34 C
Phnom Penh

TAG

កម្ពុជា-ចិន

អ្នកវិភាគ៖ គណបក្ស​ប្រជាជន​កម្ពុជា​ឈប់​អរគុណ​វៀតណាម​ថ្ងៃ​៧​មករា ដើម្បី​ផ្គាប់​ចិត្ត​ចិន

ថ្ងៃ​ទី​៧ មករា គឺជា​ថ្ងៃ​ខួប​លើក​ទី​៤៣​ឆ្នាំ ដែល​គណបក្ស​ប្រជាជន​កម្ពុជា បាន​ចាត់ទុក​ថា​ជា​ថ្ងៃ​ដែល​កងទ័ព​រំដោះ​របស់​កម្ពុជា និង​វៀតណាម បាន​វាយ​យក​ឈ្នះ​លើ​កងទ័ព​ខ្មែរក្រហម​នៅ​ក្នុង​ឆ្នាំ​១៩៧៩ និង​ជា​ថ្ងៃ​កំណើត​ទី​ពីរ​របស់​ពលរដ្ឋ​ខ្មែរ។ នេះ​ក៏​ជា​លើក​ទី​ពីរ​ដែល​គណបក្ស​ប្រជាជន​កម្ពុជា សម្រេច​ផ្អាក​ការ​ប្រារព្ធ​ពិធី​រំឭក​ខួប​អរគុណ​វៀតណាម ដែល​អ្នកវិភាគ​លើកឡើង​ថា គឺជា​ចំណុច​ចាប់ផ្តើម​នៃ​ការ​ធ្វើ​សង្គ្រាម​នយោបាយ​ការទូត​ជាមួយ​វៀតណាម និង​បង្ហាញ​ឲ្យ​មហាយក្ស​ចិន ដែល​ជា​ខ្នង​បង្អែក​របស់​ខ្លួន​មើល​ឃើញ​ថា កម្ពុជា​គឺ​ដើរ​តាម​គោលនយោបាយ​ចិន​តែ​មួយ។ ជា​រៀងរាល់​ឆ្នាំ រណសិរ្ស​សង្គ្រោះ​ជាតិ​កម្ពុជា ដែល​ក្រោយ​មក​គឺជា​គណបក្ស​ប្រជាជន​កម្ពុជា តែង​ប្រារព្ធ​ទិវា​ជ័យជម្នះ​លើ​របប​ប្រល័យ​ពូជសាសន៍ ថ្ងៃ​ទី​៧ ខែ​មករា យ៉ាង​ឱឡារិក​ដើម្បី​រំឭក​គុណ​ប្រទេស​វៀតណាម។ ប៉ុន្តែ​ឆ្នាំ​នេះ គណបក្ស​ប្រជាជន​គ្រាន់តែ​រៀបចំ​ផ្សព្វផ្សាយ Logo ឬ​បដា​ពាក្យ​ស្លោក​នៅ​តាម​ទីតាំង​មួយ​ចំនួន​ដែល​បាន​កំណត់​ប៉ុណ្ណោះ។...

ក្រុម​តស៊ូ​មតិ៖ កម្ពុជា​នឹង​ទទួល​ប្រយោជន៍​ច្រើន​មិន​អស់ បើ​មាន​ប្រជាធិបតេយ្យ​ពិត​ប្រាកដ

