28 C
Phnom Penh

TAG

គឹម សុខ

លោក កឹម សុខា ឆ្លើយតប​ព្រះរាជអាជ្ញា​ដែល​ចោទ​សួរ​ភ្ជាប់​ជាមួយ​លោក សម រង្ស៊ី

ប្រធាន​គណបក្ស​សង្គ្រោះ​ជាតិ​ដែល​ត្រូវ​បាន​តុលាការ​កំពូល​រំលាយ លោក កឹម សុខា បាន​ប្រតិកម្ម​ទៅ​នឹង​ព្រះរាជអាជ្ញា​តុលាការ​ក្រុង​ភ្នំពេញ ដែល​បាន​ចោទ​សួរ និង​ភ្ជាប់​រូបលោក​ទៅ​នឹង​ករណី​លោក សម រង្ស៊ី។ លោក​បាន​ឆ្លើយតប​ថា លោក​មិន​មាន​ទំនាក់ទំនង​អ្វី​ជាមួយ​លោក សម រង្ស៊ី ទៀត​នោះ​ឡើយ ក្រោយ​ពេល​បក្ស​ភ្លើង​ទៀន​របស់​លោក សម រង្ស៊ី បាន​ដើរ​ចេញពី​ស្មារតី​រួបរួម​របស់​គណបក្ស​សង្គ្រោះ​ជាតិ ដើម្បី​ចូលរួម​បោះឆ្នោត​ឃុំ-សង្កាត់។ លោក កឹម សុខា បាន​និយាយ​ទៅ​កាន់​តំណាង​អយ្យការ​សាលាដំបូង​រាជធានី​ភ្នំពេញ នៅ​ព្រឹក​ថ្ងៃទី​១៥ ខែ​មិថុនា...

អ្នក​ឃ្លាំមើល​ថា​ការ​កាត់ទោស​កញ្ញា សេង ធារី និង​សកម្មជន​ដូច​គ្នា​ការ​បង្ក្រាប​កាលពី​ឆ្នាំ​២០១៤

ក្រុម​អ្នក​ឃ្លាំមើល​សង្គម ថា​ការ​កាត់ទោស​ពលរដ្ឋ​ខ្មែរ-អាមេរិកាំង កញ្ញា សេង ធារី ដែល​ជា​មេធាវី​អន្តរជាតិ និង​សកម្មជន​នយោបាយ​ជាច្រើន​នាក់​ទៀត​ដាក់​គុក​ច្រើន​ឆ្នាំ «ពី​បទ​ក្បត់​ជាតិ» ដូច​គ្នា​ទៅ​នឹង​ការ​បង្ក្រាប​ដោយ​ហិង្សា​ពី​សំណាក់​រដ្ឋាភិបាល​កម្ពុជា​ទៅ​លើ​អ្នក​តវ៉ា​ដើម្បី​សិទ្ធិ​សេរីភាព។ អ្នកវិភាគ​នយោបាយ និង​សង្គម បណ្ឌិត ឡៅ ម៉ុងហៃ បាន​សរសេរ​លើ​គណនី​ហ្វេសប៊ុក​របស់​លោក​នៅ​ថ្ងៃទី​១៥ មិថុនា ថា ការ​កាត់ទោស​មេធាវី​អន្តរជាតិ កញ្ញា សេង ធារី និង​សកម្មជន​នយោបាយ​ជាច្រើន​ទៀត​ដាក់​គុក​ច្រើន​ឆ្នាំ​ពី​បទ​ក្បត់​ជាតិ កាលពី​ថ្ងៃទី​១៤ ខែ​មិថុនា ឆ្នាំ​២០២២...

វេទិកា​ពលរដ្ឋ​ថា គ.ជ.ប បាត់បង់​តម្លៃ​ដោយសារ​ឃុបឃិត​ជាមួយ​បក្ស​កាន់​អំណាច​ប្លន់​ប្រព័ន្ធ​បោះឆ្នោត

