TAG
ហ៊ុន ម៉ាណែត
ផែនការរាជរដ្ឋាភិបាលពង្រាយមន្ត្រីជំនាញកសិកម្មតាមមូលដ្ឋាន កសិករថាពុំមានប្រយោជន៍ទេ
កសិករខ្មែរត្អូញត្អែរថា មន្ត្រីកសិកម្មដែលរដ្ឋាភិបាលលោក ហ៊ុន ម៉ាណែត កំពុងរៀបចំពង្រាយទៅតាមមូលដ្ឋានតាមឃុំ-សង្កាត់ មិនអាចជួយកសិករបានទេ បើវិស័យកសិកម្មខ្មែរពឹងទៅលើតែប្រទេសវៀតណាម និងជួបគ្រោះធម្មជាតិដូចសព្វថ្ងៃនេះ។
ប្រជាពលរដ្ឋក្នុងខេត្តបាត់ដំបង ដែលជាខេត្តជង្រុកស្រូវនៃប្រទេសកម្ពុជា ប្រាប់សារព័ត៌មាន The Cambodia Daily ក្នុងលក្ខខណ្ឌមិនបញ្ចេញឈ្មោះនៅថ្ងៃទី៤ មីនា នេះថា បញ្ហាវិស័យកសិកម្មនៅកម្ពុជា គឺមានច្រើនយ៉ាង ជាពិសេសការធ្វើស្រែ ព្រោះថាកសិករអាចធ្វើស្រែបានតែ ១ដងប៉ុណ្ណោះក្នុង ១ឆ្នាំ មូលហេតុចម្បងនោះគឺដោយសារតែរដ្ឋាភិបាលនៅតែមិនទាន់មានសមត្ថភាពរៀបចំប្រព័ន្ធស្រោចស្រពសម្រាប់កសិករធ្វើកសិកម្មបាននៅឡើយ។
មួយវិញទៀត រាជរដ្ឋាភិបាលក៏មិនទាន់មានគោលនយោបាយជាក់លាក់ណាមួយលើវិស័យនេះដែរ...
លោក អ៊ុំ សំអាន៖ គណៈរដ្ឋមន្ត្រីថ្មីនៃរដ្ឋាភិបាលលោក ហ៊ុន ម៉ាណែត ជាការផ្ទេរអំណាចបន្តពូជចាក់ស្រេះក្នុងរង្វង់សែស្រឡាយបក្ខពួកអ្នកមានអំណាច
តំណាងរាស្ត្រគណបក្សសង្គ្រោះជាតិ អះអាងថាគណៈរដ្ឋមន្ត្រីថ្មីនៃរដ្ឋាភិបាលដែលដឹកនាំដោយលោក ហ៊ុន ម៉ាណែត គឺគ្រាន់តែជាការផ្ទេរអំណាចបន្តពូជចាក់ស្រេះក្នុងរង្វង់សែស្រឡាយបក្ខពួកអ្នកមានអំណាចពីថ្នាក់លើដល់ថ្នាក់ក្រោមប៉ុណ្ណោះ មិនមែនជាធនធានមនុស្សសម្រាប់ដឹកនាំប្រទេសជាតិនោះទេ។
លោក អ៊ុំ សំអាន សរសេរលើទំព័រហ្វេសប៊ុករបស់លោកកាលពីថ្ងៃទី២៦ ខែកុម្ភៈ ឆ្នាំ២០២៤ នេះថា គណៈរដ្ឋមន្ត្រីថ្មីដែលលោក ហ៊ុន ម៉ាណែត កំពុងដឹកនាំសុទ្ធសឹងតែជាចង្កោមសាច់ញាតិ សែស្រឡាយ និងបក្ខពួកគូកនក្នុងក្រុមគ្រួសារអ្នកមានអំណាចដែលឪពុករបស់ពួកគេរៀបចំប៉ុណ្ណោះ ក្នុងនោះ លោក ហ៊ុន សែន អតីតនាយករដ្ឋមន្ត្រីកម្ពុជា បានរៀបចំឱ្យលោក...
