ជនជាតិ​ថៃ

ក្រសួង​ការពារ​ជាតិ បដិសេធ​ការ​ផ្សព្វផ្សាយ​របស់​ភាគី​ថៃ ដែល​ថា​កម្ពុជា​បង្ខាំង​ពលរដ្ឋ​ថៃ មិន​ឱ្យ​ឆ្លងដែន គឺជា​ព័ត៌មាន​បំភ្លៃ​ខុស​ការពិត​ពី​ភាគី​ថៃ។ អ្នក​នាំពាក្យ​ក្រសួង​ការពារ​ជាតិ អ្នកស្រី ម៉ាលី សុជាតា ចេញ​សេចក្តី​ប្រកាស​ព័ត៌មាន​នៅ​ថ្ងៃទី​១៥ ធ្នូ នេះ​ថា រាជរដ្ឋាភិបាល​កម្ពុជា បាន​ផ្អាក​ការ​ធ្វើ​ដំណើរ​ចេញ-ចូល​ទាំងស្រុង​នៅ​តាម​ច្រក​ទ្វារ​ព្រំដែន​គោក និង​ផ្លូវទឹក​ជាប់​ព្រំដែន​កម្ពុជា-ថៃ ដែល​កំពុង​មាន​អរិភាព​តែប៉ុណ្ណោះ។ ប្រភព​ដដែល​អះអាង​ថា ការ​សម្រេច​ផ្អាក​បែប​នេះ គឺ​ក្នុង​គោលបំណង​ដើម្បី​ការពារ​អាយុជីវិត និង​ការ​រង​របួស​របស់​ជនស៊ីវិល​ពី​ការ​បាញ់​ប្រហារ​ដោយ​អនាធិបតេយ្យ​នៅ​តាម​បណ្ដោយ​ព្រំដែន​ពី​សំណាក់​យោធា​ថៃ នា​ពេលនេះ ប៉ុន្តែ​ការ​ផ្អាក​នេះ​មិន​រាប់​បញ្ចូល​ការ​ធ្វើ​ដំណើរ​តាម​ផ្លូវ​អាកាស និង​ច្រក​ទ្វារ​ព្រំដែន​ដែល​គ្មាន​ភាព​តានតឹង ឬ​តាម​ច្រក​ទ្វារ​ព្រំដែន​កម្ពុជា​ជាប់​ជាមួយ​ប្រទេស​ផ្សេងៗ​ឡើយ។ អ្នកស្រី ម៉ាលី សុជាតា...

កម្លាំង​សមត្ថកិច្ច​ចម្រុះ ឃាត់​ខ្លួន​ជនជាតិ​ថៃ ចំនួន ៧៥​នាក់ ក្នុង​នោះ​មាន​ស្រី ៤៨​នាក់ ពាក់ព័ន្ធ​នឹង​ករណី​ប្រព្រឹត្ត​បទល្មើស​ឆបោក​តាម​ប្រព័ន្ធ​បច្ចេកវិទ្យា (Online Scam) ដែល​ស្ថិត​នៅ​ទីតាំង​កសិដ្ឋាន​មួយ​កន្លែង​ឈ្មោះ អមរៈ ក្នុង​ភូមិ​កោះក្របី១ សង្កាត់​ព្រែកថ្មី ខណ្ឌ​ច្បារអំពៅ រាជធានី​ភ្នំពេញ កាលពី​ថ្ងៃទី​៩ ខែ​ធ្នូ ឆ្នាំ​២០២៥។ លេខាធិការដ្ឋាន​នៃ​គណៈកម្មការ​ចំពោះ​កិច្ច​ប្រយុទ្ធ​ប្រឆាំង​ការ​ឆបោក​តាម​ប្រព័ន្ធ​បច្ចេកវិទ្យា (គ.ប.ឆ.ប.) ឱ្យ​ដឹង​ថា ក្នុង​ប្រតិបត្តិការ​បង្ក្រាប​នោះ សមត្ថកិច្ច​បាន​រឹបអូស​នូវ​សម្ភារៈ​ជា​វត្ថុតាង​មួយ​ចំនួន ដូចជា កុំព្យូទ័រ​យួរដៃ...

