សមយុទ្ធ​យោធា

អ្នកឃ្លាំមើល ចាត់ទុក ការគ្រោងឡើងវិញនូវសមយុទ្ធយោធា ជាមួយ​​​អាមេរិក គឺជាសញ្ញាចំណងការទូតល្អសម្រាប់កម្ពុជា អ្នក​ឃ្លាំមើល ចាត់ទុក​ការ​ដក​បម្រាម​ហាមឃាត់​លក់​អាវុធ​ចេញពី​កម្ពុជា និង​ការ​រៀបចំ​ឱ្យ​មាន​សមយុទ្ធ​យោធា​ឡើងវិញ គឺជា​សញ្ញា​ទំនាក់ទំនង​ការទូត​ល្អ​សម្រាប់​កម្ពុជា​ជាមួយ​អាមេរិក ប៉ុន្តែ​កម្ពុជា ក៏​មិន​ត្រូវ​ភ្លេច​ស្ដារ​ប្រជាធិបតេយ្យ និង​លើកស្ទួយ​សិទ្ធិមនុស្ស​ដែល​អាមេរិក​ចង់បាន​ដែរ។ អ្នក​ប្រឹក្សា​យោបល់​ផ្នែក​អភិវឌ្ឍន៍​ផ្នត់គំនិត និង​ការ​ស្រាវជ្រាវ លោក សេក សុជាតិ ប្រាប់​សារព័ត៌មាន The Cambodia Daily នៅ​ថ្ងៃទី​២៧ តុលា នេះ​ថា កម្ពុជា​ត្រូវតែ​រក្សា​ឱ្យ​បាន​នូវ​ស្នូល​នៃ​ការ​ដឹកនាំ​របស់​ខ្លួន ដោយ​ប្រកាន់ខ្ជាប់​នូវ​លទ្ធិប្រជាធិបតេយ្យ​អាស្រ័យ​រដ្ឋធម្មនុញ្ញ​ដែល​កម្ពុជា...

កម្មវិធី Idea Talk កាលពី​រាត្រី​ថ្ងៃទី​១៦ ខែ​កញ្ញា ឆ្នាំ​២០២៥ ស្តីអំពី៖ «តើ​សមយុទ្ធ​កងទ័ព​អាកាស​រវាង​ថៃ និង​ចិន នៅ​ចុង​ខែ​កញ្ញា នេះ នឹង​ជះ​ឥទ្ធិពល​ដល់​កម្ពុជា ឬ​តំបន់​បែប​ណា?»។

កម្ពុជា និង​ជប៉ុន ព្រមព្រៀង​ធ្វើ​សមយុទ្ធ​រួម​គ្នា និង​ផ្លាស់ប្ដូរ​នាយ​ទាហាន​វ័យក្មេង ដើម្បី​ពង្រឹង​កិច្ច​សហប្រតិបត្តិការ និង​ភាព​ជា​ដៃគូ​យុទ្ធសាស្ត្រ។ យោង​តាម​សេចក្ដី​ប្រកាស​ព័ត៌មាន​របស់​កងទ័ព​ជើងគោក​នៃ​កងយោធពល​ខេមរភូមិន្ទ​កម្ពុជា ដែល​ចេញ​ផ្សាយ​កាលពី​ថ្ងៃទី​២៤ ខែ​មិថុនា បាន​ឲ្យ​ដឹង​ថា លោក ម៉ៅ សុផាន់ អគ្គមេបញ្ជាការ​រង​នៃ​កងយោធពល​ខេមរភូមិន្ទ មេបញ្ជាការ​កងទ័ព​ជើងគោក បាន​ជួប​ប្រជុំ​ទ្វេភាគី​ជាមួយ​លោក ម៉ូរីស៊ីតា យ៉ាស៊ូណូរិ (MORISHITA YASUNORI) មេបញ្ជាការ​កង​ស្វ័យ​ការពារ​ជើងគោក​ជប៉ុន នៅ​បញ្ជាការដ្ឋាន​កងទ័ព​ជើងគោក។ ប្រភព​ដដែល​បាន​អះអាង​ថា លោក ម៉ៅ សុផាន់...

