32 C
Phnom Penh

TAG

សិទ្ធិមនុស្ស

ក្រុម​សិទ្ធិមនុស្ស​លោក ហ៊ុន សែន ថា​ខ្លួន​កំពុង​ធ្វើ​ច្បាប់​មួយ​ធានា​នូវ​ការ​លើក​កម្ពស់​និង​គោរព​សិទ្ធិមនុស្ស

មន្ត្រី​សិទ្ធិមនុស្ស​របស់​រដ្ឋាភិបាល​កម្ពុជា អះអាង​ថា សេចក្តី​ព្រាងច្បាប់​ស្ដីពី​ការ​រៀបចំ និង​ការ​ប្រព្រឹត្ត​ទៅ​នៃ​គណៈកម្មាធិការ​ជាតិ​សិទ្ធិមនុស្ស​កម្ពុជា ពិត​ជា​មាន​សារសំខាន់​ដើម្បី​ធានា​ថា ច្បាប់​នេះ​បម្រើ​ប្រយោជន៍​ដល់​ពលរដ្ឋ​គ្រប់​រូប ជាពិសេស​ធានា​បាន​នូវ​ការ​ការពារ ការ​លើក​កម្ពស់ និង​គោរព​សិទ្ធិមនុស្ស​នៅ​កម្ពុជា​កាន់តែ​ប្រសើរ​ឡើង​ថែមទៀត។ ប្រធាន​គណៈកម្មាធិការ​សិទ្ធិមនុស្ស​កម្ពុជា លោក កែវ រ៉េមី អះអាង​ថា ខ្លឹមសារ​នៃ​សេចក្ដី​ព្រាងច្បាប់​នេះ​សំដៅ​ធ្វើ​យ៉ាង​ណា​ឱ្យ​គណៈកម្មាធិការ​ជាតិ​សិទ្ធិមនុស្ស​កម្ពុជា ដែល​នឹង​ត្រូវ​បង្កើត​ឡើង គឺ​ជា​ស្ថាប័ន​ឯករាជ្យ​ប្រកប​ដោយ​វិជ្ជាជីវៈ និង​ធានា​នូវ​ការ​ការពារ លើក​កម្ពស់ និង​គោរព​សិទ្ធិមនុស្ស​ចំពោះ​ប្រជាពលរដ្ឋ​គ្រប់​រូប​ដោយ​មិន​មាន​ការ​រើសអើង។ ការ​អះអាង​របស់​លោក កែវ រ៉េមី ធ្វើឡើង​នៅ​ក្នុង​សិក្ខាសាលា​ស្ដីពី​ការ​រៀបចំ និង​ការ​ប្រព្រឹត្ត​ទៅ​នៃ​គណៈកម្មាធិការ​ជាតិ​សិទ្ធិមនុស្ស​កម្ពុជា នៅ​សកលវិទ្យាល័យ​ភូមិន្ទ​ភ្នំពេញ...

អ្នក​ឃ្លាំមើល​សិទ្ធិមនុស្ស​ថា​វិធានការ​កម្ពុជា​លើ​មេធាវី​អន្តរជាតិ​បង្ហាញ​ពី​ការ​រឹតត្បិត​សេរីភាព​បញ្ចេញមតិ

មន្ត្រី​សង្គម​ស៊ីវិល​ទទួល​បន្ទុក​ការពារ​សិទ្ធិមនុស្ស​នៅ​កម្ពុជា លើកឡើង​ថា វិធានការ​របស់​កម្ពុជា​លើ​មេធាវី​អន្តរជាតិ លោក ចារិត ជិនស័រ (Jared Genser) គ្រាន់តែ​បង្ហាញ​ពី​ការ​អនុវត្ត​ច្បាប់​របស់​កម្ពុជា ថា​ខ្លួន​កំពុង​រឹតត្បិត​សេរីភាព​ក្នុង​ការ​បញ្ចេញមតិ​តែប៉ុណ្ណោះ ហើយ​ការ​ធ្វើ​បែប​នេះ​មិនមែន​ជា​រឿង​ល្អ​សម្រាប់​កម្ពុជា​នោះ​ឡើយ។ អ្នក​នាំពាក្យ​សមាគម​ការពារ​សិទ្ធិមនុស្ស​អាដហុក លោក ស៊ឹង សែនករុណា បាន​ប្រាប់​សារព័ត៌មាន The Cambodia Daily នៅ​ថ្ងៃ​ទី​២១ មករា នេះ​ថា លោក ចារិត ជិនស័រ...

