បទឈប់បាញ់

រដ្ឋបាល​ខេត្ត​បន្ទាយមានជ័យ អះអាង​ថា ភាគី​ថៃ អាច​ចេញ​បណ្ណ​កម្មសិទ្ធិ​ឲ្យ​ពលរដ្ឋ​របស់​ខ្លួន ប៉ុន្តែ​មិន​ត្រូវ​ធ្វើ​ឱ្យ​ប៉ះពាល់​ដល់​ដែន​អធិបតេយ្យ​កម្ពុជា នោះ​ទេ ជាពិសេស​តំបន់​ដែល​ប្រទេស​ទាំង​ពីរ​ពុំ​ទាន់​បាន​ឯកភាព​បោះ​បង្គោល​ខណ្ឌសីមា។ អភិបាល​ខេត្ត​បន្ទាយមានជ័យ លោក អ៊ុំ រាត្រី បាន​ប្រាប់​ក្រុម​អ្នក​សារព័ត៌មាន​ក្នុង​ស្រុក​នៅ​ថ្ងៃទី​២៥ ខែ​សីហា នេះ​ថា ការ​ចេញ​បណ្ណ​កម្មសិទ្ធិ​ជូន​ពលរដ្ឋ​ថៃ នៅ​លើ​ទឹកដី​ថៃ គឺជា​សិទ្ធិ​របស់​អាជ្ញាធរ​ថៃ ប៉ុន្តែ​ការ​ចេញ​បណ្ណ​នេះ មិន​ត្រូវ​ធ្វើ​ឱ្យ​ប៉ះពាល់​ដល់​អធិបតេយ្យ​របស់​កម្ពុជា ឬ​ប៉ះពាល់​ដល់​តំបន់​ដែល​គណៈកម្មការ​ចម្រុះ​ខណ្ឌសីមា​ព្រំដែន​គោក (JBC) នៃ​ប្រទេស​ទាំង​ពីរ ពុំ​ទាន់​បាន​ឯកភាព​អំពី​ការ​ខណ្ឌសីមា​លើ​ដី​ជាក់ស្តែង ឬ​ប៉ះពាល់​ដល់​តំបន់​ដែល​ពលរដ្ឋ​កម្ពុជា​កំពុង​កាន់កាប់ និង​អាស្រ័យ​ផល​ឡើយ។ លោក...

យោធា​ថៃ ប្រាប់​អ្នក​សង្កេតការណ៍​អាស៊ាន​ថា ក្នុង​សង្គ្រាម​រយៈពេល ៥​ថ្ងៃ ខ្លួន​បាន​រង​ការ​វាយប្រហារ​តាម​ផ្លូវ​អាកាស​ដោយ​កងទ័ព​កម្ពុជា តាម​បន្ទាត់​ព្រំដែន​នៅ​តំបន់​កាបជើង ដែល​ជា​ហេតុ​ធ្វើ​ឱ្យ​កងទ័ព​ថៃ វាយបក​ត្រឡប់​ទៅវិញ មុន​នឹង​បញ្ចប់​នៅ​ពាក់កណ្តាល​យប់​ថ្ងៃទី​២៨ ខែ​កក្កដា ឆ្នាំ​២០២៥ នោះ។ កាសែត​ថៃ ខៅ​ស៊ុត (Khaosod) ចុះផ្សាយ​ខ្លឹមសារ​របាយការណ៍​យោធា​ថៃ នៅ​ថ្ងៃទី​២០ សីហា នេះ​ថា ភាគី​កម្ពុជា មិន​ត្រឹមតែ​វាយប្រហារ​លើ​ទីតាំង​យោធា​ថៃ ក្នុង​ខេត្ត​សុរិន្ទ ទេ សូម្បី​ទីតាំង​ជនស៊ីវិល​ក្នុង​ខេត្ត​នេះ ក៏​ត្រូវ​ភាគី​កម្ពុជា​វាយប្រហារ​ដែរ...