បញ្ញវន្ត​ខ្មែរ​នៅ​ក្រៅ​ស្រុក​លើកឡើង​ថា នៅ​ពេល​ដែល​កម្ពុជា​មាន​ប្រជាធិបតេយ្យ​សេរី​ពហុ​បក្ស​ពិតប្រាកដ ពេល​នោះ​ទាំង​រដ្ឋាភិបាល និង​ពលរដ្ឋ​ខ្មែរ នឹង​ទទួល​បាន​នូវ​ផលប្រយោជន៍​គ្មាន​ដែន​កំណត់​ពី​ការ​ចង​សម្ពន្ធភាព​ជាមួយ​ប្រទេស​ប្រកាន់​របប​ប្រជាធិបតេយ្យ​សេរី​ជឿនលឿន​លើ​ពិភពលោក ហើយ​កម្ពុជា​ក៏​នឹង​មាន​ភាព​ថ្កុំថ្កើង​រុងរឿង​ស្មើ​មុខ​លើ​ឆាក​អន្តរជាតិ​ទៅ​ថ្ងៃ​អនាគត​ផង​ដែរ។ ប្រធាន​ប្រតិបត្តិ​នៃ​ចលនា​ពលរដ្ឋ​ដើម្បី​ប្រជាធិបតេយ្យ (PMD) លោក ទូច វិបុល បាន​សរសេរ​លើ​គណនី Facebook របស់​លោក​នៅ​ថ្ងៃ​អង្គារ ទី​២៨ ធ្នូ នេះ​ថា ប្រសិនបើ​មេដឹកនាំ​បក្ស​កាន់​អំណាច លោក ហ៊ុន សែន អាច​ស្ដារ​សិទ្ធិមនុស្ស និង​លទ្ធិប្រជាធិបតេយ្យ​ឲ្យ​បាន​ត្រឹមត្រូវ​ដូច​ដែល​មាន​ចែង​ក្នុង​រដ្ឋធម្មនុញ្ញ នោះ​កម្ពុជា​នឹង​មាន​នីតិរដ្ឋ​រឹងមាំ​ដែល​អាច​ធ្វើ​កិច្ចសហប្រតិបត្តិការ​ល្អ​គ្រប់​ជ្រុងជ្រោយ​ជាមួយ​បណ្តា​ប្រទេស​លើ​សកលលោក ទាំង​វិស័យ​សេដ្ឋកិច្ច...

ហ្វេសប៊ុក​រក​ឃើញ​ក្រុម​ចោរ​ព័ត៌មានវិទ្យា​ចិន​ប្រើប្រាស់​ក្រសួង​ប្រៃសណីយ៍​កម្ពុជា​ជា​មូលដ្ឋាន​លួច​ទិន្នន័យ​ក្រុម​ប្រឆាំង​នៅ​កម្ពុជា

ពាក្យ​ថា «ចោរ» ទោះ​ជា​ប្រភេទ​ណា ឬ​ពណ៌​សម្បុរ​អ្វី​ក៏​វា​អាក្រក់​ដែរ។ ចោរ​ប្លន់​តែងតែ​មាន​ភាព​សាហាវ​ឃោរឃៅ ក៏ប៉ុន្តែ​ឈ្មោះ​ថា ចោរ​លក់​ជាតិ ចោរ​បំផ្លាញ​ជាតិ ចោរ​បំបែកបំបាក់​ជាតិ ចោរ​ក្បត់​ជាតិ គឺ​សុទ្ធតែ​មាន​ឈ្មោះ​ជា​ចោរ​ប្រវត្តិសាស្ត្រ។ ចុះ​ចំណែក​ចោរ​ព័ត៌មានវិទ្យា​វិញ ដែល​ភាសា​អង់គ្លេស​ហៅថា Hackers ជា​ចោរ​ប្រភេទ​ណា​ទៅវិញ? តើ​នរណា​នៅ​ពីក្រោយ​ចោរ​ប្រភេទ​នេះ? ប្រភេទ​ចោរ​ក្នុង​សម័យ​វិទ្យាសាស្ត្រ​ទំនើប​នេះ គឺជា​ចោរ​ឌីជីថល (Digital)។ ក្រុម​នេះ​មាន​មុខងារ និង​តួនាទី​ច្រើន​យ៉ាង។ ក្រុម​នេះ​អាច​លួច​គណនី​ធនាគារ គឺ​អាច​លួច​បាន​ប្រាក់​វាល់​លាន​ដុល្លារ បើ​ម្ចាស់​គណនី​ពុំ​មាន​ការ​ប្រុងប្រយ័ត្ន​ឲ្យ​បាន​ម៉ត់ចត់ ប៉ុន្តែ​ក្រុម​ចោរ​នេះ​ក៏​ពាក់ព័ន្ធ​នឹង​រឿង​នយោបាយ​ដែរ។ ក្រុម​នេះ​អាច​ចូល​លុកលុយ​គណនី​ហ្វេសប៊ុក...

