ហ៊ុន សែន

លោក ហ៊ុន សែន ប្រមុខរដ្ឋស្ដីទី ប្រធាន ព្រឹទ្ធសភា ប្រធាន បក្ស ប្រជាជនកម្ពុជា អតីតនាយករដ្ឋមន្រ្តី បានថ្លែងជាសាធារណៈថា លោកគិតប៉ាន់ប្រមាណខុសក្នុងទំនាក់ទំនងជាមួយប្រទេសថៃឡង់ដ៍ ដោយសារតែ លោកជឿទុកចិត្តមិត្តថៃរបស់លោកហួសពេក។

ស្ថានទូតអាមេរិកនៅភ្នំពេញ ថា ការដោះលែង អតីតមេដឹកនាំបក្សប្រឆាំងលោក កឹម សុខា គឺជាការវិវឌ្ឍវិជ្ជមានមួយ ហើយសហរដ្ឋអាមេរិក បានរក្សាជំហរថា ការផ្តន្ទាទោសរបស់លោកដែលពាក់ព័ន្ធនឹងការអះអាងអំពីការចូលរួមរបស់សហរដ្ឋអាមេរិកក្នុងសកម្មភាពប្រឆាំងនឹងរដ្ឋាភិបាលកម្ពុជា គឺគ្មានមូលដ្ឋាន។

មន្រ្តីបក្សកាន់អំណាចមួយរូប ទម្លាយថា ការងារស្វែងរកការដោះលែងអតីតមេដឹកនាំបក្សប្រឆាំងដ៏មានឥទ្ធិពលនៅកម្ពុជា គឺលោក កឹម សុខា បានធ្វើឡើងអស់រយៈពេលជិត៣ឆ្នាំ ដោយសារលោកកឹម សុខា ទាមទារឲ្យមានការដោះលែងជាកញ្ចប់ដោយរាប់បញ្ចូលទាំង ដោះលែង អ្នកទោសនយោបាយ សកម្មជនសិទ្ធិមនុស្ស សកម្មជនបរិស្ថាន និងសកម្មជនសង្គមផ្សេងទៀត។

អ្នកតាមដានសង្គមកម្ពុជា អះអាងថា ព្រះរាជក្រឹត្យដែលចុះព្រះហត្ថលេខាដោយប្រមុខរដ្ឋស្តីទី លោក ហ៊ុន សែន លើកលែងទោស អតីតមេបក្សប្រឆាំង លោក កឹម សុខា គឺជាការគណនានយោបាយដ៏ល្អិតល្អន់ និងស៊ីជម្រៅមួយ ក្នុងការទាញយកផលប្រយោជន៍ការទូត បំបែកកម្លាំងប្រឆាំង និងពង្រឹងគ្រឹះអំណាចរបស់រដ្ឋាភិបាលលោក ហ៊ុន ម៉ាណែត។

ព្រឹទ្ធសភាកម្ពុជា បាន​អនុម័តទាំងស្រុងសេចក្តីព្រាងច្បាប់ស្តីពី «កាតព្វកិច្ចយោធា» ដោយចំនួន៥៨សំឡេងនៃចំនួនសមាជិកព្រឹទ្ធសភាទាំងមូល នៅក្នុងសម័យប្រជុំលើកទី៥ ព្រឹទ្ធសភា នីតិកាលទី៥ នាព្រឹកថ្ងៃទី២០ ខែឧសភានេះ។