អ្នក​ឆ្លើយឆ្លង​ព័ត៌មាន​ប្រចាំ​សេតវិមាន​របស់​ប្រធានាធិបតី​អាមេរិក​ប្រចាំ​ក្រុមហ៊ុន Next News Network អះអាង​ថា លោក​ពិត​ជា​មាន​កិត្តិយស​បំផុត​ក្នុង​ការ​ឈរ​ជាមួយ​ពលរដ្ឋ​ខ្មែរ ដើម្បី​យុត្តិធម៌​សម្រាប់​កម្ពុជា។ លោក ហ្គារី ហ្វ្រែនឈី (Gary Franchi) បាន​សរសេរ​នៅ​លើ​ទំព័រ​ហ្វេសប៊ុក​របស់​ខ្លួន​នៅ​ថ្ងៃទី​១៩ សីហា នេះ​ថា លោក​មិន​មាន​បំណង​ចង់បាន​កិត្តិយស ឬ​កេរ្តិ៍ឈ្មោះ​ពី​ការ​រាយការណ៍​អំពី​ព្រឹត្តិការណ៍​ជម្លោះ​រវាង​កម្ពុជា-ថៃ នោះ​ទេ ប៉ុន្តែ​លោក​ចង់​ធ្វើ​អ្វី​ដែល​លោក​ដឹង​ថា​វា​ត្រឹមត្រូវ​ក្នុង​បេះដូង​របស់​លោក​ប៉ុណ្ណោះ ហើយ​នេះ​ក៏​ជា​គោលការណ៍​តែ​មួយ​គត់​ដែល​លោក​មាន​ដែរ​ចំពោះ​អ្វី​ដែល​លោក​បាន​មើល​ឃើញ​ថា​ត្រឹមត្រូវ ឬ​មិន​ត្រឹមត្រូវ​តែប៉ុណ្ណោះ។ លោក ហ្គារី ហ្វ្រែនឈី (Gary Franchi)...

ប្រធានាធិបតី​សហរដ្ឋ​អាមេរិក លោក ដូណាល់ ត្រាំ លើកឡើង​ពី​ព្រះសង្ឃ​កម្ពុជា ដែល​បាន​ថ្លែង​អំណរគុណ​ដល់​រូបលោក​ដែល​បាន​ជួយ​ឱ្យ​មាន​បទ​ឈប់​បាញ់​សម្រាប់​សង្គ្រាម​រវាង​កម្ពុជា-ថៃ ខណៈ​សកម្មភាព​នេះ លោក​សង្ឃឹម​ថា​គួរតែ​ត្រូវ​បាន​កត់សម្គាល់​ដោយ​គណៈកម្មាធិការ​រង្វាន់​ណូបែល​សន្តិភាព។ ប្រធានាធិបតី​សហរដ្ឋ​អាមេរិក លោក ដូណាល់ ត្រាំ សរសេរ​លើ​ទំព័រ​ហ្វេសប៊ុក​របស់​លោក​កាលពី​ថ្ងៃ​សុក្រ​ថា ព្រះសង្ឃ​កម្ពុជា​បាន​ថ្លែង​អំណរគុណ​ចំពោះ​ការ​ដឹកនាំ​របស់​លោក​ក្នុង​ការ​បញ្ឈប់​សង្គ្រាម​កម្ពុជា-ថៃ ហើយ​លោក​សង្ឃឹម​ថា​គណៈកម្មាធិការ​រង្វាន់​ណូបែល​សន្តិភាព ក៏​នឹង​កត់សម្គាល់​អំពី​រឿង​នេះ​ដែរ។ ការ​អះអាង​នេះ ធ្វើឡើង​បន្ទាប់ពី​ព្រះសង្ឃ​កម្ពុជា​បាន​ធ្វើ​ធម្មយាត្រា​សន្តិភាព អរគុណ​ដល់​លោក ដូណាល់ ត្រាំ ដែល​បាន​ជួយ​បញ្ឈប់​សង្គ្រាម​រវាង​កម្ពុជា-ថៃ កាលពី​ពេល​កន្លង​ទៅ​ថ្មីៗ​នេះ ស្រប​ពេល​ដែល​នាយករដ្ឋមន្ត្រី​កម្ពុជា​ក៏​បាន​ស្នើ​បេក្ខភាព​របស់​លោក​ជា​បេក្ខជន​ពានរង្វាន់​ណូបែល​សន្តិភាព​ដែរ​នោះ។ កាលពី​ថ្ងៃទី​១០ ខែ​សីហា ឆ្នាំ​២០២៥...