លោក ហ៊ុន សែន សម្រេច​ចុះ​កិច្ចព្រមព្រៀង​ពាណិជ្ជកម្ម​សេរី​ជាមួយ​ចិន​នៅ​ដើម​ឆ្នាំ​២០២២​ឲ្យ​បាន​១០​ពាន់​លាន​ដុល្លារ​ក្នុង​១​ឆ្នាំ

លោក ហ៊ុន សែន សម្រេច​ចុះ​កិច្ចព្រមព្រៀង​ពាណិជ្ជកម្ម​សេរី​រវាង​កម្ពុជា-ចិន នៅ​ខែ​មករា ឆ្នាំ​២០២២ ខាងមុខ​ឲ្យ​បាន​កើន​ឡើង​ដល់ ១០​ពាន់​លាន​ដុល្លារ​អាមេរិក​ក្នុង​មួយ​ឆ្នាំ ខណៈ​ក្រុម​អ្នក​ឃ្លាំមើល​សិទ្ធិ​ការងារ​នៅ​កម្ពុជា​មើល​ឃើញ​ថា ចិន​គ្រាន់តែ​ចាត់ទុក​កម្ពុជា​ជា​ទីផ្សារ​នាំចេញ​របស់​ខ្លួន​តាម​មធ្យោបាយ​នានា ដើម្បី​ផល​ចំណេញ​របស់​គេ​តែ​ប៉ុណ្ណោះ។ ប្រមុខ​រដ្ឋាភិបាល​កម្ពុជា លោក ហ៊ុន សែន បាន​សរសេរ​លើ​ទំព័រ Facebook របស់​ខ្លួន​កាលពី​ថ្ងៃ​ចន្ទ ដើម​សប្តាហ៍​នេះ​ថា កម្ពុជា-ចិន​បាន​ពិភាក្សា​គ្នា​ពី​ទំនាក់ទំនង​កិច្ចសហប្រតិបត្តិការ​ទ្វេភាគី​រវាង​ប្រទេស​ទាំង​ពីរ ក៏ដូចជា​ពិភាក្សា​លើ​កិច្ចសហប្រតិបត្តិការ​ក្នុង​តំបន់ និង​អន្តរជាតិ​លើ​បញ្ហា​សេដ្ឋកិច្ច ពាណិជ្ជកម្ម កសិកម្ម និង​ទំនាក់ទំនង​រវាង​ប្រជាជន​និង​ប្រជាជន​នៃ​ប្រទេស​ទាំង​ពីរ​ផង​ដែរ។ បុរស​ខ្លាំង​នៅ​កម្ពុជា​អះអាង​ថា...

មន្ត្រី​សុខាភិបាល​កម្ពុជា​អះអាង​ថា ចិន​តែង​នៅ​ជាមួយ​កម្ពុជា​រហូត ហើយ​ក៏​មិន​រត់​ចោល​កម្ពុជា​ដែរ

មន្ត្រី​ជាន់ខ្ពស់​នៃ​ក្រសួង​សុខាភិបាល​កម្ពុជា បាន​អះអាង​ថា ប្រទេស​ចិន​តែងតែ​នៅ​ជាមួយ​កម្ពុជា​រហូត ហើយ​ចិន​ក៏​បាន​ជួយ​កម្ពុជា​ច្រើន​ណាស់​លើ​គ្រប់​វិស័យ មិនមែន​ត្រឹមតែ​វ៉ាក់សាំង​ប្រឆាំង​វីរុស Covid-19 ប៉ុណ្ណោះ​ទេ ប៉ុន្តែ​ក្រុម​អ្នក​តស៊ូ​មតិ​នៅ​ឯនាយ​សមុទ្រ​ប្រតិកម្ម​ថា កម្ពុជា​មិន​គួរ​បង្ហាញ​ជំហរ​លម្អៀង​ទៅ​ចិន​ជ្រុល​ហួសហេតុ​ក្នុង​នយោបាយ​ការទូត​របស់​ខ្លួន​លើ​ឆាក​អន្តរជាតិ​បែប​នេះ​ទេ។ រដ្ឋលេខាធិការ​ក្រសួង​សុខាភិបាល អ្នកស្រី យក់ សម្បត្តិ បាន​ប្រាប់​អ្នក​សារព័ត៌មាន​ក្នុង​បទសម្ភាសន៍​ទទួល​វ៉ាក់សាំង​ជំនួយ​ចិន នៅ​ឯ​អាកាសយានដ្ឋាន​អន្តរជាតិ​ភ្នំពេញ នៅ​ថ្ងៃ​ទី​១៤ ខែ​តុលា ឆ្នាំ​២០២១ នេះ​ថា ទំនាក់ទំនង​កម្ពុជា-ចិន មិនមែន​ជា​រឿង​ដែល​ពិបាក​វាយតម្លៃ​នោះ​ទេ ព្រោះថា​ប្រទេស​ចិន​តែង​ជួយ​ដល់​កម្ពុជា​តាំងពី​កម្ពុជា​នៅ​បាតដៃ​ទទេ​រហូត​កម្ពុជា​មាន​ការ​រីកចម្រើន​ដូច​សព្វថ្ងៃ​នេះ។ អ្នកស្រី​អះអាង​ថា តាមរយៈ​ទំនាក់ទំនង​រវាង​កម្ពុជា និង​ចិន គឺ​មាន​ចំណង​មិត្តភាព​ដែកថែប​រឹងមាំ​មិន​អាច​បំបែក​បាន​ជាដាច់ខាត...

