TAG
ព្រៃឡង់
សកម្មជនការពារព្រៃឈើអំពាវនាវឱ្យលោក ហ៊ុន ម៉ាណែត ទប់ស្កាត់បទល្មើសព្រៃឈើក្នុងតំបន់ព្រៃឡង់
បណ្ដាញសហគមន៍ព្រៃឡង់ អំពាវនាវឱ្យនាយករដ្ឋមន្ត្រីថ្មីរបស់កម្ពុជាលោក ហ៊ុន ម៉ាណែត និងស្ថាប័នពាក់ព័ន្ធ រួមទាំងសមត្ថកិច្ចមូលដ្ឋាន ដាក់ចេញវិធានការទប់ស្កាត់បទល្មើសក្នុងតំបន់អូតាលោក ស្រុកសណ្ដាន់ ខេត្តកំពង់ធំ ក្នុងដែនជម្រកសត្វព្រៃព្រៃឡង់ជាបន្ទាន់ ដោយសារសព្វថ្ងៃនេះ សកម្មភាពដុតបំផ្លាញព្រៃឈើ និងការកាប់បំផ្លាញព្រៃឈើខុសច្បាប់ចេះតែកើតមានជាបន្តបន្ទាប់។
សមាជិកបណ្ដាញសហគមន៍ព្រៃឡង់ខេត្តកំពង់ធំ ចេញវីដេអូមួយនៅថ្ងៃទី២៣ ខែមេសា ឆ្នាំ២០២៤ នេះថា ការបញ្ចេញវីដេអូពីការដុតបំផ្លាញព្រៃឈើក្នុងដែនជម្រកសត្វព្រៃព្រៃឡង់នេះ មិនមែនដើម្បីញុះញង់ឱ្យមានការស្អប់ ឬរើសអើងការដឹកនាំរបស់រដ្ឋាភិបាលទេ ប៉ុន្តែដោយសារតែមើលឃើញពីការដុតបំផ្លាញព្រៃឈើក្នុងតំបន់នេះកាន់តែធំៗទៅស្ទើរតែរាល់ថ្ងៃ ដោយគ្មានការទប់ស្កាត់ពីរដ្ឋាភិបាល ដូច្នេះអាជ្ញាធរមានសមត្ថកិច្ចគ្រប់ស្ថាប័នពាក់ព័ន្ធសុទ្ធតែអាចចុះទៅពិនិត្យមើលទិដ្ឋភាពព្រៃដែលរងនូវការដុតបំផ្លាញជាក់ស្តែង ដើម្បីឱ្យដឹងការពិត។
អ្នកសម្របសម្រួលបណ្ដាញព្រៃឡង់ខេត្តកំពង់ធំ...
កម្ពុជាបន្តបាត់បង់ព្រៃឈើជាង ១សែនហិកតាក្នុងឆ្នាំ២០២៣ ស្មើទំហំទីក្រុង Los Angeles របស់អាមេរិក ដោយសារអំពើពុករលួយ
រយៈពេល ១ឆ្នាំពេញក្នុងឆ្នាំ២០២៣ ប្រទេសកម្ពុជាបានបាត់បង់ព្រៃឈើជាង ១សែនហិកតា (១២១ ០០០ហិកតា) ឬស្មើទំហំទីក្រុង Los Angeles ដោយសារតែអំពើពុករលួយដែលជាប់ពាក់ព័ន្ធនឹងមន្ត្រីជាន់ខ្ពស់រដ្ឋាភិបាលកម្ពុជា និងឧកញ៉ាគ្រាក់ៗមួយចំនួនដែលជាសែស្រឡាយរបស់លោក ហ៊ុន សែន។
សារព័ត៌មានអន្តរជាតិ ម៉ុងហ្កាបេ (Mongabay) បានចុះផ្សាយអត្ថបទមួយកាលពីថ្ងៃទី១៧ ខែមេសា ឆ្នាំ២០២៤ នេះ ដោយដាក់ចំណងជើងថា «តំបន់ការពារទទួលរងផលប៉ះពាល់យ៉ាងខ្លាំង ខណៈការបាត់បង់ព្រៃឈើនៅតែបន្តកើតមាននៅទូទាំងប្រទេសកម្ពុជា»។
សារព័ត៌មានដដែលនេះ អះអាងថា ទិន្នន័យថ្មីមួយដែលចេញផ្សាយដោយសាកលវិទ្យាល័យ...
