចំនួនពីរករណី
ប្រធានគណបក្សកម្លាំងជាតិលោក ស៊ុន ចន្ធី បានរងនូវការចោទប្រកាន់ក្នុងសំណុំរឿងព្រហ្មទណ្ឌពីបទឆបោកពីតុលាការខេត្តកំពង់ធំ និងពីបទញុះញង់បង្កឲ្យមានភាពវឹកវរធ្ងន់ធ្ងរដល់សន្តិសុខសង្គមពីតុលាការក្រុងភ្នំពេញ ខណៈលោកត្រូវបានឃុំខ្លួនក្នុងពន្ធនាគារខេត្តពោធិ៍សាត់ ក្នុងពេលបច្ចុប្បន្ននេះ។
សាលាដំបូងខេត្តកំពង់ធំ បានចេញសេចក្តីប្រកាសព័ត៌មានកាលពីថ្ងៃទី១៣ ឧសភា ដែលត្រូវបានផ្សព្វផ្សាយនៅថ្ងៃទី១៤ ខែឧសភា នេះថា អយ្យការអមសាលាដំបូងខេត្តកំពង់ធំ បានផ្ទេរសំណុំរឿងព្រហ្មទណ្ឌពាក់ព័ន្ធនឹងជនត្រូវចោទឈ្មោះ ស៊ុន ចន្ធី ទៅសាលាដំបូង និងអយ្យការអមសាលាដំបូងរាជធានីភ្នំពេញវិញ ដើម្បីបន្តចាត់ការជាសមត្ថកិច្ចតាមរយៈលិខិតចុះថ្ងៃទី១០ ខែឧសភា ឆ្នាំ២០២៤ របស់ក្រសួងយុត្តិធម៌។
សេចក្តីប្រកាសព័ត៌មានដដែលនេះរៀបរាប់ថា កាលពីដើមខែកុម្ភៈ ឆ្នាំ២០២៤...
មន្ត្រីបក្សកម្លាំងជាតិអំពាវនាវចេញពីពន្ធនាគារឱ្យសមាជិកបក្សខ្លួនរក្សាស្មារតីស្មោះត្រង់នឹងបក្ស
មន្ត្រីគណបក្សកម្លាំងជាតិប្រចាំខេត្តកំពង់ចាម ដែលកំពុងជាប់ពន្ធនាគារ បានអំពាវនាវចេញពីពន្ធនាគារ ឱ្យមន្ត្រី និងសមាជិកគណបក្សកម្លាំងជាតិទាំងអស់ រក្សាស្មារតីសាមគ្គីរួបរួម ស្មោះត្រង់នឹងគណបក្សបន្តទៀត ជាពិសេសក្នុងការបោះឆ្នោតជ្រើសរើសសមាជិកក្រុមប្រឹក្សារាជធានី-ខេត្តនៅចុងខែឧសភា ឆ្នាំ២០២៤ ខាងមុខនេះ ដើម្បីបន្តវេនរបស់អ្នកប្រជាធិបតេយ្យនៅក្នុងប្រទេសកម្ពុជាទៅថ្ងៃមុខ។
អនុប្រធានក្រុមការងារបណ្ដោះអាសន្នរបស់គណបក្សកម្លាំងជាតិខេត្តកំពង់ចាម និងជាបេក្ខជនក្រុមប្រឹក្សាខេត្តលេខរៀងទី១ គឺលោក មី សេងហ៊ ហៅ គា វិសាល បានចេញលិខិតមួយពីពន្ធនាគារដែលត្រូវបានផ្សព្វផ្សាយនៅថ្ងៃទី១៩ មេសា នេះ បានអំពាវនាវឱ្យអង្គបោះឆ្នោតទាំងអស់ដែលត្រូវចូលរួមបោះឆ្នោតជ្រើសរើសសមាជិកក្រុមប្រឹក្សារាជធានី-ខេត្តនៅអំឡុងខែឧសភា ឆ្នាំ២០២៤ ខាងមុខនេះ...
