ស្ថានឯកអគ្គរដ្ឋទូតចិនប្រចាំរាជាណាចក្រកម្ពុជា ចេញបំភ្លឺព័ត៌មានថាចិនលែងឱ្យខ្មែរខ្ចីបុលបន្ថែម

ឯកអគ្គរដ្ឋទូតចិនប្រចាំកម្ពុជា ចាត់ទុកការចុះផ្សាយក្នុងទីភ្នាក់ងារព័ត៌មាន Reuters និងក្រុមអ្នកនយោបាយបក្សប្រឆាំងដែលថា ចិនផ្អាកផ្តល់ថវិកាឱ្យប្រទេសកម្ពុជាខ្ចី គឺជាចេតនាប៉ុនប៉ងលាបពណ៌លើកិច្ចសហប្រតិបត្តិការរវាងមិត្តចិន និងកម្ពុជាតែប៉ុណ្ណោះ។

ឯកអគ្គរដ្ឋទូតចិនប្រចាំរាជាណាចក្រកម្ពុជា លោក វ៉ាង វិនពីន (Wang Wenbin) សរសេរលើទំព័រហ្វេសប៊ុករបស់លោកកាលពីយប់ថ្ងៃទី១៧ ធ្នូ ថា ជំនួយរបស់ចិន មកកាន់ប្រទេសកម្ពុជាទទួលបានផលផ្លែផ្កាជាច្រើនអនេក ខណៈគម្រោងជំនួយថ្មីៗក៏កំពុងតែមានដំណើរការដែរសព្វថ្ងៃនេះ។

លោក វ៉ាង វិនពីន លើកឡើងថា ភាគីចិន នឹងនៅតែគាំទ្រយ៉ាងមុតមាំដល់ភាគីកម្ពុជាក្នុងការកសាងគម្រោងហេដ្ឋារចនាសម្ព័ន្ធពាក់ព័ន្ធនឹងផែនការជីវភាពរស់នៅរបស់ប្រជាជនបន្តទៅទៀត។

ឯកអគ្គរដ្ឋទូតចិនរូបនេះបញ្ជាក់ថា រាល់បំណងប៉ុនប៉ងលាបពណ៌លើកិច្ចសហប្រតិបត្តិការរវាងចិននិងកម្ពុជា ដោយសំអាងថា ចិនបរាជ័យក្នុងគម្រោងហេដ្ឋារចនាសម្ព័ន្ធរបស់ខ្លួននៅតាមបណ្តាប្រទេសក្នុងតំបន់អាស៊ីអាគ្នេយ៍ជាបន្តបន្ទាប់ គឺមិនអាចទៅរួចបានឡើយ។

កាលពីថ្ងៃទី១៤ ខែធ្នូ ឆ្នាំ២០២៤ អ្នកនាំពាក្យក្រសួងសេដ្ឋកិច្ច និងហិរញ្ញវត្ថុ លោក មាស សុខសេនសាន ចាត់ទុកព័ត៌មានដែលថា «ចិនឈប់ឲ្យប្រទេសកម្ពុជាជំពាក់បំណុល» តទៅទៀត គឺជាការលើកឡើងដែលបង្កឲ្យមានការយល់ច្រឡំតែប៉ុណ្ណោះ។

លោក មាស សុខសេនសាន អះអាងថា ការផ្សាយព័ត៌មានដែលថា ចិនឈប់ឲ្យកម្ពុជាខ្ចីបុលនេះ គឺជារឿងមិនពិត ព្រោះថាបច្ចុប្បន្ននេះ ភាគីចិន និងកម្ពុជា កំពុងបន្តមានទំនាក់ទំនងគ្នាយ៉ាងស្អិតល្មួត និងគ្រោងចុះកិច្ចព្រមព្រៀងហិរញ្ញប្បទានឥតសំណង និងហិរញ្ញប្បទានសម្បទានជាច្រើនផ្សេងទៀតផងដែរ។

ទីភ្នាក់ងារព័ត៌មាន Reuters បានចុះផ្សាយកាលពីថ្ងៃទី១១ ធ្នូ ថា រដ្ឋាភិបាលចិនមិនបានអនុម័តប្រាក់ឲ្យខ្ចីសម្រាប់គម្រោងណាមួយតាមការស្នើសុំពីប្រទេសកម្ពុជាទេសម្រាប់ឆ្នាំ២០២៤ នេះ។

