26 C
Phnom Penh

TAG

សមយុទ្ធ​យោធា

អគ្គមេបញ្ជាការ​រង៖ សមយុទ្ធ​នាគ​មាស​ដើម្បី​ការពារ​ដែន​សមុទ្រ​និង​បូរណភាព​ទឹកដី​ពី​បច្ចាមិត្ត

អគ្គមេបញ្ជាការ​រង​កងទ័ព​ជាតិ លើកឡើង​ថា ការ​ធ្វើ​សមយុទ្ធ​នាគ​មាស​រវាង​កងទ័ព​ជើងទឹក​ខ្មែរ និង​កងទ័ព​ចិន លើក​ទី​៦ នេះ គឺ​ដើម្បី​ការពារ​ដែនសមុទ្រ និង​បូរណភាព​ទឹកដី​ប្រទេស​កម្ពុជា​ពី​ការ​ឈ្លានពាន​ណា​មួយ​ពី​បច្ចាមិត្ត។ មេ​ទ័ព​កម្ពុជា​រូប​នេះ​បញ្ជាក់​ថា កិច្ចការ​ការពារ​លំហ​សមុទ្រ គឺជា​រឿង​សំខាន់​បំផុត​សម្រាប់​កងទ័ព​ជើងទឹក ហើយ​ការ​ពង្រឹង​សមត្ថភាព​កងទ័ព​នេះ គឺជា​ការងារ​ចាំបាច់​ដែល​ប្រទេស​កម្ពុជា​ត្រូវតែ​ធ្វើ។ អគ្គមេបញ្ជាការ​រង​កងយោធពល​ខេមរភូមិន្ទ ឧត្តមសេនីយ៍ ឥត សារ៉ាត់ លើកឡើង​ក្នុង​ពិធី​បិទ​បញ្ចប់​សមយុទ្ធ​នាគ​មាស​រវាង​ប្រទេស​កម្ពុជា និង​ចិន កាលពី​ថ្ងៃទី​២៧ ខែ​ឧសភា នេះ​ថា សមយុទ្ធ​នេះ​ធ្វើ​ឡើង​ក្នុង​គោលបំណង​បង្កើន​សមត្ថភាព​កងទ័ព​នៃ​ប្រទេស​ទាំង​ពីរ​ឲ្យ​កាន់តែ​ល្អ​ប្រសើរ​ប៉ុណ្ណោះ ជាពិសេស​គឺ​ការ​ប្រយុទ្ធ​ប្រឆាំង​ភេរវកម្ម​តាម​លំហ​សមុទ្រ​ក្នុង​ពេល​បច្ចុប្បន្ន​នេះ។ លោក ឥត សារ៉ាត់...

សមយុទ្ធ​នាគ​មាស​កម្ពុជា-ចិន​ចាប់ផ្តើម​ជា​ផ្លូវការ​ដោយ​ស្ថិត​នៅ​ក្រោម​ក្រសែភ្នែក​អាមេរិក​និង​អ្នក​តាមដាន​សង្គម

