បទឈប់បាញ់

គណៈប្រតិភូ​ថ្នាក់​តំបន់​នៃ​គណៈកម្មាធិការ​កាកបាទ​ក្រហម​អន្តរជាតិ ICRC បាន​ឲ្យ​ដឹង​ថា ទាហាន​ខ្មែរ​ទាំង ១៨​នាក់​ដែល​យោធា​ថៃ ចាប់​ខ្លួន បាន​ភ្ជាប់​ទំនាក់ទំនង​ជាមួយ​ក្រុម​គ្រួសារ​ជា​លើក​ទី​១ តាមរយៈ​សារ​ដែល​ផ្ញើ​តាម​អង្គការ​មនុស្សធម៌ ICRC ហើយ​ទាហាន​ទាំងនោះ​មាន​សុវត្ថិភាព និង​សុខភាព​ល្អ​ទាំងអស់។ ក្នុង​ជំនួប​ជាមួយ​មន្ត្រី​ជាន់ខ្ពស់​ក្រសួង​ការពារ​ជាតិ​កម្ពុជា នា​ថ្ងៃទី​៩ ខែ​កញ្ញា ឆ្នាំ​២០២៥ គណៈប្រតិភូ​ថ្នាក់​តំបន់​នៃ​គណៈកម្មាធិការ​កាកបាទ​ក្រហម​អន្តរជាតិ ICRC លោក ច័ជ ម៉ុនតានី (Jurg Montani) មាន​ជំនួប​ជាមួយ​លោក រ៉ាត់ ដារ៉ារ័ត្ន...

នាយករដ្ឋមន្ត្រី​ខ្មែរ ហ៊ុន ម៉ាណែត អះអាង​ថា កិច្ចចរចា​លើ​បទ​ឈប់​បាញ់​គ្នា គ្មាន​លក្ខខណ្ឌ​ឱ្យ​ដក​កងទ័ព​ភាគី​ណា​ចេញពី​ទីតាំង​ឈរជើង​របស់​ខ្លួន ឬ​ដាក់​លក្ខខណ្ឌ​កាត់​ទឹកដី​ចរចា​ឡើយ ខណៈ​រដ្ឋាភិបាល​ប្រទេស​កម្ពុជា ក៏​មិន​មាន​ដាក់​បទបញ្ជា​ឱ្យ​ដកថយ​កម្លាំង​ក្រោយពី​មាន​បទ​ឈប់​បាញ់​គ្នា​ដែរ។ លោក ហ៊ុន ម៉ាណែត សរសេរ​លើ​ទំព័រ​ហ្វេសប៊ុក​របស់​ខ្លួន​នៅ​ថ្ងៃទី​៩ ខែ​កញ្ញា នេះ ដោយ​អំពាវនាវ​ឱ្យ​ប្រជាពលរដ្ឋ​ជឿ​ទុកចិត្ត​លើ​រាជរដ្ឋាភិបាល​ដែល​កំពុង​ស្វែងរក​ដំណោះស្រាយ​បញ្ចប់​បញ្ហា​ឱ្យ​បាន​ឆាប់​រហ័ស ដើម្បី​ឧត្ដម​ប្រយោជន៍​ជាតិ និង​ប្រជាជន បើ​ទោះជា​កិច្ចការ​ជាច្រើន​មិន​ត្រូវ​បាន​ផ្សព្វផ្សាយ​ជា​សាធារណៈ ដែល​មើល​ទៅ​រដ្ឋាភិបាល​ហាក់ដូចជា​ស្ងាត់ស្ងៀម​ក៏ដោយ។ លោក​ធ្លាប់​បាន​ថ្លែង​ប្រាប់​ពលរដ្ឋ​នៅ​កន្លែង​ខ្លះ​ថា ទឹកដី​ខ្មែរ​សព្វថ្ងៃ​រីក​ធំ​ជាង​មុន​ផង ក្រោម​កិច្ចដឹកនាំ​រាជរដ្ឋាភិបាល​នៃ​គណបក្ស​ប្រជាជន​កម្ពុជា។ នេះ​មាន​ន័យ​ថា ផ្ទៃដី​នៃ​ប្រទេស​កម្ពុជា មិនមែន​នៅតែ​១៨១០៣៥​គីឡូម៉ែត្រ​ក្រឡា​នោះ​ទេ។ លោក...

