AUTHOR NAME
ឌឹ ខេមបូឌា ដេលី
2597 POSTS
0 COMMENTS
កម្ពុជានឹងទទួលរងឥទ្ធិពលសម្ពាធទាបពីឥណ្ឌានិងខ្យល់មូសុងនិរតីចាប់ពីថ្ងៃទី២៩ កញ្ញា ដល់ថ្ងៃទី៥ តុលា
ក្រសួងធនធានទឹក និងឧតុនិយម ប្រកាសថា ប្រទេសកម្ពុជានឹងទទួលរងឥទ្ធិពលសម្ពាធទាបពីឥណ្ឌា និងខ្យល់មូសុងនិរតីខ្សោយចាប់ពីថ្ងៃទី២៩ ខែកញ្ញា ដល់ថ្ងៃទី៥ តុលា ហើយឥទ្ធិពលនេះនឹងបន្តពីថ្ងៃទី២ ដល់ថ្ងៃទី៥ ខែតុលា សាជាថ្មីដោយអូសបន្លាយលើប្រទេសថៃ ឡាវ និងប្រទេសវៀតណាម។
ក្រសួងបញ្ជាក់ថា ស្ថិតក្នុងស្ថានភាពខាងលើនេះ នឹងនាំឲ្យបណ្តាខេត្តនៅតំបន់វាលទំនាបកណ្តាល អាចនឹងមានភ្លៀងធ្លាក់ក្នុងកម្រិតពីតិចទៅមធ្យម ហើយចាប់ពីថ្ងៃទី២ ដល់ថ្ងៃទី៥ តុលា កម្រិតទឹកភ្លៀងអាចកើនពីតិចទៅបង្គួរ។
ក្រសួងបញ្ជាក់ថា តាមបណ្តាខេត្តជាប់ជួរភ្នំដងរែក និងខ្ពង់រាបឦសាន ក៏នឹងអាចមានភ្លៀងធ្លាក់ក្នុងកម្រិតពីខ្សោយទៅបង្គួរ។...
IDEA TALK៖ តើច្បាប់ណាខ្លះដែលនាំឱ្យមានអធម្មនុញ្ញភាព?
កម្មវិធី Idea Talk សម្រាប់រាត្រីថ្ងៃទី២៧ ខែកញ្ញា ឆ្នាំ២០២១ ស្តីអំពី៖ «តើច្បាប់ណាខ្លះដែលនាំឱ្យមានអធម្មនុញ្ញភាព?»។
សមត្ថកិច្ចចរាចរណ៍ផ្លូវគោកប្រតិកម្មនឹង The Cambodia Daily ផ្សាយពីការផាកពិន័យដើម្បីរកលុយចូលហោប៉ៅជាជាងពង្រឹងច្បាប់ចរាចរណ៍
អ្នកនាំពាក្យនៃស្នងការដ្ឋាននគរបាលរាជធានីភ្នំពេញ បានបដិសេធព័ត៌មានដែល The Cambodia Daily បានចុះផ្សាយថា សកម្មភាពសមត្ថកិច្ចនគរបាលដាក់ពង្រាយអនុវត្តច្បាប់ចរាចរណ៍ផ្លូវគោកនៅកម្ពុជា ធ្វើឡើងដើម្បីរកប្រាក់ចំណូលចូលហោប៉ៅ ជាជាងការចុះពង្រឹងការអនុវត្តច្បាប់ចរាចរណ៍ឲ្យមានប្រសិទ្ធភាព។
ស្នងការដ្ឋាននគរបាលរាជធានីភ្នំពេញ បានសរសេរលើបណ្ដាញសង្គម Facebook របស់ខ្លួននៅថ្ងៃទី២៧ ខែកញ្ញា ដោយភ្ជាប់រូបភាព print screen របស់គេហទំព័រសារព័ត៌មាន The Cambodia Daily ថាបានផ្សព្វផ្សាយព័ត៌មានមិនពិត ជាពិសេសគឺការចុះផ្សាយមានលក្ខណៈប្រមាថលើមន្ត្រីអនុវត្តច្បាប់ដែលគ្មានមូលដ្ឋានច្បាស់លាស់ ដែលធ្វើឱ្យប៉ះពាល់យ៉ាងធ្ងន់ធ្ងរដល់កិត្តិយសរបស់កងកម្លាំងនគរបាលជាតិ។
The Cambodia...