ឧបការីរដ្ឋមន្ត្រីក្រសួងការបរទេសអាមេរិកជំរុញឱ្យកម្ពុជាគោរពសិទ្ធិមនុស្ស លទ្ធិប្រជាធិបតេយ្យ និងបើកលំហសារព័ត៌មានឯករាជ្យ
ឧបការីរដ្ឋមន្ត្រីក្រសួងការបរទេសសហរដ្ឋអាមេរិក Kritenbrink និងលោក Jed Royal ឧបការីរងរដ្ឋមន្ត្រីក្រសួងការពារជាតិសហរដ្ឋអាមេរិក ទទួលបន្ទុកកិច្ចការសន្តិសុខនៅតំបន់ឥណ្ឌូប៉ាស៊ីហ្វិក បានជួបជាមួយលោក ហ៊ុន ម៉ាណែត នៅរាជធានីភ្នំពេញ ដើម្បីពិភាក្សាអំពីការធ្វើឲ្យទំនាក់ទំនងទ្វេភាគីសហរដ្ឋអាមេរិក និងកម្ពុជា មានភាពស៊ីជម្រៅ និងដើម្បីដោះស្រាយបញ្ហាដែលជាកង្វល់រួម។
ភាគីទាំងពីរបានពិភាក្សាអំពីកិច្ចសហប្រតិបត្តិការកំពុងមាន ដែលរួមមាន ការអនុវត្តទណ្ឌកម្មរបស់អង្គការសហប្រជាជាតិប្រឆាំងនឹងប្រទេសកូរ៉េខាងជើង ការថ្កោលទោសការឈ្លានពានទៅលើប្រទេសអ៊ុយក្រែន ពីសំណាក់ប្រទេសរុស្ស៊ី កម្មវិធីជំនួយបរទេស ការរុករកឈ្លើយសឹក និងយុទ្ធជនបាត់ខ្លួនក្នុងសង្គ្រាម និងការពង្រឹងការអនុវត្តច្បាប់។
ទន្ទឹមនឹងនោះ ភាគីទាំងពីរក៏បានពិនិត្យទៅលើវិស័យនានាសម្រាប់វឌ្ឍនភាពនាពេលខាងមុខនៅកម្ពុជាដែរ...
អ្នកឃ្លាំមើលថាកម្ពុជានឹងទទួលបានការវិនិយោគធំៗដូចសិង្ហបុរី បើរដ្ឋាភិបាលអាចបង្កើតប្រព័ន្ធដឹកនាំគួរឱ្យពួកគេទុកចិត្ត
ប្រធានវិទ្យាស្ថានប្រជាធិបតេយ្យកម្ពុជា លើកឡើងថា កម្ពុជានឹងទទួលបានការវិនិយោគកាន់តែច្រើនពីក្រុមហ៊ុនអន្តរជាតិធំៗដូចប្រទេសសិង្ហបុរី ដែរ ប្រសិនបើរដ្ឋាភិបាលកម្ពុជាមានប្រព័ន្ធដឹកនាំគួរឱ្យពួកគេទុកចិត្តបាន ដើម្បីធានាសុវត្ថិភាពដល់ក្រុមហ៊ុនរបស់ពួកគេ។
ប្រធានវិទ្យាស្ថានប្រជាធិបតេយ្យកម្ពុជា បណ្ឌិត ប៉ា ចន្ទរឿន សរសេរលើគណនីហ្វេសប៊ុករបស់ខ្លួននៅថ្ងៃទី២៣ កុម្ភៈ នេះថា ក្រុមហ៊ុនអន្តរជាតិធំៗបានជ្រើសរើសប្រទេសសិង្ហបុរី ជាការិយាល័យកណ្ដាលរបស់ខ្លួនសម្រាប់ធ្វើការវិនិយោគក្នុងពេលបច្ចុប្បន្ននេះ។ លោកបន្ថែមថា នោះគឺដោយសារតែប្រទេសសិង្ហបុរី មានប្រព័ន្ធការពារគួរឱ្យពួកគេទុកចិត្តខ្ពស់ពីសំណាក់រដ្ឋាភិបាលនៃប្រទេសនេះ ដែលអាចធានាសុវត្ថិភាពដល់ការវិនិយោគរបស់ពួកគេ។