ប្រធាន​វេទិកា​ពលរដ្ឋ លើកឡើង​ថា គណៈកម្មាធិការ​ជាតិ​រៀបចំ​ការ​បោះឆ្នោត (គ.ជ.ប) ធ្វើ​ឱ្យ​បាត់បង់​សេចក្តី​ថ្លៃថ្នូរ និង​តម្លៃ​ជា​ស្ថាប័ន​អនុវត្ត​ច្បាប់​បោះឆ្នោត​ដោយ​ខ្លួនឯង ដោយសារតែ​ឃុបឃិត​ជាមួយ​បក្ស​កាន់​អំណាច​ប្លន់​ប្រព័ន្ធ​បោះឆ្នោត​នៅ​កម្ពុជា ដើម្បី​បំពេញ​គោលដៅ​នយោបាយ​របស់​លោក ហ៊ុន សែន។ ប្រធាន​វេទិកា​ពលរដ្ឋ លោក គឹម សុខ បាន​ចេញ​សេចក្តី​ថ្លែងការណ៍​របស់​ខ្លួន​កាលពី​ថ្ងៃទី​១៣ ខែ​មិថុនា នេះ​ថា ការ​បាត់បង់​សេចក្តី​ថ្លៃថ្នូរ​របស់​ស្ថាប័ន​ជាតិ​រៀបចំ​ការ​បោះឆ្នោត​នោះ គឺ​មកពី​មូលហេតុ​ថា ស្ថាប័ន​ថ្នាក់​ក្រោម​របស់ គ.ជ.ប បាន​រំលោភ​ច្បាប់​យ៉ាង​ធ្ងន់ធ្ងរ ដូចជា​ការ​បិទ​ទ្វារ​ការិយាល័យ​រាប់​សន្លឹកឆ្នោត និង​ការ​មិន​បង្ហាញ​តម្លាភាព​ដល់​ពលរដ្ឋ ជាដើម...

បក្ស​កាន់​អំណាច​ប្តឹង​លោក សុន ឆ័យ ទារ​ជំងឺ​ចិត្ត​១​លាន​ដុល្លារ​ជុំវិញ​ការ​រិះគន់​លទ្ធផល​បោះឆ្នោត

មេធាវី​គណបក្ស​កាន់​អំណាច​ប្តឹង​អនុប្រធាន​គណបក្ស​ភ្លើង​ទៀន លោក សុន ឆ័យ ដោយ​ទាមទារ​សំណង​ជំងឺ​ចិត្ត ៤​ពាន់​លាន​រៀល ដែល​ស្មើ​នឹង ១​លាន​ដុល្លារ​អាមេរិក បន្ទាប់ពី​លោក​រិះគន់​ជុំវិញ​លទ្ធផល​ការ​បោះឆ្នោត​កាលពី​ពេល​ថ្មីៗ​នេះ។ មេធាវី​ប្រចាំការ​របស់​ប្រមុខ​រដ្ឋាភិបាល​កម្ពុជា គឺ​លោក គី តិច បាន​ដាក់​ពាក្យ​បណ្តឹង​ទៅ​សាលាដំបូង​រាជធានី​ភ្នំពេញ កាលពី​ថ្ងៃទី​១៣ ខែ​មិថុនា ឆ្នាំ​២០២២ ប្តឹង​អនុប្រធាន​គណបក្ស​ភ្លើង​ទៀន លោក សុន ឆ័យ បន្ទាប់ពី​លោក សុន ឆ័យ បាន​រិះគន់​លទ្ធផល​នៃ​ការ​បោះឆ្នោត​កាលពី​ថ្ងៃទី​៥...

លោក ហ៊ុន សែន បញ្ជា​ឱ្យ​រើស​ពល​ទាហាន​ថ្មី​៦០០​នាក់​សម្រាប់​កងវរសេនាតូច​ទើប​បង្កើត

លោក ហ៊ុន សែន បញ្ជា​ឱ្យ​រដ្ឋមន្ត្រី​ក្រសួង​ការពារ​ជាតិ ជ្រើសរើស​ពល​ទាហាន​ថ្មី​ចំនួន ៦០០​នាក់​បន្ថែម​ទៀត​ដើម្បី​បំពេញ​ក្របខ័ណ្ឌ​ឱ្យ ៣​កងវរសេនាតូច​ដែល​ទើប​បង្កើត​ថ្មី។ សេចក្ដី​សម្រេច​មួយ​ដែល​ចុះហត្ថលេខា​ដោយ​បុរស​ខ្លាំង លោក ហ៊ុន សែន កាលពី​ថ្ងៃទី​២ ខែ​មិថុនា ឆ្នាំ​២០២២ ឱ្យ​ដឹង​ថា រូបលោក​អនុញ្ញាត​ឱ្យ​រដ្ឋមន្ត្រី​ក្រសួង​ការពារ​ជាតិ លោក ទៀ បាញ់ ជ្រើសរើស​ពល​ទាហាន​ថ្មី​ចំនួន ៦០០​នាក់​ទៀត ដើម្បី​បំពេញ​ក្របខ័ណ្ឌ​ឱ្យ​កងវរសេនាតូច​ចំនួន​៣ ដែល​ទើប​បង្កើត​ថ្មី​ចំណុះ​ឱ្យ​អគ្គបញ្ជាការដ្ឋាន​កាំភ្លើង​ធំ។ លោក​អះអាង​ថា ករណី​នេះ រដ្ឋមន្ត្រី​ទទួល​បន្ទុក​ទីស្ដីការ​គណៈរដ្ឋមន្ត្រី...