នាយករដ្ឋមន្ត្រី​ស្តីទី​របស់​ថៃ គ្រោង​ផ្ដល់​ថវិកា​ទិញ​បន្លា​លួស​បន្ថែម​ទៀត​ដល់​មេបញ្ជាការ​ភូមិភាគ​២ ថៃ លោក ប៊ុនស៊ីន ផាតក្លាង (Boonsin Padklang) ដើម្បី​ការពារ​អធិបតេយ្យភាព​ជាតិ​ដែល​ភាគី​ថៃ ទន្ទ្រាន​ទាំង​គឃ្លើន​ពី​កម្ពុជា។ យោង​តាម​សារព័ត៌មាន ខៅ​ស៊ុត (Khaosod) របស់​ថៃ បាន​ស្រង់​សម្ដី​នាយករដ្ឋមន្ត្រី​ស្តីទី​ថៃ លោក Phumtham Wechayachai នៅ​ថ្ងៃទី​១៣ សីហា ថា អ្វី​ដែល​ចាំបាច់​សម្រាប់​បំផុត​នោះ គឺ​ការ​ការពារ​អធិបតេយ្យភាព​ជាតិ ដូច្នេះ​កងទ័ព​ទាំងអស់​អាច​ទទួល​បាន​នូវ​អ្វី​ដែល​ពួកគេ​ត្រូវការ​ពី​គ្រប់​ទីកន្លែង។ ការ​អះអាង​នេះ ធ្វើឡើង​ស្រប​ពេល​ដែល​គេ​មើល​ឃើញ​ថា...

កម្ពុជា ជំរុញ​ឱ្យ​ថៃ ពន្លឿន​ការ​បង្កើត​ក្រុម​អ្នក​សង្កេតការណ៍​អាស៊ាន ដែល​ដឹកនាំ​ដោយ​ប្រទេស​ម៉ាឡេស៊ី ដើម្បី​ផ្ទៀងផ្ទាត់ និង​អនុវត្ត​បទ​ឈប់​បាញ់​ឱ្យ​បាន​ពេញលេញ និង​មាន​ប្រសិទ្ធភាព។ ថ្លែង​នៅ​ក្នុង​សន្និសីទ​សារព័ត៌មាន​នៅ​ព្រឹក​ថ្ងៃទី​១៣ ខែ​សីហា អ្នក​នាំពាក្យ​ក្រសួង​ការពារ​ជាតិ​កម្ពុជា អ្នកស្រី ម៉ាលី សុជាតា អំពាវនាវ​ឱ្យ​ភាគី​ថៃ គោរព​លក្ខខណ្ឌ​កិច្ចព្រមព្រៀង​បទ​ឈប់​បាញ់ និង​ស្មារតី​នៃ​ការ​ឯកភាព​គ្នា​នៅ​ក្នុង​កិច្ចប្រជុំ​គណៈកម្មាធិការ​ព្រំដែន​ទូទៅ​កម្ពុជា-ថៃ (GBC) ដែល​ក្នុង​នោះ​រួម​មាន​ការ​ព្រមព្រៀង​គ្នា​រក្សា​កម្លាំង​យោធា​របស់​ខ្លួន​នៅ​ក្នុង​ទីតាំង​បច្ចុប្បន្ន ដោយ​មិន​អនុញ្ញាត​ឱ្យ​ផ្លាស់ទី​ពី​ទីតាំង​ដែល​ខ្លួន​ឈរជើង នៅ​មុន​ពេល​កិច្ចព្រមព្រៀង​បទ​ឈប់​បាញ់​ចូល​ជាធរមាន នៅ​ម៉ោង ១២​រំលង​អាធ្រាត្រ​ថ្ងៃទី​២៨ ខែ​កក្កដា។ អ្នកស្រី​បាន​លើកឡើង​ថា ពាក់ព័ន្ធ​នឹង​ករណី​មីន​នេះ កម្ពុជា​ក៏​ធ្លាប់​រំឭក​ទៅ​ភាគី​ថៃ...