ចិន​បន្ត​ផ្ទេរ​រូបភាព​មូលដ្ឋាន​នាវាចរ​ឆ្នេរ​រាម​នៃ​ប្រទេស​កម្ពុជា​ជាមួយ​នឹង​សំណង់​ថ្មីៗ​ថែម​ទៀត

ការ​សង្ស័យ​របស់​សហរដ្ឋ​អាមេរិក អំពី​អនាគត​មូលដ្ឋាន​នាវាចរ​ឆ្នេរ​រាម​នៃ​ប្រទេស​កម្ពុជា ដែល​បាន​កើតឡើង​ជាច្រើន​ឆ្នាំ​មក​នេះ ដែល​ថា​អនាគត​អាច​ជា​មូលដ្ឋាន​កងទ័ព​ចិន ត្រូវ​បាន​គេហទំព័រ​គំនិត​ផ្ដួចផ្ដើម​តម្លាភាព​សមុទ្រ​អាស៊ី បញ្ចេញ​របាយការណ៍​របស់​ខ្លួន​ជា​ថ្មី​ម្ដង​ទៀត​កាលពី​ថ្ងៃ​ទី​១២ តុលា នេះ។ យោង​តាម​ប្រភព​នេះ គឺ​រូបភាព​ផ្កាយរណប​នៃ​ក្រុមហ៊ុន Maxar Technologies and Planet Labs បង្ហាញ​ថា យ៉ាង​តិច​មាន​សំណង់​ថ្មី ៣​កន្លែង​ទៀត​កំពុង​ពន្លឿន​ការ​ស្ថាបនា​នៅ​ក្នុង​រវាង​ខែ​សីហា និង​ខែ​កញ្ញា ឆ្នាំ​២០២១ នេះ ហើយ​ជាមួយ​គ្នា​នេះ មាន​ផ្លូវ​មួយ​ខ្សែ​ថ្មី​ត្រូវ​បាន​ស្ថាបនា ខណៈ​ទីតាំង​ច្រើន​ទៀត​មាន​ការ​ផ្លាស់ប្ដូរ។ ផ្កាយរណប​របស់​ក្រុមហ៊ុន Maxar...

អ្នក​ឃ្លាំមើល៖ ចិន​ជួយ​សង់​ទីបញ្ជាការ​នគរបាល​ជាតិ​ដើម្បី​ពង្រឹង​សមត្ថភាព​កងកម្លាំង ខណៈ​លោក ហ៊ុន សែន គ្រោង​លើក​កូន​របស់​ខ្លួន​ឱ្យ​ឡើង​ស្នង​តំណែង

