ជន​ផ្ដាច់ការ

សភា​អ៊ីរ៉ង់ ៨៨​រូប កាលពី​ថ្ងៃ​អាទិត្យ ទី​៨ ខែ​មីនា បាន​បោះឆ្នោត​ជ្រើសតាំង​លោក Mojtaba Khamenei ជា​មេដឹកនាំ​ថ្មី​នៃ​ប្រទេស​អ៊ីរ៉ង់ បន្ត​ពី​ឪពុក គឺ​លោក Ali Khamenei ដែល​ស្លាប់​នៅ​ក្នុង​ប្រតិបត្តិការ​វាយប្រហារ​របស់​អាមេរិក និង​អ៊ីស្រាអែល កាលពី​ថ្ងៃទី​២៨ កុម្ភៈ។ នៅ​តាម​កញ្ចក់​ទូរទស្សន៍​រដ្ឋ​អ៊ីរ៉ង់ អ្នកនាំពាក្យ​សភា​អ៊ីរ៉ង់ បាន​អាន​សេចក្តី​ថ្លែងការណ៍​របស់​គណៈកម្មការ​ជំនាញ​សាសនា​អ៊ីរ៉ង់ ដែល​ថា​លោក Mojtaba Khamenei ត្រូវ​បាន​តែងតាំង​ជា​មេដឹកនាំ​កំពូល​នៃ​សាធារណរដ្ឋ​អ៊ីស្លាម​អ៊ីរ៉ង់ តាម​សំឡេង​ឆ្នោត​ដាច់ខាត​ពី​សមាជិក​សភា​អ៊ីរ៉ង់...

ក្នុង​ការ​បង្ហាញ​ខ្លួន​ជា​សាធារណៈ​លើក​ទី​ពីរ បន្ទាប់ពី​បាន​លាក់​ខ្លួន​អស់​រយៈពេល​ជាង​មួយ​ឆ្នាំ មេដឹកនាំ​គណបក្ស​ប្រឆាំង​នៃ​ប្រទេស​វេណេហ្ស៊ុយអេឡា អ្នកស្រី Maria Corina Machado បាន​អះអាង​ថា តំណែង​ប្រធានាធិបតី​របស់​លោក នីកូឡាស ម៉ាឌូរ៉ូ (Nicolás Maduro) នឹង​ត្រូវ​បញ្ចប់ ទោះជា​តាម​មធ្យោបាយ​ណា​ក៏ដោយ។ ថ្លែង​ទៅ​កាន់​អ្នក​សារព័ត៌មាន​នៅ​ទីក្រុង Oslo ប្រទេស​ន័រវែស អ្នកស្រី Machado បាន​បញ្ជាក់​ថា អ្នកស្រី​នៅតែ​រក្សា​សេចក្តី​សង្ឃឹម​ថា​ការ​ផ្លាស់ប្ដូរ​អំណាច​នយោបាយ​នៅ​ក្នុង​ប្រទេស​វេណេហ្ស៊ុយអេឡា អាច​កើតឡើង​ដោយ​សន្តិភាព។ អ្នកស្រី​បាន​និយាយ​ជា​ភាសា​អេស្ប៉ាញ ថា៖ «ម៉ាឌូរ៉ូ...

