TAG
អំពើពុករលួយ
លោក ស សុខា ដកនគរបាលជាតិ៥០នាក់ពីគណៈកម្មាធិការប្រយុទ្ធប្រឆាំងផលិតផលក្លែងក្លាយឱ្យទៅបម្រើការងារនៅនាយកដ្ឋានផ្សេងៗ
មន្ត្រីជាន់ខ្ពស់នៃក្រសួងមហាផ្ទៃ សម្រេចដកតំណែងនគរបាលជាតិចំនួន ៥០នាក់ពីលេខាធិការដ្ឋាននៃគណៈកម្មាធិការប្រយុទ្ធប្រឆាំងផលិតផលក្លែងក្លាយ ឱ្យទៅបម្រើការងារនៅនាយកដ្ឋានផ្សេងៗគ្នាចំនួន ៨ និងអង្គភាពចំនួនពីរដាច់ដោយឡែកពីគ្នា ដែលឱ្យចំណុះអគ្គស្នងការដ្ឋាននគរបាលជាតិ បន្ទាប់ពីគណៈកម្មាធិការនេះរងនូវការចោទប្រកាន់ពីភាពមិនប្រក្រតីក្នុងការអនុវត្តតួនាទីរបស់ខ្លួន។
រដ្ឋមន្ត្រីក្រសួងមហាផ្ទៃលោក ស សុខា ចេញសេចក្តីប្រកាសមួយស្ដីពីការផ្ទេរភារកិច្ចមន្ត្រីនគរបាលជាតិ កាលពីថ្ងៃទី២២ ខែធ្នូ ឆ្នាំ២០២៣ ដែលទើបនឹងត្រូវបានផ្សព្វផ្សាយកាលពីថ្ងៃព្រហស្បតិ៍ ទី២៨ ធ្នូ បានសម្រេចផ្ទេរភារកិច្ចមន្ត្រីនគរបាលជាតិចំនួន ៥០នាក់ ដែលមានឋានន្តរសក្តិចាប់ពីអនុសេនីយ៍ឯករហូតដល់វរសេនីយ៍ត្រីពីគណៈកម្មាធិការជាតិប្រយុទ្ធប្រឆាំងផលិតផលក្លែងក្លាយ ឱ្យទៅបម្រើការនៅនាយកដ្ឋានផ្សេងវិញ បន្ទាប់ពីអនុប្រធានគណៈកម្មាធិការប្រឆាំងផលិតផលក្លែងក្លាយលោក គឹម ជាតិ...
ខេត្តខ្មែរជាប់ព្រំដែនឡាវចំនួន៣ លេចធ្លាយរឿងអាស្រូវចេញឯកសារមិនប្រក្រតីចេញចូលទឹកដីកម្ពុជា-ឡាវ
រដ្ឋបាលខេត្តខ្មែរជាប់ព្រំដែនប្រទេសឡាវ ចំនួន៣ គឺរដ្ឋបាលខេត្តរតនគិរី ខេត្តស្ទឹងត្រែង និងខេត្តព្រះវិហារ បានលេចធ្លាយរឿងអាស្រូវពីការចេញលិខិតបើកផ្លូវ បណ្ណឆ្លងដែន និងឯកសារមិនប្រក្រតី ដល់ពលរដ្ឋខ្មែរសម្រាប់ការឆ្លងដែន ចេញចូលក្នុងទឹកដីកម្ពុជា-ឡាវ យ៉ាងអនាធិបតេយ្យ។
រដ្ឋមន្ត្រីក្រសួងមហាផ្ទៃលោក ស សុខា បានចេញលិខិតមួយកាន់ទៅអាជ្ញាធរខេត្តដែលជាប់ព្រំដែនឡាវទាំងអស់ កាលពីថ្ងៃទី៨ ខែធ្នូ និងត្រូវបានផ្សព្វផ្សាយកាលពីថ្ងៃព្រហស្បតិ៍ ទី១៤ ធ្នូ ថា រដ្ឋបាលខេត្តជាប់ព្រំដែនកម្ពុជា-ឡាវ និងកងកម្លាំងមានសមត្ថកិច្ចមួយចំនួន នៅតែបន្តចេញលិខិតបើកផ្លូវ បណ្ណឆ្លងដែន...