អ្នក​ឃ្លាំមើល​បញ្ហា​សង្គម លើកឡើង​ថា ការ​អនុញ្ញាត​ឲ្យ​ចិន​ជួយ​សាងសង់​អគារ​ទីស្នាក់ការ​កណ្តាល​នគរបាល​ជាតិ​កម្ពុជា គឺ​ដើម្បី​ឱ្យ​ចិន​ជួយ​ពង្រឹង​សមត្ថភាព​នគរបាល​ជាតិ ខណៈ​លោក ហ៊ុន សែន ត្រូវការ​ពង្រឹង​កងទ័ព​ដែល​ជា​មូលដ្ឋាន​គ្រឹះ​ក្នុង​ការ​ទ្រទ្រង់ និង​ពង្រឹង​អំណាច ព្រមទាំង​លើកស្ទួយ​កូនៗ​លោក​ឱ្យ​ស្នង​តំណែង។ អតីត​អ្នក​ស្រាវជ្រាវ​ផ្នែក​សិទ្ធិមនុស្ស និង​ច្បាប់ បណ្ឌិត ឡៅ ម៉ុងហៃ បាន​ថ្លែង​ប្រាប់ The Cambodia Daily ថា ការ​ផ្ដល់​ជំនួយ​របស់​ចិន​ជា​អគារ​ទីស្នាក់ការ​កណ្តាល​នគរបាល​ជាតិ​កម្ពុជា គឺ​ដើម្បី​ធ្វើ​ឱ្យ​មាន​តុល្យភាព​នៃ​ជំនួយ​រវាង​ផ្នែក​សំខាន់ៗ​នៃ​ការ​គ្រប់គ្រង​រដ្ឋ ដែល​មាន​ហិរញ្ញវត្ថុ សេដ្ឋកិច្ច ការពារ​ជាតិ...

បញ្ញវន្ត​ខ្មែរ​នៅ​ក្រៅ​ស្រុក៖ ទំនាក់ទំនង​ចំពោះ​ចិន​លើ​កម្ពុជា​គ្រាន់តែ​បង្ហាញ​ថា​កម្ពុជា​ជា​រដ្ឋ​មួយ​ស្ថិត​ក្រោម​ការ​មើល​ថែ​របស់​មហាយក្ស​ចិន​ប៉ុណ្ណោះ

ក្រុម​អ្នក​តស៊ូ​មតិ​នៅ​ក្រៅ​ស្រុក អះអាង​ថា ការ​បង្ហាញ​ទំនាក់ទំនង​ចំពោះ​ចិន​លើ​កម្ពុជា គ្រាន់តែ​បង្ហាញ​ឱ្យ​ឃើញ​ថា កម្ពុជា​ជា​រដ្ឋ​មួយ​ដែល​ស្ថិត​ក្រោម​ការ​មើល​ថែ​របស់​ខ្លួន​ប៉ុណ្ណោះ ប្រៀប​ដូចជា​ថៅកែ​មើល​ថែ​បុគ្គលិក​ដើម្បី​រក​ផលប្រយោជន៍​ឱ្យ​គេ​ដូច្នេះ​ដែរ។ ប្រធាន​ក្រុមប្រឹក្សា​ឃ្លាំមើល​កម្ពុជា និង​ជា​ប្រធាន​ក្រុមប្រឹក្សាភិបាល​នៃ​ចលនា​ពលរដ្ឋ​ដើម្បី​ប្រជាធិបតេយ្យ (PMD) លោក ម៉ែន ណាត បាន​ប្រាប់​សារព័ត៌មាន The Cambodia Daily នៅ​ថ្ងៃ​នេះ​ថា ដើម្បី​ឯករាជ្យ​លើ​នយោបាយ​ការទូត កម្ពុជា​ត្រូវ​ពង្រឹង​ជំហរ​របស់​ខ្លួន​ឱ្យ​ខ្លាំង ជាជាង​ការ​ផ្ញើ​វាសនា​លើ​មហាអំណាច​តទៅទៀត ដើម្បី​ចៀសវាង​ពី​ការ​គាបសង្កត់​ពី​មហាយក្ស​ដែល​សម្លឹង​ឃើញ​តែ​ប្រយោជន៍​ពី​កម្ពុជា។ លោក​អះអាង​ថា ការ​ពឹងផ្អែក​លើ​មហាអំណាច ជាជាង​ការ​ធ្វើ​ឱ្យ​ខ្លាំង​ដោយ​ខ្លួនឯង​ដូច​រដ្ឋាភិបាល​លោក ហ៊ុន សែន...

