តុលាការ​ឧក្រិដ្ឋកម្ម​អន្តរជាតិ (ICC)

អ្នក​ច្បាប់​ជំរុញ​ឱ្យ​រដ្ឋាភិបាល​កម្ពុជា ប្តឹង​ថៃ ទៅ​តុលាការ​តុលាការ​ព្រហ្មទណ្ឌ​អន្តរជាតិ (ICC) ដើម្បី​ទាមទារ​សំណង​ចំពោះ​ការ​ខូចខាត​ប្រាសាទ​ខ្មែរ​ដែល​រង​ការ​បំផ្លិចបំផ្លាញ​ដោយ​កងទ័ព​ថៃ ជុំវិញ​ជម្លោះ​ព្រំដែន​នា​ពេលនេះ។ អតីត​មេធាវី​សាលាក្ដី​ខ្មែរក្រហម លោក កង ឫទ្ធិគិរី បាន​សរសេរ​លើ​គណនី​ហ្វេសប៊ុក​របស់​លោក​នៅ​ថ្ងៃទី​១២ ធ្នូ នេះ​ថា សកម្មភាព​វាយប្រហារ​លើ​ប្រាសាទ​បុរាណ​ខ្មែរ​នានា​ពី​សំណាក់​កងទ័ព​ថៃ គឺជា​ឧក្រិដ្ឋកម្ម​សង្គ្រាម​យ៉ាង​ពិតប្រាកដ ដែល​ប្រឆាំង​នឹង​អនុសញ្ញា​ទីក្រុង​ហ្សឺណែវ ចុះ​ថ្ងៃទី​១២ ខែ​សីហា ឆ្នាំ​១៩៤៩ យ៉ាង​ធ្ងន់ធ្ងរ។ អតីត​មេធាវី​រូប​នេះ​អះអាង​ថា សកម្មភាព​បាញ់​បំផ្លិចបំផ្លាញ​ប្រាសាទ​តាមាន់ ប្រាសាទ​តាក្របី ដែល​បណ្តាល​ឱ្យ​ខូចខាត​ស្ទើរតែ​ទាំងស្រុង និង​ខូចខាត​ផ្នែក​ខ្លះ​នៃ​ប្រាសាទ​ព្រះវិហារ​របស់​កម្ពុជា​ដោយ​កងទ័ព​ថៃ គឺ​កម្ពុជា​អាច​ប្ដឹង​ថៃ...

រដ្ឋាភិបាល​កម្ពុជា ប្រកាស​ប្ដឹង​ថៃ ទៅ​កាន់​តុលាការ​ព្រហ្មទណ្ឌ​អន្តរជាតិ (ICC) ពី​បទ​ឧក្រិដ្ឋកម្ម​សង្គ្រាម និង​ឧក្រិដ្ឋកម្ម​ប្រឆាំង​មនុស្ស​ជាតិ។ បណ្ឌិត គិន ភា ប្រធាន​វិទ្យាស្ថាន​ទំនាក់ទំនង​អន្តរជាតិ​នៃ​រាជបណ្ឌិត្យសភា​កម្ពុជា សរសេរ​លើ​គណនី​ហ្វេសប៊ុក​របស់​លោក​នៅ​ថ្ងៃទី​១១ ធ្នូ ថា កម្ពុជា​កំពុង​ប្រមូល​ភស្តុតាង​ពី​ការ​វាយប្រហារ​របស់​កងទ័ព​ថៃ មក​លើ​កម្ពុជា ដើម្បី​ដាក់​ពាក្យ​ប្តឹង​ទៅ​កាន់​តុលាការ​ព្រហ្មទណ្ឌ​អន្តរជាតិ (ICC) ក្នុង​នាម​កម្ពុជា​ជា​រដ្ឋ​សមាជិក។ បណ្ឌិត គិន ភា អះអាង​ថា ការ​ប្រើប្រាស់​អាវុធ​ធុន​ធ្ងន់ និង​គ្រប់​ប្រភេទ រួម​ទាំង​យន្តហោះ​ទម្លាក់​គ្រាប់បែក​វាយប្រហារ​មក​លើ​ទីតាំង​ស៊ីវិល​នៅ​កម្ពុជា គឺជា​សកម្មភាព​ឈ្លានពាន​មក​លើ​ដែន​អធិបតេយ្យ...

