អ្នកវិភាគថាដំណើរទស្សនកិច្ចរបស់លោក ហ៊ុន សែន ទៅប្រទេសមជ្ឈិមបូព៌ា ព្រោះចិនបដិសេធផ្តល់ជំនួយ

អ្នកវិភាគលើកឡើងថា ដំណើរទស្សនកិច្ចទៅកាន់ប្រទេសក្នុងតំបន់មជ្ឈិមបូព៌ារបស់លោក ហ៊ុន សែន នៅពេលនេះ បង្ហាញឱ្យឃើញពីសញ្ញាអវិជ្ជមានធ្ងន់ធ្ងរសម្រាប់សេដ្ឋកិច្ចរបស់កម្ពុជា បន្ទាប់ពីមិត្តដែកថែបចិន បដិសេធឈប់ផ្តល់ជំនួយមកឲ្យរដ្ឋាភិបាលរបស់លោក ហ៊ុន ម៉ាណែត។

អ្នកវិភាគនយោបាយ និងជាប្រធានវេទិកាពលរដ្ឋ លោក គឹម សុខ ប្រាប់សារព័ត៌មាន The Cambodia Daily នៅថ្ងៃទី១២ ធ្នូ នេះថា សម្រាប់កិច្ចព្រមព្រៀងនានារវាងកម្ពុជា និងប្រទេសក្នុងតំបន់មជ្ឈិមបូព៌ាដែលធ្វើឡើងក្នុងដំណើរទស្សនកិច្ចរបស់លោក ហ៊ុន សែន នៅពេលនេះ គឺជាកិច្ចព្រមព្រៀងដែលមានតែនៅលើក្រដាសកំប៉ិកកំប៉ុកប៉ុណ្ណោះ ប៉ុន្តែមិនចេញជាលទ្ធផលសម្រាប់កិច្ចសហការលើសេដ្ឋកិច្ច និងពាណិជ្ជកម្មរបស់ប្រទេសទាំងនោះជាមួយកម្ពុជាទេ ដែលមានន័យថា នឹងមិនចេញជាលុយតាមការរំពឹងទុករបស់លោក ហ៊ុន សែន ឡើយ។

លោក គឹម សុខ ថាការស្វែងរកកិច្ចសហការជាមួយប្រទេសនៅមជ្ឈិមបូព៌ាដែលជាប្រទេសមិនសូវឱ្យតម្លៃលើសិទ្ធិមនុស្ស និងប្រជាធិបតេយ្យបែបនេះ បង្ហាញថាលោក ហ៊ុន សែន គ្មានមុខមាត់ស្វែងរកកិច្ចសហការជាមួយប្រទេសសេរីប្រជាធិបតេយ្យបន្តទៀតទេ ស្របពេលដែលសហភាពអឺរ៉ុបព្រមានដាក់ទណ្ឌកម្មលើរដ្ឋាភិបាលកម្ពុជាក្នុងពេលនេះ។

អ្នកវិភាគរូបនេះបញ្ជាក់ថា ការសន្យារបស់ចិន លើទំនាក់ទំនងត្បូងពេជ្រ ឬទំនាក់ទំនងដែកថែប រួមទាំងទំនាក់ទំនងវាសនារួមគ្នាក៏ដោយ ក៏គ្រាន់តែជាការសន្យាជាលក្ខណៈការទូតប៉ុណ្ណោះ ប៉ុន្តែចិន នឹងមិនទម្លាក់លុយជំនួយជាក់ស្តែងដល់គម្រោងណាមួយរបស់កម្ពុជាទេ សូម្បីតែគម្រោងព្រែកជីកហ្វូណន។

មេដឹកនាំបក្សកាន់អំណាច លោក ហ៊ុន សែន បានចាកចេញពីប្រទេសកម្ពុជាធ្វើដំណើរទៅទស្សនកិច្ចនៅប្រទេសក្នុងតំបន់មជ្ឈិមបូព៌ាចំនួន ៤ប្រទេស ដូចជា រាជាណាចក្រអារ៉ាប៊ីសាអ៊ូឌីត (Saudi Arabia) រដ្ឋកាតា (Qatar) សាធារណរដ្ឋតួកគី (Turkye) និងអេមីរ៉ាតអារ៉ាប់រួម (United Arab Emirate) ចាប់ពីថ្ងៃទី៨ ដល់ថ្ងៃទី១៤ ខែធ្នូ នេះ។