សារព័ត៌មាន​ដែល​ស្និទ្ធ​នឹង​រដ្ឋាភិបាល​កម្ពុជា ទម្លាយ​ថា កងទ័ព​ថៃ អាច​នឹង​បើក​ការ​វាយប្រហារ​មក​លើ​ប្រទេស​កម្ពុជា​សាជាថ្មី​ទៀត នៅ​យប់​ថ្ងៃទី​១៣ និង​ព្រឹក​ថ្ងៃទី​១៤ ខែ​សីហា ឆ្នាំ​២០២៥ នេះ។ សារព័ត៌មាន Fresh News បាន​ចេញ​ផ្សាយ​នៅ​មុន​ការ​ផ្សាយ​នេះ​ថា យោង​តាម​ប្រភព​ព័ត៌មាន​ដែល​ទុកចិត្ត ឱ្យ​ដឹង​ថា នៅ​វេលា​ម៉ោង ១០ និង ០០​នាទី​ព្រឹក​ថ្ងៃទី​១៣ ខែ​សីហា នេះ អាជ្ញាធរ​ថៃ បាន​បិទ​សាលារៀន និង​ឱ្យ​កូនសិស្ស​វិលត្រឡប់​ទៅ​ផ្ទះ​វិញ ដើម្បី​ត្រៀម​ជម្លៀស​ពលរដ្ឋ​ដែល​រស់នៅ​ក្នុង​ភូមិ​ដាន...

ប្រធាន​អង្គការ​ប្រជាធិបតេយ្យ​ខ្មែរ (KOD) ដែល​មាន​មូលដ្ឋាន​ក្នុង​ប្រទេស​អូស្ត្រាលី លោក ស៊ឹង សែនករុណា ស្នើ​ឱ្យ​អន្តរជាតិ​ចែង​អំពី​ទោសទណ្ឌ​ឱ្យ​ជាក់លាក់ ដើម្បី​ធានា​ប្រសិទ្ធភាព​ក្នុង​ការ​ទប់ស្កាត់​សកម្មភាព​របស់​ប្រទេស​ដែល​រំលោភ​បំពាន​បទ​ឈប់​បាញ់​ដោយ​គឃ្លើន។ លោក ស៊ឹង សែនករុណា លើកឡើង​នៅ​ថ្ងៃទី​១២ សីហា នេះ​ថា បទ​ឈប់​បាញ់​ដែល​ឯកភាព​ដោយ​ភាគី​កម្ពុជា-ថៃ គ្មាន​អាជ្ញាសឹក​ដាក់​កំហិត​ក្នុង​ការ​អនុវត្ត​នូវ​ទោសទណ្ឌ​លើ​ប្រទេស​ដែល​ប្រព្រឹត្ត​ល្មើស​នោះ​ទេ ដោយសារតែ​បែប​នេះ​ហើយ បាន​ជា​ភាគី​ថៃ នៅតែ​បង្ហាញ​ពី​ភាព​គឃ្លើន​មិន​គោរព​បទ​ឈប់​បាញ់ និង​បង្ហាញ​ពី​សកម្មភាព​គ្រប់​បែប​យ៉ាង​ក្នុង​ការ​បន្ត​ឈ្លានពាន​ទឹកដី​ខ្មែរ ដូចជា ការ​រាយ​បន្លា​លួស និង​ការ​ជីក​លេណដ្ឋាន​ក្នុង​ដែន​អធិបតេយ្យ​កម្ពុជា ជាដើម។ លោក ស៊ឹង...