ប៉ូឡូញចេញមុខចាប់ខ្លួនបុរសខ្លាំងក្រុងមូស្គូ វ្លាឌូមៀពូទីន ទៅឱ្យ​តុលាការ​ឧក្រិដ្ឋកម្មសង្គ្រាមICC រដ្ឋមន្ត្រី​ការបរទេស​ប៉ូឡូញ Radoslaw Sikorski ដែល​តំណាង​ឱ្យ​រដ្ឋាភិបាល​ទាំងមូល​នៃ​ប្រទេស​ប៉ូឡូញ បាន​ព្រមាន​ប្រធានាធិបតី​រុស្ស៊ី លោក វ្ល៉ាឌីមៀ ពូទីន ប្រឆាំង​នឹង​ការ​ធ្វើ​ដំណើរ​ឆ្លងកាត់​ដែនអាកាស​ប៉ូឡូញ ដោយ​សច្ចា​ថា​នឹង​ចាប់​ខ្លួន​បុរស​ខ្លាំង​វិមាន​ក្រឹមឡាំង រូប​នេះ ទៅ​ឱ្យ​តុលាការ​ឧក្រិដ្ឋកម្ម​សង្គ្រាម ICC។ នេះ​បើ​តាម​ការ​ចុះផ្សាយ​ដោយ​សារព័ត៌មាន​រុស្ស៊ី The Moscow Times កាលពី​ថ្ងៃទី​២១ តុលា។ លោក វ្ល៉ាឌីមៀ ពូទីន និង​ប្រធានាធិបតី​សហរដ្ឋ​អាមេរិក...

អតីត​មេដឹកនាំ​បក្ស​ប្រឆាំង លោក សម រង្ស៊ី ព្រមាន​ថា លោក ហ៊ុន សែន នឹង​ប្រឈមមុខ​ជាមួយ​តុលាការ​ព្រហ្មទណ្ឌ​អន្តរជាតិ (International Criminal Court, ICC) ពី​បទ​ឧក្រិដ្ឋកម្ម​ប្រឆាំង​មនុស្ស​ជាតិ ពាក់ព័ន្ធ​នឹង​អំពើ​ឧក្រិដ្ឋ​ជាច្រើន​ដែល​គាត់​បាន​ប្រព្រឹត្ត​តាំងពី​អំឡុង​ទសវត្សរ៍​១៩៨០ មក​ម្ល៉េះ។ លោក សម រង្ស៊ី សរសេរ​លើ​ទំព័រ​ហ្វេសប៊ុក​របស់​ខ្លួន​នៅ​ថ្ងៃទី​១២ មីនា នេះ​ថា ក្នុង​ផែនការ «ក​៥» អំឡុង​ឆ្នាំ​១៩៨០...

តំណាងរាស្ត្រ​បក្ស​ប្រឆាំង ព្រមាន​ថា ចំណាត់ការ​ពី​តុលាការ​ព្រហ្មទណ្ឌ​អន្តរជាតិ (International Criminal Court, ICC) លើ​អតីត​ប្រធានាធិបតី​ហ្វីលីពីន លោក Rodrigo Duterte នៅ​ពេលនេះ​ជា​សញ្ញា​មួយ​បញ្ជាក់​ថា បើ​អតីត​មេដឹកនាំ​បក្ស​កាន់​អំណាច​លោក ហ៊ុន សែន នៅតែ​ប្រព្រឹត្ត​អំពើ​ឧក្រិដ្ឋ​លើ​បក្ស​ប្រឆាំង​ទៀត​នោះ វាសនា​របស់​គាត់​នឹង​ដូច​ប្រធានាធិបតី​ហ្វីលីពីន ដែរ។ មន្ត្រី​ជាន់ខ្ពស់​គណបក្ស​សង្គ្រោះ​ជាតិ លោក អ៊ុំ សំអាន ប្រាប់​សារព័ត៌មាន The Cambodia...