ក្នុងដំណើរទស្សនកិច្ចនេះ លោក ហ៊ុន សែន បានជួបជាមួយមេដឹកនាំ ៣ប្រទេសហើយគិតត្រឹមថ្ងៃព្រហស្បតិ៍នេះ គឺរាជាណាចក្រអារ៉ាប៊ីសាអ៊ូឌីត រដ្ឋកាតា និងសាធារណរដ្ឋតួកគី ប៉ុន្តែប្រទេសដែលបានចុះកិច្ចព្រមព្រៀងលើការការវិនិយោគ និងពាណិជ្ជកម្មជាមួយកម្ពុជា គឺមានតែរដ្ឋកាតា មួយប៉ុណ្ណោះ។

ជុំវិញបញ្ហានេះ ក្រុមអ្នកឃ្លាំមើលលើកឡើងថា ដំណើរទស្សនកិច្ចរបស់លោក ហ៊ុន សែន ទៅកាន់ប្រទេសក្នុងតំបន់មជ្ឈិមបូព៌ានាពេលនេះ គឺដើម្បីស្វែងរកកិច្ចសហការពីប្រទេសទាំងនោះក្នុងបំណងគេចចេញពីសម្ពាធរបស់សហគមន៍អឺរ៉ុប ដើម្បីឱ្យគាត់អាចបន្តរំលោភសិទ្ធិមនុស្ស និងជាន់ឈ្លីលទ្ធិប្រជាធិបតេយ្យទៅថ្ងៃមុខទៀតប៉ុណ្ណោះ៕

អ្នកវិភាគថាដំណើរទស្សនកិច្ចរបស់លោក ហ៊ុន សែន ទៅប្រទេសមជ្ឈិមបូព៌ា ព្រោះចិនបដិសេធផ្តល់ជំនួយ

បទវិភាគ

បទវិភាគ៖ ហេតុអ្វីបានជារុស្ស៊ី ខ្លាចមីស៊ីល Tomahawk អាមេរិក? ធ្វើដូចម្ដេចអ៊ុយក្រែន បានអាវុធនេះពីលោក ត្រាំ?

បទវិភាគ៖ ពីឧក្រិដ្ឋជនសង្គ្រាមក្លាយជាភ្ញៀវរបស់អាមេរិក លោក ត្រាំ ទាញលោក ពូទីន ចេញពីភាពឯកា

បទវិភាគព័ត៌មាន៖ មិនអាចប្ដូរមេដឹកនាំផ្ដាច់ការនៅបេឡារូស លើកលែងតែដូចប្រទេសបង់ក្លាដេស

បទវិភាគ៖ របបផ្ដាច់ការនៅប្រទេសស៊ីរី ដល់ពេលត្រូវបាត់បង់ហើយ

បទវិភាគ៖ ប្រទេសមួយក្រោមឥទ្ធិពលចិនខ្លាំង ហើយពីរទៀតក្រោមឥទ្ធិពលវៀតណាមផងចិនផង

បទវិភាគ៖ ផ្លែការ៉ុតនិងដំបងដាក់នៅចំពោះមុខកម្ពុជាក្នុងភូមិសាស្ត្រនយោបាយរវាងអាមេរិកនិងចិន

បទវិភាគ៖ តើប៉ាឡេស្ទីន អាចក្លាយជាសមាជិកពេញសិទ្ធិនៃអង្គការសហប្រជាជាតិបានដែរឬទេ?