ប្រធានាធិបតី​អាមេរិក លោក ដូណាល់ ត្រាំ បាន​ចង្អុល​បង្ហាញ​ថា​ពេលវេលា​របស់​លោក នីកូឡាស ម៉ាឌូរ៉ូ នៅ​ក្នុង​អំណាច​កាន់តែ​ជិត​អស់​ក្នុង​ពេលនេះ បើ​ទោះបីជា​លោក​មិន​ផ្ដល់​ព័ត៌មាន​ពី​ការ​វាយប្រហារ​យោធា​ចូល​ទៅ​ក្នុង​ទឹកដី​ប្រទេស​នៅ​អាមេរិក​ខាងត្បូង​មួយ​នេះ​ក៏ដោយ​ក្ដី។ តាម​បណ្ដាញ​ផ្សាយ​ព័ត៌មាន ការ​ព្រមាន​របស់​លោក ត្រាំ កើតឡើង​ចំ​ពេល​ដែល​លោក​បន្ត​ពង្រាយ​កម្លាំង​យោធា​នៅ​តំបន់​ការីបៀន និង​ការ​ចោទប្រកាន់​បន្ត​ទៀត​ប្រឆាំង​នឹង​រដ្ឋាភិបាល​លោក ម៉ាឌូរ៉ូ ថា​ពាក់ព័ន្ធ​នឹង​សកម្មភាព​ភេរវកម្ម​គ្រឿងញៀន។ រដ្ឋការ​របស់​លោក ត្រាំ បាន​ផ្ដល់​នូវ​ជម្រើស​យោធា​លើ​ទឹកដី​វេណេហ្ស៊ុយអេឡា មាន​បី​សេណារីយ៉ូ គឺ៖ ការ​ប្រើប្រាស់​ភ្នាក់ងារ​ចារកម្ម CIA ការ​ប្រើប្រាស់​ក្រុម​ទ័ព​ពិសេស​ឆ្មាសមុទ្រ និង​ក្រុម​ទ័ព​រាត្រី ដើម្បី​តាម​ចាប់​ខ្លួន ឬ​សម្លាប់​លោក ម៉ាឌូរ៉ូ ការ​ចាប់​ធនធាន​ប្រេង​របស់​ប្រទេស​នេះ​ដោយ​កម្លាំង​ទ័ព​អាមេរិក។ សេណារីយ៉ូ​ទាំង​បី​នេះ...

សហរដ្ឋ​អាមេរិក កើន​ទ័ព​ជាង ១៦០០០​នាក់ ដែល​ចំនួន​នេះ​បូក​ជាមួយ​នឹង​កង​នាវាចម្បាំង កង​នាវា​ផ្ទុក​យន្តហោះ USS Gerald Ford កំពុង​ប្រតិបត្តិការ​នៅ​តំបន់​សមុទ្រ​ការីបៀន នៃ​តំបន់​អាមេរិក​ខាងត្បូង ត្រូវ​ដាក់​ឱ្យ​ស្ថិត​នៅ​ក្រោម​យុទ្ធនាការ​វាយប្រហារ​កាណូត​ដឹក​គ្រឿងញៀន​ដែល​ចេញពី​ឆ្នេរសមុទ្រ​ប្រទេស​វេណេហ្ស៊ុយអេឡា សំដៅ​ទៅ​សហរដ្ឋ​អាមេរិក។ តាម​បណ្ដាញ​ផ្សាយ​ព័ត៌មាន The Guardian ក្នុង​រយៈពេល​ជិត​ខែ​មក​នេះ កាណូត​ចំនួន ១៥​គ្រឿង​ត្រូវ​បាន​កម្ទេច ក្នុង​នោះ​ស្លាប់​មនុស្ស ៦៥​នាក់​ដែល​លោក ត្រាំ អះអាង​ថា​សុទ្ធតែ​ជា​ភេរវករ​គ្រឿងញៀន។ នៅក្នុង​បទសម្ភាសន៍​មួយ​ជាមួយ​បណ្ដាញ​ព័ត៌មាន CBS កាលពី​ថ្ងៃ​អាទិត្យ ទី​២...