សហគមន៍ព្រៃឡង់ខេត្តព្រះវិហាររកឃើញបទល្មើសកាប់ឈើខុសច្បាប់ជិត ១០កន្លែងដោយគ្មានការបង្ក្រាបពីអាជ្ញាធរ
បណ្ដាញសហគមន៍ព្រៃឡង់ខេត្តព្រះវិហារ បង្ហាញពីបទល្មើសកាប់ឈើខុសច្បាប់ក្នុងតំបន់អភិរក្សសត្វព្រៃព្រៃឡង់ ដែលកំពុងកើតមានជិត ១០កន្លែង។
ពួកគេបានរកឃើញដើមឈើធំៗជាច្រើនត្រូវបានកាប់រំលំ និងដឹកជញ្ជូនចេញយ៉ាងអនាធិបតេយ្យ ដោយគ្មានការចុះយាមល្បាតពីអាជ្ញាធរមានសមត្ថកិច្ច ឬអាជ្ញាធរឧទ្យានុរក្សឡើយ បន្ទាប់ពីពួកគេបានចុះស៊ើបអង្កេតបទល្មើសព្រៃឈើក្នុងតំបន់ព្រៃឡង់រយៈពេល ៣យប់ ៤ថ្ងៃរួចមក។
បណ្ដាញសហគមន៍ព្រៃឡង់ខេត្តព្រះវិហារ សរសេរលើទំព័រហ្វេសប៊ុករបស់ខ្លួនកាលពីថ្ងៃទី៧ ខែមេសា ឆ្នាំ២០២៤ នេះថា ពួកគេបានចុះស៊ើបអង្កេតបទល្មើសព្រៃឈើក្នុងតំបន់ព្រៃឡង់រយៈពេល ៣យប់ ៤ថ្ងៃ ចាប់ពីថ្ងៃទី៤ ដល់ថ្ងៃទី៧ ខែមេសា ឆ្នាំ២០២៤ ក្នុងនោះ ពួកគេបានរកឃើញបទល្មើសជាច្រើនករណី ដូចជា...
ក្រសួងបរិស្ថានឱ្យអាជ្ញាធរពាក់ព័ន្ធដកខ្លួនចេញពីសកម្មភាពរុករានដីក្នុងតំបន់ការពារធ្វើកម្មសិទ្ធិជាបន្ទាន់
ក្រសួងបរិស្ថាន ឱ្យសមត្ថកិច្ចពាក់ព័ន្ធដកខ្លួនចេញជាបន្ទាន់រាល់ការចុះហត្ថលេខាលើឯកសារស្នើសុំកាន់កាប់ដីធ្លី និងលិខិតទិញ-លក់ផ្សេងៗនៅក្នុងតំបន់ការពារធម្មជាតិ បន្ទាប់ពីមានសកម្មភាពឈូសឆាយដីព្រៃក្នុងតំបន់ការពារធម្មជាតិធ្វើជាកម្មសិទ្ធិក្នុងរយៈពេលចុងក្រោយនេះ។
យោងតាមសេចក្ដីជូនដំណឹងពីក្រសួងបរិស្ថាន ចេញកាលពីថ្ងៃទី១៤ ខែមីនា ដែលទើបផ្សព្វផ្សាយជាសាធារណៈនៅថ្ងៃទី១៥ មីនា នេះថា មួយរយៈពេលចុងក្រោយនេះមានសកម្មភាពកាប់គាស់ រុករាន ឆ្ការដុត ឬការឈូសឆាយដីព្រៃក្នុងតំបន់ការពារធម្មជាតិ យកធ្វើជាកម្មសិទ្ធិ ដែលបានបំពាននឹងបទប្បញ្ញត្តិច្បាប់ជាធរមាន។
ប្រភពដដែលលើកឡើងថា សមត្ថកិច្ចពាក់ព័ន្ធបញ្ឈប់ជាបន្ទាន់នូវការចុះហត្ថលេខាលើលិខិត ឬឯកសារស្នើសុំកាន់កាប់ ប្រើប្រាស់ដីធ្លី លិខិតទិញលក់ លិខិតផ្ទេរការកាន់កាប់ ឬការបញ្ជាក់លើប្លង់បង្ហាញទីតាំងដី ដែលស្ថិតក្នុងតំបន់ការពារធម្មជាតិ។ សមត្ថកិច្ចពាក់ព័ន្ធគ្រប់គ្រងតំបន់ការពារធម្មជាតិទាំងអស់ ត្រូវបន្តអនុវត្តច្បាប់...