ប្រធានវិទ្យាស្ថានប្រជាធិបតេយ្យកម្ពុជារូបនេះបញ្ជាក់ថា ប្រទេសកម្ពុជាក៏នឹងទទួលបានការវិនិយោគពីក្រុមហ៊ុនអន្តរជាតិធំៗដូចប្រទេសសិង្ហបុរី ដែរ ប្រសិនបើរដ្ឋាភិបាលកម្ពុជាអាចបង្កើតនូវប្រព័ន្ធការពារដែលគួរឱ្យទុកចិត្តបានសម្រាប់ម្ចាស់ក្រុមហ៊ុនវិនិយោគអន្តរជាតិទាំងនោះ។
ការអះអាងនេះ ធ្វើឡើងបន្ទាប់ពីសារព័ត៌មានអន្តរជាតិមួយបានចុះផ្សាយអំពីប្រទេសសិង្ហបុរី ដែលទទួលបានការទុកចិត្តពីក្រុមហ៊ុនពហុជាតិសាសន៍ ទៅបង្កើតការិយាល័យកណ្តាលវ៉ាដាច់ទីក្រុងហុងកុង...
លោក ហ៊ុន ម៉ាណែត៖ ការតែងតាំងលោក ហ៊ុន ម៉ានី ជាឧបនាយករដ្ឋមន្ត្រីគឺដើម្បីឱ្យមានប្រសិទ្ធភាពក្នុងការកែទម្រង់រដ្ឋបាលសាធារណៈ
នាយករដ្ឋមន្ត្រីបន្តអំណាចពីឪពុកគឺលោក ហ៊ុន ម៉ាណែត លើកឡើងថា ការតែងតាំងប្អូនប្រុសបង្កើតរបស់លោក គឺលោក ហ៊ុន ម៉ានី ជាឧបនាយករដ្ឋមន្ត្រីបន្ថែមពីលើមុខតំណែងជារដ្ឋមន្ត្រីក្រសួងមុខងារសាធារណៈ គឺដើម្បីឱ្យមានទម្ងន់ក្នុងការបំពេញការងារលើការកែទម្រង់រដ្ឋបាលសាធារណៈប៉ុណ្ណោះ មិនមែនដោយសារលោក ហ៊ុន ម៉ានី ជាប្អូនបង្កើតរបស់លោកនោះទេ។
នាយករដ្ឋមន្ត្រីតពូជថ្មីលោក ហ៊ុន ម៉ាណែត លើកឡើងក្នុងពិធីប្រកាសជ័យលាភីអង្គភាពផ្ដល់សេវាសាធារណៈគំរូក្នុងវិស័យអប់រំ និងសុខាភិបាល នៅថ្ងៃទី២២ ខែកុម្ភៈ ឆ្នាំ២០២៤ នេះថា ការដំឡើងឋានៈលោក ហ៊ុន...
លោក ហ៊ុន ម៉ាណែត ព្យាករថាចុងឆ្នាំ២០៤០ កម្ពុជានឹងក្លាយជាប្រទេសអ្នកមាន ខណៈអាណត្តិទី១នេះជាឆ្នាំធ្វើកំណែទម្រង់
នាយករដ្ឋមន្ត្រីបន្តពូជថ្មីលោក ហ៊ុន ម៉ាណែត ព្យាករថា តាមរយៈនៃការកំណត់យកការទូតសេដ្ឋកិច្ចជាគោលសម្រាប់រដ្ឋាភិបាលអាណត្តិទី៧ នេះ កម្ពុជានឹងក្លាយជាប្រទេសអ្នកមាននៅចុងឆ្នាំ២០៤០ ប្រសិនបើកម្ពុជាអាចកែទម្រង់ប្រព័ន្ធរដ្ឋបាល និងប្រព័ន្ធការងារដែលជាមូលដ្ឋានគ្រឹះរបស់ខ្លួនបានរឹងមាំក្នុងអាណត្តិទី១ នេះ។
លោក ហ៊ុន ម៉ាណែត លើកឡើងក្នុងពិធីសន្និបាតបូកសរុបការងាររបស់ក្រសួងឧស្សាហកម្ម វិទ្យាសាស្ត្រ កាលពីថ្ងៃទី២១ ខែកុម្ភៈ ថា គោលនយោបាយបញ្ចកោណ គឺមានកំណត់រយៈពេល ២៥ឆ្នាំ ដែលស្មើនឹង ២អាណត្តិ ដូច្នេះក្នុងអាណត្តិទី១ ដែលមានរយៈពេល...