អ្នក​ឃ្លាំមើល​និយាយ​ថា បើ​កិច្ចសហការ​សមយុទ្ធ​នាគ​មាស​កម្ពុជា-ចិន ដើរ​ហួស​គោលការណ៍​អព្យាក្រឹត្យ នោះ​មិនមែន​ដើម្បី​ពង្រឹង​សមត្ថភាព​កងទ័ព​កម្ពុជា​ទេ ប៉ុន្តែ​គឺជា​ការ​នាំ​គ្រោះ​ដល់​កម្ពុជា​ខ្លួនឯង​ទៅវិញ។ អ្នក​ប្រឹក្សា​យោបល់​ផ្នែក​អភិវឌ្ឍន៍​ផ្នត់​គំនិត និង​ការ​ស្រាវជ្រាវ លោក សេក សុជាតិ ប្រាប់​សារព័ត៌មាន The Cambodia Daily នៅ​ថ្ងៃទី​១៩ ឧសភា នេះ​ថា បើ​អាមេរិក​មើល​ឃើញ​ថា​កម្ពុជា​ពិត​ជា​អាច​រក្សា​អព្យាក្រឹត្យ​ចំពោះ​នយោបាយ​របស់​ខ្លួន​ដូច​ដែល​មាន​ចែង​ក្នុង​រដ្ឋធម្មនុញ្ញ នោះ​កម្ពុជា​នឹង​អាច​ទទួល​បាន​អត្ថប្រយោជន៍​ពី​អាមេរិក តាមរយៈ​ទំនាក់ទំនង​សេដ្ឋកិច្ច​ពាណិជ្ជកម្ម​កាន់តែ​ច្រើន ជាពិសេស​ក្នុង​ស្ថានភាព​ដែល​កម្ពុជា​កំពុងតែ​ជាប់​គំនាប​ពន្ធ​ដ៏​ធ្ងន់ធ្ងរ​របស់​អាមេរិក​ក្នុង​ពេលនេះ។ លោក សេក សុជាតិ បន្ត​ថា បើ​កម្ពុជា​នៅតែ​អាច​ទទួល​បាន​ការ​អនុគ្រោះ​ពី​អាមេរិក​ក្នុង​ការ​ចាប់​យក​អត្ថប្រយោជន៍​ពី​សេដ្ឋកិច្ច​ពាណិជ្ជកម្ម​បន្ត​ទៀត...

កម្មវិធី Idea Talk កាលពី​រាត្រី​ថ្ងៃទី​១៩ ខែ​ឧសភា ឆ្នាំ​២០២៥ ស្តីអំពី៖ «តើ​សមយុទ្ធ​នាគ​មាស​កម្ពុជា-ចិន ជះ​ឥទ្ធិពល​យ៉ាងណា​ដល់​ដំណើរការ​ចរចា​លើ​បញ្ហា​ពន្ធ​រវាង​កម្ពុជា និង​អាមេរិក​វគ្គ​ទី​២?»។

សមយុទ្ធ​យោធា​ឈ្មោះ នាគ​មាស ២០២៥ រវាង​កងយោធពល​ខេមរភូមិន្ទ និង​កងទ័ព​រំដោះ​ប្រជាជន​ចិន នឹង​ចាប់ផ្តើម​ពី​ថ្ងៃទី​១៤ ដល់​ថ្ងៃទី​២៨ ខែ​ឧសភា នៅ​លើ​ទឹកដី​រាជាណាចក្រ​កម្ពុជា ដោយ​មាន​ទាហាន​ខ្មែរ ១៣៣១​នាក់ ចូលរួម​ជាមួយ​នឹង​ទាហាន​ចិន ៨៤៥​នាក់។ ខាង​ខ្មែរ នឹង​ប្រើប្រាស់​កាំភ្លើងធំ កាំភ្លើងត្បាល់ រថពាសដែក រថយន្ត​សង្គ្រោះ នាវា និង​ឧទ្ធម្ភាគចក្រ។ ចំណែកឯ​ខាង​ចិន នឹង​ប្រើប្រាស់​នាវាចម្បាំង​ទំនើប ៣​គ្រឿង មាន​ទាំង​នាវា​ផ្ទុក​ទាហាន​ឡើង​គោក Z-075...

