TAG

ជម្លោះដីធ្លី

អាជ្ញាធរខេត្តកំពង់ឆ្នាំងអំពាវនាវឱ្យអ្នកបានឈូសឆាយដីគម្របព្រៃឈើជាង៧០០ហិកតារបង្ហាញខ្លួននៅខណ្ឌរដ្ឋបាលព្រៃឈើ

ខេមបូឌា ដេលី - December 9, 2021

មន្ត្រីមន្ទីរកសិកម្មខេត្តកំពង់ឆ្នាំង ទាមទារឲ្យអ្នកដែលចូលរួមឈូសឆាយដីគម្របព្រៃឈើជាង ៧០០ហិកតារ នៅស្រុកទឹកផុស បង្ហាញខ្លួននៅខណ្ឌរដ្ឋបាលព្រៃឈើខេត្ត ដោយគិតចាប់ពីថ្ងៃចេញជូនដំណឹងនេះតទៅ។ សេចក្ដីជូនដំណឹងមន្ទីរកសិកម្ម រុក្ខាប្រមាញ់ និងនេសាទខេត្តកំពង់ឆ្នាំង បានចេញកាលពីថ្ងៃទី១១ ខែវិច្ឆិកា ឆ្នាំ២០២១ ដែលទើបត្រូវផ្សព្វផ្សាយ បានឱ្យដឹងថា ជនទាំងឡាយណាដែលបានឈូសឆាយដីគម្របព្រៃឈើចំនួន ៧១១ហិកតារ ស្ថិតក្នុងឃុំក្រាំងស្គារ និងឃុំជៀប ស្រុកទឹកផុស នៅខេត្តនេះ ធ្វើការបង្ហាញខ្លួននៅខណ្ឌរដ្ឋបាលព្រៃឈើខេត្ត ដោយភ្ជាប់មកជាមួយឯកសារពាក់ព័ន្ធផ្សេងៗផងដែរ។ ប្រភពដដែលឲ្យដឹងថា ឯកសារពាក់ព័ន្ធនោះមានអត្តសញ្ញាណប័ណ្ណសញ្ជាតិខ្មែរ និងឯកសារកាន់កាប់ដីជាដើម ដើម្បីឱ្យអាជ្ញាធរពិនិត្យដោះស្រាយតាមច្បាប់ស្ដីពីព្រៃឈើ...

ជម្លោះដីធ្លី

ពលរដ្ឋរងគ្រោះដីធ្លីប្រមូលផ្ដុំមុខសាលាដំបូងខេត្តកោះកុងទាមទារទម្លាក់ចោលបទចោទលើតំណាងសហគមន៍

ខេមបូឌា ដេលី - December 9, 2021

ប្រជាសហគមន៍រងគ្រោះរាប់រយនាក់ បានមកជួបជុំគ្នានៅមុខសាលាដំបូងខេត្តកោះកុង ដើម្បីទាមទារឱ្យតុលាការទម្លាក់ចោលរាល់បទចោទលើតំណាងសហគមន៍របស់ពួកគេ ស្របពេលដែលតុលាការកោះហៅតំណាងពលរដ្ឋ ២នាក់ឱ្យចូលទៅបំភ្លឺនៅព្រឹកថ្ងៃពុធ ទី៨ ធ្នូ ក្រោមបទបរិហារកេរ្តិ៍ និងញុះញង់បង្កឱ្យមានភាពវឹកវរធ្ងន់ធ្ងរដល់សន្តិសុខសង្គម។ នៅថ្ងៃទី៨ ខែធ្នូ ឆ្នាំ២០២១ ពលរដ្ឋរាប់រយនាក់មកពីសហគមន៍ចំនួន៧ ដូចជាសហគមន៍ក្រុម១៧៥ និងសហគមន៍ក្រុម៧៦៦ ក្នុងស្រុកស្រែអំបិល ស្រុកបុទុមសាគរ និងស្រុកថ្មបាំង ខេត្តកោះកុង បានប្រមូលផ្ដុំគ្នានៅមុខសាលាដំបូងខេត្តកោះកុង ដើម្បីបង្ហាញការគាំទ្រដល់តំណាងសហគមន៍របស់ពួកគេដែលបានចូលទៅបំភ្លឺនៅតុលាការ។ ពួកគេទាមទារឲ្យសាលាដំបូងខេត្តកោះកុង ទម្លាក់ចោលរាល់បទចោទទាំងអស់លើតំណាងសហគមន៍ទាំងពីរនាក់នោះ ព្រោះថាតំណាងសហគមន៍របស់ខ្លួនមិនបានប្រព្រឹត្តល្មើសទៅនឹងច្បាប់ណាមួយនោះទេ ប៉ុន្តែតុលាការបែរជាចោទប្រកាន់យ៉ាងអយុត្តិធម៌លើពួកគេទៅវិញ។ តំណាងពលរដ្ឋ ២នាក់...

