28 C
Phnom Penh

TAG

ចុះចូលគណបក្ស

លោក ហ៊ុន សែន តែងតាំង​អ្នក​បញ្ចូល​សំឡេង​ត្រូល​ឆាវ​ឆាវ​ជា​សមាជិក​ក្រុម​លេខា​នាយករដ្ឋមន្ត្រី

មេដឹកនាំ​បក្ស​កាន់​អំណាច​លោក ហ៊ុន សែន សម្រេច​តែងតាំង​លោក អ៊ុយ រិទ្ធី ដែល​ជា​អ្នក​បញ្ចូល​សំឡេង «ត្រូល ឆាវ​ឆាវ» តាម​បណ្ដាញ​សង្គម​ហ្វេសប៊ុក​ជា​សមាជិក​ក្រុម​លេខា​នាយករដ្ឋមន្ត្រី​មាន​ឋានៈ​ស្មើ​ប្រធាន​នាយកដ្ឋាន។ មេដឹកនាំ​បក្ស​កាន់​អំណាច​លោក ហ៊ុន សែន បាន​ចេញ​អនុក្រឹត្យ​មួយ​កាលពី​ថ្ងៃទី​៣ ខែ​កក្កដា ឆ្នាំ​២០២៣ ដែល​ត្រូវ​បាន​ផ្សព្វផ្សាយ​នៅ​ថ្ងៃទី​៥ កក្កដា នេះ បាន​សម្រេច​តែងតាំង​ម្ចាស់​សំឡេង ត្រូល ឆាវ​ឆាវ លោក អ៊ុយ រិទ្ធី...

សកម្មជន​បក្ស​កាន់​អំណាច​ជាច្រើន​នាក់​ស្រែក​ទាមទារ​យុត្តិធម៌​នៅ​ពេល​លោក ហ៊ុន សែន ផ្តល់​ឋានៈ​បុណ្យ​ស័ក្តិ​ដល់​ក្រុម​ប្រឆាំង​ដែល​ទើប​ចុះចូល

សកម្មជន​មូលដ្ឋាន​ដែល​តស៊ូ​ជួយ​ឃោសនា​ឱ្យ​គណបក្ស​ប្រជាជន​កម្ពុជា​ជាច្រើន​នាក់ ស្រែក​រក​យុត្តិធម៌​នៅ​ពេល​ដែល​មេដឹកនាំ​កំពូល​របស់​ពួកគេ គឺ​លោក ហ៊ុន សែន បាន​ផ្តល់​ឋានៈ​បុណ្យ​ស័ក្តិ​តួនាទី​ដល់​ក្រុម​ប្រឆាំង​ដែល​ទើប​នឹង​ប្រកាស​ចុះចូល​ជា​បន្តបន្ទាប់​នៅ​មុន​ការ​បោះឆ្នោត​នា​ពេលនេះ។ បុរស​ម្នាក់​ឈ្មោះ ឆាយ សុវណ្ណ ដែល​បាន​អះអាង​ថា​ខ្លួន​ជា​សកម្មជន​សកម្ម​របស់​គណបក្ស​ប្រជាជន​កម្ពុជា បាន​ទម្លាយ​តាម​បណ្ដាញ​សង្គម​ហ្វេសប៊ុក​កាលពី​ថ្ងៃទី​២០ ខែ​មិថុនា ឆ្នាំ​២០២៣ នេះ​ថា លោក​បាន​តស៊ូ​ធ្វើ​កិច្ច​ការងារ​ដោយ​ការ​ផ្សព្វផ្សាយ​គំនិត​តាម​បណ្ដាញ​សង្គម​ហ្វេសប៊ុក​ប្រឆាំង​តបត​នឹង​ក្រុម​ប្រឆាំង​តាំងពី​ឆ្នាំ​២០១៥ មក ក្នុង​នោះ​មាន​អ្នក​ធ្វើ​កិច្ចការ​ដូច​លោក​ជាច្រើន​នាក់​ដែរ ដូចជា​លោក ខ្លា ស លោក ស្អែក ស្លាប់ និង​លោក ផាន់...