កងកម្លាំង​ថៃ បូរ៉ាផា (Burapha) ឬ​កម្លាំង​បូព៌ា​ប្រទេស​ថៃ ប្រកាស​ដាក់​ភូមិ​ណងចាន់ ឃុំ​ខកសុខ ខេត្ត​ស្រះកែវ ដែល​នៅ​ទល់​មុខ​នឹង​ភូមិ​ជោគជ័យ ឃុំ​អូរបីជាន់ ស្រុក​អូរជ្រៅ ខេត្ត​បន្ទាយមានជ័យ ជា​តំបន់​ស្ថិត​ក្រោម​ច្បាប់​អាជ្ញាសឹក ដែល​ត្រូវ​ស្ថិត​ក្រោម​ការ​ត្រួតត្រា​របស់​យោធា​ទាំងស្រុង។ សារព័ត៌មាន​ថៃ The Nation ចេញ​ផ្សាយ​នៅ​ថ្ងៃទី​២៩ សីហា ថា ក្រោយ​ការ​ដាក់​ភូមិ​ណងចាន់ ស្ថិត​ក្រោម​ច្បាប់​អាជ្ញាសឹក​នេះ គឺ​ត្រូវ​ហាម​មិន​ឲ្យ​យក​អាវុធ​គ្រប់​ប្រភេទ​ចូល ឬ​វត្ថុ​ដែល​អាច​ប្រើ​ជា​អាវុធ​ផង​ដែរ។ ជាង​នេះ​ទៀត ក៏​ត្រូវ​ហាមឃាត់​ការ​បិទ​ផ្លូវ​ដែល​ប៉ះពាល់​ដល់​ប្រតិបត្តិការ​មន្ត្រី...

អង្គការ​សង្គម​ស៊ីវិល​ជាង ៧០​ស្ថាប័ន អំពាវនាវ​ឱ្យ​កងទ័ព​ភូមិន្ទ​ថៃ និង​រាជរដ្ឋាភិបាល​ថៃ ចាត់​វិធានការ​ចាំបាច់ ដោះលែង និង​បញ្ជូន​ទាហាន​កម្ពុជា​ទាំង ១៨​នាក់ ត្រឡប់​មក​កម្ពុជា​វិញ​ជាបន្ទាន់ ដើម្បី​សុខ​សន្តិភាព។ អង្គការ​ក្រៅ​រដ្ឋាភិបាល​ចំនួន ៧៣​ស្ថាប័ន រួម​មាន​មជ្ឈមណ្ឌល​សិទ្ធិមនុស្ស​កម្ពុជា (CCHR) អង្គការ​សម្ព័ន្ធ​ជំរឿន​ខ្មែរ និង​សិទ្ធិមនុស្ស (LICADO) និង​សមាគម​ការពារ​សិទ្ធិមនុស្ស និង​អភិវឌ្ឍន៍​នៅ​កម្ពុជា (ADHOC) ជាដើម បាន​ចេញ​សេចក្តី​ថ្លែងការណ៍​រួម​នៅ​ថ្ងៃទី​២៩ សីហា នេះ​ថា គិត​ត្រឹម​ថ្ងៃទី​២៩...

ឯកអគ្គរាជទូត​កម្ពុជា​ប្រចាំ​អង្គការ​សហប្រជាជាតិ (UN) សម្ដែង​ក្តីបារម្ភ​អំពី​បច្ចុប្បន្នភាព​នៃ​ជម្លោះ​ព្រំដែន​កម្ពុជា-ថៃ ចំពោះ​មុខ​អគ្គលេខាធិការ​អង្គការ​សហប្រជាជាតិ លោក António Guterres ពី​សកម្មភាព​រំលោភ​បទ​ឈប់​បាញ់​ដែល​បង្ក​ឡើង​ដោយ​ភាគី​ថៃ ម្តង​ហើយ​ម្តង​ទៀត​ក្នុង​ពេលនេះ។ ស្ថាន​បេសកកម្ម​អចិន្ត្រៃយ៍​កម្ពុជា​ប្រចាំ​អង្គការ​សហប្រជាជាតិ (អ.ស.ប.) នៅ​ទីក្រុង​ញូវយ៉ក សរសេរ​លើ​ទំព័រ​ហ្វេសប៊ុក​របស់​ខ្លួន​នៅ​ថ្ងៃទី​២៩ សីហា ថា លោក កែវ ឈា ឯកអគ្គរាជទូត​កម្ពុជា​ប្រចាំ​អង្គការ​សហប្រជាជាតិ បាន​ជួប​ជាមួយ​អគ្គលេខាធិការ​អង្គការ​សហប្រជាជាតិ លោក António Guterres កាលពី​ថ្ងៃទី​២៩ ខែ​សីហា...