ប្រភពដដែលបញ្ជាក់ថា ទិន្នន័យក្រសួងសេដ្ឋកិច្ចនៃប្រទេសកម្ពុជា បានបង្ហាញថា រដ្ឋាភិបាលចិនកំពុងមានការប្រុងប្រយ័ត្នបន្ថែមទៀតចំពោះការវិនិយោគនៅក្នុងប្រទេសកម្ពុជា បន្ទាប់ពីគម្រោងហេដ្ឋារចនាសម្ព័ន្ធរបស់ពួកគេមិនទទួលបានជោគជ័យជាបន្តបន្ទាប់នៅក្នុងបណ្តាប្រទេសនានានៃតំបន់អាស៊ីអាគ្នេយ៍។

ចំណែកឯអតីតមេដឹកនាំបក្សប្រឆាំង លោក សម រង្ស៊ី បានលើកឡើងជុំវិញបញ្ហានេះថា លោក ហ៊ុន សែន សុខចិត្តចោលប្រព័ន្ធអនុគ្រោះពន្ធ EBA ពីសហគមន៍អឺរ៉ុប ព្រោះអាងខ្ចីលុយចិន ប៉ុន្តែឥឡូវនេះ គឺបរាជ័យទាំងពីរ ព្រោះចិនក៏លែងឲ្យលុយខ្ចីដូចមុន។ លោក សម រង្ស៊ី ពោលថា៖ «ត្រីរ៉ស់ក៏រួច ទន្សាយក៏រួច»។

ក្រុមអ្នកវិភាគលើកឡើងថា មេដឹកនាំខ្មែរនឹងមិនហត់នឿយក្នុងការដើរសុំជំនួយពីប្រទេសកុម្មុយនីស្តបន្តទៀតទេ បើពួកគេអនុវត្តលទ្ធិប្រជាធិបតេយ្យ និងលើកស្ទួយសិទ្ធិមនុស្សឱ្យស្របតាមរដ្ឋធម្មនុញ្ញដែលមានចែងឱ្យបានល្អត្រឹមត្រូវនោះ៕

ស្ថានឯកអគ្គរដ្ឋទូតចិនប្រចាំរាជាណាចក្រកម្ពុជា ចេញបំភ្លឺព័ត៌មានថាចិនលែងឱ្យខ្មែរខ្ចីបុលបន្ថែម

បទវិភាគ

បទវិភាគ៖ ហេតុអ្វីបានជារុស្ស៊ី ខ្លាចមីស៊ីល Tomahawk អាមេរិក? ធ្វើដូចម្ដេចអ៊ុយក្រែន បានអាវុធនេះពីលោក ត្រាំ?

បទវិភាគ៖ ពីឧក្រិដ្ឋជនសង្គ្រាមក្លាយជាភ្ញៀវរបស់អាមេរិក លោក ត្រាំ ទាញលោក ពូទីន ចេញពីភាពឯកា

បទវិភាគព័ត៌មាន៖ មិនអាចប្ដូរមេដឹកនាំផ្ដាច់ការនៅបេឡារូស លើកលែងតែដូចប្រទេសបង់ក្លាដេស

បទវិភាគ៖ របបផ្ដាច់ការនៅប្រទេសស៊ីរី ដល់ពេលត្រូវបាត់បង់ហើយ

បទវិភាគ៖ ប្រទេសមួយក្រោមឥទ្ធិពលចិនខ្លាំង ហើយពីរទៀតក្រោមឥទ្ធិពលវៀតណាមផងចិនផង

បទវិភាគ៖ ផ្លែការ៉ុតនិងដំបងដាក់នៅចំពោះមុខកម្ពុជាក្នុងភូមិសាស្ត្រនយោបាយរវាងអាមេរិកនិងចិន

បទវិភាគ៖ តើប៉ាឡេស្ទីន អាចក្លាយជាសមាជិកពេញសិទ្ធិនៃអង្គការសហប្រជាជាតិបានដែរឬទេ?