បទ​ឈប់​បាញ់​រយៈពេល ៣​ថ្ងៃ ប្រកាស​ដោយ​ប្រធានាធិបតី​រុស្ស៊ី វ៉្លាឌីមៀ ពូទីន បាន​ចូល​ជា​ធរមាន​ហើយ​ចាប់ពី​ថ្ងៃ​ព្រហស្បតិ៍ ទី​៨ ខែ​ឧសភា ដល់​ថ្ងៃទី​១០ ឧសភា។ បទ​ឈប់​បាញ់​នេះ​សម្រាប់​ភាគី​អ៊ុយក្រែន មិន​យល់ស្រប​នោះ​ទេ។ មេដឹកនាំ​អ៊ុយក្រែន បាន​អំពាវនាវ​ទៅ​មេដឹកនាំ​ពិភពលោក​កុំ​ទៅ​ទីក្រុង​មូស្គូ ព្រោះ​បារម្ភ​ថា​នឹង​អាច​មាន​ការ​វាយប្រហារ​ដោយ​ដ្រូន ឬ​មីស៊ីល​ទៅ​លើ​រដ្ឋធានី​ប្រទេស​រុស្ស៊ី។ គេ​មិន​ទាន់​ច្បាស់​ថា តើ​អ៊ុយក្រែន នឹង​គោរព​តាម​បទ​ឈប់​បាញ់ ៣​ថ្ងៃ​នេះ ឬ​ក៏​យ៉ាងណា​នោះ​ទេ ព្រោះ​អ៊ុយក្រែន មិន​បាន​ទទួល​យក​បទ​ឈប់​បាញ់​នេះ​ទេ ដោយ​ហេតុ​ថា​អ៊ុយក្រែន ទទូច​ចង់បាន​បទ​ឈប់​បាញ់​ពេញលេញ​មួយ​ដែល​មាន​រយៈពេល ៣០​ថ្ងៃ។ នៅ​មុន​បទ​ឈប់​បាញ់​បី​ថ្ងៃ​ចូល​ជា​ធរមាន...

អ្នក​ឃ្លាំមើល​សង្គម​លើកឡើង​ថា មាន​តែ​ជន​ផ្ដាច់ការ​ប៉ុណ្ណោះ​ដែល​ស្វែងរក​អំណាច​ដោយ​មិន​បោះឆ្នោត និង​ការ​បោះឆ្នោត​ដែល​មិន​សេរី មិន​ត្រឹមត្រូវ និង​មិន​យុត្តិធម៌។ អ្នក​ឃ្លាំមើល​សង្គម លោក វ៉ន ចាន់ឡូត សរសេរ​លើ​គណនី​ហ្វេសប៊ុក​របស់​ខ្លួន​កាលពី​ថ្ងៃទី​២៦ មីនា ថា មាន​តែ​អំណាច​កើត​ចេញពី​ការ​បោះឆ្នោត​ប៉ុណ្ណោះ​ទើប​មាន​ស្ថិរភាព​យូរអង្វែង ខណៈ​រដ្ឋធម្មនុញ្ញ​ប្រទេស​កម្ពុជា​ក៏​បាន​កំណត់​យ៉ាង​ច្បាស់លាស់​ដែរ​អំពី​ការ​កាន់កាប់​អំណាច​តាមរយៈ​នៃ​ការ​បោះឆ្នោត។ លោក វ៉ន ចាន់ឡូត លើកឡើង​ថា ក្នុង​នាម​ជា​ពលរដ្ឋ​ត្រូវតែ​នាំគ្នា​គោរព​រដ្ឋធម្មនុញ្ញ និង​ប្រឹងប្រែង​ព្យាយាម​ដើរ​ឱ្យ​ដល់​គោលដៅ​នៃ​ស្មារតី​ដើម​នៃ​រដ្ឋធម្មនុញ្ញ​ដែល​ជា​ច្បាប់​កំពូល​សម្រាប់​ជាតិ។ លោក​ថា ថ្វីត្បិតតែ​ការ​យក​ស្មារតី​ដើម​រដ្ឋធម្មនុញ្ញ​មក​អនុវត្ត​សម្រាប់​បក្ស​ប្រឆាំង និង​ប្រជាពលរដ្ឋ​ដែល​ចង់បាន​ប្រជាធិបតេយ្យ​ស្ថិត​ក្នុង​ស្ថានភាព​ដ៏​លំបាក ប៉ុន្តែ​វា​នៅតែ​ជា​យន្តការ​សមស្រប និង​ត្រឹមត្រូវ​ដែល​អន្តរជាតិ​ទទួលស្គាល់។ ការ​អះអាង​នេះ ធ្វើឡើង​បន្ទាប់ពី​អតីត​មេដឹកនាំ​បក្ស​ប្រឆាំង​ប្រកាស​បោះបង់​ការ​ចូលរួម​បោះឆ្នោត​នៅ​ប្រទេស​កម្ពុជា ដោយ​ងាក​ទៅ​រក​បង្កើត​រដ្ឋាភិបាល​បណ្ដោះអាសន្ន​ក្រៅ​ប្រទេស​ជំនួស​វិញ។ កាលពី​ថ្ងៃទី​២៥...