សមយុទ្ធ​នាគ​មាស​លើក​ទី​៦ ដែល​មាន​ទំហំ​ធំ​ជាង​លើក​មុនៗ​រវាង​កងកម្លាំង​នៃ​កងយោធពល​ខេមរភូមិន្ទ និង​កងទ័ព​រំដោះ​ប្រជាជន​ចិន ជាង ២​ពាន់​នាក់ អម​ដោយ​នាវាចម្បាំង​ចំនួន ១៤​គ្រឿង និង​សម្ភារៈ​យោធា​ជាច្រើន​ទៀត បាន​ចាប់ផ្តើម​ជា​ផ្លូវការ​នៅ​ព្រឹក​ថ្ងៃទី​១៦ ខែ​ឧសភា ឆ្នាំ​២០២៤ នេះ ស្ថិត​នៅ​ក្នុង​ភូមិ​ច្រកកូវ ឃុំ​ពាម ស្រុក​សាមគ្គីមានជ័យ ខេត្ត​កំពង់ឆ្នាំង ខណៈ​ក្រុម​អ្នក​តាមដាន​សង្គម​កំពុងតែ​យកចិត្ត​ទុកដាក់​យ៉ាង​ខ្លាំង​ចំពោះ​វត្តមាន​កងទ័ព​ចិន នៅ​លើ​ទឹកដី​កម្ពុជា។ អ្នក​នាំពាក្យ​អគ្គបញ្ជាការដ្ឋាន​នៃ​កងយោធពល​ខេមរភូមិន្ទ លោក​ឧត្តមសេនីយ៍ទោ ថោង សូលីម៉ូ បាន​បញ្ជាក់​ប្រាប់​អ្នក​សារព័ត៌មាន​ថា សម្រាប់​លំហាត់​សមយុទ្ធ​នាគ​មាស​លើក​ទី​៦ មាន​ការ​ចូលរួម​ពី​កងទ័ព​ជើងគោក...

អ្នក​នាំពាក្យ​អះអាង​ថា​សមយុទ្ធ​នាគ​មាស​រវាង​កម្ពុជា និង​ចិន មិន​គំរាមកំហែង​ប្រទេស​ណា​ឡើយ

អ្នក​នាំពាក្យ​នៃ​អគ្គបញ្ជាការដ្ឋាន​នៃ​កងយោធពល​ខេមរភូមិន្ទ លោក ថោង សូលីម៉ូ អះអាង​ថា សមយុទ្ធ​នាគ​មាស​រវាង​កម្ពុជា និង​ចិន មិន​គំរាមកំហែង​ប្រទេស​ណា​ឡើយ ខណៈ​សមយុទ្ធ​នាគ​មាស​រួម​គ្នា នឹង​ចាប់ផ្តើម​ពី​ថ្ងៃទី​១៦ ដល់​ថ្ងៃទី​៣០ ខែ​ឧសភា នេះ នៅ​ភ្នំ​ជុំសែនរីករាយ ខេត្ត​កំពង់ឆ្នាំង និង​ខេត្ត​ព្រះសីហនុ។ បើ​តាម​អ្នក​នាំពាក្យ​នៃ​អគ្គបញ្ជាការដ្ឋាន​នៃ​កងយោធពល​ខេមរភូមិន្ទ​រូប​នេះ​ឲ្យ​ដឹង​ទៀត​ថា សមយុទ្ធ​នាគ​មាស នឹង​ធ្វើ​ឡើង​នៅ​ភ្នំ​ជុំសែនរីករាយ ខេត្ត​កំពង់ឆ្នាំង និង​ខេត្ត​ព្រះសីហនុ ក្រោម​ប្រធានបទ «ប្រតិបត្តិការ​ប្រឆាំង​អំពើ​ភេរវកម្ម​រួម និង​សង្គ្រោះ​មនុស្សធម៌»។ លោក ថោង...

អ្នក​នាំពាក្យ​អះអាង​ថា​នាវាចម្បាំង​របស់​ចិន​នឹង​វិលត្រឡប់​ទៅ​ប្រទេស​ចិន​វិញ​ក្រោយ​បញ្ចប់​សមយុទ្ធ​នាគ​មាស