វា​ជា​រឿង​មិន​នឹកស្មាន​ដល់​ថា​មាន​រឿង​អាក្រក់​ដូចនេះ​កើតឡើង​ទៅ​លើ​កំពូល​ជន​ផ្ដាច់ការ​ម្នាក់​នៅ​អាស៊ីអាគ្នេយ៍ គឺ​អតីត​ប្រធានាធិបតី​ហ្វីលីពីន លោក Rodrigo Duterte ដែល​ត្រូវ​បាន​ចាប់​ខ្លួន​តាម​ដីកា​ពី​តុលាការ​ឧក្រិដ្ឋកម្ម​អន្តរជាតិ អំពី​បទ​ឧក្រិដ្ឋកម្ម​ប្រឆាំង​នឹង​មនុស្ស​ជាតិ ចំ​ពេល​លោក​បាន​ធ្វើ​ដំណើរ​ពី​បរទេស​ទៅ​ដល់​អាកាសយានដ្ឋាន​ក្នុង​ទីក្រុង​ម៉ានីល ប្រទេស​របស់​លោក​វិញ។ បើ​តាម​ការ​ចេញ​ផ្សាយ​ដោយ​បណ្ដាញ​ផ្សាយ​ព័ត៌មាន CSB News ការ​ចាប់​ខ្លួន​លោក Rodrigo Duterte កើត​មាន​ឡើង​តែ​មួយ​ថ្ងៃ​ប៉ុណ្ណោះ​ក្រោយពី​អតីត​ប្រធានាធិបតី​រូប​នេះ​កាលពី​ថ្ងៃ​ចន្ទ ទី​១០ មីនា បាន​និយាយ​ក្នុង​ទីក្រុង​ហុងកុង ថា លោក​ត្រៀម​រួច​ជា​ស្រេច​ចំពោះ​ការ​ចាប់​ខ្លួន​រូបលោក។ តែ​នៅ​ពេល​ចុះ​ពី​លើ​យន្តហោះ​នៅ​អាកាសយានដ្ឋាន​ក្នុង​ទីក្រុង​ម៉ានីល ខណៈ​នោះ​ដីកា​របស់​តុលាការ​ឧក្រិដ្ឋកម្ម​អន្តរជាតិ (ICC) បាន​ធ្លាក់​ដល់​ដៃ​ប៉ូលិស...

អតីត​មេដឹកនាំ​បក្ស​ប្រឆាំង លោក សម រង្ស៊ី អះអាង​ថា ក្រោម​ការ​ដឹកនាំ​ផ្ដាច់ការ​ជាង ៤០​ឆ្នាំ មេដឹកនាំ​បក្ស​កាន់​អំណាច លោក ហ៊ុន សែន នឹង​ត្រូវ​ប្រឈមមុខ​ជាមួយ​តុលាការ​ព្រហ្មទណ្ឌ​អន្តរជាតិ (ICC) ពី​បទ​ឧក្រិដ្ឋកម្ម​ប្រឆាំង​មនុស្ស​ជាតិ​ដូច​មេដឹកនាំ​យោធា​ភូមា ដែរ។ លោក សម រង្ស៊ី សរសេរ​រលើ​ទំព័រ​ហ្វេសប៊ុក​របស់​ខ្លួន​នៅ​ថ្ងៃទី​២៩ វិច្ឆិកា នេះ​ថា អំពើ​ឧក្រិដ្ឋ​ដែល​លោក ហ៊ុន សែន បាន​ប្រព្រឹត្ត​កន្លង​មក...