ក្រុមប្រឹក្សា​ឃ្លាំមើល​អំពាវនាវ​ឱ្យ​រដ្ឋាភិបាល​ដោះលែង​អ្នកទោស​នយោបាយ​និង​សង្គម

ក្រុមប្រឹក្សា​ឃ្លាំមើល​កម្ពុជា បាន​អំពាវនាវ​ឱ្យ​តុលាការ និង​រដ្ឋាភិបាល​កម្ពុជា ដោះលែង​អ្នកទោស​នយោបាយ និង​សកម្មជន​សង្គម ដោយ​បារម្ភ​ពី​ការ​ឆ្លង​រាលដាល​ជំងឺ Covid-19 ប្រភេទ​ថ្មី «អូមីក្រុង» ចូល​ទៅ​ក្នុង​ពន្ធនាគារ ខណៈ​ពន្ធនាគារ​បច្ចុប្បន្ន​កំពុង​មាន​ស្ថានភាព​ចង្អៀត​ណែន។ ក្នុង​សេចក្ដី​ថ្លែងការណ៍​របស់​ក្រុមប្រឹក្សា​ឃ្លាំមើល​កម្ពុជា ចុះ​ថ្ងៃ​ទី​១៩ ខែ​មករា ឆ្នាំ​២០២២ លើកឡើង​ថា ពន្ធនាគារ​នានា​នៅ​ទូទាំង​ប្រទេស​កម្ពុជា នៅ​មិនទាន់​បាន​ប្រតិបត្តិ​ត្រឹមត្រូវ​ទៅ​តាម​វិធាន​សុខាភិបាល​របស់​ក្រសួង​សុខាភិបាល នៅឡើយ។ ករណី​នេះ ក្រុមប្រឹក្សា​ឃ្លាំមើល​កម្ពុជា​បង្ហាញ​ការ​ព្រួយបារម្ភ បើសិនជា​ជំងឺ Covid-19 ប្រភេទ​ថ្មី «អូមីក្រុង» ឆ្លង​រីក​រាលដាល​ចូល​ទៅ​ក្នុង​ពន្ធនាគារ​ព្រៃស...

មន្ទីរ​ព័ត៌មាន​ខេត្ត​រតនគិរី​បញ្ជា​ឱ្យ​ភ្នាក់ងារ​សារព័ត៌មាន​តម្កល់​ប័ណ្ណ​សម្គាល់​ឬ​អាជ្ញាប័ណ្ណ

ប្រធាន​មន្ទីរ​ព័ត៌មាន​ខេត្ត​រតនគិរី បញ្ជា​ឱ្យ​ចាងហ្វាង​កាសែត និង​ភ្នាក់ងារ​សារព័ត៌មាន​ទាំងអស់​ប្រចាំ​ខេត្ត​រតនគិរី យក​ប័ណ្ណ​សម្គាល់​ភ្នាក់ងារ​សារព័ត៌មាន ឬ​អាជ្ញាប័ណ្ណ​ដែល​មាន​សុពលភាព​សម្រាប់​ឆ្នាំ​២០២២ ទៅ​តម្កល់​នៅ​មន្ទីរ​សារព័ត៌មាន​ខេត្ត​រតនគិរី ចាប់ពី​ថ្ងៃ​ទី​១៩ ខែ​មីនា ឆ្នាំ​២០២២ ជាកំហិត។ ប្រធាន​មន្ទីរ​ព័ត៌មាន​ខេត្ត​រតនគិរី លោក កុល ផាន់ណា បាន​ចេញ​លិខិត​ជូនដំណឹង​នៅ​ថ្ងៃ​ទី​២០ ខែ​មករា ឆ្នាំ​២០២២ នេះ​ដល់​ចាងហ្វាង​កាសែត ម្ចាស់​គេហទំព័រ ចាងហ្វាង TV Online អគ្គនាយក​ទស្សនាវដី្ត និង​ភ្នាក់ងារ​សារព័ត៌មាន​ទាំងអស់​ប្រចាំ​ខេត្ត​រតនគិរី ថា...