អតីត​មេដឹកនាំ​បក្ស​ប្រឆាំង លោក សម រង្ស៊ី លើកឡើង​ថា គណបក្ស​ប្រជាជន​កម្ពុជា​ដែល​គ្រួសារ​ត្រកូល​ហ៊ុន​ដឹកនាំ​ប្រទេស​តាម​វប្បធម៌​គ្រួសារ​និយម ទោះ​កូនៗ​មេដឹកនាំ​បក្ស​កាន់​អំណាច​លោក ហ៊ុន សែន ជា​មនុស្ស​គ្មាន​សមត្ថភាព​ក៏ដោយ ក៏​ពួកគេ​រៀបចំ​លើក​តម្កើង​ឱ្យ​ទៅ​ដឹកនាំ​ប្រទេស​ជាតិ។ អតីត​ប្រធាន​គណបក្ស​សង្គ្រោះ​ជាតិ លោក សម រង្ស៊ី ថ្លែង​ក្នុង​វីដេអូ​ឃ្លីប​មួយ​លើ​ទំព័រ​ហ្វេសប៊ុក​របស់​ខ្លួន​នៅ​ថ្ងៃទី​១០ មីនា នេះ​ថា កូនៗ​របស់​លោក ហ៊ុន សែន ដូចជា​លោក ហ៊ុន ម៉ាណែត ដែល​ជា​នាយករដ្ឋមន្ត្រី...

នាយករដ្ឋមន្ត្រី​បន្ត​ត្រកូល​ពី​ឪពុក​ទៅ​កូន លោក ហ៊ុន ម៉ាណែត លើកឡើង​ថា ការ​ផ្លាស់ប្ដូរ​រដ្ឋាភិបាល​ក្នុង​បក្ស​នយោបាយ​តែ​មួយ​ដែល​មាន​គោលនយោបាយ​តែ​មួយ នឹង​នាំ​ឱ្យ​កម្ពុជា​មាន​និរន្តរភាព​នៃ​គោលនយោបាយ​សម្រាប់​ការ​អភិវឌ្ឍ​ជាតិ។ លោក ហ៊ុន ម៉ាណែត លើកឡើង​ក្នុង​ពិធី​ប្រកាស​ដាក់​ឱ្យ​អនុវត្ត​ជា​ផ្លូវការ​នូវ «ក្របខ័ណ្ឌ​គោលនយោបាយ​ជាតិ​គាំពារ​សង្គម​ឆ្នាំ​២០២៤-២០៣៥» នៅ​ថ្ងៃទី​២០ ខែ​កុម្ភៈ ឆ្នាំ​២០២៥ នេះ​ថា ប្រទេស​មួយ​ចំនួន​ដាក់​គោលនយោបាយ​មិន​ចេញ ដោយសារតែ​មាន​ការ​ផ្លាស់ប្ដូរ​រដ្ឋាភិបាល​ញឹកញាប់​ពេក។ នាយករដ្ឋមន្ត្រី​ខ្មែរ​រូប​នេះ​លើកឡើង​ថា រដ្ឋាភិបាល​ចាស់​ដាក់​ផែនការ​គោលនយោបាយ​មិន​ទាន់​បាន​អនុវត្ត​ស្រួលបួល​ផង រដ្ឋាភិបាល​ថ្មី​ក៏​ចូល​មក​ដក​ចេញ​វិញ។ កត្តា​នេះ​ហើយ​ដែល​នាំ​ឱ្យ​គោលនយោបាយ​មួយ​ចំនួន​នៅ​ក្នុង​ប្រទេស​ទាំងនោះ​ជួប​បញ្ហា​មិន​អាច​អនុវត្ត​ទៅ​បាន។ លោក ហ៊ុន ម៉ាណែត អំពាវនាវ​ឱ្យ​ប្រជាពលរដ្ឋ​ទុកចិត្ត​លើ​រដ្ឋាភិបាល​ដែល​កំពុង​ដឹកនាំ​ដោយ​គណបក្ស​ប្រជាជន​កម្ពុជា ដើម្បី​បន្ត​ជំរុញ​នូវ​កម្មវិធី​គាំពារ​សង្គម​ក្នុង​ការ​ឈាន​ទៅ​ពង្រឹង​ការ​ជួយ​ប្រជាពលរដ្ឋ​បន្ត​ទៀត...