នាវា​ពីរ​គ្រឿង​ដែល​ជា​នាវា​ហ្វឹកហ្វឺន និង​នាវាចម្បាំង​របស់​ចិន នៅ​លើ​ទឹក​កម្ពុជា ចាប់ពី​ពាក់កណ្ដាល​ខែ​ឧសភា ដល់​ពាក់កណ្ដាល​ខែ​មិថុនា ឆ្នាំ​២០២៤ នឹង​វិលត្រឡប់​ទៅ​ប្រទេស​ចិន​វិញ ក្រោយ​បញ្ចប់​សមយុទ្ធ​នាគ​មាស​រួម​គ្នា​ជាមួយ​កងទ័ព​កម្ពុជា នៅ​ពាក់កណ្តាល​ខែ​ឧសភា ក្នុង​ខេត្ត​កំពង់ឆ្នាំង និង​ខេត្ត​ព្រះសីហនុ។ អ្នក​នាំពាក្យ​អគ្គបញ្ជាការដ្ឋាន​កងយោធពល​ខេមរភូមិន្ទ​លោក ថោង សូលីម៉ូ បាន​ប្រាប់​សារព័ត៌មាន​ក្នុង​ស្រុក​ថា នាវា​ទាំង​ពីរ​គ្រឿង​របស់​ចិន នឹង​ដឹក​គ្រឿង​បរិក្ខារ និង​កងទ័ព​ដើម្បី​មក​ចូលរួម​ធ្វើ​សមយុទ្ធ​នាគ​មាស​នៅ​ឆ្នាំ​២០២៤ នេះ។ ក្រោយ​បញ្ចប់​ធ្វើ​សមយុទ្ធ​នាគ​មាស​នេះ​រួច នាវា និង​កងទ័ព​ទាំងនោះ​នឹង​វិលត្រឡប់​ទៅ​ប្រទេស​ចិន វិញ គឺ​មិន​ស្ថិត​នៅ​ក្នុង​កម្ពុជា ដល់​ពាក់កណ្ដាល​ខែ​មិថុនា...

ក្រសួង​ការពារ​ជាតិ​កម្ពុជា​ថា​នាវា​កងទ័ព​ចិន​នៅ​មូលដ្ឋាន​រាម​គឺ​ដើម្បី​ត្រៀម​ធ្វើ​សមយុទ្ធ​នាគ​មាស​នៅ​ពាក់កណ្តាល​ខែ​ឧសភា

ក្រសួង​ការពារ​ជាតិ បាន​អះអាង​នៅ​ថ្ងៃ​ពុធ ទី​៨ ខែ​ឧសភា នេះ​ថា វត្តមាន​នាវា​កងទ័ព​ចិន ២​គ្រឿង​ដែល​បាន​ចូល​សំចត​នៅ​មូលដ្ឋាន​សមុទ្រ​រាម ខេត្ត​ព្រះសីហនុ គឺ​ដើម្បី​ត្រៀម​ធ្វើ​សមយុទ្ធ​នាគ​មាស​រវាង​យោធា​ចិន និង​កម្ពុជា លើក​ទី​៦ ដែល​នឹង​ចាប់ផ្តើម​ពី​ថ្ងៃទី​១៦ ដល់​ថ្ងៃទី​៣០ ខែ​ឧសភា ខាងមុខ​នេះ។ តាមរយៈ​ទំព័រ​ហ្វេសប៊ុក​ក្រសួង​ការពារ​ជាតិ នៅ​ថ្ងៃ​ពុធ ទី​៨ ឧសភា នេះ អ្នក​នាំពាក្យ​ក្រសួង​ការពារ​ជាតិ លោក ឈុំ សុជាត បាន​អះអាង​ថា...

ណាតូ​ធ្វើ​សមយុទ្ធ​ទ័ព​អាកាស​ដ៏​ធំ​បំផុត​មាន​យន្តហោះ​ចម្បាំង​២៥០​គ្រឿង​មកពី​២៥​ប្រទេស