អគ្គស្នងការ​នគរបាល​ជាតិ​អះអាង​ថា នគរបាល​ខេត្ត​បន្ទាយមានជ័យ ចាប់​ខ្លួន​ជនជាតិ​ថៃ សរុប​ចំនួន ៦៣​នាក់​ពាក់ព័ន្ធ​នឹង​ករណី​លួចលាក់​ប្រព្រឹត្ត​បទល្មើស​ឆបោក​តាម​ប្រព័ន្ធ​អនឡាញ​នៅ​ក្រុង​ប៉ោយប៉ែត ខេត្ត​បន្ទាយមានជ័យ ហើយ​សមត្ថកិច្ច​កម្ពុជា​នឹង​បណ្តេញ​ពួកគេ​ចេញ​ដោយ​បញ្ជូន​ទៅ​ឲ្យ​អាជ្ញាធរ​ថៃ។ សេចក្តី​ប្រកាស​របស់​អគ្គស្នងការ​នគរបាល​ជាតិ ចេញ​ផ្សាយ​កាលពី​ថ្ងៃទី​២៥ ខែ​មីនា បាន​ឲ្យ​ដឹង​ថា គណៈ​បញ្ជាការ​ដឹកនាំ​ស្រាវជ្រាវ ស៊ើបអង្កេត និង​បង្ក្រាប​បទល្មើស​គ្រប់​ប្រភេទ បាន​ចុះ​បង្ក្រាប​ទីតាំង​ពីរ​កន្លែង​ដែល​លួចលាក់​ប្រព្រឹត្ត​បទល្មើស​តាម​ប្រព័ន្ធ​អនឡាញ​នៅ​ក្រុង​ប៉ោយប៉ែត។ ករណី​នេះ សមត្ថកិច្ច​បង្ក្រាប​កាលពី​ថ្ងៃទី​២២ ខែ​មីនា បន្ទាប់ពី​បាន​ស៊ើបអង្កេត​ស្រាវជ្រាវ និង​ឃ្លាំមើល​ទីតាំង​មួយ​នេះ​អស់​មួយ​រយៈ​កន្លង​មក។ ក្នុង​ប្រតិបត្តិការ​នេះ សមត្ថកិច្ច​បាន​ឃាត់​ខ្លួន​ជនជាតិ​ថៃ ចំនួន ៦៣​នាក់ ក្នុង​នោះ​មាន​កុមារ ២​នាក់...

សមត្ថកិច្ច​ខេត្ត​ព្រះសីហនុ ចាប់​ខ្លួន​ជនបរទេស​ជិត ៥០០​នាក់​ដែល​មាន ១០​សញ្ជាតិ​ពាក់ព័ន្ធ​នឹង​បទល្មើស​ជួញដូរ​មនុស្ស និង​សញ្ចរកម្ម​នៅ​កម្ពុជា រួម​មាន​ជនជាតិ​ចិន ជនជាតិ​ចិន​តៃវ៉ាន់ ជនជាតិ​វៀតណាម ជនជាតិ​ម៉ាឡេស៊ី ជនជាតិ​ឥណ្ឌូនេស៊ី ជនជាតិ​ឥណ្ឌា ជនជាតិ​ថៃ ជនជាតិ​បង់ក្លាដេស ជនជាតិ​ភូមា និង​ជនជាតិ​រុស្ស៊ី ផង​ដែរ ក្នុង​នោះ​សមត្ថកិច្ច​បាន​បញ្ជូន​ជនសង្ស័យ​ចំនួន ៥​នាក់​ទៅ​តុលាការ ដើម្បី​បន្ត​ស៊ើបអង្កេត​បទល្មើស​សម្អាត​ប្រាក់​ថែម​ទៀត។ រដ្ឋបាល​ខេត្ត​ព្រះសីហនុ បាន​ចេញ​សេចក្តី​ប្រកាស​ព័ត៌មាន​កាលពី​ថ្ងៃទី​២៥ ខែ​កញ្ញា ឆ្នាំ​២០២២ នេះ​ថា កម្លាំង​គណៈ​បញ្ជាការ​ឯកភាព​ខេត្ត​ព្រះសីហនុ...