បទវិភាគ៖ អាហ្វ្រិកខាងត្បូងអូសអ៊ីស្រាអែលឡើង ICC តែផ្ដល់ឱកាសឱ្យរុស្ស៊ីបន្តវិនាសកម្មនៅអ៊ុយក្រែន

អត្ថបទទាក់ទង

ចិន ប្រគល់នាវាចម្បាំងមួយគ្រឿងឱ្យកម្ពុជា ខណៈនាវាចម្បាំងរុស្ស៊ី ៣គ្រឿងចូលសំចតនៅក្រុងព្រះសីហនុ

អ្នកវិភាគកិច្ចការយោធាថាចិនជាអ្នកចំណេញក្នុងជម្លោះព្រំដែនរវាងកម្ពុជា និងថៃ ព្រោះលក់អាវុធបានទាំងសងខាង

មហាអំណាចចិន ដើរតួផ្សះផ្សាជម្លោះខ្មែរ-ថៃ ក្នុងនាមជាមហាមិត្តប្រទេសទាំងពីរ

អ្នកច្បាប់ពីសាលាក្ដីខ្មែរក្រហមថ្លែងថា ភាពតានតឹងខ្មែរ-ថៃ ទំនងមកពីទំនាក់ទំនងថៃ-ចិន

អ្នកឃ្លាំមើលថាវត្តមាននាវាកងទ័ពជើងទឹកចិននៅកម្ពុជា គ្រាន់តែជាកិច្ចសហប្រតិបត្តិការធម្មតាប៉ុណ្ណោះ

អត្ថបទអានច្រើន

និស្សិតភូមា យករូបមេដឹកនាំកម្ពុជាលោក ហ៊ុន សែន ទៅជាន់ឈ្លីនិងដុតចោលតាមទីសាធារណៈ

លោក ហ៊ុន សែន គំរាមមិនឱ្យលោក ស ខេង ឈរជាបេក្ខភាពនាយករដ្ឋមន្ត្រីបន្ទាប់ពីលោកជាដាច់ខាត

អតិថិជនទិញអចលនទ្រព្យពីអ្នកឧកញ៉ា ឡេង ណាវ៉ាត្រា ទាមទារផ្ទះតាមកិច្ចសន្យា

អតិថិជនទិញផ្ទះល្វែងពីបុរីពិភពថ្មីកំបូលខកចិត្តនឹងគុណភាពសំណង់ផ្ទះល្វែង និងសេវាមួយចំនួនរបស់ក្រុមហ៊ុននេះ

លោក ជា សុផារ៉ា រងការចោទប្រកាន់ថាប្រព្រឹត្តអំពើពុករលួយក្នុងជួរបក្សកាន់អំណាចរបស់ខ្លួន

លោក សម រង្ស៊ី ប្រកាសរកការរួបរួមជាមួយបក្សកាន់អំណាចរបស់លោក ហ៊ុន សែន ដើម្បីជាតិខ្មែររុងរឿង

សេចក្ដីរាយការណ៍ពិសេស

លោក ចេន ហ្ស៊ី បាត់មុខពីកម្ពុជា ស្របពេលអាមេរិកលាតត្រដាងអំពើឆបោកនិងលាងលុយកខ្វក់ក្នុងប្រព័ន្ធគ្រីបតូ

តើព្រះសង្ឃ និងមេដឹកនាំខ្មែរ បានធ្វើអ្វីខ្លះដើម្បីជាប្រយោជន៍ដល់ព្រះពុទ្ធសាសនា និងសង្គមជាតិរបស់ខ្លួន?

តើកាកបាទក្រហមកម្ពុជាទទួលអំណោយសប្បុរសដោយកុសលកម្ម ឬអកុសលកម្មបថ?

លោក ហេង សិទ្ធី អំពាវនាវឱ្យពលរដ្ឋខ្មែរចូលរួមរំដោះប្រទេសចេញពីអំណាចប្រមូលផ្ដុំគ្រួសារតែមួយ

មេធាវី៖ ការចាប់ខ្លួនលោក ហេង សិទ្ធី ដោយសារដឹងអំពីផែនការបង្កើតបក្សនយោបាយប្រឆាំងត្រកូលហ៊ុន