កម្ពុជា-ថៃ

រដ្ឋមន្ត្រី​ក្រសួង​ការពារ​ជាតិ​នៃ​ប្រទេស​កម្ពុជា អះអាង​ថា ការ​ដក​ចេញ​អាវុធ និង​យុទ្ធោបករណ៍​បំផ្លិចបំផ្លាញ​ធុន​ធ្ងន់​សម្រាប់​ដំណាក់កាល​ទី​១ គឺជា​ការ​បង្ហាញ​យ៉ាង​ច្បាស់​ពី​កាយវិការ​សុច្ឆន្ទៈ និង​ការ​តាំងចិត្ត​ដ៏​ម៉ឺងម៉ាត់​ឥត​ងាករេ​ខាង​ប្រទេស​កម្ពុជា ក្នុង​ការ​អនុវត្ត​សេចក្តី​ថ្លែងការណ៍​រួម ស្ដីពី​សន្តិភាព​រវាង​ប្រទេស​កម្ពុជា និង​ប្រទេស​ថៃឡង់ដ៍។ លោក​រដ្ឋមន្ត្រី ទៀ សីហា សរសេរ​លើ​ទំព័រ​ហ្វេសប៊ុក​របស់​ខ្លួន​នៅ​ថ្ងៃទី​០៤ វិច្ឆិកា ថា ប្រទេស​កម្ពុជា​សង្ឃឹម​យ៉ាង​មុតមាំ​ថា ភាគី​ទាំង​ពីរ​នឹង​អនុវត្ត​ឱ្យ​បាន​ពេញលេញ​នូវ​សេចក្តី​ថ្លែងការណ៍​រួម​ទីក្រុង​កូឡាឡាំពួរ ស្វែងរក​សន្តិភាព​រវាង​ប្រទេស​ទាំង​ពីរ​ដោយ​ភាព​ស្មោះត្រង់ សុច្ឆន្ទៈ និង​តម្លាភាព។ លោក ទៀ សីហា អះអាង​ថា ការ​ដក​អាវុធ​ធុន​ធ្ងន់​សម្រាប់​ដំណាក់កាល​ទី​១ ដែល​ត្រូវ​បាន​បញ្ជូន​ត្រឡប់​ទៅ​កាន់​ទីតាំង​ដើម​វិញ​ជិត​ក្រុង​ភ្នំពេញ...

ពលរដ្ឋខ្មែរមួយផ្នែកធ្វើពហិការ មិនប្រើប្រាស់ទំនិញថៃ អ្នកខ្លះចង់ឲ្យបើកព្រំដែន អ្នក​សង្កេតការណ៍​ចាត់ទុក​ការ​ប្ដេជ្ញា​ធ្វើ​ពហិការ​ឈប់​ទិញ​ទំនិញ​គ្នា​ទៅវិញ​ទៅមក​រវាង​កម្ពុជា និង​ថៃ គឺជា​នយោបាយ​ចាញ់-ចាញ់​ផ្នែក​សេដ្ឋកិច្ច​របស់​ប្រទេស​ទាំង​ពីរ​យូរអង្វែង​ទៅ​ថ្ងៃ​មុខ។ អ្នក​ស្រាវជ្រាវ​អំពី​ការ​អភិវឌ្ឍ​សង្គម បណ្ឌិត មាស នី សរសេរ​លើ​គណនី​ហ្វេសប៊ុក​របស់​ខ្លួន​នៅ​ថ្ងៃទី​៣ វិច្ឆិកា ដោយ​សម្ដែង​ការ​ព្រួយបារម្ភ​ពី​ការ​ប្រកាស​ពហិការ​របស់​ពលរដ្ឋ​ខ្មែរ​លើ​ទំនិញ​ថៃ ដោយ​ត្រង់ៗ ក្នុង​ពេល​ដែល​សេដ្ឋកិច្ច​របស់​កម្ពុជា មិន​ទាន់​អាច​ឈរជើង​បាន​ដោយ​ខ្លួនឯង​នៅឡើយ។ ជាក់ស្តែង ក្រោយពី​ការ​ប្រកាស​ពហិការ​ទំនិញ​ថៃ ជាបន្តបន្ទាប់​មក​នេះ ពិត​មែន​តែ​ពលរដ្ឋ​ខ្មែរ​ឈប់​ទិញ​ទំនិញ​ពី​ខាងលិច គឺ​ប្រទេស​ថៃ តែ​បែរជា​នាំចូល​ទំនិញ​ពី​ខាងកើត គឺ​ប្រទេស​វៀតណាម ទៅវិញ។ លោក​បន្ត​ថា ពេល​ខ្លះ ការ​សម្រេច​ចិត្ត​ទាំង​កំហឹង ឬ​មាន​អំនួត​ហួសហេតុ​ពេក...