លោក ហ៊ុន សែន ទទួល​យក​លោក គង់ រ៉ៃយ៉ា ជា​សមាជិក​​បក្ស​ប្រជាជន​កម្ពុជា

មេដឹកនាំ​បក្ស​កាន់​អំណាច​លោក ហ៊ុន សែន ប្រកាស​ទទួល​យក​អតីត​ជំទប់​ឃុំ​ជាប់​ឆ្នោត​ខេត្ត​កំពង់ចាម និង​ជា​បេក្ខជន​តំណាងរាស្ត្រ​មណ្ឌល​ភ្នំពេញ​របស់​គណបក្ស​ភ្លើង​ទៀន លោក គង់ រ៉ៃយ៉ា ជា​សមាជិក​គណបក្ស​ប្រជាជន​កម្ពុជា បន្ទាប់ពី​សមាជិក​គណៈកម្មាធិការ​នាយក​នៃ​គណបក្ស​ភ្លើង​ទៀន​រូប​នេះ​ប្រកាស​ចុះចូល​ជាមួយ​បក្ស​កាន់​អំណាច​នៅ​ថ្ងៃ​នេះ។ លោក ហ៊ុន សែន បាន​សរសេរ​លើ​បណ្ដាញ​ទំនាក់ទំនង​តេឡេក្រាម​របស់​ខ្លួន​នៅ​ថ្ងៃទី​១៦ មិថុនា នេះ​ថា ក្នុង​នាម​គណបក្ស​ប្រជាជន​កម្ពុជា លោក​សូម​ស្វាគមន៍​យ៉ាង​កក់ក្តៅ​ចំពោះ​សមាជិក​គណៈកម្មាធិការ​នាយក​គណបក្ស​ភ្លើង​ទៀន លោក គង់ រ៉ៃយ៉ា ដើម្បី​ចូលរួម​ជីវភាព​នយោបាយ​ជាមួយ​គណបក្ស​ប្រជាជន​កម្ពុជា។ នៅ​ថ្ងៃទី​១៦ ខែ​មិថុនា ឆ្នាំ​២០២៣ នេះ...

ព្រះមហាក្សត្រ​តែងតាំង​លោក ស ឡុងដេត ជា​ទីប្រឹក្សា​រដ្ឋាភិបាល​បន្ទាប់ពី​ចុះចូល​បក្ស​កាន់​អំណាច

មន្ត្រី​ជាន់ខ្ពស់​បក្ស​ភ្លើង​ទៀន លោក ស ឡុងដេត ដែល​បាន​រិះគន់​រដ្ឋាភិបាល​ឯក​បក្ស​នៅ​កម្ពុជា និង​រង​នូវ​ការ​គំរាមកំហែង​ពី​លោក ហ៊ុន សែន រួម​ទាំង​មាន​បណ្តឹង​ជាប់​ខ្លួន​ផង​នោះ ពេល​នេះ​លោក​ត្រូវ​បាន​ព្រះមហាក្សត្រ​តែងតាំង​ជា​ទីប្រឹក្សា​រាជរដ្ឋាភិបាល បន្ទាប់ពី​លោក​បាន​ប្រកាស​ផ្តាច់​ខ្លួន​ពី​លោក សម រង្ស៊ី និង​ព្រម​ចុះចូល​ជាមួយ​បក្ស​កាន់​អំណាច។ ព្រះមហាក្សត្រ​ខ្មែរ​សម្តេច​ព្រះករុណា ព្រះបាទ​នរោត្តម សីហមុនី បាន​ចេញ​ព្រះរាជក្រឹត្យ​ត្រាស់​បង្គាប់​តែងតាំង​អតីត​មន្ត្រី​ជាន់ខ្ពស់​បក្ស​ភ្លើង​ទៀន ២​រូប គឺ​លោក ស ឡុងដេត និង​លោក ឡូញ តេត្រា...