កងទ័ព​កម្ពុជា និង​ចិន គ្រោង​ធ្វើ​សមយុទ្ធ «នាគ​មាស ២០២៥» រួម​គ្នា​រយៈពេល ២​សប្ដាហ៍ ចាប់ពី​ថ្ងៃទី​១៤-២៨ ខែ​ឧសភា ខាងមុខ ក្រោម​ប្រធានបទ «ប្រតិបត្តិការ​ប្រឆាំង​ភេរវកម្ម​រួម​គ្នា និង​ការងារ​សង្គ្រោះ​មនុស្សធម៌»។ អនុរដ្ឋលេខាធិការ និង​ជា​អ្នក​នាំពាក្យ​ក្រសួង​ការពារ​ជាតិ លោកស្រី ម៉ាលី សុជាតា បាន​បញ្ជាក់​ប្រាប់​សារព័ត៌មាន​ក្នុង​ស្រុក​ថា សមយុទ្ធ​នេះ​នឹង​ប្រព្រឹត្ត​ទៅ​ក្រោម​ប្រធានបទ «ប្រតិបត្តិការ​ប្រឆាំង​ភេរវកម្ម​រួម​គ្នា និង​ការងារ​សង្គ្រោះ​មនុស្សធម៌»។ ប្រភព​ខាងលើ​អះអាង​ថា សមយុទ្ធ​យោធា​រួម​គ្នា​លើក​ទី​៧ រវាង​កងទ័ព​កម្ពុជា និង​កងទ័ព​រំដោះ​ប្រជាមានិត​ចិន...

ប្រទេស​កម្ពុជា​នឹង​រៀបចំ​សមយុទ្ធ​បី​ប្រទេស​រួម​គ្នា​រវាង​កងទ័ព​កម្ពុជា ឡាវ និង​វៀតណាម នៅ​ក្នុង​ខែ​វិច្ឆិកា ខាងមុខ ខណៈ​ប្រជាពលរដ្ឋ​ខ្មែរ​ទាំង​ក្នុង និង​រស់នៅ​ក្រៅ​ប្រទេស កំពុង​ធ្វើ​បាតុកម្ម​ទាមទារ​ឲ្យ​រដ្ឋាភិបាល​ដក​ខ្លួន​ចេញពី​កិច្ចព្រមព្រៀង​អភិវឌ្ឍន៍​តំបន់​ត្រីកោណ CLV-DTA។ យោង​តាម​សេចក្តី​ប្រកាស​ព័ត៌មាន​ពី​ក្រសួង​ការពារ​ជាតិ ថ្ងៃទី​១៥ កញ្ញា ឲ្យ​ដឹង​ថា លោក ចាន់សាម៉ន ចាន់យ៉ាឡាត រដ្ឋមន្ត្រី​ក្រសួង​ការពារ​ជាតិ​ឡាវ និង​លោក ផាន់ វ៉ាន់យ៉ាង រដ្ឋមន្ត្រី​ក្រសួង​ការពារ​ជាតិ​នៃ​ប្រទេស​វៀតណាម សុទ្ធតែ​បាន​បញ្ជាក់​ពី​ការ​ត្រៀម​ខ្លួន​ចូលរួម​ក្នុង​កិច្ចប្រជុំ​ប្រចាំ​ឆ្នាំ​ថ្នាក់​រដ្ឋមន្ត្រី​ការពារ​ជាតិ និង​ការ​ធ្វើ​លំហាត់​ហ្វឹកហ្វឺន​រួម​គ្នា​នៅ​លើ​ទឹកដី​ប្រទេស​កម្ពុជា។ តាម​សេចក្តី​ប្រកាស​ព័ត៌មាន​ដដែល បាន​ឲ្យ​ដឹង​ថា នៅ​ក្នុង​ជំនួប​ពិភាក្សា​ការងារ​កិច្ចសហប្រតិបត្តិការ​ទ្វេភាគី​រវាង​រដ្ឋមន្ត្រី​ការពារ​ជាតិ​កម្ពុជា...