ជម្លោះដីធ្លី

មន្ទីរបរិស្ថានខេត្តកំពតព្រមានចាត់វិធានការច្បាប់លើអ្នកទន្ទ្រានដីឧទ្យានជាតិព្រះមុនីវង្សបូកគោ បើមិនព្រមដកខ្លួនចេញ

ឌឹ ខេមបូឌា ដេលី - December 8, 2021

មន្ទីរបរិស្ថានខេត្តកំពត បានប្រាប់ទៅអ្នកទន្ទ្រានកាន់កាប់ដីឧទ្យានជាតិព្រះមុនីវង្សបូកគោ ក្នុងខេត្តនេះឱ្យបញ្ឈប់សកម្មភាពជាបន្ទាន់ និងបានព្រមានចាត់វិធានការច្បាប់ចំពោះពួកគេ បើសិនអ្នកទាំងនោះនៅតែមិនព្រមអនុវត្តតាម។ មន្ទីរបរិស្ថានខេត្តកំពត បានចេញសេចក្ដីជូនដំណឹងមួយកាលពីថ្ងៃទី៦ ខែធ្នូ ព្រមានដល់បុគ្គលដែលបានកាប់គាស់ឈូសឆាយដីព្រៃ សង់រោង ដាំដំណាំ ឬហ៊ុមព័ទ្ធយកដីព្រៃក្នុង «ឧទ្យានជាតិព្រះមុនីវង្សបូកគោ» ធ្វើជាកម្មសិទ្ធិ ត្រូវរុះរើនិងដកចេញដោយខ្លួនឯង ដោយដាក់កំហិតត្រឹមថ្ងៃទី១៥ ខែធ្នូ ឆ្នាំ២០២១ ខាងមុខនេះ។ សេចក្ដីជូនដំណឹងនេះ ក៏បានព្រមានចាត់វិធានការច្បាប់លើអ្នកទាំងនោះដែរ បើសិនជាអ្នករំលោភយកដីព្រៃក្នុងឧទ្យានជាតិនៅតែមិនព្រមអនុវត្តតាម។ ឧទ្យានជាតិព្រះមុនីវង្សបូកគោ មានផ្ទៃដីទំហំជាង ១៥ម៉ឺនហិកតារ (១៥៤ ៤៥៨ហិកតារ)...

ជម្លោះដីធ្លី

រដ្ឋាភិបាលឲ្យអង្គភាពប្រឆាំងអំពើពុករលួយស្រាវជ្រាវលើអតីតអភិបាលខេត្តកំពង់ឆ្នាំងដែលបានទន្ទ្រានដីព្រៃលិចទឹក