ក្រសួង​មហាផ្ទៃ​បិទ​សមាគម​សម្ព័ន្ធ​សហគមន៍​កសិករ ទោះបី​ប្រធាន​សមាគម​នេះ​ត្រូវ​ដោះលែង​ក្ដី

ក្រសួង​មហាផ្ទៃ បិទ​សមាគម​សម្ព័ន្ធ​សហគមន៍​កសិករ​កម្ពុជា (CCFC) ដោយ​ផ្អាក​មិន​ឲ្យ​ធ្វើ​សកម្មភាព​ជា​បណ្ដោះអាសន្ន​រហូត​ដល់​តុលាការ​បញ្ចប់​នីតិវិធី​ជា​ស្ថាពរ ទោះបី​ប្រធាន​សមាគម​លោក ថេង សាវឿន និង​សហការី ២​រូប​ទៀត​ត្រូវ​តុលាការ​ដោះលែង​ឲ្យ​នៅ​ក្រៅ​ឃុំ បន្ទាប់ពី​សុំទោស​លោក ហ៊ុន សែន ដោយ​ទម្លាក់​កំហុស​លើ​ខ្លួនឯង​ក៏ដោយ។ សេចក្ដី​សម្រេច​របស់​ក្រសួង​មហាផ្ទៃ នា​ខែ​មិថុនា ឆ្នាំ​២០២៣ ឲ្យ​ដឹង​ថា ការ​ផ្អាក​សមាគម​សម្ព័ន្ធ​សហគមន៍​កសិករ​កម្ពុជា​ដែល​មាន​ទីស្នាក់ការ​កណ្ដាល​នៅ​ភូមិ​ភ្នំពេញថ្មី សង្កាត់​ភ្នំពេញថ្មី ខណ្ឌ​សែនសុខ ជា​បណ្ដោះអាសន្ន រហូត​ដល់​តុលាការ​បញ្ចប់​នីតិវិធី​ជា​ស្ថាពរ​ក្នុង​សំណុំរឿង​ព្រហ្មទណ្ឌ​ចុះ​ថ្ងៃទី​២០ ខែ​ឧសភា ឆ្នាំ​២០២៣ របស់​អយ្យការ​អម​សាលាដំបូង​ខេត្ត​រតនគិរី។...

មេធាវី​រដ្ឋាភិបាល​ដក​ពាក្យ​បណ្ដឹង​ដែល​ប្តឹង​លោក ស ឡុងដេត បន្ទាប់ពី​ប្រកាស​សុំ​ចុះចូល​បក្ស​កាន់​អំណាច

មេធាវី​រាជរដ្ឋាភិបាល​កម្ពុជា​សម្រេច​ដក​ពាក្យបណ្ដឹង​ដែល​ប្តឹង​លោក ស ឡុងដេត បន្ទាប់ពី​មន្ត្រី​ជាន់ខ្ពស់​គណបក្ស​ភ្លើង​ទៀន​រូប​នេះ​ប្រកាស​ចុះចូល​ជាមួយ​គណបក្ស​ប្រជាជន​កម្ពុជា និង​ប្រកាស​ផ្តាច់​ខ្លួន​ពី​អតីត​មេដឹកនាំ​បក្ស​ប្រឆាំង​លោក សម រង្ស៊ី។ មេធាវី​រដ្ឋាភិបាល​កម្ពុជា លោក វិច សុវាចា បាន​ដាក់​ពាក្យ​ទៅ​កាន់​សាលាដំបូង​រាជធានី​ភ្នំពេញ កាលពី​ថ្ងៃទី​១៣ ខែ​មិថុនា ឆ្នាំ​២០២៣ ដើម្បី​សុំ​ដក​ពាក្យបណ្ដឹង​របស់​គណៈកម្មាធិការ​ជាតិ​រៀបចំ​ការ​ប្រកួត​កីឡា​ស៊ីហ្គេម លោក វ៉ាត ចំរើន ដែល​បាន​ប្តឹង​លោក ស ឡុងដេត កាលពី​ថ្ងៃទី​១២ មិថុនា កន្លងទៅ...