ស្ថានភាព​តានតឹង​រវាង​សហរដ្ឋ​អាមេរិក និង​ប្រទេស​អ៊ុយក្រែន កំពុង​ចាប់ផ្ដើម ក្រោយពី​ប្រធានាធិបតី ដូណាល់ ត្រាំ ផ្ដើម​វាយប្រហារ​ខ្លាំង​លើ​សមភាគី​អ៊ុយក្រែន វូឡូឌីមៀ ហ្សេឡេនស្គី ដោយ​ហៅ​លោក ហ្សេឡេនស្គី ថា​ជា​តារា​កំប្លែង​ក្លាយ​ជា​ជន​ផ្ដាច់ការ ដែល​គ្មាន​ការ​បោះឆ្នោត។ នេះ​បើ​យោង​តាម​ការ​ចុះផ្សាយ​របស់​សារព័ត៌មាន The Times កាលពី​ថ្ងៃទី​១៩ កុម្ភៈ។ ប្រធានាធិបតី​សហរដ្ឋ​អាមេរិក លោក ដូណាល់ ត្រាំ បាន​វាយប្រហារ​ទៅ​លើ​ឥរិយាបថ​សមភាគី​អ៊ុយក្រែន លោក ហ្សេឡេនស្គី...

ក្នុង​រយៈពេល​មួយ​ទសវត្ស​ចុងក្រោយ​នេះ គេ​សង្កេត​ឃើញ​ដំណើរការ​រៀបចំ​ការ​បោះឆ្នោត​ដែល​ស្ថិត​នៅ​ក្រោម​ការ​ដឹកនាំ​នៃ​ប្រព័ន្ធ​អំណាច​ផ្ដាច់ការ បេក្ខជន​បក្ស​ប្រឆាំង ឬ​បក្ស​ប្រឆាំង​ដែល​មាន​ថាមពល​ខ្លាំង​ជាង​បក្ស​កាន់​អំណាច គ្មាន​ឱកាស​កាន់​អំណាច​បាន​ឡើយ។ ប្រទេស​ផ្ដាច់ការ​ធំៗ​ជាច្រើន​មាន​ដូចជា ប្រទេស​រុស្ស៊ី ប្រទេស​បេឡារូស ប្រទេស​កម្ពុជា ប្រទេស​វេណេហ្ស៊ុយអេឡា ប្រទេស​មួយ​ចំនួន​នៅ​អាហ្វ្រិក ទោះ​ជា​គូប្រជែង​ជា​បក្ស​ប្រឆាំង​មាន​ថាមពល មាន​ការ​គាំទ្រ​ធំធេង​យ៉ាងណា ក៏​មិន​អាច​យក​អំណាច​បាន​ឡើយ។ ប្រទេស​ផ្ដាច់ការ​ដ៏​ខ្លាំង​មួយ​នៅ​អឺរ៉ុប​ខាងកើត គឺ​ប្រទេស​បេឡារូស កាលពី​ថ្ងៃ​អាទិត្យ ទី​២៦ មករា បាន​បោះឆ្នោត​ប្រធានាធិបតី​អាណត្តិ​ថ្មី​ទៀត ទោះ​ជា​ប្រជាជន​លែង​គាំទ្រ​ទៅ​ហើយ​ក្តី ក៏​ជន​ផ្ដាច់ការ Alexander Lukashenko នៅតែ​ឈ្នះ​ឆ្នោត។ ជ័យជម្នះ​លោក...