ប្រធាន​ព្រឹទ្ធសភា បាន​ចោទ​សួរ​ទៅ​ភាគី​ថៃ ថា តើ​ថៃ កំពុង​ធ្វើ​អន្តរជាតូបនីយកម្ម​លើ​តំបន់​សមុទ្រ​ត្រួត​ស៊ី​គ្នា​ជាមួយ​កម្ពុជា មែន​ដែរ​ឬ​ទេ បាន​ជា​ខំប្រឹង​ទាមទារ​លុប​អនុស្សរណៈ​យោគយល់​គ្នា​ឆ្នាំ​២០០១ ឬ MoU៤៤ ជាមួយ​កម្ពុជា ម្តង​ហើយ​ម្តង​ទៀត​ក្នុង​ពេលនេះ? មេដឹកនាំ​បក្ស​កាន់​អំណាច លោក ហ៊ុន សែន សរសេរ​លើ​ទំព័រ​ហ្វេសប៊ុក​របស់​ខ្លួន​នៅ​ថ្ងៃទី​១ ឧសភា ថា រាល់​ថ្ងៃ​នេះ ថៃ​កំពុង​ព្យាយាម​ឈាន​ឱ្យ​ដល់​ការ​លុបចោល​អនុស្សរណៈ​យោគយល់​គ្នា​ឆ្នាំ​២០០១ ស្ដីពី​តំបន់​ដែនសមុទ្រ​ត្រួត​គ្នា ដែល​ចុះហត្ថលេខា​រវាង​កម្ពុជា និង​ថៃ កាលពី​ជាង ២០​ឆ្នាំ​មុន...

បណ្តា​អង្គទូត​បរទេស គណបក្ស​នយោបាយ និង​អង្គការ​សង្គម​ស៊ីវិល សម្ដែង​ការ​ខកចិត្ត​ចំពោះ​សេចក្តី​សម្រេច​របស់​សាលា​ឧទ្ធរណ៍ ដែល​តម្កល់​ការ​ផ្ដន្ទាទោស​មេដឹកនាំ​បក្ស​ប្រឆាំង លោក កឹម សុខា ឱ្យ​ជាប់​ពន្ធនាគារ​ជិត ៣០​ឆ្នាំ និង​បន្ថែម​ទោស​ដោយ​ការ​ហាមឃាត់​មិន​ឱ្យ​ចាកចេញ​ពី​ប្រទេស​កម្ពុជា រយៈពេល ៥​ឆ្នាំ​ទៀត​នោះ។ បណ្តា​អង្គទូត​បរទេស​ប្រចាំ​កម្ពុជា​ជាច្រើន រួម​មាន​សហភាព​អឺរ៉ុប បារាំង អាល្លឺម៉ង់ អូស្ត្រាលី អង់គ្លេស និង​កាណាដា ជាដើម បាន​ចេញ​សេចក្តី​ថ្លែងការណ៍​ប្រហាក់ប្រហែល​គ្នា ដោយ​សម្ដែង​នូវ​ការ​ខកចិត្ត​ចំពោះ​សេចក្តី​សម្រេច​របស់​សាលា​ឧទ្ធរណ៍ ដែល​បាន​តម្កល់​ការ​ផ្ដន្ទាទោស​របស់​តុលាការ​ជាន់​ទាប​លើ​លោក កឹម...

សាលា​ឧទ្ធរណ៍​ភ្នំពេញ សម្រេច​តម្កល់​សាលក្រម​របស់​សាលាដំបូង​រាជធានី​ភ្នំពេញ​លើ​សំណុំរឿង​លោក កឹម សុខា ដដែល និង​ហាមប្រាម​មិន​ឱ្យ​ចាកចេញ​ពី​ប្រទេស​រយៈពេល ៥​ឆ្នាំ។ កាលពី​ថ្ងៃទី​៣ ខែ​មីនា ឆ្នាំ​២០២៣ លោក កឹម សុខា ប្រធាន​អតីត​គណបក្ស​សង្គ្រោះ​ជាតិ ត្រូវ​បាន​សាលាដំបូង​រាជធានី​ភ្នំពេញ​សម្រេច​ផ្ដន្ទាទោស​ដាក់​ពន្ធនាគារ​ចំនួន ២៧​ឆ្នាំ ពី​បទ​សន្ទិដ្ឋភាព​ជាមួយ​រដ្ឋ​បរទេស ក៏ប៉ុន្តែ​តុលាការ​តម្រូវ​ឱ្យ​សមត្ថកិច្ច​ឃុំ​ខ្លួន​លោក កឹម សុខា នៅ​ក្នុង​ផ្ទះ ដោយ​ដកហូត​សិទ្ធិ​ពលរដ្ឋ និង​សិទ្ធិ​នយោបាយ​ជា​ស្ថាពរ៕