ប្រធាន​វេទិកា​ពលរដ្ឋ​អំពាវនាវ​ឱ្យ​បក្ស​ក្រៅ​រដ្ឋាភិបាល​រួម​កម្លាំង​ឆ្ពោះ​ទៅ​រក​ការ​ផ្លាស់ប្ដូរ​ជា​វិជ្ជមាន

ប្រធាន​វេទិកា​ពលរដ្ឋ អំពាវនាវ​ឱ្យ​គណបក្ស​ក្រៅ​រដ្ឋាភិបាល​ទាំងអស់​ស្វែងរក​ការ​ជួប​ជជែក​គ្នា ដោយ​សុទ្ធចិត្ត និង​ស្មារតី​ជាតិ​ជា​មូលដ្ឋាន ដើម្បី​បង្កើត​កម្លាំង​រួបរួម​ដ៏​មាន​សក្ដានុពល​ធំ​មួយ​ទប់ទល់​នឹង​ការ​បោះឆ្នោត​ដ៏​អាក្រក់​ដែល​បាន​កើត​មាន​នៅ​អាណត្តិ​ទី​៥ ឆ្នាំ​២០២២ និង​ឆ្ពោះ​ទៅ​រក​ការ​ផ្លាស់ប្ដូរ​ជា​វិជ្ជមាន​តាម​បំណង​ប្រាថ្នា​របស់​ពលរដ្ឋ​ម្ចាស់​ឆ្នោត។ ប្រធាន​វេទិកា​ពលរដ្ឋ លោក គឹម សុខ បាន​ចេញ​សេចក្តី​ថ្លែងការណ៍​កាលពី​ថ្ងៃទី​៧ ខែ​មិថុនា ឆ្នាំ​២០២២ ថា ការ​បង្កើត​កម្លាំង​រួបរួម​នេះ គួរតែ​ធ្វើឡើង​នៅ​មុន​ដំណាច់​ឆ្នាំ​២០២២ នេះ ឬ​កាន់តែ​ឆាប់​កាន់តែ​ល្អ ចៀសវាង​ការ​ខ្ជះខ្ជាយ​ពេលវេលា​ដូច​ពេល​ដែល​ក្រោយ​ការ​រំលាយ​គណបក្ស​សង្គ្រោះ​ជាតិ កាលពី​ខែ​វិច្ឆិកា ឆ្នាំ​២០១៧ កន្លងទៅ។ លោក គឹម សុខ...

វេទិកា​ពលរដ្ឋ៖ គណបក្ស​ភ្លើង​ទៀន​ជួយ​បិទបាំង​អំពើ​ខុស​ច្បាប់​របស់​បក្ស​កាន់​អំណាច

ប្រធាន​វេទិកា​ពលរដ្ឋ លើកឡើង​ថា ការ​ដែល​គណបក្ស​ភ្លើង​ទៀន​ព្រម​ទទួល​យក​លទ្ធផល​នៃ​ការ​បោះឆ្នោត​អាណត្តិ​ទី​៥ ឆ្នាំ​២០២២ និង​ការ​ប្រកាស​ផែនការ​ចូលរួម​ការ​បោះឆ្នោត​ជាតិ​ឆ្នាំ​២០២៣ គឺជា​ការ​ជួយ​បិទបាំង​អំពើ​ខុស​ច្បាប់​របស់​បក្ស​កាន់​អំណាច​ដែល​បាន​ប្លន់​ប្រព័ន្ធ​បោះឆ្នោត​នៅ​កម្ពុជា។ ប្រធាន​វេទិកា​ពលរដ្ឋ លោក គឹម សុខ បាន​លើកឡើង​ក្នុង​កម្មវិធី Idea Talk នៃ​សារព័ត៌មាន The Cambodia Daily កាលពី​ថ្ងៃទី​៦ មិថុនា ថា គណបក្ស​ភ្លើង​ទៀន​បាន​ដើរ​ចូល​ទៅ​ក្នុង​អន្ទាក់​នយោបាយ​របស់​បក្ស​កាន់​អំណាច​រួច​ទៅ​ហើយ ព្រោះ​ថា​អ្វី​ដែល​បក្ស​កាន់​អំណាច​ចង់​បាន​បំផុត​នៅ​ពេលនេះ គឺ​ការ​បង្ហាញ​រូបភាព​ពី​ការ​ចូលរួម​បោះឆ្នោត​របស់​គណបក្ស​នយោបាយ​ផ្សេងៗ ស្រប​តាម​ដំណើរការ​លទ្ធិប្រជាធិបតេយ្យ សេរី​ពហុបក្ស...