ខេមបូឌា ដេលី - December 7, 2021

រដ្ឋាភិបាលកម្ពុជា សម្រេចឲ្យអង្គភាពប្រឆាំងអំពើពុករលួយ (ACU) ស្រាវជ្រាវ និងចាត់វិធានការផ្លូវច្បាប់លើអតីតអភិបាលខេត្តកំពង់ឆ្នាំង លោក ឈួរ ច័ន្ទឌឿន លើករណីដែលអតីតអភិបាលខេត្តរូបនេះជាប់ពាក់ព័ន្ធនឹងករណីទន្ទ្រានដីព្រៃលិចទឹកក្បែរបឹងទន្លេសាបជាង ២ពាន់ហិកតារ។ សេចក្ដីជូនដំណឹងរបស់ទីស្ដីការគណៈរដ្ឋមន្ត្រី ដែលចេញផ្សាយនៅចុងសប្ដាហ៍កន្លងមកនេះ បានប្រគល់ភារកិច្ចជូនអង្គភាពប្រឆាំងអំពើពុករលួយ ធ្វើការអង្កេតស្រាវជ្រាវ និងចាត់វិធានការច្បាប់ចំពោះបុគ្គលឈ្មោះ ឈួរ ច័ន្ទឌឿន អតីតអភិបាលនៃគណៈអភិបាលខេត្តកំពង់ឆ្នាំង។ លោកនាយករដ្ឋមន្ត្រី ហ៊ុន សែន បានដាក់បទបញ្ជាកាលពីថ្ងៃទី២៨ ខែវិច្ឆិកា ឆ្នាំ២០២១ ឲ្យអភិបាលខេត្តជាប់បឹងទន្លេសាប ត្រូវចាត់វិធានការទប់ស្កាត់...

ជម្លោះដីធ្លី

GDP៖ រដ្ឋាភិបាលហាក់ទើបភ្ញាក់ពីដំណេកមកទប់ស្កាត់ការទន្ទ្រានដីព្រៃលិចទឹកជុំវិញបឹងទន្លេសាប

ខេមបូឌា ដេលី - December 2, 2021

គណបក្សក្រៅរដ្ឋាភិបាលមួយរិះគន់ថា រដ្ឋាភិបាលកម្ពុជាហាក់ដូចជាទើបនឹងភ្ញាក់ពីដំណេកមកដាក់វិធានការទប់ស្កាត់ការទន្ទ្រានដីព្រៃលិចទឹកជុំវិញបឹងទន្លេសាបនៅពេលនេះ ខណៈមន្ត្រីបក្សនេះទាមទារឱ្យកាត់ទោស និងដាក់ពិន័យលើមន្ត្រីដែលបានរំលោភដីព្រៃលិចទឹកទាំងនោះទៅតាមច្បាប់។ គណបក្សប្រជាធិបតេយ្យមូលដ្ឋាន (គ.ប.ម.) បានសរសេរលើទំព័រ Facebook របស់ខ្លួននៅថ្ងៃទី១ ធ្នូ នេះថា ខ្លួននឹងបន្តតាមឃ្លាំមើលវិធានការរបស់រាជរដ្ឋាភិបាលក្នុងការទប់ស្កាត់ការទន្ទ្រាន និងអភិរក្សដីព្រៃលិចទឹកជុំវិញបឹងទន្លេសាបនេះ ថាតើផែនការនេះនឹងមានប្រសិទ្ធភាព និងបានយូរអង្វែងប៉ុនណាទៅថ្ងៃមុខ។ គណបក្សក្រៅរដ្ឋាភិបាលមួយនេះបានអះអាងថា ខ្លួនក៏មានគោលនយោបាយការពារ និងស្ដារឡើងវិញនូវបឹងធម្មជាតិ និងព្រៃលិចទឹកជុំវិញបឹងទន្លេសាប ដើម្បីធ្វើឲ្យកម្ពុជាសម្បូរទឹក សម្បូរត្រី និងសម្បូរព្រៃឡើងវិញផងដែរ។ ដូច្នេះ ខ្លួនក៏ចង់ដឹងថា តើផែនការទប់ស្កាត់របស់រដ្ឋាភិបាលនៅពេលនេះ នឹងជួយអ្វីបានខ្លះដល់តំបន់ជុំវិញបឹងទន្លេសាបនៅពេលអនាគត។ ការអះអាងនេះ...