សកម្មជនថារដ្ឋាភិបាលឯកបក្សនៅកម្ពុជាកំពុងនាំប្រទេសទៅរកការបាត់បង់អព្យាក្រឹតភាពរបស់ខ្លួន
សកម្មជនបក្សប្រឆាំង រិះគន់ថា រដ្ឋាភិបាលឯកបក្សដែលដឹកនាំដោយគណបក្សប្រជាជនកម្ពុជា បច្ចុប្បន្ននេះ កំពុងតែនាំប្រទេសកម្ពុជាទៅរកការបាត់បង់អព្យាក្រឹតភាពរបស់ខ្លួន តាមរយៈសកម្មភាពនយោបាយដែលពួកគេបានអនុវត្តផ្ទុយពីខ្លឹមសារនៃរដ្ឋធម្មនុញ្ញរបស់កម្ពុជានាពេលកន្លងមក។
សកម្មជនគណបក្សសង្គ្រោះជាតិ លោក ហ៊ុន កុសល បានប្រាប់សារព័ត៌មាន The Cambodia Daily នៅថ្ងៃនេះថា មហាអំណាចដែលជាភាគីហត្ថលេខីនៃកិច្ចព្រមព្រៀងសន្តិភាពទីក្រុងប៉ារីស គ្រាន់តែមានបំណងជំរុញឲ្យកម្ពុជាមានជំហរលើអព្យាក្រឹត្យរបស់ខ្លួនប៉ុណ្ណោះ មិនមែនជាការជ្រៀតជ្រែកកិច្ចការផ្ទៃក្នុងនោះទេ ជាងនេះទៀត ការជួយជំរុញនេះក៏មានបំណងឱ្យកម្ពុជាអាចរក្សាខ្លួនបានល្អក្នុងនយោបាយអព្យាក្រឹតរបស់ខ្លួនផងដែរ ដើម្បីចៀសវាងកម្ពុជាខ្លួនឯងដើរជាន់ដានប្រវត្តិសាស្ត្រចាស់ដែលនឹងរុញច្រានឱ្យប្រទេសជាតិធ្លាក់ក្នុងភ្លើងសង្គ្រាមដូចពេលមុនទៀត។
លោកអះអាងថា ទាំងពលរដ្ឋខ្មែរ និងសហគមន៍អន្តរជាតិ សុទ្ធសឹងតែដឹងថា គណបក្សកាន់អំណាចកំពុងដឹកនាំកម្ពុជាលម្អៀងទៅរកមហាអំណាចចិន...
អ្នកឃ្លាំមើល៖ មហាអំណាចកុម្មុយនីស្ត និងមហាអំណាចលោកសេរី គ្មានគោលការណ៍ឈ្លោះគ្នាដើម្បីអ្នកនយោបាយខ្មែរទេ
ក្រុមអ្នកតស៊ូមតិនៅឯនាយសមុទ្រ លើកឡើងថា មហាអំណាចកុម្មុយនីស្តចិន ក៏ដូចមហាអំណាចអាមេរិកដែរ គ្មានគោលការណ៍ឈ្លោះគ្នាដើម្បីតែអ្នកនយោបាយខ្មែរខាងណាម្នាក់នោះទេ ព្រោះថាមហាអំណាចទាំងនោះតែងគិតផលប្រយោជន៍របស់ប្រទេសគេរៀងៗខ្លួនប៉ុណ្ណោះ ដូច្នេះមេដឹកនាំខ្មែរក៏ត្រូវគិតពីផលប្រយោជន៍នៃប្រទេសខ្លួនដែរ មិនត្រូវផ្ដេកផ្ដួលលើមហាអំណាចណាមួយនោះឡើយ។
ប្រធានប្រតិបត្តិនៃចលនាពលរដ្ឋដើម្បីប្រជាធិបតេយ្យ (PMD) លោក ទូច វិបុល បានសរសេរលើគណនី Facebook លោក នៅថ្ងៃទី២៧ ខែកញ្ញា ថា បច្ចុប្បន្ននេះ អ្នកនយោបាយខ្មែរដែលកំពុងកាន់អំណាច និងមិនទាន់កាន់អំណាច បាននាំគ្នាផ្ដេកផ្ដួលខ្លួនលើមហាអំណាចចិន និងមហាអំណាចអាមេរិក ដើម្បីទាញប្រយោជន៍នយោបាយរបស់ពួកគេរៀងៗខ្លួន។...
