ព័ត៌មានខ្មែរ

កម្មវិធី​Idea Talk តាម​បណ្តាញ ​Facebook Live​របស់​The Cambodia Daily​ ថ្ងៃ​ទី​៣ឧសភា​ឆ្នាំ​២០១៩។​

លោក​ហ៊ុន សែន​បាន​ដឹក​នាំ​គណៈ​ប្រតិភូ​ជាន់​ខ្ពស់ ​ទៅ​កាន់​ទីក្រុង​ហាណូយ​នៃ​សាធារណ​រដ្ឋ​សង្គម​និយម​វៀតណាម​ នា​រសៀល​ថ្ងៃ​នេះ​​ ដើម្បី​ចូល​រួម​ក្នុង​ពិធី​បុណ្យ​សព​អតីត​ប្រធាន​រដ្ឋ​នៃ​សាធារណ​រដ្ឋ​សង្គម​និយម​វៀតណាម ​លោក​ឡេ ដឹកអាញ់​ ដែល​បាន​ទទួល​មរណ​ភាព​កាល​ពី​ថ្ងៃ​ទី ​២២​ ខែ​មេសា ​ដោយ​ជរាពាធ។​

ពលរដ្ឋ​ខ្មែរ​ក្រោម​នៅ​តែ​ចងចាំ​អំពី​ភាព​សាហាវ​ឃោរ​ឃៅ​របស់​ក្រុម​កងទ័ព​​វៀតណាម​ដែល​ដឹក​នាំ​ដោយ​មេ​បញ្ជាការ​ឡេ ឌឹកអាញ់​ដែល​បាន​បាញ់​សម្លាប់​អ្នក​ស្នេហា​ជាតិ​ខ្មែរ​ក្រោម​ជា​ច្រើន​នាក់។​

អ្នក​រាយ​ការណ៍​ពិសេស​អ.ស.ប.​ទទួល​បន្ទុក​ផ្នែក​សិទ្ធិ​មនុស្ស​នៅ​កម្ពុជា​អ្នកស្រី​រ៉ូណា ស្មីត​បាន​លើក​ឡើង​ថា​ បញ្ហា​ការ​សម្រេច​ចិត្ត​ដើម្បី​បន្ដ​ជជែក​គ្នា​ជុំវិញ​បញ្ហា​EBA​គឺ​ស្ថិត​លើ​រដ្ឋាភិបាល​ជា​អ្នក​ធ្វើ ​ដោយ​ថា នៅ​ក្នុង​ភាព​ជា​ដៃ​គូ​ពាណិជ្ជ​កម្ម​ ឬ​កិច្ច​ព្រម​ព្រៀង​ណាមួយ​ជាមួយ​ដៃ​គូ​ម្ចាស់​ជំនួយ​នោះ​គឺ​ស្រេច​តែ​ទៅ​លើ​រដ្ឋាភិបាល។​

លោក​សម រង្ស៊ី​បន្ត​ចាញ់​ក្តី​នៅ​តុលាការ​ក្រុង​ភ្នំពេញ​ចំនួន​ពី​សំណុំ​រឿង​ទៀត​នៅ​ថ្ងៃ​ទី​២​ ខែ​ឧសភា​នេះ។ ​ចៅ​ក្រម​ជំនុំ​ជម្រះ​សាលា​ដំបូង​រាជធានី​ភ្នំពេញ​ លោក​រស់ ពិសិដ្ឋ​បាន​ប្រកាស​សាល​ក្រម​ផ្តន្ទា​ទោស​លោក​សម រង្ស៊ី​ដាក់​ពន្ធនាគារ​៨​ឆ្នាំ​និង​ពិន័យ​ជា​ប្រាក់​២០​លាន​រៀល​ចូល​ជា​ថវិកា​ជាតិ​ ក្នុង​សំណុំ​រឿង​ញុះញង់​ឲ្យ​កង​ទ័ព​កុំ​ស្តាប់​បទ​បញ្ជា​និង​ប្រមាថ​ព្រះ​មហា​ក្សត្រ។​

រដ្ឋ​លេខាធិការ​ក្រសួង​ការពារ​ជាតិ​នាយ​ឧត្តម​សេនីយ៍​នាង​ផាត ​នៅ​ថ្ងៃ​ទី​២​ ខែ​ឧសភា​នេះ​អះអាង​ថា​ គ្មាន​គម្រោង​ទម្លាក់​សក្តិ​នាយ​ទាហាន​នោះ​ទេ។​ ការ​អះអាង​របស់​លោក​នាង ផាត​ធ្វើ​ឡើង​នៅ​ក្នុង​កិច្ច​ប្រជុំ​បូក​សរុប​លទ្ធ​ផល​ការងារ​ប្រចាំ​ខែ​មេសា ​និង​លើក​ទិស​ដៅ​ការ​ងារ​បន្ត​សម្រាប់​ខែ​ឧសភា​ ឆ្នាំ​២០១៩​ នេះ។​

កម្មវិធី​Idea Talk តាម​បណ្តាញ ​Facebook Live​របស់​The Cambodia Daily​ ថ្ងៃ​ទី​២ឧសភា​ឆ្នាំ​២០១៩។​

សមត្ថ​កិច្ច​ក្រុង​ភ្នំពេញ​បាន​ឃាត់​ខ្លួន​ជនជាតិ​ចិន​ម្នាក់​ក្រោយ​ពេល​ពួក​គេ​បាន​រក​ឃើញ​គ្រាប់បែក​កែ​ច្នៃ​ជាច្រើន​គ្រាប់​នៅ​ក្នុង​កាបូប​របស់​បុរស​រូប​នោះ​ដែល​ស្ពាយ​ដើរ​នៅ​ទី​សាធារណៈ​នៅ​ខណ្ឌ​ពោធិ៍សែនជ័យ​រាជធានី​ភ្នំពេញ​ដោយ​សមត្ថ​កិច្ច​សង្ស័យ​ថា​ ជាការ​ប៉ុនប៉ង​បំ​ផ្ទុះនៅ​ផ្ទះ​មិត្ត​ភក្តិ​របស់​ខ្លួន។​

សង្គម​ស៊ីវិល​នៅ​ថ្ងៃ​នេះ​បាន​ជំរុញ​ទៅ​រដ្ឋាភិបាល​ជាថ្មី​ទៀត​ឱ្យ​គិត​គូរ​ធ្វើ​យ៉ាង​ណា​រក្សា​ប្រព័ន្ធ​អនុ​គ្រោះ​ពន្ធ​EBA​របស់​សហគមន៍​អឺរ៉ុប​ឱ្យ​បាន​ដើម្បី​ការពារ​សុវត្ថិភាព​ការងារ​ជូន​កម្មករ​កសិករ​នៅ​កម្ពុជា។​ 

បុរស​ម្នាក់​អំពាវនាវ​ឱ្យ​អ្នកស្រី​រ៉ូណាស្មីត​ជួយ​រក​យុត្តិធម៌​ដល់​កូន​ដែល​ស្លាប់​នៅ​ពន្ធនាគារ​ខេត្ត​កំពង់ចាម​ដោយ​លោក​លើក​ឡើង​ថា​ ករណី​កូន​របស់​ខ្លួន​ស្លាប់​ដោយ​អាថ៌​កំបាំង​និង​ស្លាប់​ដោយ​មាន​ស្លាក​ស្នាម​នៃ​ការ​វាយ​ដំ​ជាច្រើន​ផង​ដែរ។​