បង់ក្លាដេស

ប្រទេស​បង់ក្លាដេស នៅ​ថ្ងៃទី​២២ ខែ​កក្កដា នេះ ស្ថិត​ក្នុង​ភាព​ស្ងប់ស្ងាត់​បន្តិច ក្រោម​បម្រាម​គោចរ​ដែល​នៅតែ​ចូល​ជា​ធរមាន​នៅ​រដ្ឋធានី​ដាកា និង​ទីក្រុង​ធំៗ​របស់​ប្រទេស​អាស៊ី​ខាងត្បូង​ដ៏​ក្រីក្រ​មួយ​នេះ។ ភាព​ស្ងប់ស្ងាត់​បន្តិច​នេះ ក្រោយ​ពេល​តុលាការ​កំពូល​បាន​ចេញ​ដីកា​បង្គាប់​ឱ្យ​រដ្ឋាភិបាល​ទទួល​យក​ដំណោះស្រាយ​ដើម្បី​បញ្ចប់​កុប្បកម្ម​របស់​ចលនា​និស្សិត និង​ពលរដ្ឋ​ក្រីក្រ ដែល​បាន​ផ្ទុះ​ឡើង​ជិត ២​សប្ដាហ៍​មក​នេះ។ តុលាការ​កំពូល​ប្រទេស​បង់ក្លាដេស កាល​ល្ងាច​ថ្ងៃ​អាទិត្យ ទី​២១ ខែ​កក្កដា បាន​សម្រេច​លុប​ចោល​កូតា​ភាគច្រើន​លើ​ការងារ​រដ្ឋាភិបាល ដែល​ជា​មូលហេតុ​បង្ក​ឱ្យ​មាន​ការ​តវ៉ា​ទូទាំង​ប្រទេស​ដោយ​និស្សិត បណ្ដាល​ឱ្យ​មនុស្ស​យ៉ាងតិច​ណាស់ ១៤៧​នាក់​ស្លាប់​ក្នុង​អំពើ​ហិង្សា​រវាង​បាតុករ និង​កម្លាំង​ប៉ូលិស​ក្នុង​រយៈពេល​ប៉ុន្មាន​ថ្ងៃ​មក​នេះ។ តាម​ការ​ចេញ​ផ្សាយ​ដោយ​ទីភ្នាក់ងារ​សារព័ត៌មាន Reuters នៅ​ថ្ងៃទី​២២ ខែ​កក្កដា នេះ ក្រុមប្រឹក្សា​តុលាការ​កំពូល​បាន​បង្គាប់​ថា...

បន្ទាប់ពី​ការ​ប្រកាស​លទ្ធផល​បោះឆ្នោត​សភា​ជា​ផ្លូវការ ដែល​ថា​គណបក្ស​សម្ព័ន្ធ Awami League បាន​ឈ្នះ​ឆ្នោត​ដល់​ទៅ ២២២​អាសនៈ​នៃ​អាសនៈ​សរុប ៣០០ អ្នកស្រី Sheikh Hasina ដែល​ឡើង​កាន់​តំណែង​នាយករដ្ឋមន្ត្រី​បាន​មួយ​អាណត្តិ​ទៀត អ្នកស្រី​បាន​ស្នើ​ឱ្យ​អ្នក​ការទូត​បរទេស​មក​ឈរ​តម្រៀប​ជួរ​គ្នា​រង់ចាំ​ជម្រាបសួរ និង​ថ្លែង​អំណរគុណ​ចំពោះ​ប្រទេស​របស់​អ្នក​ការទូត​ទាំងនោះ ដែល​បន្ត​រក្សា​ទំនាក់ទំនង​ល្អ​ជាមួយ​រដ្ឋាភិបាល​របស់​អ្នកស្រី។ ជ័យជម្នះ​របស់​គណបក្ស​សម្ព័ន្ធ Awami League ដែល​ឈ្នះ​អាសនៈ​ភ្លូក​ទឹក​ភ្លូក​ដី​ក្នុង​អាណត្តិ​ថ្មី​នេះ មិន​មាន​បក្ស​ប្រឆាំង​ដ៏​ធំ​បំផុត គឺ​គណបក្ស​ជាតិ​និយម​បង់ក្លាដេស BNP ចូលរួម​បោះឆ្នោត​នោះ​ទេ ព្រោះតែ​មេដឹកនាំ​បក្ស​នេះ​ត្រូវ​បាន​ចាប់​ដាក់​ពន្ធនាគារ និង​មេដឹកនាំ​ជាច្រើន​ទៀត​រត់​ចេញពី​ប្រទេស។ បើ​តាម​បណ្ដាញ​ផ្សាយ​ព័ត៌មាន Aljazeera...