គណបក្សកម្លាំងជាតិនៅតែប្ដេជ្ញាសម្ដែងមតិដោយសន្តិវិធីនៅទីលានប្រជាធិបតេយ្យទាមទារឱ្យដោះលែងសមាជិក
គណបក្សកម្លាំងជាតិ ប្រកាសជួបជុំសមាជិក និងអ្នកគាំទ្រ ដើម្បីសម្ដែងមតិដោយសន្តិវិធីនៅទីលានប្រជាធិបតេយ្យរយៈពេល ៣ថ្ងៃជាប់គ្នានៅចុងខែមេសា នេះ ដើម្បីទាមទារឱ្យរដ្ឋាភិបាលដោះលែងសមាជិករបស់ខ្លួន ២នាក់ បន្ទាប់ពីត្រូវបានសមត្ថកិច្ចចាប់ខ្លួនក្រោមហេតុផលនយោបាយអស់រយៈពេលប្រមាណជា ១ខែកន្លងមកនេះ។
គណបក្សកម្លាំងជាតិ ចេញសេចក្តីប្រកាសព័ត៌មាន នៅថ្ងៃទី១៨ ខែមេសា ឆ្នាំ២០២៤ នេះថា ខ្លួននឹងធ្វើការប្រមូលផ្ដុំសមាជិកសមាជិកាគណបក្ស ដើម្បីសម្ដែងមតិនៅទីលានប្រជាធិបតេយ្យចាប់ពីថ្ងៃទី២២ ដល់ថ្ងៃទី២៤ ខែមេសា ឆ្នាំ២០២៤ ខាងមុខនេះ ក្នុងបំណងតវ៉ាទាមទារឱ្យរដ្ឋាភិបាលដោះលែងលោក អ៊ុំ វីរៈរដ្ឋ...
ក្រុមអ្នកតស៊ូមតិ៖ កិច្ចប្រជុំរបស់សាលារាជធានីជាមួយប្រធានបក្សកម្លាំងជាតិគឺជារូបភាពគំរាមកំហែងសិទ្ធិសេរីភាពបញ្ចេញមតិ
ក្រុមអ្នកតស៊ូមតិកម្ពុជា (CAT) ចាត់ទុកកិច្ចប្រជុំដែលរៀបចំដោយសាលាក្រុងភ្នំពេញ ដែលមានសមាសភាពចូលរួមដោយអាជ្ញាធរមានសមត្ថកិច្ចជិត ២០អង្គភាព តទល់ជាមួយនឹងប្រធានគណបក្សកម្លាំងជាតិតែម្នាក់ គឺជារូបភាពគំរាមកំហែង និងបំភិតបំភ័យ ជុំវិញការអនុវត្តសិទ្ធិសេរីភាពបញ្ចេញមតិនៅកម្ពុជាសព្វថ្ងៃនេះ។
ក្រុមអ្នកតស៊ូមតិកម្ពុជា សរសេរលើទំព័រហ្វេសប៊ុកផ្លូវការរបស់ខ្លួននៅថ្ងៃទី៨ ខែមេសា ឆ្នាំ២០២៤ នេះថា ជារឿងដែលហួសចិត្ត និងគួរឱ្យអស់សំណើចជាទីបំផុត ដែលសាលាក្រុងភ្នំពេញអញ្ជើញឱ្យប្រធានគណបក្សកម្លាំងជាតិ លោក ស៊ុន ចន្ធី ចូលរួមក្នុងកិច្ចប្រជុំមួយដែលតទល់នឹងមន្ត្រីចំនួន ១៦អង្គភាព និងស្ថាប័ន ដោយគ្រាន់តែដើម្បីពិភាក្សាលើការជូនដំណឹងធ្វើបាតុកម្មនៅទីលានប្រជាធិបតេយ្យ ក្នុងបំណងទាមទារឱ្យដោះលែងសមាជិកគណបក្សកម្លាំងជាតិ...
គណបក្សកម្លាំងជាតិប្រកាសសម្ដែងមតិដោយសន្តិវិធីនៅទីលានប្រជាធិបតេយ្យ ៣ថ្ងៃទាមទារឱ្យដោះលែងសមាជិករបស់ខ្លួន
គណបក្សកម្លាំងជាតិ ប្រកាសជួបជុំសមាជិក និងអ្នកគាំទ្រ ដើម្បីសម្ដែងមតិដោយសន្តិវិធីនៅទីលានប្រជាធិបតេយ្យរយៈពេល ៣ថ្ងៃជាប់គ្នានៅចុងខែមេសា ឆ្នាំ២០២៤ នេះ ដើម្បីទាមទារឱ្យរដ្ឋាភិបាលដោះលែងសមាជិករបស់ខ្លួនចំនួន ២នាក់ ដែលត្រូវបានសមត្ថកិច្ចចាប់ខ្លួន ក្រោមហេតុផលនយោបាយកាលពីអំឡុងខែមីនា កន្លងទៅ។
គណបក្សកម្លាំងជាតិ បានចេញលិខិតមួយទៅកាន់រដ្ឋបាលក្រុងភ្នំពេញ កាលពីថ្ងៃទី២ ខែមេសា ឆ្នាំ២០២៤ ដើម្បីជូនដំណឹងពីការប្រមូលផ្ដុំសម្ដែងមតិនៅទីលានប្រជាធិបតេយ្យ ចាប់ពីថ្ងៃទី២២ ដល់ថ្ងៃទី២៤ ខែមេសា ឆ្នាំ២០២៤ ខាងមុខនេះ ក្នុងបំណងតវ៉ាទាមទារឱ្យរដ្ឋាភិបាលដោះលែងលោក អ៊ុំ...