បុគ្គលិក​ណាហ្គា​សុំ​ស្ថានទូត​ប្រទេស​លោកសេរី​ជួយ​ជំរុញ​រដ្ឋាភិបាល​កម្ពុជា​ឱ្យ​ដោះលែង​តំណាង​និង​ដោះស្រាយ​វិវាទ​ការងារ

បុគ្គលិក​និង​សមាជិក​សហជីព​នៃ​ក្រុមហ៊ុន ណាហ្គា​វើលដ៍ (NAGA World) បាន​នាំគ្នា​ដាក់​ញត្តិ​នៅ​ស្ថានទូត​ប្រទេស​មហាអំណាច​ធំៗ​ប្រចាំ​កម្ពុជា ដើម្បី​សុំ​ឱ្យ​ស្ថានទូត​ទាំងនោះ​ជួយ​ជំរុញ និង​អន្តរាគមន៍​ទៅ​រដ្ឋាភិបាល និង​ស្ថាប័ន​ពាក់ព័ន្ធ ដោះលែង​តំណាង ៨​នាក់​ជាបន្ទាន់ និង​ឥត​លក្ខខណ្ឌ រួម​ទាំង​ដោះស្រាយ​វិវាទ​ការងារ​របស់​ពួកគេ។ តំណាង​បុគ្គលិក និយោជិត និង​សមាជិក​សហជីព​នៃ​ក្រុមហ៊ុន ណាហ្គា​វើលដ៍ ប្រមាណ ២៥​នាក់ នៅ​ថ្ងៃ​ទី​១៧ ខែ​មករា ឆ្នាំ​២០២២ បាន​នាំគ្នា​យក​ញត្តិ​ដែល​មាន​ស្នាម​មេដៃ​បុគ្គលិក​កំពុង​ធ្វើ​កូដកម្ម​សរុប​ជាង ១​ពាន់​នាក់ ដាក់​ទៅ​ស្ថានទូត​មួយ​ចំនួន​ប្រចាំ​ប្រទេស​កម្ពុជា។ ស្ថានទូត​ទាំងនោះ​មាន​សហរដ្ឋ​អាមេរិក...

អ្នក​ឃ្លាំមើល៖ ការ​ព្រងើយ​កន្តើយ​របស់​រដ្ឋាភិបាល​បណ្តាល​ឱ្យ​ពលករ​ខ្មែរ​នៅ​ជប៉ុន​រស់​ស្មើ​នឹង​ទាសករ

ក្រុម​អ្នក​ឃ្លាំមើល​សិទ្ធិ​ការងារ​កម្មករ​ខ្មែរ ត្អូញត្អែរ​ថា ការ​ព្រងើយ​កន្តើយ​ពី​សំណាក់​រដ្ឋាភិបាល​កម្ពុជា បណ្តាល​ឱ្យ​ជីវិត​ពលករ​ខ្មែរ​ចំណាកស្រុក​ក្នុង​ប្រទេស​ជប៉ុន រស់​ស្មើ​នឹង​ទាសករ​របស់​រោងចក្រ ដែល​ទទួល​រង​នូវ​ការ​រំលោភ​សិទ្ធិ​ការងារ អំពើ​ហិង្សា រហូត​ដល់​បាត់បង់​ជីវិត​ថែម​ទៀត។ សមាជិក​សហជីព General Support Union-NPO/POSSE ក្នុង​ទីក្រុង​តូក្យូ អ្នកស្រី ម៉ៃ តាកិម៉ូរ៉ា បាន​លើកឡើង​ក្នុង​កម្មវិធី Idea Talk នៃ​សារព័ត៌មាន The Cambodia Daily កាលពី​ថ្ងៃ​ទី​១១ ខែ​មករា...

