កម្ពុជា-ជប៉ុន ព្រមព្រៀងធ្វើសមយុទ្ធរួមគ្នា និងផ្លាស់ប្ដូរនាយទាហានវ័យក្មេងដើម្បីពង្រឹងកិច្ចសហប្រតិបត្តិការ

កម្ពុជា និងជប៉ុន ព្រមព្រៀងធ្វើសមយុទ្ធរួមគ្នា និងផ្លាស់ប្ដូរនាយទាហានវ័យក្មេង ដើម្បីពង្រឹងកិច្ចសហប្រតិបត្តិការ និងភាពជាដៃគូយុទ្ធសាស្ត្រ។

យោងតាមសេចក្ដីប្រកាសព័ត៌មានរបស់កងទ័ពជើងគោកនៃកងយោធពលខេមរភូមិន្ទកម្ពុជា ដែលចេញផ្សាយកាលពីថ្ងៃទី២៤ ខែមិថុនា បានឲ្យដឹងថា លោក ម៉ៅ សុផាន់ អគ្គមេបញ្ជាការរងនៃកងយោធពលខេមរភូមិន្ទ មេបញ្ជាការកងទ័ពជើងគោក បានជួបប្រជុំទ្វេភាគីជាមួយលោក ម៉ូរីស៊ីតា យ៉ាស៊ូណូរិ (MORISHITA YASUNORI) មេបញ្ជាការកងស្វ័យការពារជើងគោកជប៉ុន នៅបញ្ជាការដ្ឋានកងទ័ពជើងគោក។

ប្រភពដដែលបានអះអាងថា លោក ម៉ៅ សុផាន់ និងលោក ម៉ូរីស៊ីតា យ៉ាស៊ូណូរិ ពិភាក្សាអំពីការងារកសាងសាលាបញ្ជូនសារ និងសាលាគីមីសាស្ត្រ ចំណុះឱ្យកងទ័ពជើងគោក។ កិច្ចការនេះ កងស្វ័យការពារជើងគោកជប៉ុន ឯកភាពជាគោលការណ៍ក្នុងការជួយបណ្តុះបណ្តាលយោធាចារ្យ ផ្តល់នូវខ្លឹមសារហ្វឹកហ្វឺន និងឧបត្ថម្ភសម្ភារៈបច្ចេកទេសនានា។

សេចក្ដីប្រកាសព័ត៌មានដដែលបានឲ្យដឹងថា មេបញ្ជាការនៃប្រទេសទាំងពីរបានឯកភាពពិនិត្យលទ្ធភាពលើសកម្មភាពកិច្ចសហប្រតិបត្តិការមួយចំនួន ដូចជា ការរៀបចំសមយុទ្ធទ្វេភាគី ក្រោមប្រធានបទ «ជំនួយមនុស្សធម៌ និងសង្គ្រោះគ្រោះមហន្តរាយ ការលោតឆត្រយោងមិត្តភាព និងការផ្លាស់ប្ដូរនាយទាហានវ័យក្មេង»។

អ្នកឃ្លាំមើលសង្គមលើកឡើងថា ទំនាក់ទំនងល្អរវាងកម្ពុជា-ជប៉ុន នឹងបន្ថយឥទ្ធិពលរបស់ចិន នៅកម្ពុជា ហើយអាចនាំឱ្យមានតុល្យភាពនៃទំនាក់ទំនងការបរទេស។ សម្រាប់កិច្ចសហប្រតិបត្តិការក្នុងវិស័យសេដ្ឋកិច្ច បច្ចេកវិទ្យាឌីជីថល និងសន្តិសុខ ដែលផ្តល់ឱ្យកម្ពុជា អាចមានឥទ្ធិពលក្នុងការប្រកួតប្រជែងយុទ្ធសាស្ត្ររវាងសហរដ្ឋអាមេរិក និងចិន។

មេដឹកនាំកម្ពុជា និងជប៉ុន បានព្រមព្រៀងគ្នាដំឡើងភាពជាដៃគូទៅជា «ដៃគូយុទ្ធសាស្ត្រគ្រប់ជ្រុងជ្រោយ» នៅឆ្នាំ២០២៣ នៅពេលប្រារព្ធខួបលើកទី៧០ឆ្នាំនៃចំណងការទូតរវាងប្រទេសទាំងពីរ។

ទំនាក់ទំនងដ៏ជិតស្និទ្ធរវាងកម្ពុជា-ជប៉ុន បង្កើតតាំងពីឆ្នាំ១៩៥៣ និងបានសម្ដែងការពេញចិត្តចំពោះកិច្ចសហប្រតិបត្តិការដែលមានការរីកចម្រើនជាលំដាប់លើគ្រប់វិស័យ។ ក្រសួងការពារជាតិជប៉ុន តែងតែផ្ដល់ជំនួយជាសម្ភារៈ និងវគ្គហ្វឹកហ្វឺនដល់កងយោធពលខេមរភូមិន្ទកម្ពុជា៕

បទវិភាគ

បទវិភាគ៖ ហេតុអ្វីបានជារុស្ស៊ី ខ្លាចមីស៊ីល Tomahawk អាមេរិក? ធ្វើដូចម្ដេចអ៊ុយក្រែន បានអាវុធនេះពីលោក ត្រាំ?