លោក ហ៊ុន ម៉ាណែត សរសើរឪពុករបស់លោកថាមានស្នាដៃជាប្រវត្តិសាស្ត្រទប់ស្កាត់អំពើពុករលួយក្នុងរយៈពេល៣០ឆ្នាំ
លោក ហ៊ុន ម៉ាណែត ដែលជានាយករដ្ឋមន្ត្រីនៃប្រទេសដែលល្បីល្បាញខាងប្រព្រឹត្តអំពើពុករលួយ សម្ដែងមោទនភាពថា អស់រយៈពេល ៣០ឆ្នាំមកនេះ រដ្ឋាភិបាលកម្ពុជាក្រោមការដឹកនាំដ៏ឈ្លាសវៃរបស់លោក ហ៊ុន សែន មានស្នាដៃជាប្រវត្តិសាស្ត្រក្នុងការទប់ស្កាត់អំពើពុករលួយយ៉ាងធំធេង ដែលបានបង្កើតនូវក្រុមប្រឹក្សាជាតិប្រឆាំងអំពើពុករលួយ និងអង្គភាពប្រឆាំងអំពើពុករលួយ។
កូនប្រុសមេដឹកនាំពុករលួយក្រាញអំណាចផ្ដាច់មុខនៅកម្ពុជា លោក ហ៊ុន ម៉ាណែត ចេញលិខិតអបអរសាទរទិវាជាតិ និងអន្តរជាតិប្រឆាំងអំពើពុករលួយ ៩ធ្នូ នៅថ្ងៃទី៦ ខែធ្នូ ឆ្នាំ២០២៣ នេះថា កម្ពុជាមិនមែនមានតែស្ថាប័នប្រឆាំងអំពើពុករលួយតែឯងទេដែលបំពេញបេសកកម្មប្រយុទ្ធប្រឆាំងអំពើពុករលួយ...
មន្ត្រីទម្លាយថាបក្សប្រជាជនកម្ពុជាតម្រូវឱ្យសមាជិកគណៈកម្មាធិការកណ្តាលបង់លុយម្នាក់ៗរាប់ម៉ឺនដុល្លារ
មន្ត្រីជាន់ខ្ពស់គណបក្សប្រជាជនកម្ពុជា ទម្លាយថា សន្និបាតបក្សរបស់បក្សកាន់អំណាចដែលគ្រោងនឹងធ្វើឡើងនៅចុងខែធ្នូ ឆ្នាំ២០២៣ នេះ ត្រៀមបញ្ចូលសមាជិកថ្មីទៅក្នុងគណៈកម្មាធិការកណ្តាលគណបក្សជាង ១០០នាក់បន្ថែមទៀត ប៉ុន្តែពួកគេត្រូវតម្រូវឱ្យបង់លុយក្នុងម្នាក់ៗចាប់ពី ២ម៉ឺនដុល្លារអាមេរិកឡើងទៅ ដែលនេះគឺជាវិធីរកលុយយ៉ាងគគ្រឹកគគ្រេងរបស់មន្ត្រីបក្សកាន់អំណាច។
មន្ត្រីជាន់ខ្ពស់បក្សកាន់អំណាចមួយរូបប្រាប់សារព័ត៌មាន The Cambodia Daily ក្នុងលក្ខខណ្ឌមិនបញ្ចេញឈ្មោះនៅថ្ងៃទី៤ ធ្នូ ថា មានមន្ត្រីជាន់ខ្ពស់ក្នុងក្រសួងមហាផ្ទៃជាច្រើនរូបមិនសប្បាយចិត្តនឹងការតែងឱ្យចូលជាសមាជិកគណៈកម្មាធិការកណ្តាលគណបក្សប្រជាជនកម្ពុជាឡើយ ព្រោះថាពួកគេត្រូវបានមន្ត្រីជាន់ខ្ពស់របស់គណបក្សដែលតម្រូវឱ្យចូលជាសមាជិកគណៈកម្មាធិការនាយកនេះ ត្រូវឱ្យបង់លុយឱ្យគណបក្សក្នុងម្នាក់ៗចាប់ពី ២ម៉ឺនទៅ ៣ម៉ឺនដុល្លារឯណោះ ទោះពួកគេជាមន្ត្រីសកម្មរបស់បក្ស ឬមិនមែនជាមន្ត្រីសកម្មរបស់បក្សក៏ដោយ។
ប្រភពដែលគួរឱ្យទុកចិត្តបានខាងលើអះអាងថា សមាសភាពដែលត្រូវចូលជាសមាជិកគណៈកម្មាធិការកណ្តាលមានចំនួនជាង...
