រដ្ឋបាលខេត្តបន្ទាយមានជ័យព្រមានភាគីថៃថាមិនត្រូវចេញបណ្ណកម្មសិទ្ធិដីធ្លីធ្វើឱ្យប៉ះពាល់ដែនអធិបតេយ្យកម្ពុជាឡើយ

រដ្ឋបាលខេត្តបន្ទាយមានជ័យ អះអាងថា ភាគីថៃ អាចចេញបណ្ណកម្មសិទ្ធិឲ្យពលរដ្ឋរបស់ខ្លួន ប៉ុន្តែមិនត្រូវធ្វើឱ្យប៉ះពាល់ដល់ដែនអធិបតេយ្យកម្ពុជា នោះទេ ជាពិសេសតំបន់ដែលប្រទេសទាំងពីរពុំទាន់បានឯកភាពបោះបង្គោលខណ្ឌសីមា។

អភិបាលខេត្តបន្ទាយមានជ័យ លោក អ៊ុំ រាត្រី បានប្រាប់ក្រុមអ្នកសារព័ត៌មានក្នុងស្រុកនៅថ្ងៃទី២៥ ខែសីហា នេះថា ការចេញបណ្ណកម្មសិទ្ធិជូនពលរដ្ឋថៃ នៅលើទឹកដីថៃ គឺជាសិទ្ធិរបស់អាជ្ញាធរថៃ ប៉ុន្តែការចេញបណ្ណនេះ មិនត្រូវធ្វើឱ្យប៉ះពាល់ដល់អធិបតេយ្យរបស់កម្ពុជា ឬប៉ះពាល់ដល់តំបន់ដែលគណៈកម្មការចម្រុះខណ្ឌសីមាព្រំដែនគោក (JBC) នៃប្រទេសទាំងពីរ ពុំទាន់បានឯកភាពអំពីការខណ្ឌសីមាលើដីជាក់ស្តែង ឬប៉ះពាល់ដល់តំបន់ដែលពលរដ្ឋកម្ពុជាកំពុងកាន់កាប់ និងអាស្រ័យផលឡើយ។

លោក អ៊ុំ រាត្រី បន្ថែមថា ក្នុងករណីចេញបណ្ណធ្វើឱ្យប៉ះពាល់ដល់តំបន់ទាំងនេះ រដ្ឋបាលខេត្តបន្ទាយមានជ័យ នឹងជំទាស់ភ្លាម ព្រោះថាសកម្មភាពនេះ គឺរំលោភលើស្មារតី MOU ឆ្នាំ២០០០ រវាងរដ្ឋាភិបាលនៃប្រទេសទាំងពីរ ជាពិសេសប៉ះពាល់ទៅដល់ដំណើរការនៃការចរចា និងខណ្ឌសីមារបស់គណៈកម្មការចម្រុះខណ្ឌសីមាព្រំដែនគោក (JBC) នៃប្រទេសទាំងពីរ។

កាលពីថ្ងៃទី២៤ ខែសីហា កាសែតក្នុងស្រុកថៃ The Nation Thailand បានចុះផ្សាយថា អាជ្ញាធរខេត្តស្រះកែវ បានសន្យាចេញបណ្ណកម្មសិទ្ធិជូនពលរដ្ឋថៃ ដែលមានសិទ្ធិនៅក្នុងភូមិ Nong Chan ស្រុក Khok Sung ដែលមានភូមិសាស្ត្រជាប់នឹងភូមិជោគជ័យ ឃុំអូរបីជាន់ ស្រុកអូរជ្រៅ ខេត្តបន្ទាយមានជ័យ។