កងទ័ព​ជើងគោក​ថៃ ច្រានចោល​សេចក្តី​ថ្លែងការណ៍​ពី​មជ្ឈមណ្ឌល​សកម្មភាព​កម្ចាត់​មីន​កម្ពុជា (CMAC) និង​សារព័ត៌មាន​ស្រុក​ខ្មែរ ដែល​បាន​អះអាង​ថា​គ្រាប់​ដែល​ផ្ទុះ​បណ្ដាល​ឱ្យ​កូនប្រុស​អាយុ ១០​ឆ្នាំ​ស្លាប់ និង​ឪពុក​របស់​គេ​របួស​ធ្ងន់​ថា​ជា​គ្រាប់​បាញ់​ដោយ​យោធា​ថៃ ថា​ជា​ការ​ផ្សាយ​សេចក្តី​រាយការណ៍​មិន​ត្រឹមត្រូវ ប្រាសចាក​ការពិត។ កាសែត The Nation របស់​ថៃ បាន​រាយការណ៍​អំពី​ការ​អះអាង​របស់​អ្នក​នាំពាក្យ​កងទ័ព​ថៃ លោក វិនធ័យ សុវារី (Winthai Suvaree) នៅ​ថ្ងៃទី​៣១ តុលា ថា កងទ័ព​ជើងគោក​ថៃ (Royal Thai...

អតីត​អ្នកទោស​ដែល​ធ្លាប់​ត្រូវ​បាន​ឃុំ​ខ្លួន​ក្នុង​ប្រទេស​កម្ពុជា លោក វីរៈ ស៊ុមខ្វាមឃីត និង​ជា​សកម្មជន​នយោបាយ​របស់​ក្រុម​អាវ​លឿង​ថៃ ប្រមូលផ្ដុំ​បក្ខពួក​ប្រមាណ​ជា ៦០​នាក់ សម្រុក​ចូល​ទៅ​ភូមិ​ព្រៃចាន់ ឃុំ​អូរបីជាន់ ខេត្ត​បន្ទាយមានជ័យ ប៉ុនប៉ង​អុកឡុក​ដើម្បី​បណ្តេញ​ប្រជាពលរដ្ឋ​ខ្មែរ​ចេញពី​តំបន់​នោះ។ សារព័ត៌មាន​ក្នុង​ស្រុក​ជាច្រើន នៅ​ថ្ងៃ​សុក្រ ទី​៣១ តុលា បាន​ចុះផ្សាយ​ព្រោងព្រាត​នូវ​សកម្មភាព​របស់​ជនជាតិ​ថៃ មួយ​ក្រុម​ដែល​មាន​គ្នា​ប្រមាណ​ជា ៦០​នាក់ ដឹកនាំ​ដោយ​សកម្មជន​នយោបាយ​ក្រុម​អាវ​លឿង​ថៃ លោក វីរៈ ស៊ុមខ្វាមឃីត ដែល​មាន​ទាំង​ត្រាក់ទ័រ និង​អេស្កាវាទ័រ បាន​លើក​គ្នា​បម្រុង​ចូល​ទៅ​ភូមិ​ព្រៃចាន់...

រាជរដ្ឋាភិបាលខ្មែរ អំពាវនាវឲ្យដោះលែងឈ្លើយសឹក១៨នាក់ ភាគីថៃមិនធ្វើតាម ក្រសួង​ការពារ​ជាតិ​ប្រទេស​កម្ពុជា បន្ត​អំពាវនាវ​ដល់​ភាគី​ថៃ ឱ្យ​ដោះលែង​វីរ​កងទ័ព​ខ្មែរ​ទាំង ១៨​នាក់​ឱ្យ​ត្រឡប់​មក​ប្រទេស​កំណើត​វិញ​ឱ្យ​បាន​ឆាប់​ជាទីបំផុត ដើម្បី​ឱ្យ​ពួកគេ​អាច​ជួបជុំ​ក្រុម​គ្រួសារ​ប្រកប​ដោយ​សុខ​សុវត្ថិភាព ស្រប​តាម​ច្បាប់​មនុស្សធម៌​អន្តរជាតិ។ ក្រសួង​ការពារ​ជាតិ ចេញ​សេចក្តី​ប្រកាស​ព័ត៌មាន​នៅ​ថ្ងៃទី​៣០ តុលា នេះ​ថា គិត​ត្រឹម​ថ្ងៃទី​៣០ ខែ​តុលា នេះ គឺ​មាន​រយៈពេល ៣​ខែ និង ៣​ថ្ងៃ​ហើយ (៩៣​ថ្ងៃ) ដែល​វីរ​យុទ្ធជន​ទាំង ១៨​នាក់​ត្រូវ​បាន​ចាប់​ខ្លួន និង​ដាក់​ឱ្យ​ស្ថិត​ក្រោម​ការ​ឃុំគ្រង​ដោយ​យោធា​ថៃ ចាប់តាំងពី​ចុងខែ​កក្កដា ឆ្នាំ​២០២៥...