អ្នកគ្រប់គ្រងសណ្ឋាគារនិងមគ្គុទ្ទេសក៍ទេសចរណ៍កម្ពុជាត្អូញត្អែរពីការប្រព្រឹត្តអំពើពុករលួយរបស់ប៉ូលិសអន្តោប្រវេសន៍ធ្វើឱ្យប៉ះពាល់វិស័យទេសចរណ៍
វិស័យសណ្ឋាគារ និងមគ្គុទ្ទេសក៍ទេសចរណ៍ជាច្រើននាក់ ត្អូញត្អែរដូចៗគ្នាថា វិស័យទេសចរណ៍កម្ពុជាដែលកំពុងប្រឈមនឹងការកើនឡើងយឺត ឬអាចនឹងធ្លាក់ចុះទៅវិញ រួមទាំងបង្កឱ្យមានអសន្តិសុខជាតិផងដែរ បន្ទាប់ពីមានការប្រព្រឹត្តអំពើពុករលួយពីសំណាក់មន្ត្រីប៉ូលិសអន្តោប្រវេសន៍ដែលប្រចាំការនៅអាកាសយានដ្ឋាននានារបស់កម្ពុជាសព្វថ្ងៃនេះ។
អ្នកគ្រប់គ្រងសណ្ឋាគារ និងមគ្គុទ្ទេសក៍ទេសចរណ៍ជាច្រើននាក់នៅខេត្តសៀមរាប ប្រាប់សារព័ត៌មាន The Cambodia Daily ក្នុងលក្ខខណ្ឌមិនបញ្ចេញឈ្មោះ ក្នុងបំណងផ្តាំផ្ញើដល់អាជ្ញាធរពាក់ព័ន្ធក្នុងវិស័យទេសចរណ៍នៅថ្ងៃទី២៩ វិច្ឆិកា នេះថា ផ្នែកបដិសណ្ឋារកិច្ច និងផ្នែកផ្តល់សេវាដល់ភ្ញៀវបរទេស ដូចជា សណ្ឋាគារ និងមគ្គុទ្ទេសក៍ទេសចរណ៍ ជាដើម តែងរងនូវផលប៉ះពាល់ដ៏អាក្រក់ដែលកើតចេញពីអំពើពុករលួយរបស់មន្ត្រីប៉ូលិសអន្តោប្រវេសន៍កម្ពុជា ដែលជាហេតុធ្វើឱ្យភ្ញៀវទេសចររាងចាលលែងហ៊ានមកលេងប្រទេសកម្ពុជាបន្តទៀត។
ប្រភពខាងលើលើកឡើងថា...
ក្រសួងព័ត៌មានបញ្ជាក់ថាពិតជាមានអ្នកកាសែត ៨២៨រូបសុំលុយពីក្រុមហ៊ុនកាស៊ីណូ ថបដាយអឹម៉ិន ប្រាកដមែន
ក្រសួងព័ត៌មាន អះអាងថា ក្រោយពីបានពិនិត្យជាក់ស្ដែង គឺពិតជាមានអ្នកសារព័ត៌មានចំនួន ៨២៨រូប បានចូលទៅសុំលុយពីក្រុមហ៊ុនកាស៊ីណូ ថបដាយអឹម៉ិន (TOP DIAMOND CASINO) ប្រាកដមែន ប៉ុន្តែតួលេខនេះមិនមែនជាចំនួនអង្គភាពសារព័ត៌មានទេ តែជាចំនួនបុគ្គលដែលបានអះអាងថាខ្លួនជាអ្នកសារព័ត៌មាន ហើយបច្ចុប្បន្ន បញ្ជីឈ្មោះបុគ្គលទាំងនោះបានតម្កល់ទុកនៅក្រសួង ដើម្បីកំណត់អត្តសញ្ញាណពិតប្រាកដអំពីចំនួនអង្គភាពសារព័ត៌មានដែលបានចុះបញ្ជី និងមិនចុះបញ្ជីនៅក្រសួង ដើម្បីមានវិធានការបន្តតាមផ្លូវច្បាប់។
ក្រសួងព័ត៌មាន នៅថ្ងៃទី១៦ ខែវិច្ឆិកា ឆ្នាំ២០២៣ នេះ បានចេញសេចក្ដីប្រកាសព័ត៌មានបង្ហាញអំពីចំណាត់ការរបស់ខ្លួនយ៉ាងម៉ឺងម៉ាត់ទៅលើអ្នកសារព័ត៌មានមួយចំនួន ដែលពាក់ព័ន្ធករណីលុយកាក់ជាមួយក្រុមហ៊ុនកាស៊ីណូ...