ជម្លោះដីធ្លី

ពលរដ្ឋស្នើនាយករដ្ឋមន្ត្រីលុបចោលប័ណ្ណកម្មសិទ្ធិដីធ្លីប៉ះពាល់ដល់បរិវេណដីព្រៃកោងកាងនៅខេត្តព្រះសីហនុ

ខេមបូឌា ដេលី - December 1, 2021

ពលរដ្ឋខេត្តព្រះសីហនុ បានសំណូមពរលោក ហ៊ុន សែន ជួយនិរាករណ៍ ឬលុបចោលប័ណ្ណកម្មសិទ្ធិដីធ្លីទាំងឡាយណាដែលអាជ្ញាធរខេត្តនេះឃុបឃិតចេញប័ណ្ណកម្មសិទ្ធិឲ្យបុគ្គលឯកជន ជាន់លើបរិវេណដីលិចទឹក ឬព្រៃកោងកាងយកមកដាក់ជាសម្បត្តិរដ្ឋគ្រប់គ្រងវិញ។ ពួកគេអះអាងថា ទីតាំងបរិវេណដីព្រៃលិចទឹក ឬព្រៃកោងកាងដែលជាជម្រកត្រីបន្តពូជមានទីតាំងនៅក្នុងស្រុកស្ទឹងហាវ និងស្រុកព្រៃនប់ ជាដើម បានក្លាយជាកម្មសិទ្ធិបុគ្គលមានទ្រព្យ និងអំណាចស្ទើរទាំងស្រុងទៅហើយ ដោយពួកគេបានឃុបឃិតជាមួយអភិបាលខេត្តព្រះសីហនុ និងប្រធានមន្ទីរសុរិយោដីខេត្ត លួចធ្វើប្លង់ ឬប័ណ្ណកម្មសិទ្ធិនាំឲ្យបាត់បង់ធនធានធម្មជាតិទាំងនេះធ្ងន់ធ្ងរ។ ពលរដ្ឋបានចោទលោក គួច ចំរើន និងលោក ចេង ស្រុង ដែលបន្តចេញប័ណ្ណកម្មសិទ្ធិជូនបុគ្គលឯកជនជាន់លើបរិវេណដីព្រៃកោងកាង...

ជម្លោះដីធ្លី

ពលរដ្ឋប្រមូលផ្ដុំនៅមុខស្នងការដ្ឋានខេត្តកំពង់ស្ពឺដើម្បីគាំទ្រតំណាងពួកគេដែលអាជ្ញាធរកោះហៅ

ខេមបូឌា ដេលី - December 1, 2021

ពលរដ្ឋរាប់រយគ្រួសារក្នុងខេត្តកំពង់ស្ពឺ បានប្រមូលផ្តុំគ្នាគ្រោងបោះតង់នៅមុខស្នងការដ្ឋាននគរបាលខេត្តកំពង់ស្ពឺ ក្រោយអាជ្ញាធរកោះហៅតំណាងសហគមន៍របស់ពួកគេឱ្យចូលខ្លួនទៅបំភ្លឺនៅថ្ងៃអង្គារ ទី៣០ វិច្ឆិកា។ ពលរដ្ឋរាប់រយគ្រួសារមកពីឃុំត្រពាំងជោ និងឃុំរស្មីសាមគ្គី ស្រុកឱរ៉ាល់ និងឃុំអមលាំង ស្រុកថ្ពង ខេត្តកំពង់ស្ពឺ នៅថ្ងៃទី៣០ ខែវិច្ឆិកា ឆ្នាំ២០២១ បានវេចអង្ករ ចានឆ្នាំង ខ្ទះត្នោត ឧស និងចង្ក្រានបាយ ជាដើម ក្នុងគោលបំណងទៅបោះតង់ស្នាក់នៅមុខស្នងការដ្ឋាននគរបាលខេត្តកំពង់ស្ពឺ ដើម្បីបង្ហាញការគាំទ្រតំណាងសហគមន៍របស់ពួកគេ និងជាការដាក់សម្ពាធដើម្បីកុំឱ្យអាជ្ញាធរចាប់ខ្លួនតំណាងសហគមន៍ទាំងនោះដោយយកលេសណាមួយ។ ប្រភពដដែលអះអាងថា តំណាងសហគមន៍មាតាធម្មជាតិ ៣រូប...