លោក ស ខេង៖ ទំនាក់ទំនង​កម្ពុជា-ចិន​នាំមក​នូវ​វឌ្ឍនភាព​និង​ការ​អភិវឌ្ឍ​សម្រាប់​កម្ពុជា

រដ្ឋមន្ត្រី​ក្រសួង​មហាផ្ទៃ លោក ស ខេង អះអាង​ថា ទំនាក់ទំនង​រវាង​កម្ពុជា-ចិន និង​កិច្ចសហប្រតិបត្តិការ​ជិតស្និទ្ធ​លើ​គ្រប់​វិស័យ​ក្នុង​ភាព​ជា​ដៃគូ​យុទ្ធសាស្ត្រ​គ្រប់​ជ្រុងជ្រោយ បាន​នាំ​មក​នូវ​វឌ្ឍនភាព និង​ការ​អភិវឌ្ឍ​រីកចម្រើន​សម្រាប់​កម្ពុជា និង​សាធារណរដ្ឋ​ប្រជាមានិត​ចិន។ រដ្ឋមន្ត្រី​ក្រសួង​មហាផ្ទៃ លោក ស ខេង បាន​លើកឡើង​បែប​នេះ​បន្ទាប់ពី​មាន​កិច្ចប្រជុំ​មួយ​រវាង​កម្ពុជា-ចិន ស្ដីពី​ការ​បន្ត​អនុវត្ត​ឆ្នាំ​បន្ត​នៃ​កិច្ចសហប្រតិបត្តិការ​អនុវត្ត​ច្បាប់​រវាង​ក្រសួង​មហាផ្ទៃ​របស់​កម្ពុជា និង​ក្រសួង​សន្តិសុខ​សាធារណៈ​នៃ​សាធារណរដ្ឋ​ប្រជាមានិត​ចិន នៅ​ថ្ងៃ​ពុធ សប្តាហ៍​នេះ។ លោក ស ខេង បាន​សរសេរ​លើ​ទំព័រ Facebook របស់​លោក​នៅ​ថ្ងៃ​ទី​២៩ ខែ​កញ្ញា...

អ្នក​ឃ្លាំមើល៖ កម្ពុជា​មិន​អាច​ធានា​អធិបតេយ្យភាព​បាន​ទេ បើ​នៅតែ​ពឹងផ្អែក​លើ​បរទេស​ដូច​សព្វថ្ងៃ

អ្នក​ឃ្លាំមើល​សង្គម បាន​លើកឡើង​ថា នយោបាយ​របស់​កម្ពុជា​បច្ចុប្បន្ន​នេះ គឺជា​សញ្ញា​គ្រោះថ្នាក់​បំផុត​សម្រាប់​ពលរដ្ឋ និង​ទឹកដី​ខ្មែរ ដែល​រដ្ឋាភិបាល​កម្ពុជា​ព្យាយាម​យកចិត្ត​វៀតណាម និង​ចិន ដោយ​បើកដៃ​ឱ្យ​ពួកគេ​មក​រស់នៅ​រកស៊ី​មាន​បាន​កើត​កូន​កើត​ចៅ និង​ប្រើប្រាស់​ភោគទ្រព្យ​ជាតិ​របស់​ខ្មែរ​ដូច​សព្វថ្ងៃ​នេះ។ អ្នកវិភាគ​នយោបាយ​និង​សង្គម បណ្ឌិត ឡៅ ម៉ុងហៃ បាន​សរសេរ​លើ​គណនី Facebook របស់​លោក​កាលពី​ថ្ងៃ​ទី​១៣ ខែ​កញ្ញា ឆ្នាំ​២០២១ ថា កម្ពុជា​មិន​អាច​ធានា​អធិបតេយ្យភាព​របស់​ខ្លួន​បាន​ទេ បើ​រដ្ឋាភិបាល​ខ្មែរ​នៅតែ​បន្ត​យកចិត្ត​យក​ថ្លើម​បរទេស​ដូចជា​វៀតណាម ឬ​ចិន ដែល​ខ្លួន​កំពុង​អនុវត្ត​ក្នុង​ពេល​បច្ចុប្បន្ន​នេះ។ លោក​រិះគន់​ថា ការ​យក​កម្ពុជា​ទៅ​ពឹង​លើ​ប្រទេស​ចិន ឬ​វៀតណាម...

Latest news