រដ្ឋាភិបាល​បារាំង ប្រកាស​គាំទ្រ​ប្រទេស​ម៉ាឡេស៊ី ក្នុង​នាម​ជា​ប្រធាន​អាស៊ាន​ដែល​ស្វែងរក​ដំណោះស្រាយ​ជម្លោះ​តំបន់​ដោយ​សន្តិវិធី​ជុំវិញ​បទ​ឈប់​បាញ់​រវាង​កម្ពុជា-ថៃ។ ស្ថានទូត​បារាំង​ប្រចាំ​កម្ពុជា សរសេរ​លើ​ទំព័រ​ហ្វេសប៊ុក​របស់​ខ្លួន​នៅ​ថ្ងៃទី​១១ សីហា នេះ​ថា ប្រទេស​បារាំង សូម​សម្ដែង​នូវ​ការ​សាទរ​ចំពោះ​ការ​ប្រកាស​កិច្ចប្រជុំ​វិសាមញ្ញ​នៃ​គណៈកម្មាធិការ​ព្រំដែន​ទូទៅ (GBC) កម្ពុជា-ថៃ នៅ​ប្រទេស​ម៉ាឡេស៊ី កាលពី​ថ្ងៃទី​៤ ដល់​ថ្ងៃទី​៧ ខែ​សីហា ដែល​ជា​ការ​បញ្ជាក់​បន្ថែម​លើ​ការ​គោរព​បទ​ឈប់​បាញ់ ចុះ​ថ្ងៃទី​២៨ ខែ​កក្កដា ហើយ​ក៏​ជា​ការ​ចាប់ផ្តើម​កិច្ចសន្ទនា​សាជាថ្មី​រវាង​ប្រទេស​ទាំង​ពីរ​ដែរ។ ប្រភព​ដដែល​អះអាង​ថា ប្រទេស​បារាំង កោតសរសើរ​ចំពោះ​ការ​ប្ដេជ្ញាចិត្ត​របស់​ភាគី​ទាំង​ពីរ ក្នុង​ការ​កាត់បន្ថយ​ភាព​តានតឹង និង​ការ​ដោះស្រាយ​ជម្លោះ​ដោយ​សន្តិវិធី​តាម​ច្បាប់​អន្តរជាតិ។ ប្រទេស​បារាំង បញ្ជាក់​ថា បទ​ឈប់​បាញ់​កម្ពុជា-ថៃ...

ក្រសួង​ការពារ​ជាតិ​កម្ពុជា អះអាង​ថា បញ្ហា​ព្រំដែន​មិន​អាច​កែប្រែ​ដោយ​កម្លាំង​ប្រដាប់​អាវុធ​ជាដាច់ខាត ប៉ុន្តែ​ត្រូវតែ​ដោះស្រាយ​ដោយ​បច្ចេកទេស និង​ច្បាប់​អន្តរជាតិ ខណៈ​កម្ពុជា​ប្រកាន់​គោលការណ៍​សន្តិភាព​ជា​ធំ និង​អនុវត្ត​យ៉ាង​ខ្ជាប់ខ្ជួន​នូវ​បទ​ឈប់​បាញ់។ អ្នក​នាំពាក្យ​ក្រសួង​ការពារ​ជាតិ​កម្ពុជា អ្នកស្រី ម៉ាលី សុជាតា ថ្លែង​នៅ​ក្នុង​សន្និសីទ​សារព័ត៌មាន​នៅ​ថ្ងៃទី​១១ សីហា នេះ​ថា គោលជំហរ​ដ៏​ម៉ឺងម៉ាត់​របស់​កម្ពុជា គឺ​រក​ដំណោះស្រាយ​ដោយ​សន្តិវិធី និង​ប្រកាន់​គោលការណ៍​សន្តិភាព​ជា​ធំ ហើយ​អនុវត្ត​យ៉ាង​ខ្ជាប់ខ្ជួន​នូវ​បទ​ឈប់​បាញ់។ ប្រភព​ដដែល​បន្ត​ថា កម្ពុជា​ក៏​សង្ឃឹម​ថា​ភាគី​ថៃ នឹង​ប្រកាន់​គោលជំហរ​ដោយ​ភាព​ស្មោះត្រង់​ដែរ ក្នុង​ការ​ឈាន​ទៅ​បញ្ចប់​ការ​ប្រឈមមុខ​ដាក់​គ្នា ដើម្បី​ស្ដារ​មក​វិញ​នូវ​សន្តិភាព ប្រក្រតីភាព និង​ពលរដ្ឋ​នៃ​ប្រទេស​ទាំង​ពីរ​រស់នៅ​ក្នុង​សុខ​សន្តិភាព។ ក្រសួង​ការពារ​ជាតិ អំពាវនាវ​ឱ្យ​សហគមន៍​អន្តរជាតិ...