លោក ហ៊ុន ម៉ាណែត ថាកម្ពុជាមិនស្វាគមន៍អ្នកវិនិយោគបរទេសដែលចង់វិនិយោគដាំកញ្ឆាទេ
នាយករដ្ឋមន្ត្រីតពូជថ្មីលោក ហ៊ុន ម៉ាណែត ផ្ញើសារទៅកាន់អ្នកវិនិយោគបរទេសដែលមានបំណងចង់វិនិយោគដាំកញ្ឆានៅក្នុងប្រទេសកម្ពុជា ថា កម្ពុជាមិនស្វាគមន៍នោះទេ ហើយក៏មិនឲ្យមានការសម្របសម្រួល ឬកែច្បាប់ចំពោះការដាំដំណាំកញ្ឆានោះដែរ។
ថ្លែងក្នុងពិធីបិទសន្និបាតបូកសរុបលទ្ធផលការងារឆ្នាំ២០២៣ និងលើកទិសដៅឆ្នាំ២០២៤ របស់អាជ្ញាធរជាតិប្រយុទ្ធប្រឆាំងគ្រឿងញៀន និងផ្សព្វផ្សាយផែនការយុទ្ធនាការប្រយុទ្ធប្រឆាំងគ្រឿងញៀនខុសច្បាប់លើកទី៩ នារសៀលថ្ងៃទី២០ ខែកុម្ភៈ ឆ្នាំ២០២៤ នៅសណ្ឋាគារ សុខាភ្នំពេញ លោក ហ៊ុន ម៉ាណែត អះអាងថា លោកសូមជូនសារទៅអ្នកចង់វិនិយោគ ជាពិសេសអ្នកនៅក្រៅប្រទេស ដែលចង់ដាក់ទុនវិនិយោគរកស៊ីដាំកញ្ឆានៅកម្ពុជា កុំចំណាយពេលវេលាជិះយន្តហោះមកអី...
លោក ហ៊ុន ម៉ាណែត ថាមន្ត្រីរាជការនឹងត្រូវបណ្ដេញចេញពីក្របខ័ណ្ឌ បើពាក់ព័ន្ធនឹងគ្រឿងញៀន
នាយករដ្ឋមន្ត្រីតពូជថ្មីលោក ហ៊ុន ម៉ាណែត ប្រកាសឱ្យរៀបចំការធ្វើតេស្ដគ្រឿងញៀនលើមន្ត្រីរាជការទាំងអស់ ទាំងថ្នាក់ជាតិ និងថ្នាក់ក្រោមជាតិ ហើយបើរកឃើញថាមន្ត្រីណាមួយបានប្រើប្រាស់ និងប្រព្រឹត្តបទល្មើសពាក់ព័ន្ធនឹងគ្រឿងញៀន គឺត្រូវតែបណ្ដេញចេញពីក្របខ័ណ្ឌដោយគ្មានករណីលើកលែងជាដាច់ខាត។
ថ្លែងនៅក្នុងពិធីបិទសន្និបាតបូកសរុបលទ្ធផលការងារឆ្នាំ២០២៣ និងលើកទិសដៅឆ្នាំ២០២៤ របស់អាជ្ញាធរជាតិប្រយុទ្ធប្រឆាំងគ្រឿងញៀន និងផ្សព្វផ្សាយផែនការយុទ្ធនាការប្រយុទ្ធប្រឆាំងគ្រឿងញៀនខុសច្បាប់លើកទី៩ នារសៀលថ្ងៃទី២០ ខែកុម្ភៈ ឆ្នាំ២០២៤ លោក ហ៊ុន ម៉ាណែត ព្រមានថា រដ្ឋាភិបាលនឹងមានការរៀបចំការធ្វើតេស្ដគ្រឿងញៀនទៅលើមន្ត្រីរាជការទាំងអស់ ទាំងថ្នាក់ជាតិ និងថ្នាក់ក្រោមជាតិ ហើយបើរកឃើញថាមន្ត្រីរូបណាបានប្រើប្រាស់ និងប្រព្រឹត្តបទល្មើសពាក់ព័ន្ធគ្រឿងញៀន...