រដ្ឋាភិបាលដាក់តំបន់ព្រៃឡង់ជាតំបន់ក្រហម ដោយឈប់ចេញអាជ្ញាប័ណ្ណរ៉ែគ្រប់ប្រភេទ
រដ្ឋាភិបាលសម្រេចដាក់តំបន់ព្រៃឡង់ជាតំបន់ក្រហម ដោយមិនចេញអាជ្ញាប័ណ្ណធនធានរ៉ែគ្រប់ប្រភេទបន្ថែមទៀតឲ្យទៅក្រុមហ៊ុនឯកជនណាមួយឡើយ លើកលែងតែក្រុមហ៊ុនចំនួនពីរដែលទទួលបានការអនុញ្ញាតកាលពីមុនមកហើយ។
ពាក់ព័ន្ធនឹងបញ្ហានេះ អង្គការអន្តរជាតិដែលមានមូលដ្ឋាននៅប្រទេសស្វីស ជំរុញឱ្យរដ្ឋាភិបាលកម្ពុជាដកអាជ្ញាប័ណ្ណក្រុមហ៊ុនរុករករ៉ែទាំងនោះ ដោយសារតែបានបង្កការគំរាមកំហែងយ៉ាងធ្ងន់ធ្ងរដល់ព្រៃឈើ និងជីវិតរបស់ពលរដ្ឋនៅក្នុងតំបន់នោះ។
រដ្ឋមន្ត្រីក្រសួងរ៉ែ និងថាមពល លោក កែវ រតនៈ អះអាងនៅក្នុងវេទិកាពិភាក្សាសារព័ត៌មានលើប្រធានបទ៖ «គោលនយោបាយរ៉ែ និងថាមពលនៅកម្ពុជា» នៅសណ្ឋាគារសុខាភ្នំពេញ នៅថ្ងៃទី២១ ខែវិច្ឆិកា នេះថា រដ្ឋាភិបាលបានសម្រេចដាក់តំបន់ព្រៃឡង់ជាតំបន់ក្រហម កាលពីថ្ងៃទី២ វិច្ឆិកា ដោយមិនចេញអាជ្ញាប័ណ្ណធនធានរ៉ែគ្រប់ប្រភេទបន្ថែមទៀត លើកលែងតែក្រុមហ៊ុនចំនួនពីរដែលទទួលបានការអនុញ្ញាតកាលមុនមកហើយ។
លោករដ្ឋមន្ត្រីក្រសួងរ៉ែ និងថាមពល...
បណ្ដាញសហគមន៍ថាការកាប់រានទន្ទ្រានដីព្រៃឡង់ធ្វើជាកម្មសិទ្ធិនៅតែបន្តកើតឡើងដដែល
បណ្ដាញសហគមន៍ព្រៃឡង់ខេត្តព្រះវិហារ អះអាងថា ការកាប់បំផ្លាញព្រៃឈើ និងការរានទន្ទ្រានដីដែនជម្រកសត្វព្រៃព្រៃឡង់ធ្វើជាកម្មសិទ្ធិ នៅតែបន្តកើតឡើង បើទោះបីជារដ្ឋាភិបាលចេញវិធានការទប់ស្កាត់បទល្មើសធនធានធម្មជាតិក៏ដោយ។
កាលពីថ្ងៃទី១៧ ខែកក្កដា ឆ្នាំ២០២៣ រដ្ឋាភិបាលបានកែប្រែដែនជម្រកសត្វព្រៃព្រៃឡង់ពីផ្ទៃដីទំហំ ៤៣១៦៨៣ហិកតារទៅផ្ទៃដីទំហំ ៤៨៩៦៦៣ហិកតារវិញ ដែលមានការកើនឡើងផ្ទៃដីគ្រប់គ្រងបន្ថែមចំនួនជាង ៥ម៉ឺនហិកតារ (៥៧៩៨០ហិកតារ)។
បើទោះបីជាផ្ទៃដីដែនជម្រកសត្វព្រៃព្រៃឡង់បានកើនឡើងក៏ដោយ ប៉ុន្តែសកម្មភាពនៃការបំផ្លាញ និងទន្ទ្រានយកដី នៅតែបន្តកើតមានឡើងដដែល។ ជាក់ស្ដែង ចាប់ពីថ្ងៃទី២២ ដល់ថ្ងៃទី២៥ ខែតុលា ឆ្នាំ២០២៣ បណ្ដាញសហគមន៍ព្រៃឡង់ព្រះវិហារ ថា...