មហា​សមយុទ្ធ​ទ័ព​ជើង​អាកាស​របស់​ណាតូ ចាប់ផ្ដើម​ហើយ ដែល​ប្រទេស​អាល្លឺម៉ង់ ជា​អ្នក​រៀបចំ​ព្រឹត្តិការណ៍​នេះ។ ក្រសួង​ការពារ​ជាតិ​អាល្លឺម៉ង់ ប្រកាស​ថា អង្គការ​ណាតូ ចាប់ផ្តើម​ធ្វើ​សមយុទ្ធ​កងទ័ព​អាកាស​ក្នុង​ទ្រង់ទ្រាយ​ធំ​បំផុត​នៅ​អឺរ៉ុប ដែល​មិន​ធ្លាប់​មាន​ពី​មុន​មក គឺជា​សញ្ញា​មួយ​បង្ហាញ​ពី​ការ​រួម​សាមគ្គីភាព និង​អានុភាព​របស់​បក្ស​សម្ព័ន្ធ​យោធា​លោក​ខាងលិច​មួយ​នេះ។ យោង​តាម​សារព័ត៌មាន Greek Reporter បាន​ចុះផ្សាយ​នៅ​ថ្ងៃ​ចន្ទ ទី​១២ ខែ​មិថុនា ថា សមយុទ្ធ Air Defender 23 ដែល​រៀបចំ​ដោយ​ប្រទេស​អាល្លឺម៉ង់ ប្រព្រឹត្ត​ទៅ​រហូត​ដល់​ថ្ងៃទី​២៣ ខែ​មិថុនា...

លោក ទៀ បាញ់៖ សមយុទ្ធ​ជាមួយ​ចិន​គឺ​បង្ហាញ​ពិភពលោក​ពី​មិត្ត​ដែកថែប​មិន​អាច​បំបែក​បាន

អគ្គមេបញ្ជាការ​កងយោធពល​ខេមរភូមិន្ទ លោក ទៀ បាញ់ អះអាង​ថា ការ​ធ្វើ​សមយុទ្ធ​នាគ​មាស​រវាង​កម្ពុជា-ចិន​នៅ​ពេលនេះ គឺជា​សញ្ញា​មួយ​បង្ហាញ​ទៅ​កាន់​ពិភពលោក​កាន់តែ​ច្បាស់​ថា មិត្តភាព​ដែកថែប​រវាង​កម្ពុជា-ចិន មិន​អាច​បរទេស​ណា​បំបែក​បាន​ឡើយ ក្នុង​នោះ​លោក ទៀ បាញ់ ព្រមាន​ថា កម្ពុជា​នឹង​បដិសេធ​ដាច់ខាត​នូវ​ការ​ជ្រៀតជ្រែក​កិច្ចការ​ផ្ទៃក្នុង​របស់​កម្ពុជា​ពី​បរទេស​នានា។ រដ្ឋមន្ត្រី​ក្រសួង​ការពារ​ជាតិ​កម្ពុជា លោក ទៀ បាញ់ លើកឡើង​ក្នុង​ពិធី​បិទ​បញ្ចប់​សមយុទ្ធ​នាគ​មាស​កម្ពុជា-ចិន នៅ​ថ្ងៃទី​៥ ខែ​មេសា នេះ​ថា ការ​ធ្វើ​សមយុទ្ធ​នាគ​មាស​រួម​គ្នា​ក្នុង​ឆ្នាំ​២០២៣ នេះ បាន​បង្ហាញ​ដល់​ពិភពលោក​កាន់តែ​ច្បាស់​ថា...

លោក ហ៊ុន ម៉ាណែត៖ សមយុទ្ធ​នាគ​មាស​ជា​ការ​កសាង​សហគមន៍​វាសនា​រួម​កម្ពុជា-ចិន​ឱ្យ​កាន់តែ​រឹងមាំ