កាលពី​ថ្ងៃទី​២៧ ខែ​វិច្ឆិកា ឆ្នាំ​២០២៤ រដ្ឋអាជ្ញា​នៃ​តុលាការ​ឧក្រិដ្ឋកម្ម​អន្តរជាតិ​ក្រុង​ឡាអេ ហៅ​កាត់​ថា ICC បាន​ស្នើ​ចេញ​ដីកា​ចាប់​ខ្លួន​មេដឹកនាំ​របប​សឹក​ភូមា ឧត្ដមសេនីយ៍ មីន អ៊ុងឡាំង ក្នុង​បទ​ឧក្រិដ្ឋកម្ម​ប្រឆាំង​មនុស្ស​ជាតិ​ទៅ​លើ​ប្រជាជន​រ៉ូហ៊ីងយ៉ា នៅ​ចន្លោះ​ពី​ឆ្នាំ​២០១៦ ដល់​ដំណាច់ឆ្នាំ​២០១៧ ក្នុង​នោះ​មាន​មនុស្ស​ជាង ៦៧០០​នាក់ មាន​ទាំង​កុមារ​ផង​ដែរ។ ទំនង​ក្រុម​ចៅក្រម​តុលាការ ICC មិន​អាច​ច្រានចោល​ទេ​ចំពោះ​ការ​ស្នើ​ឱ្យ​ចេញ​ដីកា​ចាប់​ខ្លួន​លោក មីន អ៊ុងឡាំង និង​ឧត្ដមសេនីយ៍​ថ្នាក់ក្រោម​នៃ​របប​យោធា​ភូមា ដែល​របប​ខុស​ច្បាប់​នេះ​កើត​ចេញពី​រដ្ឋប្រហារ​កាលពី​ថ្ងៃទី​១ ខែ​កុម្ភៈ ឆ្នាំ​២០២១។...

អ្នក​ឃ្លាំមើល​ស្ថានការណ៍​កម្ពុជា​ថា​ការ​ប្រកាស​ស្វែងរក​ដីកា​ពី​រដ្ឋអាជ្ញា​របស់​តុលាការ​ឧក្រិដ្ឋកម្ម​អន្តរជាតិ (ICC) ក្រុង​ឡាអេ ក្នុង​ការ​ចាប់​ខ្លួន​មេដឹកនាំ​របប​សឹក​ភូមា លោក មីន អ៊ុងឡាំង នៅ​ពេលនេះ ជា​សញ្ញា​ព្រមាន​ដោយ​ត្រង់​ទៅ​កាន់​មេដឹកនាំ​ផ្ដាច់ការ​ផ្សេង​ទៀត ជាពិសេស​គឺ​លោក ហ៊ុន សែន។ ប្រធាន​ក្រុមប្រឹក្សា​ឃ្លាំមើល​កម្ពុជា លោក ម៉ែន ណាត ប្រាប់​សារព័ត៌មាន The Cambodia Daily នៅ​ថ្ងៃទី​២៨ វិច្ឆិកា នេះ​ថា លោក ហ៊ុន...

រដ្ឋាភិបាល​អាហ្សង់ទីន បាន​អំពាវនាវ​ឱ្យ​តុលាការ​ឧក្រិដ្ឋកម្ម​អន្តរជាតិ ICC ដែល​មាន​ស្នាក់ការ​នៅ​ក្រុង​ឡាអេ ប្រទេស​ហុឡង់ដ៍ ចេញ​ដីកា​ចាប់​ខ្លួន​ប្រធានាធិបតី​វេណេហ្ស៊ុយអេឡា លោក Nicolas Maduro និង​មន្ត្រី​ផ្សេង​ទៀត​ជាបន្ទាន់ ពាក់ព័ន្ធ​នឹង​ការ​រំលោភ​សិទ្ធិមនុស្ស​យ៉ាង​ធ្ងន់ធ្ងរ បន្ទាប់ពី​អាជ្ញាធរ​លោក Maduro ស្វែងរក​ចាប់​ខ្លួន​មេ​បក្ស​ប្រឆាំង Edmundo Gonzalez និង​មេ​បក្ស​ប្រឆាំង​ជាច្រើន​ទៀត។ អាហ្សង់ទីន ជា​ប្រទេស​ជិតខាង​នឹង​វេណេហ្ស៊ុយអេឡា។ ក្រសួង​ការបរទេស​នៃ​ប្រទេស​នេះ​អះអាង​ថា សកម្មភាព​ដែល​រដ្ឋាភិបាល​របស់​លោក Maduro ធ្វើឡើង​ចាប់តាំងពី​ការ​បោះឆ្នោត​ថ្ងៃទី​២៨ ខែ​កក្កដា គឺជា​ឧក្រិដ្ឋកម្ម​ប្រឆាំង​មនុស្ស​ជាតិ។ រដ្ឋាភិបាល​អេស្ប៉ាញ...