កាលពី​ថ្ងៃ​អាទិត្យ ទី​៧ ខែ​មករា ប្រទេស​បង់ក្លាដេស បាន​រៀបចំ​ឱ្យ​មាន​ការ​បោះឆ្នោត​សភា និង​តំណែង​នាយករដ្ឋមន្ត្រី ប៉ុន្តែ​ដំណើរការ​បោះឆ្នោត​របស់​ប្រទេស​អាស៊ី​អាគ្នេយ៍​មួយ​នេះ មិន​បាន​ឈរ​លើ​គោលការណ៍​សេរីភាព​ដូច​ការ​បោះឆ្នោត​នៅ​អាណត្តិ​មុនៗ​ទេ ព្រោះ​បក្ស​ប្រឆាំង​ធំៗ​បាន​សម្រេច​ធ្វើ​ពហិការ​បោះឆ្នោត ដែល​ធ្វើ​ឱ្យ​អ្នក​ចេញ​ទៅ​បោះឆ្នោត​មាន​កម្រិត​ទាប​ជា​ខ្លាំង ជា​ប្រការ​មួយ​ប៉ះពាល់​ខ្លាំង​ដល់​ប្រព័ន្ធ​ប្រជាធិបតេយ្យ។ តាម​បណ្ដាញ​ផ្សាយ​ព័ត៌មាន Asia Pacific ឱ្យ​ដឹង​ថា ប្រជាជន​ចេញ​ទៅ​បោះឆ្នោត​មាន​អត្រា​ក្រោម ៤០% នៃ​ចំនួន​ប្រជាជន ១២០​លាន​នាក់​ដែល​មាន​សិទ្ធិ​បោះឆ្នោត។ នេះ​ជា​រឿង​អាស្រូវ​ប្រវត្តិសាស្ត្រ​នៃ​ប្រវត្តិ​ការ​បោះឆ្នោត​របស់​ប្រទេស​ឥស្លាម​មួយ​នេះ។ អ្នក​សង្កេតការណ៍​ជាតិ និង​អន្តរជាតិ​មាន​ការ​ភ្ញាក់ផ្អើល​ខ្លាំង ដែល​អ្នក​ចេញ​ទៅ​បោះឆ្នោត​មាន​អត្រា​ដ៏​ទាប​នេះ ដែល​នាំ​ឱ្យ​សង្គម​បង់ក្លាដេស អាច​ធ្លាក់​ក្នុង​វិបត្តិ​ដ៏​ធ្ងន់ធ្ងរ។ យ៉ាងណា ស្ថាប័ន​បោះឆ្នោត​ដែល​កំពុង​រួមរឹត​ក្រោម​សម្ពាធ​ពី​អ្នក​មិន​ចេញ​ទៅ​បោះឆ្នោត​ជាង...

បាតុកម្ម​រយៈពេល​ពីរ​ថ្ងៃ​មក​នេះ បាន​និង​តែ​កំពុង​អង្រួន​រដ្ឋធានី​ដាកា នៃ​ប្រទេស​បង់ក្លាដេស ហើយ​មហា​បាតុកម្ម​នេះ​ដឹកនាំ​ដោយ​មេ​បក្ស​ប្រឆាំង លោក Mirza Abbas ដែល​ទើប​ត្រូវ​បាន​ដោះលែង​ឱ្យ​មាន​សេរីភាព​វិញ​ពី​ការ​ឃុំ​ខ្លួន​ក្នុង​ពន្ធនាគារ​កាលពី​ថ្ងៃ​ចន្ទ​ក្នុង​សប្ដាហ៍​នេះ។ តាម​បណ្ដាញ​ផ្សាយ​ព័ត៌មាន Aljazeera បាតុករ​យ៉ាងតិច​ប្រាំ​ម៉ឺន​នាក់​បាន​ចុះ​ដើរ​តាម​ផ្លូវ​នានា​នៅ​រដ្ឋធានី​ដាកា និង​ទីក្រុង​ជាច្រើន​ទៀត ដោយ​ពួកគេ​បាន​ស្រែក​ទាមទារ​ឱ្យ​អ្នកស្រី​នាយករដ្ឋមន្ត្រី Sheikh Hasina លាលែង​ពី​តំណែង។ បាតុករ​ស្រែក​ថា ការ​ដឹកនាំ​របស់​អ្នកស្រី​ធ្វើ​ឱ្យ​សេដ្ឋកិច្ច​បង់ក្លាដេស ទៅ​រក​ការ​រំលំ និង​ការ​រីក​រាលដាល​នៃ​អំពើពុករលួយ​ដូច​ដំបៅ​មហារីក។ ប្រឈម​នឹង​ការ​ឡើង​ថ្លៃ​នៃ​ទំនិញ​គួបផ្សំ​នឹង​អំពើពុករលួយ បាតុករ​បាន​បញ្ចេញ​កំហឹង និង​ទាមទារ​ឱ្យ​នាយករដ្ឋមន្ត្រី​ចុះចេញ​ពី​តំណែង រួច​រៀបចំ​ការ​បោះឆ្នោត​សភា​ឡើងវិញ។ ការ​ធ្វើ​បាតុកម្ម​នេះ ផ្ដួចផ្ដើម​ឡើង​ដោយ​គណបក្ស​ជាតិ​និយម​បង់ក្លាដេស...