អ្នក​ឃ្លាំមើល​ស្ថានការណ៍​កម្ពុជា ចាត់ទុក​សកម្មភាព​តវ៉ា​របស់​កម្ពុជា ជុំវិញ​ការ​ឈ្លានពាន​ទឹកដី​ពី​សំណាក់​ភាគី​ថៃ រហូត​មក​ដែល​គ្មាន​យន្តការ​អន្តរជាតិ គ្រាន់តែ​ជា​ការ​តវ៉ា​ដើម្បី​ស្អំ​ចិត្ត​ពលរដ្ឋ​ប៉ុណ្ណោះ ព្រោះ​មិន​អាច​ទប់ស្កាត់​ថៃ មិន​ឱ្យ​ឈ្លានពាន​ទឹកដី​ខ្មែរ​បន្ត​ទៀត​បាន​ឡើយ។ ប្រធាន​ក្រុមប្រឹក្សា​ឃ្លាំមើល​កម្ពុជា លោក ម៉ែន ណាត ប្រាប់​សារព័ត៌មាន The Cambodia Daily នៅ​ថ្ងៃទី​២០ មេសា នេះ​ថា បើ​គ្មាន​សម្ពាធ​ពី​អន្តរជាតិ​ទេ ថៃ​នឹង​មិន​បោះបង់​ទឹកដី​ខ្មែរ​ដែល​ពួកគេ​ឈ្លានពាន​យក​ទៅ​កាន់កាប់​ឡើយ ដូច្នេះ​ជម្រើស​ល្អ​បំផុត​របស់​កម្ពុជា ក្រៅពី​ប្រើ​យន្តការ​អន្តរជាតិ​ដែល​មាន​ស្រាប់ ដូចជា​យន្តការ​អាស៊ាន យន្តការ​អង្គការ​សហប្រជាជាតិ និង​យន្តការ​កិច្ចព្រមព្រៀង​ទីក្រុង​ប៉ារីស...

ប្រធាន​ព្រឹទ្ធសភា លោក ហ៊ុន សែន អះអាង​ថា ព្រះមហាក្សត្រ​ខ្មែរ​សម្តេច​ព្រះ​បរមនាថ នរោត្តម សីហមុនី ទទួល​ការវះកាត់​ព្រះរោគ​ក្រពេញ​ប្រូស្តាត​បាន​ដោយ​ជោគជ័យ​ពី​ក្រុម​វេជ្ជបណ្ឌិត​នៅ​មន្ទីរពេទ្យ​ក្នុង​ទីក្រុង​ប៉េកាំង នៃ​សាធារណរដ្ឋ​ប្រជាមានិត​ចិន នៅ​ថ្ងៃ​ចន្ទ​ដើម​សប្ដាហ៍​នេះ។ មេដឹកនាំ​បក្ស​កាន់​អំណាច លោក ហ៊ុន សែន សរសេរ​លើ​ទំព័រ​ហ្វេសប៊ុក​របស់​ខ្លួន​នៅ​ថ្ងៃទី​២០ មេសា នេះ​ថា ក្រោយ​ចេញពី​បន្ទប់​វះកាត់ ព្រះអង្គ​បាន​ដឹង​ព្រះកាយ​វិញ​ហើយ បន្ទាប់ពី​អស់​សារធាតុ​ថ្នាំ​សណ្ដំ ខណៈ​គ្រូពេទ្យ​កំពុង​តាមដាន​ដោយ​យកចិត្ត​ទុកដាក់​នូវ​ការ​វិវត្ត​ប្រែប្រួល​ក្រោយ​ការវះកាត់​នេះ។ លោក ហ៊ុន សែន អះអាង​ថា...