បក្សកម្លាំងជាតិ៖ ការចាប់ខ្លួនមន្ត្រី៣នាក់គឺជាការធ្វើទុក្ខបុកម្នេញផ្នែកនយោបាយជាថ្មីមកលើបក្សប្រឆាំង
មន្ត្រីបក្សកម្លាំងជាតិ និងមន្ត្រីសិទ្ធិមនុស្សអះអាងថា អាជ្ញាធរចាប់ខ្លួនមន្ត្រីបក្សប្រឆាំងទាំង ៣នាក់ គឺជាការធ្វើទុក្ខបុកម្នេញផ្នែកនយោបាយ និងជាការបំភិតបំភ័យមកលើគណបក្សកម្លាំងជាតិ ដែលជាគណបក្សប្រឆាំងថ្មី ច្រើនជាងការអនុវត្តច្បាប់។
សេចក្តីថ្លែងការណ៍របស់គណបក្សកម្លាំងជាតិ បានចេញផ្សាយកាលពីថ្ងៃទី៣០ ខែមីនា ដោយបានអំពាវនាវជាបន្ទាន់ឲ្យអាជ្ញាធរដោះលែងលោក អ៊ុំ វីរៈរដ្ឋ អគ្គហិរញ្ញិកគណបក្សកម្លាំងជាតិ និងមន្ត្រីរបស់ខ្លួនពីររូបទៀត ក្រោយពេលដែលអាជ្ញាធរខេត្តកំពង់ស្ពឺ បានចាប់ខ្លួននៅថ្ងៃទី៣០ ខែមីនា ឆ្នាំ២០២៤។
ក្រៅពីចាប់ខ្លួនលោក អ៊ុំ វីរៈរដ្ឋ មានមន្ត្រីនៃអតីតបក្សប្រឆាំងពីររូបទៀតដែលត្រូវចាប់ខ្លួន គឺអ្នកស្រី គុណ...
តុលាការខេត្តកំពង់ធំកោះហៅប្រធានបក្សកម្លាំងជាតិចូលបំភ្លឺករណីរងការចោទឆបោកលុយពីសមាជិកបក្សភ្លើងទៀន
សាលាដំបូងខេត្តកំពង់ធំ កោះហៅប្រធានគណបក្សកម្លាំងជាតិ លោក ស៊ុន ចន្ធី ឱ្យចូលខ្លួនបំភ្លឺដោយផ្ទាល់នៅថ្ងៃទី១៤ ខែមីនា ខាងមុខនេះ ជុំវិញការចោទប្រកាន់ពីបទ ឆបោកលុយចំនួន ១២លាន ៨សែនរៀល (១២ ៨០០០០០រៀល) ដែលស្មើនឹងប្រមាណជា ៣ពាន់ដុល្លារសហរដ្ឋអាមេរិក ពីសមាជិកគណបក្សភ្លើងទៀនខេត្តកំពង់ធំ ដែលជាអតីតសហការីរបស់ខ្លួន។
ព្រះរាជអាជ្ញារងនៃអយ្យការអមសាលាដំបូងខេត្តកំពង់ធំ លោក ផៃ តុងហួរ បានចេញដីកាកោះកាលពីថ្ងៃទី២០ ខែកុម្ភៈ ឆ្នាំ២០២៤...