អ្នក​ឃ្លាំមើល៖ ការ​ចាប់​ខ្លួន​ប្រធាន​សហជីព​ណាហ្គា​ដាក់​គុក គឺ​បង្ហាញ​ភាព​លម្អៀង​របស់​អាជ្ញាធរ​ទៅ​ក្រុមហ៊ុន

ក្រុម​អ្នក​ឃ្លាំមើល​សង្គម​រិះគន់​ថា ការ​ចាប់​ខ្លួន​ប្រធាន​សហជីព​នៃ​ក្រុមហ៊ុន ណាហ្គា​វើលដ៍ (NAGA World) ដាក់​ពន្ធនាគារ និង​ការ​គាបសង្កត់​តាម​រូបភាព​ផ្សេង​ទៀត គឺ​បង្ហាញ​ពី​ភាព​លម្អៀង​របស់​អាជ្ញាធរ​ទៅ​ខាង​ក្រុមហ៊ុន​កាស៊ីណូ ដែល​ជា​ហេតុ​ធ្វើ​ឱ្យ​រាជការ​បាត់បង់​នូវ​អព្យាក្រឹត និង​យុត្តិធម៌​ក្នុង​ការ​អនុវត្ត​ច្បាប់​របស់​ខ្លួន។ អ្នកវិភាគ​នយោបាយ និង​សង្គម បណ្ឌិត ឡៅ ម៉ុងហៃ បាន​សរសេរ​លើ​គណនី Facebook របស់​លោក​នៅ​ថ្ងៃ​ទី​១២ មករា នេះ​ថា ដើម្បី​ឱ្យ​មាន​ភាព​យុត្តិធម៌​ត្រឹមត្រូវ អាជ្ញាធរ​ត្រូវតែ​ប្រគល់​សេរីភាព​ដល់​ប្រធាន​សហជីព​នៃ​ក្រុមហ៊ុន ណាហ្គា​វើលដ៍ ទាំងនោះ​វិញ ហើយ​ជាង​នេះ​ទៅ​ទៀត...

អ្នកជំនាញ​សិទ្ធិមនុស្ស​អន្តរជាតិ​ទាមទារ​ឱ្យ​កម្ពុជា​ពន្យល់​ពី​ចាប់​និង​ចោទ​មេ​សហជីព​ណាហ្គា​វើលដ៍

ក្រុម​អ្នកជំនាញ​សិទ្ធិមនុស្ស​នៃ​អង្គការ​សហប្រជាជាតិ ទាមទារ​ឱ្យ​អាជ្ញាធរ​កម្ពុជា​ពន្យល់​អំពី​ការ​ចាប់​ខ្លួន និង​ចោទប្រកាន់​មេដឹកនាំ​សហជីព​នៃ​ក្រុមហ៊ុន ណាហ្គា​វើលដ៍ (Naga World) ដោយ​ចាត់ទុក​វិធានការ​របស់​អាជ្ញាធរ​កម្ពុជា ថា​ជា​ការ​រំលោភបំពាន​លើ​ច្បាប់​សិទ្ធិមនុស្ស​ដែល​ធានា​ដោយ​ច្បាប់​ជាតិ និង​អន្តរជាតិ។ អ្នកជំនាញ​សិទ្ធិមនុស្ស ៤​រូប​មាន​លោក​សាស្ត្រាចារ្យ វិទិត មុនតាប៊ន (Vitit Muntarbhorn) អ្នក​រាយការណ៍​ពិសេស​ស្ដីពី​ស្ថានភាព​សិទ្ធិមនុស្ស​នៅ​កម្ពុជា លោកស្រី អាយរីន ខាន់ (Irene Khan) អ្នក​រាយការណ៍​ពិសេស​ស្ដីពី​ការ​លើក​កម្ពស់ និង​ការ​ការពារ​សិទ្ធិ​សេរីភាព​នៃ​ការ​បញ្ចេញ​គំនិត និង​មតិ​យោបល់ លោកស្រី...