លោក អ៊ូ ច័ន្ទឫទ្ធិ ត្រូវ​បាន​ព្រះមហាក្សត្រ​លើកលែង​ទោស​បន្ទាប់ពី​ដក​ខ្លួន​ចេញពី​លោក សម រង្ស៊ី

បុរស​ខ្លាំង​កាន់​អំណាច​ជិត ៤០​ឆ្នាំ​នៅ​កម្ពុជា បាន​ទូល​ថ្វាយ​ព្រះមហាក្សត្រ​ឲ្យ​លើកលែង​ទោស​ដល់​អតីត​តំណាងរាស្ត្រ​លោក អ៊ូ ច័ន្ទឫទ្ធិ និង​សកម្មជន​ម្នាក់​ទៀត បន្ទាប់ពី​ផ្ដាច់​ខ្លួន​ចេញពី​លោក សម​រង្ស៊ី និង​បាន​សុំទោស​លោក ហ៊ុន សែន។ យោង​តាម​ព្រះរាជក្រឹត្យ​ព្រះករុណា​ព្រះបាទ​សម្ដេច​ព្រះ បរមនាថ នរោត្តម សីហមុនី នៅ​ថ្ងៃទី​០១ ខែ​មិថុនា ឆ្នាំ​២០២៣ នេះ បាន​ត្រាស់​បង្គាប់​លើកលែង​ទោស​លោក អ៊ូ ច័ន្ទឫទ្ធិ ដែល​ត្រូវ​បាន​តុលាការ​ផ្ដន្ទាទោស​ដាក់​ពន្ធនាគារ ២០​ឆ្នាំ​កាលពី​ថ្ងៃទី​១ ខែ​មីនា...

លោក អ៊ូ ច័ន្ទឫទ្ធិ ប្រកាស​ផ្តាច់​ខ្លួន​ពី​លោក សម រង្ស៊ី មក​ចុះចូល​ជាមួយ​លោក ហ៊ុន សែន ដើម្បី​រួច​ផុត​ពី​ការ​ចោទ​ប្រកាន់

មន្ត្រី​ជាន់ខ្ពស់​អតីត​គណបក្ស​សង្គ្រោះ​ជាតិ​ដែល​ស្និទ្ធ​នឹង​អតីត​មេដឹកនាំ​ប្រឆាំង​លោក សម រង្ស៊ី គឺ​លោក អ៊ូ ច័ន្ទឫទ្ធិ ប្រកាស​ផ្តាច់​ខ្លួន​ពី​មេ​បក្ស​របស់​ខ្លួន គឺ​លោក សម រង្ស៊ី ដោយ​ងាក​ទៅ​ចុះចូល​ជាមួយ​មេដឹកនាំ​បក្ស​កាន់​អំណាច​លោក ហ៊ុន សែន ដើម្បី​រួច​ផុត​ពី​ការ​ចោទប្រកាន់​កន្លងមក​ក្នុង​បំណង​វិលត្រឡប់​ទៅ​រស់នៅ​ប្រទេស​កម្ពុជា​វិញ។ អតីត​សមាជិក​គណៈកម្មាធិការ​អចិន្ត្រៃយ៍ និង​ជា​អតីត​តំណាងរាស្ត្រ​អតីត​គណបក្ស​សង្គ្រោះ​ជាតិ​លោក អ៊ូ ច័ន្ទឫទ្ធិ កាលពី​ថ្ងៃទី​៣១ ខែ​ឧសភា ឆ្នាំ​២០២៣ បាន​ចេញ​លិខិត​ស្នើសុំ​ឱ្យ​លោក ហ៊ុន សែន ជួយ​អន្តរាគមន៍​លើកលែង​ទោស...

លោក សម រង្ស៊ី ថា​អ្នក​សុំទោស​លោក ហ៊ុន សែន មិនមែន​ពួកគេ​ទទួល​យក​ការ​ចោទប្រកាន់​ទាំង​អយុត្តិធម៌​ទេ តែ​ដើម្បី​សេរីភាព