ទាក់ទងទៅនឹងបញ្ហាព្រំដែននេះ ក្រសួងការបរទេស និងកិច្ចសហប្រតិបត្តិការអន្តរជាតិ បានរំឭកជាថ្មីថា កម្ពុជានៅតែមានការប្ដេជ្ញាចិត្តអនុវត្តបទឈប់បាញ់ និងស្មារតីជាអ្នកជិតខាងល្អ ដោយប្រកាន់យកមធ្យោបាយសន្តិវិធី ដើម្បីដោះស្រាយបញ្ហាព្រំដែនតាមរយៈយន្តការទ្វេភាគី និងក្របខ័ណ្ឌអាស៊ាន។

អ្នកនាំពាក្យក្រសួងការបរទេស និងកិច្ចសហប្រតិបត្តិការអន្តរជាតិ លោក ជុំ សុន្ទរី បានបញ្ជាក់នៅក្នុងសន្និសីទសារព័ត៌មាននៅរសៀលថ្ងៃទី២៥ ខែសីហា នេះថា ប្រទេសទាំងពីរគួរតែធ្វើការជាមួយគ្នា ដើម្បីលើកស្ទួយការកសាងជំនឿទុកចិត្ត ការកាត់បន្ថយភាពតានតឹង និងកិច្ចសហប្រតិបត្តិការ ជាជាងសាបព្រោះនូវការចោទប្រកាន់ដែលមានហានិភ័យ ធ្វើឱ្យភាពតានតឹងកើនឡើង។

ជម្លោះព្រំដែនរវាងកម្ពុជា-ថៃ បានអូសបន្លាយពេលអស់ ២ខែ ២៧ថ្ងៃហើយ គិតត្រឹមថ្ងៃទី២៥ ខែសីហា នេះ ក្នុងនោះ កម្ពុជាបានធ្វើកិច្ចការទូតដើម្បីជំរុញឱ្យភាគីថៃ គោរពបទឈប់បាញ់យ៉ាងខ្លាំងក្លា ក្នុងបំណងធ្វើឱ្យប្រទេសទាំងពីរវិលទៅរកស្ថានភាពគ្មានជម្លោះវិញ ប៉ុន្តែភាគីថៃ នៅតែបង្ហាញពីគោលបំណងមិនចង់ផ្សះផ្សាជាមួយកម្ពុជា ទេ៕

បទវិភាគ

បទវិភាគ៖ ហេតុអ្វីបានជារុស្ស៊ី ខ្លាចមីស៊ីល Tomahawk អាមេរិក? ធ្វើដូចម្ដេចអ៊ុយក្រែន បានអាវុធនេះពីលោក ត្រាំ?

បទវិភាគ៖ ពីឧក្រិដ្ឋជនសង្គ្រាមក្លាយជាភ្ញៀវរបស់អាមេរិក លោក ត្រាំ ទាញលោក ពូទីន ចេញពីភាពឯកា

បទវិភាគព័ត៌មាន៖ មិនអាចប្ដូរមេដឹកនាំផ្ដាច់ការនៅបេឡារូស លើកលែងតែដូចប្រទេសបង់ក្លាដេស

បទវិភាគ៖ របបផ្ដាច់ការនៅប្រទេសស៊ីរី ដល់ពេលត្រូវបាត់បង់ហើយ

បទវិភាគ៖ ប្រទេសមួយក្រោមឥទ្ធិពលចិនខ្លាំង ហើយពីរទៀតក្រោមឥទ្ធិពលវៀតណាមផងចិនផង

បទវិភាគ៖ ផ្លែការ៉ុតនិងដំបងដាក់នៅចំពោះមុខកម្ពុជាក្នុងភូមិសាស្ត្រនយោបាយរវាងអាមេរិកនិងចិន

បទវិភាគ៖ តើប៉ាឡេស្ទីន អាចក្លាយជាសមាជិកពេញសិទ្ធិនៃអង្គការសហប្រជាជាតិបានដែរឬទេ?