ចលនាមាតាធម្មជាតិ៖ តំបន់អភិរក្សសត្វព្រៃឡង់ដែលកំពុងទន្ទ្រានពីក្រុមហ៊ុនចិនជាតំបន់អភិរក្សឥតន័យ
ចលនាមាតាធម្មជាតិ ចាត់ទុកតំបន់អភិរក្សសត្វព្រៃព្រៃឡង់ ដែលរដ្ឋាភិបាលកម្ពុជាជួលទៅឱ្យក្រុមហ៊ុនចិន Late Cheng Mining Development ដើម្បីរុករករ៉ែមាសសព្វថ្ងៃនេះ គឺជាតំបន់អភិរក្សដែលឥតន័យ ព្រោះថាតំបន់នេះមិនបានផ្តល់ផលប្រយោជន៍ឱ្យកម្ពុជា និងពលរដ្ឋខ្មែរទេ តែបែរជាផ្តល់ការគំរាមកំហែងដល់ប្រជាពលរដ្ឋ និងបរិស្ថានទៅវិញ។
ចលនាមាតាធម្មជាតិ សរសេរលើទំព័រហ្វេសប៊ុករបស់ខ្លួនកាលពីថ្ងៃទី២៥ ខែតុលា ឆ្នាំ២០២៣ នេះថា ដែនជម្រកសត្វព្រៃព្រៃឡង់ទំហំជាង ៤សែនហិកតារ ត្រូវបានដាក់ជាតំបន់ការពារដែនជម្រកសត្វព្រៃកាលពីឆ្នាំ២០១៦ ប៉ុន្តែដែនជម្រកសត្វព្រៃមួយនេះមិនត្រូវបានការពារតំបន់ព្រៃឡង់ពីការបំផ្លិចបំផ្លាញឡើយ ព្រោះថាសព្វថ្ងៃនេះ ដែនជម្រកសត្វព្រៃមួយនេះកំពុងត្រូវបានបំផ្លិចបំផ្លាញដោយសារការកាប់បំផ្លាញឈើខុសច្បាប់ ការរុករករ៉ែថ្មកំបោរ...
អង្គការអន្តរជាតិជំរុញឱ្យរដ្ឋាភិបាលកម្ពុជាដកអាជ្ញាប័ណ្ណក្រុមហ៊ុនចិនរុករករ៉ែមាសពីតំបន់ព្រៃឡង់
អង្គការអន្តរជាតិឈ្មោះ Bruno Manser Fonds ដែលមានមូលដ្ឋាននៅប្រទេសស្វីស ជំរុញឱ្យរដ្ឋាភិបាលកម្ពុជាដកអាជ្ញាប័ណ្ណក្រុមហ៊ុនរុករករ៉ែមួយឈ្មោះ Late Cheng Mining Development Co., Ltd ដែលម្ចាស់ក្រុមហ៊ុនភាគច្រើនជាជនជាតិចិន និងហាមឃាត់គម្រោងអាជីវកម្មរ៉ែធំៗនៅក្នុងតំបន់ជម្រកសត្វព្រៃព្រៃឡង់នាពេលអនាគត បន្ទាប់ពីរកឃើញថា ក្រុមហ៊ុននេះមិនត្រឹមតែជីកយករ៉ែមាស និងរ៉ែថ្មកំបោរទេ ប៉ុន្តែពួកគេបាននាំគ្នាកាប់ឈើខុសច្បាប់ និងធ្វើសកម្មភាពបរបាញ់សត្វព្រៃខុសច្បាប់ថែមទៀត ដែលសកម្មភាពទាំងនេះកំពុងបង្កការគំរាមកំហែងយ៉ាងធ្ងន់ធ្ងរដល់ព្រៃឈើ និងជីវិតរបស់ប្រជាជនក្នុងតំបន់នោះ។
បើតាមសេចក្តីប្រកាសព័ត៌មានរបស់អង្គការ Bruno Manser Fonds...