បក្សកម្លាំងជាតិស្នើក្រសួងមហាផ្ទៃកុំទទួលស្គាល់ឯកសារបក្សភ្លើងទៀនដែលសុំផ្លាស់ប្ដូរក្រុមប្រឹក្សាឃុំសង្កាត់
គណបក្សកម្លាំងជាតិ ស្នើឲ្យក្រសួងមហាផ្ទៃ កុំទទួលស្គាល់សំណុំឯកសាររបស់គណបក្សភ្លើងទៀន ដែលសុំផ្លាស់ប្ដូរក្រុមប្រឹក្សាឃុំ-សង្កាត់របស់ខ្លួនទៅចូលរួមជាមួយគណបក្សដទៃ ដោយបានចោទប្រកាន់ថា មេដឹកនាំនៃគណបក្សនេះអនុវត្តខុសពីជំហរដើមរបស់អតីតស្ថាបនិកបក្សភ្លើងទៀន។
បើតាមសេចក្តីថ្លែងការណ៍របស់គណបក្សកម្លាំងជាតិ ដែលចេញផ្សាយនៅថ្ងៃទី២៩ ខែមករា នេះ គណបក្សកម្លាំងជាតិ ស្នើឲ្យក្រសួងមហាផ្ទៃកុំទទួលស្គាល់សំណុំឯកសាររបស់គណបក្សភ្លើងទៀន ដែលសុំផ្លាស់ប្ដូរក្រុមប្រឹក្សាឃុំ-សង្កាត់របស់ខ្លួនទៅចូលរួមជាមួយគណបក្សដទៃ។ គណបក្សកម្លាំងជាតិ ក៏បានចោទមេដឹកនាំបក្សភ្លើងទៀនពីបទអនុវត្តខុសពីជំហរដើមរបស់អតីតស្ថាបនិកគណបក្សភ្លើងទៀនដែរ។
សេចក្តីថ្លែងការណ៍ដដែលឲ្យដឹងថា គណបក្សភ្លើងទៀនសព្វថ្ងៃបានបោះបង់គោលការណ៍ប្រជាធិបតេយ្យ សេរី ហើយបានចាប់យកជម្រើសផ្ដាច់ការ បង្ខិតបង្ខំ គំរាមកំហែង ដែលទង្វើទាំងនេះបានលាតត្រដាងឲ្យមហាជនទូទៅឃើញជាក់ស្តែង។
ប្រធានគណបក្សភ្លើងទៀនលោក ទាវ វណ្ណុល ចាត់ទុកការលើកឡើងរបស់បក្សកម្លាំងជាតិ ថាជាសិទ្ធិរបស់គេនៅក្នុងសង្គមប្រជាធិបតេយ្យ។...
គណបក្សភ្លើងទៀននិងបក្សកម្លាំងជាតិនឹងពិភាក្សាគ្នានៅថ្ងៃទី០៩ កុម្ភៈ ជុំវិញការបែងចែកមណ្ឌលភូមិភាគ
គណបក្សភ្លើងទៀន ស្វាគមន៍ពិភាក្សាការងារជាមួយគណបក្សកម្លាំងជាតិ នៅថ្ងៃទី០៩ ខែកុម្ភៈ ឆ្នាំ២០២៤ នៅទីស្នាក់ការគណបក្សភ្លើងទៀន ជុំវិញរឿងការបែងចែកមណ្ឌលភូមិភាគសម្រាប់ការបោះឆ្នោតជ្រើសតាំងសមាជិកព្រឹទ្ធសភាឆ្នាំ២០២៤ បន្ទាប់ពីលោក សម រង្ស៊ី ប្រធានអតីតគណបក្សសង្គ្រោះជាតិ បានអំពាវនាវដល់តំណាងកម្លាំងប្រជាធិបតេយ្យទាំងអស់នៅប្រទេសកម្ពុជា កុំឲ្យមានការវាយប្រហារគ្នាទៅវិញទៅមក។
យោងតាមលិខិតរបស់គណបក្សភ្លើងទៀន ចុះហត្ថលេខាដោយលោក លី សុធារ៉ាយុត្តិ អគ្គលេខាធិការគណបក្សភ្លើងទៀន នៅថ្ងៃទី២៣ ខែមករា ឆ្នាំ២០២៤ បានប្រកាសស្វាគមន៍ពិភាក្សាការងារជាមួយគ្រប់គណបក្សនយោបាយ និងអ្នកប្រជាធិបតេយ្យទាំងអស់ ក្នុងបំណងបង្រួបបង្រួមអ្នកប្រជាធិបតេយ្យតាមរយៈ “សម្ព័ន្ធភាពឆ្ពោះទៅអនាគត”។
គណបក្សភ្លើងទៀន...