ថ្ងៃ​បិទ​បញ្ចប់​ឃោសនា​បោះឆ្នោត បក្ស​បី​ធ្វើ​នៅ​ភ្នំពេញ ខណៈ​បក្ស​មួយ​ចំនួន​ទៀត​ធ្វើ​តាម​ខេត្ត

នៅ​ថ្ងៃ​ចុងក្រោយ​នៃ​យុទ្ធនាការ​ឃោសនា​បោះឆ្នោត​ជ្រើសរើស​ក្រុមប្រឹក្សា​ឃុំ-សង្កាត់​អាណត្តិ​ទី​៥ ដែល​បាន​ប្រព្រឹត្ត​ទៅ​អស់​រយៈពេល ១៤​ថ្ងៃ ត្រូវ​បាន​បិទ​បញ្ចប់​ហើយ​នៅ​ថ្ងៃទី​៣ ខែ​មិថុនា ឆ្នាំ​២០២២ នេះ ដោយ​មាន​គណបក្ស​នយោបាយ​ចំនួន​៣ បាន​ធ្វើ​ការ​ឃោសនា​ធំ​នៅ​រាជធានី​ភ្នំពេញ ខណៈ​បក្ស​មួយ​ចំនួន​ទៀត​ធ្វើ​តាម​ខេត្ត។ ការ​ធ្វើ​យុទ្ធនាការ​ឃោសនា​ធំ​របស់​គណបក្ស​នយោបាយ​នៅ​ថ្ងៃទី​៣ ខែ​មិថុនា ឆ្នាំ​២០២២ ខណៈ​ថ្ងៃ​ទី​៤ មិថុនា គេ​ហៅថា​ថ្ងៃ «ស» ដោយ​គណបក្ស​នយោបាយ​ទាំងអស់​មិន​អាច​ធ្វើការ​ឃោសនា​ឡើយ។ គណបក្ស​នយោបាយ​ដែល​ធ្វើ​យុទ្ធនាការ​ឃោសនា​នៅ​រាជធានី​ភ្នំពេញ ក្នុង​នោះ​មាន​គណបក្ស​ប្រជាជន​កម្ពុជា គណបក្ស​ភ្លើង​ទៀន និង​គណបក្ស​ខ្មែរ​រួបរួម​ជាតិ ខណៈ​គណបក្ស​ប្រជាធិបតេយ្យ​មូលដ្ឋាន និង​គណបក្ស​មួយ​ចំនួន​ទៀត​ធ្វើ​នៅ​តាម​ខេត្ត ហើយ​បក្ស​ខ្លះ​ទៀត​គ្មាន​ប្រាក់​សម្រាប់​ធ្វើ​យុទ្ធនាការ​ធំ​នៅ​ថ្ងៃ​បិទ​បញ្ចប់។ នៅ​ថ្ងៃ​ចុងក្រោយ​នៃ​យុទ្ធនាការ​ឃោសនា​បោះឆ្នោត​ឃុំ-សង្កាត់ គណបក្ស​ប្រជាជន​កម្ពុជា​មាន​អ្នក​ចូលរួម​ហែ​ក្បួន​ចន្លោះ​ពី...