បទវិភាគ៖ អាហ្វ្រិកខាងត្បូងអូសអ៊ីស្រាអែលឡើង ICC តែផ្ដល់ឱកាសឱ្យរុស្ស៊ីបន្តវិនាសកម្មនៅអ៊ុយក្រែន

អត្ថបទទាក់ទង

រដ្ឋាភិបាលបញ្ចូលសាច់ញាតិយុទ្ធជនពលី និងរបួសធ្ងន់ ៤១នាក់ក្នុងក្របខ័ណ្ឌកងទ័ព

ថៃព្រមានថា ការលើកយកទំនាស់ព្រំដែនទៅឆាកអន្តរជាតិ អាចប៉ះពាល់ដល់ទំនាក់ទំនងជាមួយកម្ពុជា

លោក ហ៊ុន សែន ឆ្ងល់ថាតើថៃកំពុងធ្វើអន្តរជាតូបនីយកម្មលើតំបន់សមុទ្រត្រួតស៊ីគ្នាជាមួយកម្ពុជាឬយ៉ាងណា?

ស្នូរអាវុធផ្ទុះនៅម្តុំច្រកអូរស្មាច់ ខណៈភាគីខ្មែរនាំប្រតិភូសង្កេតការណ៍អន្តរជាតិមើលព្រំដែន

រដ្ឋមន្ត្រីកម្ពុជា-ថៃ រឭកគ្នាអំពីការប្ដេជ្ញាចិត្តពិតប្រាកដនិងការគោរពច្បាប់អន្តរជាតិឱ្យបានពេញលេញ

អត្ថបទអានច្រើន

និស្សិតភូមា យករូបមេដឹកនាំកម្ពុជាលោក ហ៊ុន សែន ទៅជាន់ឈ្លីនិងដុតចោលតាមទីសាធារណៈ

លោក ហ៊ុន សែន គំរាមមិនឱ្យលោក ស ខេង ឈរជាបេក្ខភាពនាយករដ្ឋមន្ត្រីបន្ទាប់ពីលោកជាដាច់ខាត

អតិថិជនទិញអចលនទ្រព្យពីអ្នកឧកញ៉ា ឡេង ណាវ៉ាត្រា ទាមទារផ្ទះតាមកិច្ចសន្យា

អតិថិជនទិញផ្ទះល្វែងពីបុរីពិភពថ្មីកំបូលខកចិត្តនឹងគុណភាពសំណង់ផ្ទះល្វែង និងសេវាមួយចំនួនរបស់ក្រុមហ៊ុននេះ

លោក ជា សុផារ៉ា រងការចោទប្រកាន់ថាប្រព្រឹត្តអំពើពុករលួយក្នុងជួរបក្សកាន់អំណាចរបស់ខ្លួន

លោក សម រង្ស៊ី ប្រកាសរកការរួបរួមជាមួយបក្សកាន់អំណាចរបស់លោក ហ៊ុន សែន ដើម្បីជាតិខ្មែររុងរឿង

សេចក្ដីរាយការណ៍ពិសេស

លោក ចេន ហ្ស៊ី បាត់មុខពីកម្ពុជា ស្របពេលអាមេរិកលាតត្រដាងអំពើឆបោកនិងលាងលុយកខ្វក់ក្នុងប្រព័ន្ធគ្រីបតូ

តើព្រះសង្ឃ និងមេដឹកនាំខ្មែរ បានធ្វើអ្វីខ្លះដើម្បីជាប្រយោជន៍ដល់ព្រះពុទ្ធសាសនា និងសង្គមជាតិរបស់ខ្លួន?

តើកាកបាទក្រហមកម្ពុជាទទួលអំណោយសប្បុរសដោយកុសលកម្ម ឬអកុសលកម្មបថ?

លោក ហេង សិទ្ធី អំពាវនាវឱ្យពលរដ្ឋខ្មែរចូលរួមរំដោះប្រទេសចេញពីអំណាចប្រមូលផ្ដុំគ្រួសារតែមួយ

មេធាវី៖ ការចាប់ខ្លួនលោក ហេង សិទ្ធី ដោយសារដឹងអំពីផែនការបង្កើតបក្សនយោបាយប្រឆាំងត្រកូលហ៊ុន