កងទ័ព​ប្រទេស​កម្ពុជា និង​កងទ័ព​ប្រទេស​ថៃ ឯកភាព​គ្នា​កំណត់​យក​ផែនការ​ដក​សព្វាវុធ​ធុន​ធ្ងន់​ចេញពី​ព្រំដែន ដោយ​ចាប់ផ្តើម​នៅ​ដើម​ខែ​វិច្ឆិកា ខាងមុខ​នេះ ខណៈ​ផែនការ​ពីរ​ផ្សេង​ទៀត នឹង​ត្រូវ​បន្ត​ធ្វើ​នៅ​ចុង​ខែ​វិច្ឆិកា និង​អំឡុង​ខែ​ធ្នូ។ កាសែត​ថៃ The Nation បាន​រាយការណ៍​នៅ​ថ្ងៃទី​២៩ ខែ​តុលា ឆ្នាំ​២០២៥ នេះ​ថា កិច្ចប្រជុំ​លេខាធិការដ្ឋាន (RBC) ដែល​ធ្វើឡើង​នៅ​ថ្ងៃ​ពុធ​នេះ គឺជា​កិច្ចប្រជុំ​ពិភាក្សា​អំពី​ផែនការ​សកម្មភាព​ដើម្បី​អនុវត្ត​សេចក្តី​សម្រេច​ក្នុង​កិច្ចប្រជុំ​ពិសេស​លើក​ទី​២ របស់​គណៈកម្មាធិការ​ព្រំដែន​ទូទៅ (GBC) ដែល​ភាគី​ទាំង​ពីរ​បាន​យល់ព្រម​ដក​កងទ័ព និង​អាវុធ​ធុន​ធ្ងន់​ចេញពី​ព្រំដែន​នោះ។ ប្រភព​ដដែល អះអាង​ថា លេខាធិការដ្ឋាន​នៃ​គណៈកម្មាធិការ​ព្រំដែន​តំបន់...

អ្នក​នាំពាក្យ​រដ្ឋាភិបាល​ថៃ ប្រកែក​ថា ការ​លើកឡើង​របស់​នាយករដ្ឋមន្ត្រី​ថៃ លោក អនុធីន ឆានវីរៈគុល (Anutin Charnvirakul) អំពី​ភូមិ​បានណងចាន់ (Ban Nong Chan) និង​ភូមិ​បានណងយ៉ាកែវ (Ban Nong Ya Kaew) គ្រាន់តែ​បញ្ជាក់​ពី​គោលការណ៍​យុត្តិធម៌​ប៉ុណ្ណោះ មិនមែន​ទទួលស្គាល់​ថា​ថៃ ឈ្លានពាន​ទឹកដី​កម្ពុជា នោះ​ឡើយ។ អ្នក​នាំពាក្យ​រដ្ឋាភិបាល​ថៃ លោក សិរីពង អង្គការសាក់គុលគីត...