នាយករដ្ឋមន្ត្រី​ប្រទេស​ម៉ាឡេស៊ី លោក អាន់វ៉ា អ៊ីប្រាហ៊ីម និង​ស៊ុលតង់​ព្រះចៅ​ប្រទេស​ប្រ៊ុយណេ អំពាវនាវ​ឱ្យ​ប្រទេស​កម្ពុជា និង​ប្រទេស​ថៃឡង់ដ៍ បន្ត​អនុវត្ត​បទ​ឈប់​បាញ់​គ្នា ដោយ​ងាក​មក​ចូលរួម​ក្នុង​ការ​សន្ទនា​ដោយ​ការ​ស្ថាបនា ដើម្បី​រក​ដំណោះស្រាយ​ប្រកប​ដោយ​ចីរភាព និង​សន្តិភាព។ ទីភ្នាក់ងារ​សារព័ត៌មាន​ម៉ាឡេស៊ី Bernama បាន​ចុះផ្សាយ​នៅ​ថ្ងៃទី​២៨ សីហា នេះ​ថា នាយករដ្ឋមន្ត្រី អាន់វ៉ា អ៊ីប្រាហ៊ីម និង​ព្រះចៅ ហាស់សាណាល់ ប៊ុលគីយ៉ះ (Sultan Hassanal Bolkiah)...

កម្ពុជា-ថៃ ឯកភាព​បញ្ឈប់​ការ​ពង្រីក​ទំហំ​នៃ​វិវាទ រួម​បញ្ចូល​ទាំង​សកម្មភាព​បង្ក​ហេតុ​របស់​ទាហាន​ថៃ ផង​ដែរ ដើម្បី​កុំ​ឱ្យ​មាន​ភាព​តានតឹង​កាន់តែ​ខ្លាំង និង​ជៀសវាង​នូវ​ការ​ចែកចាយ​ព័ត៌មាន​មិន​ពិត ដើម្បី​បញ្ចៀស​ការ​ប៉ះទង្គិច​គ្នា​ផង​ដែរ។ គណៈកម្មាធិការ​ព្រំដែន​ថ្នាក់​យោធភូមិភាគ​កម្ពុជា-ថៃ (RBC) ចេញ​សេចក្តី​ប្រកាស​ព័ត៌មាន​រួម​គ្នា​នៅ​ថ្ងៃទី​២៧ សីហា នេះ​ថា ភាគី​ទាំង​ពីរ​បាន​ឯកភាព​គ្នា​ក្នុង​ការ​រក្សា​ទំនាក់ទំនង​ជា​ប្រចាំ​រវាង​បណ្តា​យោធភូមិភាគ និង​តំបន់​យោធា ព្រមទាំង​បណ្តា​អង្គភាព​នៅ​តាម​បណ្តោយ​ព្រំដែន​នៃ​ប្រទេស​ទាំង​ពីរ និង​ជៀសវាង​នូវ​ការ​ចែកចាយ​ព័ត៌មាន​មិន​ពិត ដើម្បី​បញ្ចៀស​ការ​ប៉ះទង្គិច​គ្នា។ ប្រភព​ដដែល បញ្ជាក់​ថា រាល់​ការ​ធ្វើ​សកម្មភាព​ដើម្បី​ធានា​សុវត្ថិភាព រួម​បញ្ចូល​ទាំង​ការ​ល្បាត ការ​សាងសង់ ការ​ពង្រីក​ហេដ្ឋារចនាសម្ព័ន្ធ ឬ​លេណដ្ឋាន​ដែល​មាន​លក្ខណៈ​ការពារ​ខ្លួន ជាដើម ត្រូវតែ​ស្ថិត​នៅ​តែ​ខាង​ខ្លួនឯង​ប៉ុណ្ណោះ...