អតីត​មេដឹកនាំ​បក្ស​ប្រឆាំង​លោក សម រង្ស៊ី លើកឡើង​ថា អ្នក​ដែល​សរសេរ​លិខិត​សុំទោស​មេដឹកនាំ​បក្ស​កាន់​អំណាច​លោក ហ៊ុន សែន មិនមែន​មកពី​ពួកគេ​ទទួលយក​ការ​ចោទប្រកាន់​ទាំង​អយុត្តិធម៌​ថា​ជា​កំហុស​ខ្លួន​នោះ​ទេ ប៉ុន្តែ​ដោយសារតែ​ពួកគេ​ត្រូវការ​សេរីភាព​ដើម្បី​ត្រឡប់​ទៅ​ជួបជុំ​ក្រុម​គ្រួសារ​វិញ។ អតីត​មេដឹកនាំ​បក្ស​ប្រឆាំង​លោក សម រង្ស៊ី បាន​សរសេរ​លើ​ទំព័រ​ហ្វេសប៊ុក​របស់​ខ្លួន​កាលពី​ថ្ងៃទី​២៤ ឧសភា ថា ដោយសារតែ​អំណាច​គាបសង្កត់​របស់​លោក ហ៊ុន សែន ទើប​ធ្វើ​ឱ្យ​អ្នក​ដែល​ជាប់​ពន្ធនាគារ​បង្ខំ​ចិត្ត​ធ្វើ​លិខិត​សុំទោស​តាម​តែ​អ្វី​ដែល​មេដឹកនាំ​ផ្ដាច់ការ​នេះ​បង្ខំ​ឲ្យ​ធ្វើ ដែល​ជា​ថ្នូរ​អាច​ឱ្យ​ពួកគេ​មាន​ឱកាស​ទៅ​ជួបជុំ​គ្រួសារ​វិញ។ លោក​បន្ត​ថា សព្វថ្ងៃ​នេះ មេដឹកនាំ​បក្ស​កាន់​អំណាច​របស់​លោក ហ៊ុន សែន កំពុង​ប្រើ​អំណាច​ចាប់​ខ្លួន​ពលរដ្ឋ​ខ្មែរ​គ្រប់​គ្នា​នៅ​ទូទាំង​ប្រទេស​ធ្វើ​ជា​ចំណាប់ខ្មាំង...

លោក អ៊ុំ សំអាន ប្ដេជ្ញា​មិន​លក់​ឧត្តមគតិ​ចុះចូល​ជាមួយ​គណបក្ស​ប្រជាជន​កម្ពុជា​ឡើយ

មន្ត្រី​ជាន់ខ្ពស់​អតីត​គណបក្ស​សង្គ្រោះ​ជាតិ លោក អ៊ុំ សំអាន ប្ដេជ្ញា​មិន​លក់​ឧត្តមគតិ​របស់​ខ្លួន​ចុះចូល​ជាមួយ​គណបក្ស​ប្រជាជន​កម្ពុជា ដើម្បី​បម្រើ​ជន​ក្បត់​ជាតិ​កាត់​ទឹកដី​ខ្មែរ​ឲ្យ​បរទេស​ឈ្លានពាន គឺ​លោក ហ៊ុន សែន ជាដាច់ខាត ទោះ​ជាតិ​នេះ ឬ​ជាតិ​ក្រោយ។ អតីត​មន្ត្រី​ជាន់ខ្ពស់​គណបក្ស​សង្គ្រោះ​ជាតិ លោក អ៊ុំ សំអាន បាន​សរសេរ​លើ​គណនី​ហ្វេសប៊ុក​របស់​ខ្លួន​កាលពី​ថ្ងៃទី​២៣ ឧសភា ថា លោក​បាន​តាំងចិត្ត​រួច​ហើយ​ថា​នឹង​មិន​ចុះចូល​ជាមួយ​អ្នក​ដែល​ធ្លាប់​ចាប់​ឃុំ​ខ្លួន​លោក​ទាំង​អយុត្តិធម៌​ដាច់ខាត ព្រោះ​លោក​មិនមែន​មនុស្ស​ដែល​លក់​ឧត្តមគតិ​បម្រើ​ជន​ក្បត់​ជាតិ​ផ្ដាច់ការ​ដូចជា​លោក ហ៊ុន សែន ដើម្បី​តែ​លាភសក្ការៈ និង​បុណ្យ​ស័ក្តិ...

Latest news