អាមេរិក-ឥណ្ឌូនេស៊ី

ឥណ្ឌូនេស៊ី និង​សហរដ្ឋ​អាមេរិក​នៅ​ពេល​នេះ កំពុង​រួម​ដៃ​គ្នា​ស្ថាបនា​មជ្ឈមណ្ឌល​ហ្វឹកហ្វឺន​ទ័ព​ជើងទឹក​រួម​គ្នា​នៅ​លើ​កោះ Riau ស្ថិត​នៅ​ជាប់​នឹង​សមុទ្រ​ចិន​ខាងត្បូង​ដែល​ជាប់​ព្រំដែន​ទឹក​ឥណ្ឌូនេស៊ី។ សារព័ត៌មាន The star and Stripes បាន​ចុះផ្សាយ​កាលពី​ថ្ងៃ​ទី​៣០ ខែ​មិថុនា ថា ប្រទេស​ទាំង​ពីរ​បាន​សម្រេច​បើក​ការដ្ឋាន​ស្ថាបនា​មជ្ឈមណ្ឌល​ហ្វឹកហ្វឺន​ទ័ព​ជើងទឹក បន្ទាប់ពី​បាន​សន្យា​សហការ​គ្នា​ក្នុង​ការការពារ​លំហ​សមុទ្រ​របស់​ឥណ្ឌូនេស៊ី នៅ​សមុទ្រ​ចិន​ខាងត្បូង។ ភាព​ជា​ដៃគូ​នេះ ត្រូវ​បាន​គេ​មើល​ឃើញ​ថា​ជា​គំរូ​មួយ​របស់​អាមេរិក​ចំពោះ​ឥណ្ឌូនេស៊ី ដែល​បាន​ប្រកាន់​ជំហរ​តឹងរ៉ឹង​ប្រឆាំង​នឹង​ចិន​លើ​បញ្ហា​ជុំវិញ​សមុទ្រ​ចិន​ខាងត្បូង ដែល​ប្រទេស​មហាយក្ស​មួយ​នេះ​កំពុង​មាន​ជម្លោះ​ជាមួយ​ប្រទេស​ជិតខាង​ក្នុង​តំបន់​អាស៊ាន និង​ដែន​កោះ​តៃវ៉ាន់។ ឯកអគ្គរដ្ឋទូត​សហរដ្ឋ​អាមេរិក​ប្រចាំ​នៅ​ឥណ្ឌូនេស៊ី លោក Sung Kim ថ្លែង​ថា ក្នុង​នាម​ជា​មិត្ត...