កម្ពុជា​តែងតាំង​លោក កែវ រ៉េមី ជា​ប្រធាន​គណៈកម្មាធិការ​អន្តរ​រដ្ឋាភិបាល​អាស៊ាន​ទទួល​បន្ទុក​សិទ្ធិមនុស្ស

រដ្ឋាភិបាល​កម្ពុជា​សម្រេច​តែងតាំង​ប្រធាន​គណៈកម្មាធិការ​សិទ្ធិមនុស្ស​កម្ពុជា លោក កែវ រ៉េមី ជា​ប្រធាន​គណៈកម្មាធិការ​អន្តរ​រដ្ឋាភិបាល​អាស៊ាន ទទួល​បន្ទុក​សិទ្ធិមនុស្ស (Asean Intergovernmental Commission on Human Rights) ដែល​ហៅ​កាត់​ថា អាយឆា (AICHR) សម្រាប់​អាណត្តិ​ទី​៥ ឆ្នាំ​២០២២ ដល់​ឆ្នាំ​២០២៤ ដើម្បី​គ្រប់គ្រង​ដំណើរការ​ការងារ​សិទ្ធិមនុស្ស​ទាំង​ថ្នាក់​ជាតិ និង​ថ្នាក់​តំបន់​ក្នុង​ក្របខ័ណ្ឌ​អង្គការ​សហប្រជាជាតិ។ ទីស្ដីការ​គណៈរដ្ឋមន្ត្រី​កម្ពុជា បាន​ចេញ​សេចក្តី​សម្រេច​កាលពី​ថ្ងៃ​ទី​៣ ខែ​មករា ឆ្នាំ​២០២២ នេះ...

សមត្ថកិច្ច​ចោទ​តំណាង​កម្មករ​និយោជិត​ណាហ្គា​វើលដ៍ ៩​នាក់​ថា​ជា​មេដឹកនាំ​ចលនា​ខុស​ច្បាប់

សមត្ថកិច្ច​បាន​ចោទ​តំណាង​កម្មករ​និយោជិត​ក្រុមហ៊ុន ណាហ្គា​វើលដ៍ (Naga World) ចំនួន ៩​នាក់​ដែល​បាន​ចូលរួម​ធ្វើ​កូដកម្ម​តវ៉ា​នឹង​ក្រុមហ៊ុន​កាស៊ីណូ ថា​ជា​មេដឹកនាំ​ចលនា​ខុស​ច្បាប់​ដែល​មាន​ចេតនា​បង្ក​ភាព​វឹកវរ​ដល់​សន្តិសុខ​សង្គម ក្រោម​ការ​បណ្តុះបណ្តាល និង​ទទួល​ជំនួយ​ខុស​ច្បាប់​ពី​ក្រៅ​ប្រទេស។ ស្នងការ​រង​នៃ​ស្នងការដ្ឋាន​នគរបាល​ក្រុង​ភ្នំពេញ លោក ប៊ុន សុសិក្ខា បាន​ថ្លែង​នៅ​ក្នុង​សន្និសីទ​សារព័ត៌មាន​នៅ​ថ្ងៃ​ទី​៤ ខែ​មករា ឆ្នាំ​២០២២ នេះ​ថា មេដឹកនាំ​កម្មករ​ទាំងនោះ​បាន​ព្យាយាម​បំផុស​បំផុល​ចលនា​ខុស​ច្បាប់​តាម​ផែនការ​របស់​បរទេស។ ចំណែក​ព្រះរាជអាជ្ញា​រង លោក សេង ហៀង បាន​ថ្លែង​នៅ​ក្នុង​សន្និសីទ​សារព័ត៌មាន​នោះ​ដែរ ដោយ​ចោទ​ថា តំណាង​កម្មករ​និយោជិត ៣​រូប​ជា​មេខ្លោង​ចលនា​ខុស​ច្បាប់...

Latest news