បទវិភាគ៖ អាហ្វ្រិកខាងត្បូងអូសអ៊ីស្រាអែលឡើង ICC តែផ្ដល់ឱកាសឱ្យរុស្ស៊ីបន្តវិនាសកម្មនៅអ៊ុយក្រែន

អត្ថបទទាក់ទង

មន្រ្តីបក្សកាន់អំណាចថា ការងារស្វែងរកការដោះលែង លោក កឹម សុខា បានចំណាយពេលអស់ជិត៣ឆ្នាំ

ប្រមុខរដ្ឋស្តីទី លោក ហ៊ុន សែន លើកលែងទោស អតីតមេបក្សប្រឆាំង លោក កឹម សុខា ប៉ុន្តែចាក់សោនយោបាយ

ព្រឹទ្ធសភាកម្ពុជា អនុម័តទាំងស្រុងសេចក្តីព្រាងច្បាប់ស្តីពី «កាតព្វកិច្ចយោធា»

លោក ហ៊ុន សែន ឆ្ងល់ថាតើថៃកំពុងធ្វើអន្តរជាតូបនីយកម្មលើតំបន់សមុទ្រត្រួតស៊ីគ្នាជាមួយកម្ពុជាឬយ៉ាងណា?

អត្ថបទអានច្រើន

និស្សិតភូមា យករូបមេដឹកនាំកម្ពុជាលោក ហ៊ុន សែន ទៅជាន់ឈ្លីនិងដុតចោលតាមទីសាធារណៈ

លោក ហ៊ុន សែន គំរាមមិនឱ្យលោក ស ខេង ឈរជាបេក្ខភាពនាយករដ្ឋមន្ត្រីបន្ទាប់ពីលោកជាដាច់ខាត

អតិថិជនទិញអចលនទ្រព្យពីអ្នកឧកញ៉ា ឡេង ណាវ៉ាត្រា ទាមទារផ្ទះតាមកិច្ចសន្យា

អតិថិជនទិញផ្ទះល្វែងពីបុរីពិភពថ្មីកំបូលខកចិត្តនឹងគុណភាពសំណង់ផ្ទះល្វែង និងសេវាមួយចំនួនរបស់ក្រុមហ៊ុននេះ

លោក ជា សុផារ៉ា រងការចោទប្រកាន់ថាប្រព្រឹត្តអំពើពុករលួយក្នុងជួរបក្សកាន់អំណាចរបស់ខ្លួន

លោក សម រង្ស៊ី ប្រកាសរកការរួបរួមជាមួយបក្សកាន់អំណាចរបស់លោក ហ៊ុន សែន ដើម្បីជាតិខ្មែររុងរឿង

សេចក្ដីរាយការណ៍ពិសេស

លោក ចេន ហ្ស៊ី បាត់មុខពីកម្ពុជា ស្របពេលអាមេរិកលាតត្រដាងអំពើឆបោកនិងលាងលុយកខ្វក់ក្នុងប្រព័ន្ធគ្រីបតូ

តើព្រះសង្ឃ និងមេដឹកនាំខ្មែរ បានធ្វើអ្វីខ្លះដើម្បីជាប្រយោជន៍ដល់ព្រះពុទ្ធសាសនា និងសង្គមជាតិរបស់ខ្លួន?

តើកាកបាទក្រហមកម្ពុជាទទួលអំណោយសប្បុរសដោយកុសលកម្ម ឬអកុសលកម្មបថ?

លោក ហេង សិទ្ធី អំពាវនាវឱ្យពលរដ្ឋខ្មែរចូលរួមរំដោះប្រទេសចេញពីអំណាចប្រមូលផ្ដុំគ្រួសារតែមួយ

មេធាវី៖ ការចាប់ខ្លួនលោក ហេង សិទ្ធី ដោយសារដឹងអំពីផែនការបង្កើតបក្សនយោបាយប្រឆាំងត្រកូលហ៊ុន

អ្នកវិភាគ​ថា​ដំណើរ​ទស្សនកិច្ច​របស់​លោក ហ៊ុន សែន ទៅ​ប្រទេស​មជ្ឈិមបូព៌ា ព្រោះ​ចិន​បដិសេធ​ផ្តល់​ជំនួយ

បទវិភាគ

អត្ថបទទាក់ទង

អត្ថបទអានច្រើន

សេចក្ដីរាយការណ៍ពិសេស

អ្នកវិភាគថាដំណើរទស្សនកិច្ចរបស់លោក ហ៊ុន សែន ទៅប្រទេសមជ្ឈិមបូព៌ា ព្រោះចិនបដិសេធផ្តល់ជំនួយ