មន្ត្រីរដ្ឋាភិបាលម្នាក់ថាការជួញដូរផ្លូវភេទនិងឧក្រិដ្ឋកម្មផ្សេងៗកើតឡើងពីអំពើពុករលួយដែលប្រព្រឹត្តដោយមន្ត្រីរដ្ឋាភិបាល
មន្ត្រីជាន់ខ្ពស់រដ្ឋាភិបាលកម្ពុជា អះអាងថា ប្រសិនបើសមត្ថកិច្ចរបស់លោក ហ៊ុន ម៉ាណែត នៅតែអនុវត្តច្បាប់ដោយធូររលុងក្រោមអំពើពុករលួយ ដែលបង្កឱ្យមានអំពើឧក្រិដ្ឋផ្សេងៗ ដូចជា ការជួញដូរផ្លូវភេទ និងការចរាចរល្បែងអនឡាញខុសច្បាប់ពីសំណាក់ជនជាតិចិន ដូចសព្វថ្ងៃនេះ គឺជាទង្វើបំផ្លាញទាំងកេរ្តិ៍ឈ្មោះរបស់កម្ពុជាផង និងកំពុងបំផ្លាញសេដ្ឋកិច្ចរបស់កម្ពុជាផងដែរ។
មន្ត្រីជាន់ខ្ពស់នៃរដ្ឋាភិបាលថ្មីមួយរូប បានទម្លាយប្រាប់សារព័ត៌មាន The Cambodia Daily ក្នុងលក្ខខណ្ឌមិនបញ្ចេញឈ្មោះដើម្បីសុវត្ថិភាពផ្ទាល់ខ្លួននៅថ្ងៃទី២៦ តុលា នេះថា រដ្ឋាភិបាលកម្ពុជាដែលកំពុងដឹកនាំដោយគណបក្សប្រជាជនកម្ពុជា គឺជាអ្នកដែលត្រូវទទួលខុសត្រូវទាំងស្រុងលើកេរ្តិ៍ឈ្មោះរបស់កម្ពុជាដែលបានខូចខាត ដោយសារការលេចឡើងនូវអំពើឧក្រិដ្ឋកម្មនានា ដូចជាការជួញដូរផ្លូវភេទ...
លោក អ៊ុំ សំអាន៖ អំពើពុករលួយនៅកម្ពុជាក្លាយជាជំងឺមហារីកមិនអាចព្យាបាលបាន បើការដឹកនាំនៅក្រោមត្រកូលហ៊ុន
តំណាងរាស្ត្រអតីតគណបក្សសង្គ្រោះជាតិលោក អ៊ុំ សំអាន លើកឡើងថា អំពើពុករលួយដែលកើតឡើងជាប្រព័ន្ធនៅកម្ពុជា បានជាក្លាយជំងឺមហារីកដោយមិនអាចព្យាបាលបានឡើយ ក្រោមការដឹកនាំរបស់គ្រួសារត្រកូលហ៊ុន។
ការលើកឡើងរបស់មន្ត្រីបក្សប្រឆាំងនេះ បន្ទាប់ពីឧកញ៉ា សឹង ចាតវិជ្ជា (Soeng Chatvichea) បានសរសេររៀបរាប់លើហ្វេសប៊ុកពីអំពើពុករលួយអំឡុងពេលដំណើរអាជីវកម្មនៅកម្ពុជានាពេលថ្មីៗនេះថា គ្មានប្រទេសណាចង់មករកស៊ីនៅកម្ពុជាឡើយ ដោយសារតែមានព័ត៌មានអាក្រក់ និងអំពើពុករលួយ ហើយរឿងនេះអ្នកណាក៏ដឹងដែរ។
ប្រភពដដែលថា លោកបានសុំដៃគូពីបរទេស ជាពិសេសកូរ៉េ មកវិនិយោគនៅកម្ពុជាច្រើនណាស់ ដោយធានាអះអាងថាកម្ពុជាស្អាតស្អំ ងាយស្រួលរកស៊ី ប៉ុន្តែពេលសាងសង់រោងចក្ររួចរាល់ បែរជាមហាវេទនា...
