កម្ពុជា ជំរុញឱ្យភាគីថៃ ពន្លឿនការបង្កើតក្រុមអ្នកសង្កេតការណ៍អាស៊ានដើម្បីការអនុវត្តបទឈប់បាញ់ឱ្យបានពេញលេញ

កម្ពុជា ជំរុញឱ្យថៃ ពន្លឿនការបង្កើតក្រុមអ្នកសង្កេតការណ៍អាស៊ាន ដែលដឹកនាំដោយប្រទេសម៉ាឡេស៊ី ដើម្បីផ្ទៀងផ្ទាត់ និងអនុវត្តបទឈប់បាញ់ឱ្យបានពេញលេញ និងមានប្រសិទ្ធភាព។

ថ្លែងនៅក្នុងសន្និសីទសារព័ត៌មាននៅព្រឹកថ្ងៃទី១៣ ខែសីហា អ្នកនាំពាក្យក្រសួងការពារជាតិកម្ពុជា អ្នកស្រី ម៉ាលី សុជាតា អំពាវនាវឱ្យភាគីថៃ គោរពលក្ខខណ្ឌកិច្ចព្រមព្រៀងបទឈប់បាញ់ និងស្មារតីនៃការឯកភាពគ្នានៅក្នុងកិច្ចប្រជុំគណៈកម្មាធិការព្រំដែនទូទៅកម្ពុជា-ថៃ (GBC) ដែលក្នុងនោះរួមមានការព្រមព្រៀងគ្នារក្សាកម្លាំងយោធារបស់ខ្លួននៅក្នុងទីតាំងបច្ចុប្បន្ន ដោយមិនអនុញ្ញាតឱ្យផ្លាស់ទីពីទីតាំងដែលខ្លួនឈរជើង នៅមុនពេលកិច្ចព្រមព្រៀងបទឈប់បាញ់ចូលជាធរមាន នៅម៉ោង ១២រំលងអាធ្រាត្រថ្ងៃទី២៨ ខែកក្កដា។

អ្នកស្រីបានលើកឡើងថា ពាក់ព័ន្ធនឹងករណីមីននេះ កម្ពុជាក៏ធ្លាប់រំឭកទៅភាគីថៃ ជាច្រើនលើកដែរថា តំបន់ប្រាសាទតាមាន់ បណ្តោយព្រំដែន គឺនៅមានគ្រាប់មីនដែលសេសសល់ពីសង្គ្រាម កម្ពុជាមិនមានការប្រើប្រាស់ និងមិនប្រើមីនថ្មីជាដាច់ខាត។

អ្នកស្រីបន្តថា កម្ពុជាជារដ្ឋភាគីនៃអនុសញ្ញាហាមប្រើប្រាស់មីនប្រឆាំងមនុស្ស (អនុសញ្ញាអូតាវ៉ា) ដែលកម្ពុជា បានផ្ដល់សច្ចាប័ននៅឆ្នាំ១៩៩៩ ហើយក៏ត្រូវបានទទួលស្គាល់ជាអន្តរជាតិចំពោះសមិទ្ធផលបោសសម្អាតមីន និងមិនប្រើប្រាស់មីនប្រឆាំងនឹងមនុស្សឡើយ។

អ្នកនាំពាក្យក្រសួងការពារជាតិកម្ពុជា អះអាងថា មកទល់ពេលនេះ មិនមានការស៊ើបអង្កេតជាផ្លូវការ និងដោយតម្លាភាពណាមួយដើម្បីបញ្ជាក់ការពិតនៅឡើយទេ ពាក់ព័ន្ធនឹងករណីដែលទាហានបានជាន់មីនជាថ្មីទៀតនៅតំបន់ប្រាសាទតាមាន់ធំ។