កូនប្រុស​មេដឹកនាំ​ក្រាញ​អំណាច​ដែល​ត្រៀម​ស្នង​តំណែង​ជា​នាយករដ្ឋមន្ត្រី លោក ហ៊ុន ម៉ាណែត អះអាង​ថា សមយុទ្ធ​នាគ​មាស​កម្ពុជា-ចិន ឆ្នាំ​២០២៣ នេះ នឹង​ចូលរួម​ចំណែក​យ៉ាង​សំខាន់​ក្នុង​ការ​គាំទ្រ​ដល់​ដំណើរការ​ទៅ​មុខ​នៃ​ភាព​ជា​ដៃគូ​យុទ្ធសាស្ត្រ​គ្រប់​ជ្រុងជ្រោយ ក៏ដូចជា​ការ​កសាង​សហគមន៍​វាសនា​រួម​កម្ពុជា-ចិន ឱ្យ​កាន់តែ​រឹងមាំ។ បេក្ខជន​អនាគត​នាយករដ្ឋមន្ត្រី​បក្ស​កាន់​អំណាច លោក ហ៊ុន ម៉ាណែត លើកឡើង​ក្នុង​ពិធី​បើក​សមយុទ្ធ​រួម​គ្នា​រវាង​កងទ័ព​កម្ពុជា-ចិន នៅ​មជ្ឈមណ្ឌល​ហ្វឹកហ្វឺន​កងរាជ​អាវុធហត្ថ​ភ្នំ​ជុំសែនរីករាយ ស្ថិត​ក្នុង​ខេត្ត​កំពង់ឆ្នាំង នៅ​ថ្ងៃទី​២៣ ខែ​មីនា ឆ្នាំ​២០២៣ នេះ​ថា ផ្តើម​ចេញពី​ទំនាក់ទំនង​ក្នុង​ប្រវត្តិសាស្ត្រ​រាប់​ពាន់​ឆ្នាំ និង​ការ​បង្កើត​ចំណង​ការទូត​រហូត​មក​ដល់​បច្ចុប្បន្ន​នេះ កម្ពុជា-ចិន​មាន​កិច្ច​សហប្រតិបត្តិការ​ល្អ​លើ​គ្រប់​វិស័យ...

កម្ដៅ​នៃ​ភ្នក់ភ្លើង​សង្គ្រាម​នៅ​អាស៊ី​កំពុង​ស្ថិត​លើ​វិថី​ដ៏​ផុយ​ស្រួយ

អាស៊ី​ជា​ទ្វីប​មួយ​ដ៏​ធំ​នៃ​ពិភពលោក តែ​ទ្វីប​នេះ​កំពុង​ស្ថិត​នៅ​លើ​វិថី​ទៅ​រក​ភ្នក់ភ្លើង​សង្គ្រាម ដែល​មើល​ទៅ​ពិបាក​ជៀស​រួច​ណាស់។ ប្រទេស​ដែល​មាន​សក្ដានុពល​ផ្នែក​កងទ័ព​កំពុងតែ​គំរាម​គ្នា​ទៅវិញ​ទៅមក។ ប្រទេស​ធំ​ក្នុង​តំបន់ និង​ក្រៅ​តំបន់ កំពុង​ពង្រឹង​អនុត្តរភាព​របស់​ខ្លួន​ក្នុង​ទ្វីប​ដ៏​ធំ​មួយ​នេះ។ នៅ​ថ្ងៃ​នេះ កម្ដៅ​នៃ​ភ្នក់ភ្លើង​សង្គ្រាម​នៅ​អាស៊ី​កំពុង​ស្ថិត​លើ​វិថី​ដ៏​ផុយ​ស្រួយ​ហើយ។ ទីភ្នាក់ងារ​សារព័ត៌មាន AFP នៅ​ថ្ងៃ​អង្គារ ទី​១៤ ខែ​មីនា នេះ បាន​រាយការណ៍​មក​ថា ល្បែង​សង្គ្រាម​កំពុង​ប្រព្រឹត្ត​ទៅ​ក្នុង​តំបន់​អាស៊ី​នេះ​មាន​នៅ​សមុទ្រ​ចិន​ខាងត្បូង និង​សមុទ្រ​ចិន​ខាងកើត​នៃ​ឧបទ្វីប​កូរ៉េ។ សហរដ្ឋ​អាមេរិក និង​ហ្វីលីពីន ចាប់ផ្ដើម​ធ្វើ​សមយុទ្ធ​រួម​គ្នា​ដែល​មាន​រយៈពេល ២១​ថ្ងៃ​នៅ​សមុទ្រ​ចិន​ខាងត្បូង ដែល​ជា​ល្បែង​សង្គ្រាម​ធ្វើឡើង​នៅ​ចំពោះ​មុខ​ប្រទេស​អនុត្តរភាព​ដ៏​ធំ​ក្នុង​តំបន់ គឺ​ប្រទេស​ចិន។ ហ្វីលីពីន និង​សហរដ្ឋ​អាមេរិក បាន​ចាប់ផ្ដើម​ធ្វើ​សមយុទ្ធ​យោធា​រួម​គ្នា​មួយ​ដែល​ផ្ដោត​ជា​សំខាន់​លើ​ការ​ពង្រឹង​សមត្ថភាព​របស់​កងទ័ព​ហ្វីលីពីន...