កម្មកររោងចក្រមួយចំនួននាំគ្នាធ្វើយុទ្ធនាការទាមទារប្រាក់ឈ្នួល ២១៤ដុល្លារសម្រាប់ឆ្នាំ២០២២
កម្មករកម្មការិនីរោងចក្រមួយចំនួន បាននាំគ្នាធ្វើយុទ្ធនាការលើបណ្ដាញសង្គមដើម្បីទាមទារប្រាក់ឈ្នួលចំនួន ២១៤ដុល្លារ សម្រាប់ឆ្នាំ២០២២ ខាងមុខនេះ។
ការធ្វើយុទ្ធនាការរបស់កម្មករ ធ្វើឡើងបន្ទាប់ពីក្រសួងការងារ និងបណ្តុះបណ្តាលវិជ្ជាជីវៈ គ្រោងបោះឆ្នោតជ្រើសរើសយកតួលេខចុងក្រោយសម្រាប់ការដំឡើងប្រាក់ឈ្នួលគោលដល់កម្មករឆ្នាំ២០២២ នៅថ្ងៃទី២៨ ខែកញ្ញា ក្រោយភាគីពាក់ព័ន្ធធ្វើការចរចាមិនត្រូវគ្នាកាលពីសប្ដាហ៍មុន។
បើតាមគណនីឈ្មោះ សា រ៉ាន់ ឈ្មោះ Bora Yoem ឈ្មោះ Phal Dara បានសរសេរបង្ហោះលើបណ្ដាញសង្គម Facebook ដោយភ្ជាប់ជាមួយរូបថតពួកគេ និងបដាថា នៅក្នុងឆ្នាំ២០២២...
សង្គមស៊ីវិលអំពាវនាវឱ្យរដ្ឋាភិបាលកម្ពុជាដោះលែងសកម្មជនការពារសិទ្ធិមនុស្សដែលរងការឃុំខ្លួនទាំងអយុត្តិធម៌
ដើមសប្តាហ៍នេះ គឺជាយុទ្ធនាការលើកទី៨ហើយរបស់ក្រុមអង្គការសង្គមស៊ីវិលដែលធ្វើការលើវិស័យសិទ្ធិមនុស្ស អំពាវនាវសុំឱ្យរដ្ឋាភិបាលកម្ពុជាដោះលែងសកម្មជនបរិស្ថាន សកម្មជនការពារសិទ្ធិមនុស្ស និងអ្នកទោសមនសិការដទៃទៀតដែលរងការឃុំខ្លួនទាំងអយុត្តិធម៌នាពេលកន្លងមក។
ក្រុមសិទ្ធិមនុស្សនៅកម្ពុជាជាច្រើន បាននាំគ្នាបង្ហោះសារអំពាវនាវយ៉ាងព្រោងព្រាតលើទំព័រ Facebook របស់ខ្លួននៅថ្ងៃទី២៧ ខែកញ្ញា បង្ហាញការសោកស្តាយចំពោះសកម្មភាពរបស់សកម្មជនសង្គមដើម្បីកម្ពុជា ដែលមិនសូវទទួលបានការគាំទ្រ យកចិត្តទុកដាក់ និងលើកទឹកចិត្តពីអាជ្ញាធររដ្ឋ ផ្ទុយទៅវិញ ការងារបម្រើសង្គមរបស់ពួកគេបែរជាទទួលរងនូវការគំរាមកំហែង បំភិតបំភ័យ និងចាប់ខ្លួនដាក់ពន្ធនាគារទាំងអយុត្តិធម៌ទៅវិញ។
ពួកគេនិយាយថា សកម្មភាពការពារបរិស្ថាន ការទាមទារយុត្តិធម៌សង្គម និងសកម្មភាពសិទ្ធិមនុស្សរបស់សកម្មជនសង្គមទាំងនោះ គឺដើម្បីឱ្យពលរដ្ឋខ្មែរទទួលបាននូវការគោរពសិទ្ធិស្មើៗគ្នា យុត្តិធម៌សង្គម សុខមាលភាព បរិស្ថានល្អ...