ប៉ូលិស​ថៃ បាន​ជួយ​សង្គ្រោះ​មនុស្ស​ជាង ៦០​នាក់​បន្ថែម​ទៀត​ចេញពី​ក្រុម​ប្រតិបត្តិការ​ឆបោក​តាម​ប្រព័ន្ធ​អនឡាញ​នៅ​កម្ពុជា ខណៈ​ការ​ឆ្មក់​ចូល​ជួយ​សង្គ្រោះ​ខ្លះ​ត្រូវ​បាន​ថៅកែ​ដឹង​មុន។ យោង​តាម​ការ​ចុះផ្សាយ​របស់​វេបសាយ​ប៉ូលិស​ថៃ ចេញផ្សាយ​កាលពី​ថ្ងៃ​ទី​១២ ខែ​មេសា ឆ្នាំ​២០២២ ឱ្យ​ដឹង​ថា ការ​ឆ្មក់​ចូល​ជួយ​សង្គ្រោះ​ជនរងគ្រោះ​ចំនួន ៦៦​នាក់ ធ្វើឡើង​ក្នុង​រយៈពេល​ពីរ​ថ្ងៃ​នៅ​ក្នុង​ខេត្ត​ព្រះសីហនុ និង​រាជធានី​ភ្នំពេញ ដោយ​ការ​ចុះ​ប្រតិបត្តិការ​មួយ​ចំនួន​ត្រូវ​បាន​រំខាន បន្ទាប់ពី​ថៅកែ​បាន​ដឹង​ពី​ការ​ឆ្មក់​ចូល​ជួយ​សង្គ្រោះ​ជនជាតិ​ថៃ​ទាំងនោះ។ មុន​ពេល​ជួយ​សង្គ្រោះ ប៉ូលិស​ថៃ បាន​ទៅ​អគារ​មួយ​ដែល​មាន​កម្ពស់ ១០​ជាន់ ក្នុង​សង្កាត់​មួយ​ក្នុង​ក្រុង​ព្រះសីហនុ អំឡុង​ពេល​នោះ ស្ត្រី​ខ្មែរ​ម្នាក់​ដែល​នៅ​យាម​ច្រក​ទ្វារ​នៃ​អគារ​កម្ពស់ ១០​ជាន់ មិន​បាន​អនុញ្ញាត​ឱ្យ​មន្ត្រី​ថៃ​ចូល​នោះ​ទេ ប៉ុន្តែ​ក្រោយពី​ប៉ូលិស​បាន​ចរចា​រយៈពេល ៨​ម៉ោង​ដោយ​មាន​ការ​ឈ្លោះ​ប្រកែក​ជាមួយ​ជនជាតិ​ចិន...

មន្ត្រី​ជាន់ខ្ពស់​នៃ​អគ្គស្នងការដ្ឋាន​នគរបាល​ជាតិ បង្ហាញ​ការ​គាំទ្រ​ចំពោះ​ចំណាត់ការ​របស់​អាជ្ញាធរ​ថៃ ដែល​បាន​បញ្ជូន​មន្ត្រី និង​នាវា​កងទ័ព​ជើងទឹក​របស់​ខ្លួន​មក​កាន់​ប្រទេស​កម្ពុជា ដើម្បី​ប្រមូល​ជនជាតិ​ថៃ ចំនួន ៣០០០​នាក់​ចេញពី​ទីតាំង​ដែល​បម្រើ​ការ​នៅ​ក្រុម​ប្រតិបត្តិការ​ឆបោក​តាម​ប្រព័ន្ធ​អនឡាញ​នានា​នៅ​កម្ពុជា​ឱ្យ​ត្រឡប់​ទៅ​ប្រទេស​ថៃ​វិញ។ បើ​តាម​ការ​ចុះផ្សាយ​របស់​សារព័ត៌មាន Bangkok Post កាលពី​ថ្ងៃ​ទី​២៧ ខែ​មីនា អគ្គស្នងការ​នគរបាល​ជាតិ​ថៃ លោក សុរាជិត ហាក់ផន (Surachate Hakparn) បាន​ឱ្យ​ដឹង​ថា អាជ្ញាធរ​របស់​ខ្លួន​នឹង​ធ្វើ​ដំណើរ​មក​កាន់​ប្រទេស​កម្ពុជា​នៅ​ថ្ងៃ​ទី​២ ខែ​មេសា ខាងមុខ​នេះ ដើម្បី​ជួយ​សង្គ្រោះ និង​បញ្ជូន​ជនជាតិ​ថៃ ចន្លោះ​ពី...