ជម្លោះដីធ្លី

លោក ហ៊ុន សែន បញ្ជាឱ្យរឹបអូសដីជាង២ពាន់ហិកតាររបស់អតីតអភិបាលខេត្តកំពង់ឆ្នាំងទុកជាសម្បត្តិរដ្ឋវិញ

ខេមបូឌា ដេលី - November 30, 2021

ក្រុមការងារចម្រុះមួយក្រុមដែលស្ថិតក្រោមការបញ្ជា និងសម្របសម្រួលដោយផ្ទាល់ពីឧបនាយករដ្ឋមន្ត្រី និងជារដ្ឋមន្ត្រីក្រសួងរៀបចំដែនដី នគរូបនីយកម្ម និងសំណង់ បានដាក់ចេញនូវផែនការភ្លាមៗរបស់ខ្លួនក្រោយពីមានប្រតិកម្មរបស់លោក ហ៊ុន សែន។ កាលពីថ្ងៃទី២៨ ខែវិច្ឆិកា សារសំឡេងរបស់លោក ហ៊ុន សែន ត្រូវបានគេចែកចាយព្រោងព្រាតនៅក្នុងបណ្ដាញសង្គមតេឡេក្រាម (Telegram)។ តាមរយៈសារសំឡេងនេះ លោកបានបញ្ជាឱ្យលោក ជា សុផារ៉ា ឧបនាយករដ្ឋមន្ត្រី និងជារដ្ឋមន្ត្រីក្រសួងរៀបចំដែនដី ព្រមទាំងស្ថាប័នកងរាជអាវុធហត្ថ និងនគរបាលផង ត្រូវចុះអនុវត្តដកហូតដីព្រៃលិចទឹកដែលរងការកាប់បំផ្លាញទុកជាសម្បត្តិរដ្ឋវិញ។ ជាងនេះទៀត លោក...

ជម្លោះដីធ្លី

ពលរដ្ឋរងគ្រោះដីធ្លីមកពី៧សហគមន៍ឡើងតវ៉ាដាក់ញត្តិនៅសាលាដំបូងនិងសាលាខេត្តកោះកុង

ខេមបូឌា ដេលី - November 25, 2021

ពលរដ្ឋសហគមន៍រងគ្រោះដោយការរំលោភដីធ្លីជាង ៧០០នាក់មកពីសហគមន៍ចំនួន ៧កន្លែងផ្សេងគ្នា ស្ថិតក្នុងស្រុកស្រែអំបិល ស្រុកបុទុមសាគរ ស្រុកថ្មបាំង នៃខេត្តកោះកុង បានឡើងទៅជួបជុំគ្នានៅសាលាដំបូង និងសាលាខេត្តកោះកុង ដើម្បីតាមដានញត្តិដែលពួកគេធ្លាប់ដាក់កន្លងមក និងដាក់ញត្តិបន្ថែមទៀតទាមទាររកកិច្ចអន្តរាគមន៍ដោះស្រាយបញ្ហាដីធ្លីរបស់ពួកគាត់ នៅថ្ងៃទី២៤ ខែវិច្ឆិកា ឆ្នាំ២០២១។ ប្រភពពីពលរដ្ឋនៅតំបន់រងគ្រោះដោយសារតែដីធ្លីទាំងនោះ បានឲ្យដឹងថា ពួកគាត់បានរងការរំលោភពីក្រុមហ៊ុនស្ករអំពៅរបស់ឧកញ៉ា លី យ៉ុងផាត់ ជាសមាជិកព្រឹទ្ធសភារបស់គណបក្សប្រជាជនកម្ពុជា និងលោក ហេង ហ៊ុយ ជាមួយពលរដ្ឋក្នុងខេត្តកោះកុង អស់រាប់ពាន់ហិកតារ...