បទវិភាគ៖ ពីឧក្រិដ្ឋជនសង្គ្រាមក្លាយជាភ្ញៀវរបស់អាមេរិក លោក ត្រាំ ទាញលោក ពូទីន ចេញពីភាពឯកា

បទវិភាគព័ត៌មាន៖ មិនអាចប្ដូរមេដឹកនាំផ្ដាច់ការនៅបេឡារូស លើកលែងតែដូចប្រទេសបង់ក្លាដេស

បទវិភាគ៖ របបផ្ដាច់ការនៅប្រទេសស៊ីរី ដល់ពេលត្រូវបាត់បង់ហើយ

បទវិភាគ៖ ប្រទេសមួយក្រោមឥទ្ធិពលចិនខ្លាំង ហើយពីរទៀតក្រោមឥទ្ធិពលវៀតណាមផងចិនផង

បទវិភាគ៖ ផ្លែការ៉ុតនិងដំបងដាក់នៅចំពោះមុខកម្ពុជាក្នុងភូមិសាស្ត្រនយោបាយរវាងអាមេរិកនិងចិន

បទវិភាគ៖ តើប៉ាឡេស្ទីន អាចក្លាយជាសមាជិកពេញសិទ្ធិនៃអង្គការសហប្រជាជាតិបានដែរឬទេ?

បទវិភាគ៖ អាហ្វ្រិកខាងត្បូងអូសអ៊ីស្រាអែលឡើង ICC តែផ្ដល់ឱកាសឱ្យរុស្ស៊ីបន្តវិនាសកម្មនៅអ៊ុយក្រែន

អត្ថបទទាក់ទង

អ្នកឃ្លាំមើល៖ ការគ្រោងរៀបចំសមយុទ្ធយោធាឡើងវិញជាមួយអាមេរិក និងការដកបម្រាមលក់អាវុធជាសញ្ញាការទូតល្អ

IDEA TALK៖ តើសមយុទ្ធកងទ័ពអាកាសរវាងថៃ និងចិន នៅចុងខែកញ្ញា នេះ នឹងជះឥទ្ធិពលដល់កម្ពុជា ឬតំបន់បែបណា?

អ្នកឃ្លាំមើល៖ បើសមយុទ្ធនាគមាសកម្ពុជា-ចិនដើរហួសពីគោលការណ៍អព្យាក្រឹត្យ នឹងនាំទុក្ខដាក់ខ្លួន

អត្ថបទអានច្រើន

និស្សិតភូមា យករូបមេដឹកនាំកម្ពុជាលោក ហ៊ុន សែន ទៅជាន់ឈ្លីនិងដុតចោលតាមទីសាធារណៈ

លោក ហ៊ុន សែន គំរាមមិនឱ្យលោក ស ខេង ឈរជាបេក្ខភាពនាយករដ្ឋមន្ត្រីបន្ទាប់ពីលោកជាដាច់ខាត

អតិថិជនទិញអចលនទ្រព្យពីអ្នកឧកញ៉ា ឡេង ណាវ៉ាត្រា ទាមទារផ្ទះតាមកិច្ចសន្យា

អតិថិជនទិញផ្ទះល្វែងពីបុរីពិភពថ្មីកំបូលខកចិត្តនឹងគុណភាពសំណង់ផ្ទះល្វែង និងសេវាមួយចំនួនរបស់ក្រុមហ៊ុននេះ

លោក ជា សុផារ៉ា រងការចោទប្រកាន់ថាប្រព្រឹត្តអំពើពុករលួយក្នុងជួរបក្សកាន់អំណាចរបស់ខ្លួន

លោក សម រង្ស៊ី ប្រកាសរកការរួបរួមជាមួយបក្សកាន់អំណាចរបស់លោក ហ៊ុន សែន ដើម្បីជាតិខ្មែររុងរឿង

សេចក្ដីរាយការណ៍ពិសេស

លោក ចេន ហ្ស៊ី បាត់មុខពីកម្ពុជា ស្របពេលអាមេរិកលាតត្រដាងអំពើឆបោកនិងលាងលុយកខ្វក់ក្នុងប្រព័ន្ធគ្រីបតូ

តើព្រះសង្ឃ និងមេដឹកនាំខ្មែរ បានធ្វើអ្វីខ្លះដើម្បីជាប្រយោជន៍ដល់ព្រះពុទ្ធសាសនា និងសង្គមជាតិរបស់ខ្លួន?

តើកាកបាទក្រហមកម្ពុជាទទួលអំណោយសប្បុរសដោយកុសលកម្ម ឬអកុសលកម្មបថ?

លោក ហេង សិទ្ធី អំពាវនាវឱ្យពលរដ្ឋខ្មែរចូលរួមរំដោះប្រទេសចេញពីអំណាចប្រមូលផ្ដុំគ្រួសារតែមួយ

មេធាវី៖ ការចាប់ខ្លួនលោក ហេង សិទ្ធី ដោយសារដឹងអំពីផែនការបង្កើតបក្សនយោបាយប្រឆាំងត្រកូលហ៊ុន