អគ្គមេបញ្ជាការ​រង​កងទ័ព​ជាតិ លើកឡើង​ថា ការ​ធ្វើ​សមយុទ្ធ​នាគ​មាស​រវាង​កងទ័ព​ជើងទឹក​ខ្មែរ និង​កងទ័ព​ចិន លើក​ទី​៦ នេះ គឺ​ដើម្បី​ការពារ​ដែនសមុទ្រ និង​បូរណភាព​ទឹកដី​ប្រទេស​កម្ពុជា​ពី​ការ​ឈ្លានពាន​ណា​មួយ​ពី​បច្ចាមិត្ត។ មេ​ទ័ព​កម្ពុជា​រូប​នេះ​បញ្ជាក់​ថា កិច្ចការ​ការពារ​លំហ​សមុទ្រ គឺជា​រឿង​សំខាន់​បំផុត​សម្រាប់​កងទ័ព​ជើងទឹក ហើយ​ការ​ពង្រឹង​សមត្ថភាព​កងទ័ព​នេះ គឺជា​ការងារ​ចាំបាច់​ដែល​ប្រទេស​កម្ពុជា​ត្រូវតែ​ធ្វើ។ អគ្គមេបញ្ជាការ​រង​កងយោធពល​ខេមរភូមិន្ទ ឧត្តមសេនីយ៍ ឥត សារ៉ាត់ លើកឡើង​ក្នុង​ពិធី​បិទ​បញ្ចប់​សមយុទ្ធ​នាគ​មាស​រវាង​ប្រទេស​កម្ពុជា និង​ចិន កាលពី​ថ្ងៃទី​២៧ ខែ​ឧសភា នេះ​ថា សមយុទ្ធ​នេះ​ធ្វើ​ឡើង​ក្នុង​គោលបំណង​បង្កើន​សមត្ថភាព​កងទ័ព​នៃ​ប្រទេស​ទាំង​ពីរ​ឲ្យ​កាន់តែ​ល្អ​ប្រសើរ​ប៉ុណ្ណោះ ជាពិសេស​គឺ​ការ​ប្រយុទ្ធ​ប្រឆាំង​ភេរវកម្ម​តាម​លំហ​សមុទ្រ​ក្នុង​ពេល​បច្ចុប្បន្ន​នេះ។ លោក ឥត សារ៉ាត់...

សមយុទ្ធ​នាគ​មាស​លើក​ទី​៦ ដែល​មាន​ទំហំ​ធំ​ជាង​លើក​មុនៗ​រវាង​កងកម្លាំង​នៃ​កងយោធពល​ខេមរភូមិន្ទ និង​កងទ័ព​រំដោះ​ប្រជាជន​ចិន ជាង ២​ពាន់​នាក់ អម​ដោយ​នាវាចម្បាំង​ចំនួន ១៤​គ្រឿង និង​សម្ភារៈ​យោធា​ជាច្រើន​ទៀត បាន​ចាប់ផ្តើម​ជា​ផ្លូវការ​នៅ​ព្រឹក​ថ្ងៃទី​១៦ ខែ​ឧសភា ឆ្នាំ​២០២៤ នេះ ស្ថិត​នៅ​ក្នុង​ភូមិ​ច្រកកូវ ឃុំ​ពាម ស្រុក​សាមគ្គីមានជ័យ ខេត្ត​កំពង់ឆ្នាំង ខណៈ​ក្រុម​អ្នក​តាមដាន​សង្គម​កំពុងតែ​យកចិត្ត​ទុកដាក់​យ៉ាង​ខ្លាំង​ចំពោះ​វត្តមាន​កងទ័ព​ចិន នៅ​លើ​ទឹកដី​កម្ពុជា។ អ្នក​នាំពាក្យ​អគ្គបញ្ជាការដ្ឋាន​នៃ​កងយោធពល​ខេមរភូមិន្ទ លោក​ឧត្តមសេនីយ៍ទោ ថោង សូលីម៉ូ បាន​បញ្ជាក់​ប្រាប់​អ្នក​សារព័ត៌មាន​ថា សម្រាប់​លំហាត់​សមយុទ្ធ​នាគ​មាស​លើក​ទី​៦ មាន​ការ​ចូលរួម​ពី​កងទ័ព​ជើងគោក...