មេដឹកនាំក្រុមសម្ព័ន្ធ Quad ប្រាប់ទៅរបបសឹកភូមាឱ្យដោះលែងអ្នកទោសមនសិការទាំងអស់
ពីប្រទេសភូមា ឯណោះវិញ មេដឹកនាំក្រុមចតុភាគីហៅថា Quad បានសម្រេចរួមគ្នាប្រាប់ទៅរបបរដ្ឋប្រហារភូមា ឱ្យបញ្ចប់ហិង្សា និងដោះលែងអ្នកជាប់ឃុំទាំងអស់។
សេចក្ដីថ្លែងការណ៍រួមរបស់មេដឹកនាំ Quad ដែលបានធ្វើឡើងក្នុងជំនួបកំពូលនៅទីក្រុងវ៉ាស៊ីនតោន កាលពីថ្ងៃសុក្រ សប្ដាហ៍មុន គឺមានប្រធានាធិបតីអាមេរិក Joe Biden នាយករដ្ឋមន្ត្រីឥណ្ឌា Narendra Modi នាយករដ្ឋមន្ត្រីជប៉ុន Yoshihide Suga និងនាយករដ្ឋមន្ត្រីអូស្ត្រាលី Scott Morrison។
ខ្លឹមសារនៃសេចក្ដីថ្លែងការណ៍នេះ បានបញ្ជាក់ថា...
អាល្លឺម៉ង់រកឃើញមេដឹកនាំថ្មីក្នុងការបោះឆ្នោតសភាថ្ងៃទី២៦ កញ្ញា
លទ្ធផលផ្លូវការនៃការបោះឆ្នោតសភានៃសហព័ន្ធអាល្លឺម៉ង់ បានបង្ហាញឲ្យឃើញថា គណបក្សសង្គមប្រជាធិបតេយ្យ (SPD) គឺជាអ្នកដែលទទួលបានអាសនៈច្រើនជាងគេ។ នេះបើតាមការចេញផ្សាយដោយបណ្ដាញផ្សាយព័ត៌មាន BBC នៅថ្ងៃចន្ទ ទី២៧ ខែកញ្ញា ឆ្នាំ២០២១។
យោងតាមសេចក្តីប្រកាសរបស់ក្រុមប្រឹក្សាបោះឆ្នោតរបស់អាល្លឺម៉ង់ គណបក្សសង្គមប្រជាធិបតេយ្យទទួលបានជ័យជម្នះពិតមែន តែសំឡេងឆ្នោតលើគ្នាតែបន្តិចប៉ុណ្ណោះលើគណបក្សអភិរក្សនិយម (CDU/CSU) របស់អធិការបតី អ្នកស្រី Angela Merkel ក្នុងការបោះឆ្នោតដែលបានប្រព្រឹត្តទៅកាលពីថ្ងៃអាទិត្យ ទី២៦ ខែកញ្ញា ឆ្នាំ២០២១។
តាមលទ្ធផលផ្លូវការ គណបក្ស SPD...
ភូមាធ្លាក់ក្នុងសង្គ្រាមស៊ីវិលហើយនៅពេលនេះ បន្ទាប់ពីការអំពាវនាវឱ្យប្រជាជនក្រោកប្រឆាំងរបបសឹក
ក្រោយពីលោក Duwa Lashi មេដឹកនាំរដ្ឋាភិបាលបង្រួបបង្រួមជាតិភូមា ដែលបង្កើតដោយអតីតសមាជិកសភា បានអំពាវនាវកាលពីថ្ងៃទី៧ ខែកញ្ញា ឱ្យប្រជាជនក្រោកឡើងកាន់អាវុធប្រយុទ្ធយកឈ្នះរបបសឹកនោះ គេឃើញថាស្ថានការណ៍សឹកបានរុញឱ្យភូមាធ្លាក់ក្នុងសង្គ្រាមស៊ីវិលពាសពេញផ្ទៃប្រទេស។
ការវាយប្រយុទ្ធប្រឆាំងនឹងរបបសឹក ធ្វើឡើងដោយសហការគ្នាពីសហគមន៍ និងតំបន់ជនជាតិដើម បានកើតឡើងសឹងគ្រប់ទីតាំងសំខាន់ៗរបស់ពួកយោធានៅទូទាំងប្រទេស។ ទោះបីជនស៊ីវិល និងកងទ័ពកម្លាំងប្រឆាំងរបបសឹកស្លាប់ក៏ដោយ តែកងទ័ពមេរដ្ឋប្រហារកាន់តែច្រើនបានចុះចូលនឹងកងកម្លាំងរដ្ឋាភិបាលរួបរួមជាតិ។
តំបន់ដែលធ្លាក់ក្នុងសង្គ្រាមធ្ងន់ធ្ងរ មានដូចជា រដ្ឋកាឈីន រដ្ឋសាន រដ្ឋម៉ន រដ្ឋឈិន និងរដ្ឋការ៉េន។ នេះបើតាមការចុះផ្សាយរបស់សារព័ត៌មានភូមា ដែលទីភ្នាក់ងារព័ត៌មាន AFP...