ជម្លោះដីធ្លី

អង្គការជិត១០០ស្ថាប័នសម្ដែងការព្រួយបារម្ភចំពោះការចាប់ឃុំខ្លួនតំណាងសហគមន៍ដីធ្លី

ខេមបូឌា ដេលី - November 24, 2021

ក្រុមសង្គមស៊ីវិលជិត ១០០ស្ថាប័នដែលធ្វើការលើវិស័យសិទ្ធិមនុស្សនៅកម្ពុជា សម្ដែងការសោកស្តាយ និងព្រួយបារម្ភយ៉ាងខ្លាំងចំពោះការចោទប្រកាន់ ការចាប់ឃុំខ្លួនតំណាងសហគមន៍ដីធ្លី សកម្មជនការពារព្រៃឈើ និងធនធានធម្មជាតិពីសំណាក់រដ្ឋាភិបាលកម្ពុជាកាលពីពេលថ្មីៗនេះ។ បណ្ដាញសម្ព័ន្ធសហជីពសហគមន៍មូលដ្ឋាន រួមទាំងជនជាតិដើមភាគតិច បានចេញសេចក្តីថ្លែងការណ៍ដែលត្រូវបានផ្សព្វផ្សាយនៅថ្ងៃទី២៣ ខែវិច្ឆិកា ឆ្នាំ២០២១ នេះ ទាមទារឱ្យរដ្ឋាភិបាលកម្ពុជាទម្លាក់ចោលការចោទប្រកាន់ និងដោះលែងតំណាងសហគមន៍ដីធ្លី សកម្មជនការពារព្រៃឈើធនធានធម្មជាតិទាំងអស់ឱ្យមានសេរីភាពឡើងវិញដោយឥតលក្ខខណ្ឌ។ ប្រភពដដែលអះអាងថា ការចាប់ឃុំខ្លួនសកម្មជនសង្គមដែលធ្វើឡើងដោយរដ្ឋាភិបាលកម្ពុជាសព្វថ្ងៃនេះ គឺជាការគំរាមកំហែង បំភិតបំភ័យ និងធ្វើទុក្ខបុកម្នេញដោយផ្ទាល់ និងប្រយោលក្នុងការបម្រើសង្គមជាតិ ដើម្បីរួមចំណែកលើកកម្ពស់សិទ្ធិមនុស្ស កិច្ចការពារបរិស្ថាន និងសម្បត្តិធម្មជាតិនានារបស់កម្ពុជាយ៉ាងធ្ងន់ធ្ងរ។ ក្រុមអង្គការសង្គមស៊ីវិលខាងលើ អំពាវនាវឱ្យរដ្ឋាភិបាលកម្ពុជាដោះលែងសកម្មជនដែលកំពុងជាប់ឃុំសព្វថ្ងៃនេះឱ្យមានសេរីភាពឡើងវិញ...

1...161718...24 Page 17 of 24

ជម្លោះដីធ្លី

Latest news

លោក រ៉ុង ឈុន ស្នើតុលាការកំពូលស្ដារសិទ្ធិនយោបាយ ខណៈរង់ចាំសាលដីកាបណ្ដឹងសារទុក្ខ

ពលរដ្ឋថៃជិត ៣០០០នាក់ ចូលទស្សនាប្រាសាទតាក្របី និងភ្នំ៣៥០ មុនការបិទជាបណ្តោះអាសន្ន

អាជ្ញាធរកម្ពុជារកឃើញសាច់បង្កកនាំចូលពីថៃជាង ២២០ តោន ខណៈរដ្ឋាភិបាលបង្កើនការបង្ក្រាបការរត់ពន្ធទំនិញ

កម្ពុជាបណ្ដេញជនជាតិចិន ១៥៦ នាក់ពាក់ព័ន្ធឆបោកអនឡាញ ខណៈ Amnesty ចោទសួរប្រសិទ្ធភាពយុទ្ធនាការបង្ក្រាប

នាយករដ្ឋមន្រ្តីខ្មែរនិងនាយករដ្ឋមន្រ្តីថៃ គ្រាន់តែជួបចាប់ដៃក្នុងកិច្ចប្រជុំអាស៊ាននៅក្រុងហាណូយ

ជម្លោះ​ដីធ្លី

Latest news

ជម្លោះដីធ្លី