កាលពីថ្ងៃទី៧ ខែសីហា កិច្ចប្រជុំវិសាមញ្ញនៃគណៈកម្មាធិការព្រំដែនទូទៅកម្ពុជា-ថៃ (Extraordinary GBC Meeting) ត្រូវបានធ្វើឡើងនៅប្រទេសម៉ាឡេស៊ី ដោយមានការចូលរួមសង្កេតការណ៍ពីប្រទេសម៉ាឡេស៊ី សហរដ្ឋអាមេរិក និងសាធារណរដ្ឋប្រជាមានិតចិន។ កិច្ចប្រជុំនេះ បានព្រមព្រៀងគ្នាលើលក្ខខណ្ឌចំនួន ១៣ចំណុច ដែលជាយន្តការធានាឱ្យមានបទឈប់បាញ់រវាងកម្ពុជា-ថៃ បន្ទាប់ពីប្រទេសទាំងពីរបាញ់ផ្លោងដាក់គ្នាអស់រយៈពេល ៥ថ្ងៃ ដែលបណ្តាលឱ្យកងទ័ព និងជនស៊ីវិលរងរបួស និងស្លាប់ទាំងសងខាង។

កាលពីថ្ងៃទី២០ ខែកក្កដា ឆ្នាំ២០២៥ កន្លងមក ក្រសួងការបរទេសថៃ បានចង្អុលមកកម្ពុជា ថាជាអ្នកលួចដាក់គ្រាប់មីននៅក្នុងទឹកដីថៃ ដែលបង្កឱ្យទាហានថៃ ៣នាក់រងរបួសដោយសារជាន់មីន។

សេចក្តីថ្លែងការណ៍ក្រសួងការបរទេសថៃ នេះ ធ្វើឡើងដំណាលគ្នានឹងសេចក្តីថ្លែងការណ៍របស់ក្រសួងការពារជាតិកម្ពុជា ដែលលើកឡើងថា ហេតុការណ៍ផ្ទុះមីននោះកើតឡើងដោយសារទាហានថៃ ដើរល្បាតលើតម្រាយផ្លូវថ្មី ដែលស្ថិតនៅក្នុងដែនអធិបតេយ្យភាពកម្ពុជា៕

កម្ពុជា ជំរុញឱ្យភាគីថៃ ពន្លឿនការបង្កើតក្រុមអ្នកសង្កេតការណ៍អាស៊ានដើម្បីការអនុវត្តបទឈប់បាញ់ឱ្យបានពេញលេញ

បទវិភាគ

បទវិភាគ៖ ហេតុអ្វីបានជារុស្ស៊ី ខ្លាចមីស៊ីល Tomahawk អាមេរិក? ធ្វើដូចម្ដេចអ៊ុយក្រែន បានអាវុធនេះពីលោក ត្រាំ?

បទវិភាគ៖ ពីឧក្រិដ្ឋជនសង្គ្រាមក្លាយជាភ្ញៀវរបស់អាមេរិក លោក ត្រាំ ទាញលោក ពូទីន ចេញពីភាពឯកា

បទវិភាគព័ត៌មាន៖ មិនអាចប្ដូរមេដឹកនាំផ្ដាច់ការនៅបេឡារូស លើកលែងតែដូចប្រទេសបង់ក្លាដេស

បទវិភាគ៖ របបផ្ដាច់ការនៅប្រទេសស៊ីរី ដល់ពេលត្រូវបាត់បង់ហើយ

បទវិភាគ៖ ប្រទេសមួយក្រោមឥទ្ធិពលចិនខ្លាំង ហើយពីរទៀតក្រោមឥទ្ធិពលវៀតណាមផងចិនផង

បទវិភាគ៖ ផ្លែការ៉ុតនិងដំបងដាក់នៅចំពោះមុខកម្ពុជាក្នុងភូមិសាស្ត្រនយោបាយរវាងអាមេរិកនិងចិន

បទវិភាគ៖ តើប៉ាឡេស្ទីន អាចក្លាយជាសមាជិកពេញសិទ្ធិនៃអង្គការសហប្រជាជាតិបានដែរឬទេ?