អ្នកឃ្លាំមើល៖ មន្ត្រីពន្ធនាគារប្រព្រឹត្តអំពើពុករលួយករណីអនុញ្ញាតលោក William Guang ប្រើទូរសព្ទបញ្ចេញសារនយោបាយ
អ្នកឃ្លាំមើលព្រមានថា ការប្រើទូរសព្ទរបស់លោក សុខ សុវណ្ណវឌ្ឍនាសាប៊ុង ហៅ William Guang ដើម្បីបញ្ចេញសារនយោបាយចេញពីពន្ធនាគារ គឺជាប់ពាក់ព័ន្ធនឹងអំពើពុករលួយរបស់ពួកមន្ត្រីដែលកំពុងគ្រប់គ្រងនៅក្នុងពន្ធនាគារ។
ការលើកឡើងនេះ បន្ទាប់ពីលោក សុខ សុវណ្ណវឌ្ឍនាសាប៊ុង ហៅ William Guang កាលពីថ្ងៃទី១៦ ខែតុលា ឆ្នាំ២០២៣ និយាយជាសារសំឡេងជិត ៤នាទីចេញពីពន្ធនាគារ ផ្ញើទៅសមាជិកសមាជិការបស់ខ្លួន ជុំវិញរឿងទំនាស់ផ្ទៃក្នុងនៅគណបក្សខ្មែរក្រោក។
សារសំឡេងនោះ លោកក៏បានទម្លាយឈ្មោះបុគ្គលម្នាក់ដែលកំពុងដឹកនាំគណបក្សខ្មែរក្រោក ថាបានកិបកេងថវិការដ្ឋអំឡុងពេលបំពេញការងារនៅលេខាធិការឧត្ដមក្រុមប្រឹក្សាពិគ្រោះ...
រដ្ឋមន្ត្រីព័ត៌មានទុកពេល១ខែឱ្យអ្នកសារព័ត៌មានដែលធ្លាប់យកលុយពីកាស៊ីណូថបដាយអឹម៉ិនចូលខ្លួនសារភាព
រដ្ឋមន្ត្រីក្រសួងព័ត៌មាន លោក នេត្រ ភក្ដ្រា ទុកពេលមួយខែឱ្យអ្នកសារព័ត៌មានដែលបានយកលុយកាក់ពីក្រុមហ៊ុនកាស៊ីណូ ថបដាយអឹម៉ិន (TOP DIAMOND CASINO) ចូលខ្លួនទៅសារភាពនៅក្រសួងព័ត៌មាន និងទុកពេលឲ្យប្រធានអង្គភាពសារព័ត៌មាន និងភាគីខាងកាស៊ីណូរយៈពេល ២សប្តាហ៍ សម្រាប់ចូលខ្លួនមកបំភ្លឺលើករណីនេះ បើមិនដូច្នោះទេ ក្រសួងព័ត៌មាននឹងលុបអាជ្ញាប័ណ្ណព័ត៌មានរបស់អង្គភាពទាំងនោះ និងចាត់វិធានការច្បាប់ចំពោះកាស៊ីណូនោះផងដែរ។
រដ្ឋមន្ត្រីក្រសួងព័ត៌មានលោក នេត្រ ភក្ដ្រា បានចេញសេចក្តីជូនដំណឹងមួយកាលពីថ្ងៃទី៤ ខែតុលា ឆ្នាំ២០២៣ នេះទៅកាន់ម្ចាស់កាស៊ីណូ ថបដាយអឹម៉ិន...