វេទិកា​ពលរដ្ឋ​អំពាវនាវ​សាជាថ្មី​ឱ្យ​រដ្ឋាភិបាល​ដោះលែង​លោក អៀ ចាន់ណា ដើម្បី​ធានា​នូវ​សិទ្ធិ​នយោបាយ​របស់​ពលរដ្ឋ

ប្រធាន​វេទិកា​ពលរដ្ឋ អំពាវនាវ​សាជាថ្មី​ទៅ​រដ្ឋាភិបាល​កម្ពុជា ត្រូវតែ​ដោះលែង​លោក អៀ ចាន់ណា អនុប្រធាន​ក្រុម​ការងារ​គណបក្ស​ភ្លើង​ទៀន​ខេត្ត​តាកែវ ឱ្យ​មាន​សិទ្ធិ​សេរីភាព​ពេញលេញ​ឡើងវិញ ដើម្បី​ធានា​នូវ​ការ​អនុវត្ត​តាម​បែប​ប្រជាធិបតេយ្យ និង​ធានា​នូវ​សិទ្ធិ​នយោបាយ​របស់​ពលរដ្ឋ។ ប្រធាន​វេទិកា​ពលរដ្ឋ លោក គឹម សុខ បាន​ចេញ​សេចក្តី​ថ្លែងការណ៍​កាលពី​ថ្ងៃទី​២ ខែ​មិថុនា ឆ្នាំ​២០២២ ថា វេទិកា​ពលរដ្ឋ​បាន​តាមដាន​យ៉ាង​យកចិត្ត​ទុកដាក់​ចំពោះ​ករណី​ចាប់​ឃុំ​ខ្លួន​អនុប្រធាន​ក្រុម​ការងារ​គណបក្ស​ភ្លើង​ទៀន​ខេត្ត​តាកែវ លោក អៀ ចាន់ណា។ លោក​ថា នេះ​គឺជា​ចេតនា​របស់​បក្ស​កាន់​អំណាច​មាន​គោលដៅ​បំបិទ​សិទ្ធិ ដើម្បី​បំផ្លាញ​ឱកាស​នយោបាយ​របស់​គាត់​ក្នុង​នាម​ជា​ពលរដ្ឋ​ខ្មែរ​ម្នាក់​ដែល​មិន​ជាប់​ពាក់ព័ន្ធ​នឹង​បទឧក្រិដ្ឋ។ ប្រធាន​វេទិកា​ពលរដ្ឋ​រូប​នេះ​បញ្ជាក់​ថា ដើម្បី​ធានា​នូវ​ការ​អនុវត្ត​តាម​បែប​ប្រជាធិបតេយ្យ...

គណបក្ស​ភ្លើង​ទៀន​អំពាវនាវ​ឱ្យ​រដ្ឋាភិបាល​បញ្ឈប់​ការ​ធ្វើ​ទុក្ខបុកម្នេញ​លើ​សមាជិក​ខ្លួន

គណបក្ស​ភ្លើង​ទៀន អំពាវនាវ​ឱ្យ​រាជរដ្ឋាភិបាល​ប្រទេស​កម្ពុជា បញ្ឈប់​ការ​ចាប់​ខ្លួន ការ​ឃុំ​ខ្លួន ការ​គំរាមកំហែង និង​ការ​ធ្វើ​ទុក្ខបុកម្នេញ​គ្រប់​រូបភាព​លើ​សមាជិក​របស់​ខ្លួន ដើម្បី​ធានា​នូវ​លំហ​ប្រជាធិបតេយ្យ​នៅ​ប្រទេស​កម្ពុជា និង​ធានា​នូវ​ដំណើរការ​បោះឆ្នោត​ជ្រើសរើស​ក្រុមប្រឹក្សា​ឃុំ-សង្កាត់​អាណត្តិ​ទី​៥ ឆ្នាំ​២០២២ នេះ ឲ្យ​ប្រព្រឹត្ត​ទៅ​ដោយ​សេរី ត្រឹមត្រូវ និង​យុត្តិធម៌។ គណបក្ស​ភ្លើង​ទៀន បាន​ចេញ​សេចក្តី​ថ្លែងការណ៍​កាលពី​ថ្ងៃទី​១ ខែ​មិថុនា ឆ្នាំ​២០២២ នេះ​ថា ការ​ចាប់ និង​ឃុំ​ខ្លួន​លោក អៀ ចាន់ណា គឺជា​រឿង​នយោបាយ​សុទ្ធសាធ ព្រោះ​ថា​ការ​ចាប់​ខ្លួន​នេះ​បាន​ធ្វើឡើង​ក្នុង​អំឡុង​ពេល​ដែល​លោក​កំពុង​ចូលរួម​យ៉ាង​សកម្ម​ជាមួយ​គណបក្ស​ភ្លើង​ទៀន ក្នុង​យុទ្ធនាការ​ឃោសនា​បោះឆ្នោត​ជ្រើសរើស​ក្រុមប្រឹក្សា​ឃុំ-សង្កាត់​អាណត្តិ​ទី​៥...

Latest news