សហរដ្ឋ​អាមេរិក ដាស់តឿន​រដ្ឋាភិបាល​លោក អនុធីន ឆានវីរៈគុល (Anutin Charnvirakul) ថា ខ្លួន​ចង់​ឃើញ​ថៃ ដោះលែង​កងទ័ព​ខ្មែរ​ទាំង ១៨​នាក់​ភ្លាមៗ​ក្រោយ​ភាគី​ទាំង​ពីរ​បាន​ចុះហត្ថលេខា​លើ​កិច្ចព្រមព្រៀង​សន្តិភាព​កាលពី​ចុង​សប្តាហ៍​កន្លង​ទៅ។ ទីភ្នាក់ងារ​សារព័ត៌មាន រ៉យទ័រ (Reuters) បាន​រាយការណ៍​នៅ​ថ្ងៃទី​២៨ តុលា នេះ​ថា មន្ត្រី​ជាន់ខ្ពស់​ក្រសួង​ការបរទេស​របស់​ថៃ បាន​អះអាង​ថា សហរដ្ឋ​អាមេរិក រំពឹង​ថា​ប្រទេស​ថៃ នឹង​ធ្វើការ​ជាមួយ​ប្រទេស​កម្ពុជា ដើម្បី​ចាប់ផ្តើម​ដំណើរការ​ដោះលែង​ទាហាន​កម្ពុជា ទាំង ១៨​នាក់​ភ្លាមៗ បន្ទាប់ពី​មេដឹកនាំ​នៃ​ប្រទេស​ទាំង​ពីរ​បាន​ចុះហត្ថលេខា​លើ​កិច្ចព្រមព្រៀង​សន្តិភាព​ក្រោម​វត្តមាន​របស់​ប្រធានាធិបតី​សហរដ្ឋ​អាមេរិក...

​​​​អ្នកឃ្លាំមើលសង្គម បង្ហាញទាំងការសាទរ និងការព្រួយបារម្ភ​ជុំវិញ​កិច្ចព្រមព្រៀងសន្តិភាពកម្ពុជា-ថៃ អ្នក​ឃ្លាំមើល​ស្ថានការណ៍​កម្ពុជា បង្ហាញ​ទាំង​ការ​សាទរ និង​ការ​ព្រួយបារម្ភ​ជុំវិញ​កិច្ចព្រមព្រៀង​សន្តិភាព​កម្ពុជា-ថៃ ដោយសារ​បាន​បញ្ចៀស​នូវ​សង្គ្រាម​រវាង​ប្រទេស​ទាំង​ពីរ ប៉ុន្តែ​បារម្ភ​ក្នុង​ការ​ដោះស្រាយ​បញ្ហា​ព្រំដែន​ទៅ​ថ្ងៃ​មុខ។ ប្រធាន​ក្រុមប្រឹក្សា​ឃ្លាំមើល​កម្ពុជា លោក ម៉ែន ណាត ប្រាប់​សារព័ត៌មាន The Cambodia Daily នៅ​ថ្ងៃទី​២៧ តុលា នេះ​ថា ខ្លឹមសារ​ដែល​បាន​ចែង​ស្ដីពី​ជំហរ​រួម​រវាង​កម្ពុជា-ថៃ នៅតែ​មាន​ចន្លោះ​ប្រហោង និង​មាន​ភាព​ទូលំទូលាយ ដែល​នេះ​គឺជា​ការ​ព្រួយបារម្ភ​ក្នុង​ការ​ដោះស្រាយ​បញ្ហា​ព្រំដែន​ទៅ​ថ្ងៃ​មុខ​លើ​កិច្ចព្រមព្រៀង​នេះ។ លោក​បន្ត​ថា ខ្លឹមសារ​នៃ​កិច្ចព្រមព្រៀង​នេះ មិន​បាន​ចែង​អំពី​ការ​ដក​កងទ័ព​ថៃ ចេញពី​តំបន់​ភ្នំទ្រព្យ...

មេដឹកនាំ​បក្ស​កាន់​អំណាច លោក ហ៊ុន សែន អះអាង​ថា បញ្ហា​ព្រំដែន​កម្ពុជា-ថៃ គឺជា​រឿង​ក្តី​ក្ដាំ​ដែល​ហួស​ពី​សមត្ថកិច្ច​របស់​កិច្ចព្រមព្រៀង​ទីក្រុង​ប៉ារីស ខណៈ​កម្ពុជា បាន​ប្តឹង​ថៃ ទៅ​តុលាការ​យុត្តិធម៌​អន្តរជាតិ (ICJ) និង​ក្រុមប្រឹក្សា​សន្តិសុខ​អង្គការ​សហប្រជាជាតិ (UNSC) ទៅ​ហើយ។ ថ្លែង​ក្នុង​កិច្ចប្រជុំ​ព្រឹទ្ធសភា នៅ​ថ្ងៃទី​២៤ ខែ​តុលា ឆ្នាំ​២០២៥ ប្រធាន​ព្រឹទ្ធសភា លោក ហ៊ុន សែន លើកឡើង​ថា បញ្ហា​ព្រំដែន​រវាង​កម្ពុជា-ថៃ បាន​ដើរ​ហួស​ពី​សមត្ថភាព​កិច្ចព្រមព្រៀង​សន្តិភាព​ទីក្រុង​ប៉ារីស...