ក្រុមសង្កេតការណ៍៖ សមិទ្ធផលប្រវត្តិសាស្ត្របុព្វបុរសខ្មែរដែលត្រកូលហ៊ុនប្រឹងកាឡៃ នឹងក្លាយជាសំរាមក្នុងប្រវត្តិសាស្ត្រកម្ពុជា
អ្នកសង្កេតការណ៍អះអាងថា ការប្តូរឈ្មោះមូលដ្ឋានជើងទឹករាមជាការចាប់ផ្តើមរបស់លោក ហ៊ុន ម៉ាណែត ក្នុងការកាឡៃប្រវត្តិសាស្ត្រនៃសមិទ្ធផលរបស់បុព្វបុរសខ្មែរមកជាសមិទ្ធផលផ្ទាល់ខ្លួន នឹងក្លាយជាសំរាមក្នុងប្រវត្តិសាស្ត្រដែលពលរដ្ឋខ្មែរចារទុកតជំនាន់ទៅថ្ងៃមុខ។
អ្នកវិភាគនយោបាយ និងជាប្រធានវេទិកាពលរដ្ឋលោក គឹម សុខ បានប្រាប់សារព័ត៌មាន The Cambodia Daily នៅថ្ងៃទី២០ កុម្ភៈ នេះថា លោក ហ៊ុន ម៉ាណែត កំពុងរៀនកាឡៃប្រវត្តិសាស្ត្រតាមលោក ហ៊ុន សែន ដើម្បីលុបសមិទ្ធផលនៃប្រវត្តិសាស្ត្រចាស់ៗ យកមកធ្វើជាសមិទ្ធផលរបស់ខ្លួន...
ក្រុមឃ្លាំមើលព្រមានថា កម្ពុជាអាចនឹងធ្លាក់ទៅក្នុងរបបគ្រប់គ្រងបែបកុម្មុយនីស្តផ្ដាច់ការសម័យទំនើប
ក្រុមអ្នកឃ្លាំមើលព្រមានថា ប្រសិនបើពលរដ្ឋខ្មែរនៅជុំវិញពិភពលោក រួមទាំងពលរដ្ឋខ្មែរនៅក្នុងស្រុក មិនងើបឡើងតស៊ូរើបម្រះស្វែងរកសេរីភាពតាមច្បាប់ដែលមានចែងក្នុងរដ្ឋធម្មនុញ្ញទេ នោះកម្ពុជានឹងធ្លាក់ទៅក្នុងការគ្រប់គ្រងក្នុងប្រព័ន្ធកុម្មុយនីស្តបែបទំនើបរបស់ក្រុមគ្រួសារលោក ហ៊ុន សែន ជាមិនខាន។
ប្រភពដដែលបញ្ជាក់ថា ពេលនោះវាសនារបស់ពលរដ្ឋខ្មែរក៏មិនខុសពីវាសនាពលរដ្ឋដែលរស់នៅក្នុងរបបកុម្មុយនីស្តដទៃទៀតដែរ ដូចជា ប្រទេសកូរ៉េខាងជើង និងរបប ប៉ុល ពត ជាដើម គឺជាជីវិតដែលសុំអ្នកមានអំណាចរស់ មិនមែនរស់ក្នុងនាមជាម្ចាស់ប្រទេសដូចមានចែងក្នុងរដ្ឋធម្មនុញ្ញនោះទេ។
អនុប្រធានវេទិកាពលរដ្ឋលោក ម៉ែន ណាត ប្រាប់សារព័ត៌មាន The Cambodia Daily នៅថ្ងៃទី១៨...