បទវិភាគ៖ អាហ្វ្រិកខាងត្បូងអូសអ៊ីស្រាអែលឡើង ICC តែផ្ដល់ឱកាសឱ្យរុស្ស៊ីបន្តវិនាសកម្មនៅអ៊ុយក្រែន

អត្ថបទទាក់ទង

រដ្ឋាភិបាលបញ្ចូលសាច់ញាតិយុទ្ធជនពលី និងរបួសធ្ងន់ ៤១នាក់ក្នុងក្របខ័ណ្ឌកងទ័ព

ថៃព្រមានថា ការលើកយកទំនាស់ព្រំដែនទៅឆាកអន្តរជាតិ អាចប៉ះពាល់ដល់ទំនាក់ទំនងជាមួយកម្ពុជា

លោក ហ៊ុន សែន ឆ្ងល់ថាតើថៃកំពុងធ្វើអន្តរជាតូបនីយកម្មលើតំបន់សមុទ្រត្រួតស៊ីគ្នាជាមួយកម្ពុជាឬយ៉ាងណា?

ស្នូរអាវុធផ្ទុះនៅម្តុំច្រកអូរស្មាច់ ខណៈភាគីខ្មែរនាំប្រតិភូសង្កេតការណ៍អន្តរជាតិមើលព្រំដែន

រដ្ឋមន្ត្រីកម្ពុជា-ថៃ រឭកគ្នាអំពីការប្ដេជ្ញាចិត្តពិតប្រាកដនិងការគោរពច្បាប់អន្តរជាតិឱ្យបានពេញលេញ

អត្ថបទអានច្រើន

និស្សិតភូមា យករូបមេដឹកនាំកម្ពុជាលោក ហ៊ុន សែន ទៅជាន់ឈ្លីនិងដុតចោលតាមទីសាធារណៈ

លោក ហ៊ុន សែន គំរាមមិនឱ្យលោក ស ខេង ឈរជាបេក្ខភាពនាយករដ្ឋមន្ត្រីបន្ទាប់ពីលោកជាដាច់ខាត

អតិថិជនទិញអចលនទ្រព្យពីអ្នកឧកញ៉ា ឡេង ណាវ៉ាត្រា ទាមទារផ្ទះតាមកិច្ចសន្យា

អតិថិជនទិញផ្ទះល្វែងពីបុរីពិភពថ្មីកំបូលខកចិត្តនឹងគុណភាពសំណង់ផ្ទះល្វែង និងសេវាមួយចំនួនរបស់ក្រុមហ៊ុននេះ

លោក ជា សុផារ៉ា រងការចោទប្រកាន់ថាប្រព្រឹត្តអំពើពុករលួយក្នុងជួរបក្សកាន់អំណាចរបស់ខ្លួន

លោក សម រង្ស៊ី ប្រកាសរកការរួបរួមជាមួយបក្សកាន់អំណាចរបស់លោក ហ៊ុន សែន ដើម្បីជាតិខ្មែររុងរឿង

សេចក្ដីរាយការណ៍ពិសេស

លោក ចេន ហ្ស៊ី បាត់មុខពីកម្ពុជា ស្របពេលអាមេរិកលាតត្រដាងអំពើឆបោកនិងលាងលុយកខ្វក់ក្នុងប្រព័ន្ធគ្រីបតូ

តើព្រះសង្ឃ និងមេដឹកនាំខ្មែរ បានធ្វើអ្វីខ្លះដើម្បីជាប្រយោជន៍ដល់ព្រះពុទ្ធសាសនា និងសង្គមជាតិរបស់ខ្លួន?

តើកាកបាទក្រហមកម្ពុជាទទួលអំណោយសប្បុរសដោយកុសលកម្ម ឬអកុសលកម្មបថ?

លោក ហេង សិទ្ធី អំពាវនាវឱ្យពលរដ្ឋខ្មែរចូលរួមរំដោះប្រទេសចេញពីអំណាចប្រមូលផ្ដុំគ្រួសារតែមួយ

មេធាវី៖ ការចាប់ខ្លួនលោក ហេង សិទ្ធី ដោយសារដឹងអំពីផែនការបង្កើតបក្សនយោបាយប្រឆាំងត្រកូលហ៊ុន