ពលរដ្ឋ​ខ្មែរ​រាប់​រយ​នាក់ ប្រមូលផ្ដុំ​ប្រឆាំង​តវ៉ា និង​បណ្តេញ​កងទ័ព​ថៃ មិន​ឱ្យ​ចូល​ទៅ​រាយ​បន្លា​លួស​ក្នុង​ភូមិ​ជោគជ័យ ឃុំ​អូរបីជាន់ ស្រុក​អូរជ្រៅ ខេត្ត​បន្ទាយមានជ័យ ឡើយ។ សារព័ត៌មាន​ក្នុង​ស្រុក SBT News បាន​ផ្សាយ​ផ្ទាល់​លើ​បណ្ដាញ​សង្គម​ហ្វេសប៊ុក នៅ​ថ្ងៃទី​២៦ សីហា នេះ អំពី​សកម្មភាព​តវ៉ា​របស់​ពលរដ្ឋ​ខ្មែរ​ដែល​នាំគ្នា​ប្រឆាំង​តវ៉ា​ការ​រាយ​បន្លា​លួស​របស់​កងទ័ព​ថៃ ដែល​ប៉ុនប៉ង​ចូល​ទៅ​រាយ​បន្លា​លួស​សាជាថ្មី​ក្នុង​ភូមិ​ជោគជ័យ ស្រុក​អូរជ្រៅ ខេត្ត​បន្ទាយមានជ័យ នោះ។ តាមរយៈ​វីដេអូ​ផ្សាយ​ផ្ទាល់ បង្ហាញ​ឱ្យ​ឃើញ​អំពី​ពលរដ្ឋ​ខ្មែរ​រាប់​រយ​នាក់​បាន​ប្រមូលផ្ដុំ​នៅ​ភូមិ​ជោគជ័យ ក្នុង​ខេត្ត​បន្ទាយមានជ័យ ដើម្បី​រារាំង​កងទ័ព​ថៃ មិន​ឱ្យ​រាយ​បន្លា​លួស​ចូល​ក្នុង​ទឹកដី​ខ្មែរ។ ចំណែក​សារព័ត៌មាន ខៅ​ស៊ុត...

រដ្ឋមន្ត្រី​ក្រសួង​ការពារ​ជាតិ​ស្ដីទី​ថៃ ព្រមាន​ចាត់​វិធានការ​ច្បាប់​លើ​ពលរដ្ឋ​ខ្មែរ​ដែល​បាន​រុះរើ​បន្លា​លួស​ប្រឆាំង​នឹង​កងទ័ព​ថៃ នៅ​ភូមិ​ជោគជ័យ ឃុំ​អូរបីជាន់ ស្រុក​អូរជ្រៅ ខេត្ត​បន្ទាយមានជ័យ ខណៈ​ក្រសួង​ការពារ​ជាតិ​កម្ពុជា ចាត់ទុក​សកម្មភាព​រាយ​បន្លា​លួស​ពី​សំណាក់​យោធា​ថៃ គឺជា​ការ​រំលោភ​លើ​បទ​ឈប់​បាញ់។ កាសែត The Nation របស់​ថៃ ស្រង់​សម្ដី​លោក ណាតថាផុន ណាក់ផានិត (Nattaphon Narkphanit) រដ្ឋមន្ត្រី​ក្រសួង​ការពារ​ជាតិ​ស្ដីទី​ថៃ នៅ​ថ្ងៃទី​២៦ សីហា នេះ​ថា យោធា​ថៃ បាន​ពង្រឹង​សន្តិសុខ​នៅ​តាម​ព្រំដែន​ក្នុង​ភូមិ​ណងចាន់ (Nong...

នាយករដ្ឋមន្ត្រី​កម្ពុជា លោក ហ៊ុន ម៉ាណែត អះអាង​ថា កិច្ចប្រជុំ​ព្រំដែន​ថ្នាក់​យោធភូមិភាគ​កម្ពុជា-ថៃ (RBC) រវាង​យោធភូមិភាគ​ទី​៥ របស់​កម្ពុជា និង​បញ្ជាការដ្ឋាន​ការពារ​ព្រំដែន​ខេត្ត​ចាន់បុរី និង​ខេត្ត​ត្រាត របស់​ថៃ ដែល​កម្ពុជា​ធ្វើ​ជា​ម្ចាស់​ផ្ទះ​នៅ​ថ្ងៃ​ចន្ទ​នេះ ទទួល​បាន​លទ្ធផល​ជា​វិជ្ជមាន។ លោក ហ៊ុន ម៉ាណែត បាន​សរសេរ​នៅ​លើ​ទំព័រ​ហ្វេសប៊ុក​របស់​ខ្លួន​នៅ​ថ្ងៃទី​២៥ សីហា នេះ​ថា លោក​សូម​ស្វាគមន៍​ចំពោះ​លទ្ធផល​វិជ្ជមាន​នៃ​កិច្ចប្រជុំ​វិសាមញ្ញ​គណៈកម្មាធិការ​កិច្ចការ​ព្រំដែន​ថ្នាក់​យោធភូមិភាគ​កម្ពុជា-ថៃ (RBC) រវាង​យោធភូមិភាគ​ទី​៥ របស់​កម្ពុជា និង​បញ្ជាការដ្ឋាន​ការពារ​ព្រំដែន​ខេត្ត​ចាន់បុរី...