សមយុទ្ធ​ពស់វែក​មាស​ដឹកនាំ​ដោយ​ថៃ​និង​អាមេរិក​ចាប់ផ្ដើម​ដោយ​មាន​ទ័ព​អាមេរិក​៦​ពាន់​នាក់

នៅ​ថ្ងៃ​អង្គារ​នេះ ប្រទេស​ថៃ និង​សហរដ្ឋ​អាមេរិក បាន​ចាប់ផ្តើម​ដឹកនាំ​ការ​ធ្វើ​សមយុទ្ធ​យោធា​ប្រចាំ​ឆ្នាំ​ធំ​មួយ​ដែល​មាន​កងទ័ព​អាមេរិក ៦​ពាន់​នាក់​ចូលរួម ជាមួយ​នឹង​កងទ័ព​មួយ​ចំនួន​មកពី ៣០​ប្រទេស។ នេះ​បើ​តាម​ការ​ចេញ​ផ្សាយ​ដោយ​ទីភ្នាក់ងារ​ព័ត៌មាន AFP នៅ​ថ្ងៃ​អង្គារ ទី​២៨ ខែ​កុម្ភៈ ឆ្នាំ​២០២៣។ សមយុទ្ធ «ពស់វែក​មាស» ដែល​បង្កើត​ឡើង​ដំបូង​តាំងពី​ឆ្នាំ​១៩៨២ គឺជា​សមយុទ្ធ​យោធា​ពហុភាគី​ដ៏​ចំណាស់​បំផុត​មួយ​របស់​ពិភពលោក និង​ធំ​ជាងគេ​បង្អស់​ប្រចាំ​នៅ​តំបន់​អាស៊ី​អាគ្នេយ៍។ ល្បែង​លំហាត់​យោធា​នេះ ជា​គន្លឹះ​មួយ​សម្រាប់​ឱ្យ​ទីក្រុង​វ៉ាស៊ីនតោន ពង្រឹង​សម្ព័ន្ធភាព​របស់​ខ្លួន​នៅ​តំបន់​អាស៊ី ក្នុង​កាលៈទេសៈ​ដែល​អាមេរិក​កំពុង​ប្រឈម​ការ​ប្រកួតប្រជែង​កាន់តែ​ខ្លាំង​ឡើង​ពី​សំណាក់​ប្រទេស​ចិន។ បន្ទាប់ពី​ត្រូវ​បាន​កាត់បន្ថយ​ចំនួន​ទ័ព​អំឡុង​ការ​រាតត្បាត​នៃ​ជំងឺ​កូវីដ-១៩ តែ​សម្រាប់​ឆ្នាំ​នេះ កងទ័ព​អាមេរិក​ជាង ៦០០០​នាក់​ចូលរួម​ក្នុង​សមយុទ្ធ​ដែល​ជា​ចំនួន​ច្រើន​មិន​ធ្លាប់​មាន​ក្នុង​រយៈពេល​មួយ​ទសវត្សរ៍​ចុងក្រោយ​នេះ។...

Latest news