មន្ទីរបរិស្ថានខេត្តក្រចេះទទួលស្គាល់ថាមានការរុករករ៉ែមាសដោយខុសច្បាប់ តែមិនដល់១០០ទីតាំងទេ
មន្ទីរក្រសួងបរិស្ថានខេត្តក្រចេះ ទទួលស្គាល់ថាពិតជាមានការរុករករ៉ែមាសនៅខេត្តក្រចេះ ដោយគ្មានច្បាប់អនុញ្ញាតប្រាកដមែន ប៉ុន្តែមិនមែនចំនួន ១០០កន្លែងដូចសារព័ត៌មានក្នុងស្រុកមួយចុះផ្សាយឡើយ។
សេចក្ដីប្រកាសព័ត៌មានរបស់មន្ទីរបរិស្ថានខេត្តក្រចេះ កាលពីថ្ងៃទី១១ ខែតុលា ឆ្នាំ២០២៣ ដោយចាត់ទុកការចុះផ្សាយរបស់សារព័ត៌មានដើមរាំង កាលពីថ្ងៃទី១០ ខែតុលា ឆ្នាំ២០២៣ ដែលចោទលើមន្ត្រីបរិស្ថានឃុបឃិតជាមួយអាជ្ញាធរភូមិ ដើរយកប្រាក់ពីអ្នកជីកបូមមាសដោយម៉ាស៊ីន ០១គ្រឿងស្មើនឹង ៦០ម៉ឺនរៀល និងមានទីតាំងរុករករ៉ែមាសនេះចំនួន ១០០កន្លែង និងប្រើប្រាស់ដោយម៉ាស៊ីនខួងដើម្បីរុករករ៉ែមាសថាគ្មានមូលដ្ឋានច្បាស់លាស់។
លើសពីនេះ មន្ទីរបរិស្ថានដដែលថា ការចុះផ្សាយរបស់សារព័ត៌មានដើមរាំង នេះ មិនបានស្វែងរកមូលហេតុ ឬអង្គហេតុគ្រប់ជ្រុងជ្រោយដែលមានចរិតលក្ខណៈបង្កាច់បង្ខូចញុះញង់...
ក្រសួងបរិស្ថានច្រានចោលការចុះផ្សាយថាមានករណីធ្វើផ្លូវចូលក្នុងដែនជម្រកសត្វព្រៃឡង់ដោយក្រុមហ៊ុនរកស៊ីឈើ
ក្រសួងបរិស្ថានច្រានចោលចំពោះការចុះផ្សាយថា មានការឈូសឆាយផ្លូវចូលក្នុងដែនជម្រកសត្វព្រៃឡង់ ក្នុងភូមិសាស្ត្រខេត្តក្រចេះ និងខេត្តស្ទឹងត្រែង ពីសំណាក់ក្រុមហ៊ុន Think Biotech (Cambodia) ដែលល្បីរឿងរកស៊ីកាប់បំផ្លាញព្រៃឈើនៅកម្ពុជា។
ការច្រានចោលនេះ ធ្វើឡើងបន្ទាប់ពីកាសែតបរទេសម៉ុងហ្គាបេ ចុះផ្សាយព័ត៌មានស៊ើបអង្កេតរបស់ខ្លួនកាលពីថ្ងៃទី៥ ខែតុលា ឆ្នាំ២០២៣ ថានៅតំបន់ព្រៃឡង់មានជនមិនស្គាល់មុខបានឈូសឆាយព្រៃធ្វើផ្លូវថ្មីមួយខ្សែចេញពីតំបន់ដីសម្បទានដាំដើមឈើឡើងវិញរបស់ក្រុមហ៊ុន Think Biotech (Cambodia) រហូតដល់តំបន់ដែនជម្រកសត្វព្រៃឡង់។ ការធ្វើផ្លូវមួយខ្សែនោះដែរ ជាការជួយសម្រួលដល់ការកាប់ឈើខុសច្បាប់ និងការជួញដូរឈើមានតម្លៃយ៉ាងអនាធិបតេយ្យពីសំណាក់ក្រុមហ៊ុន Think Biotech (Cambodia)។
តែយ៉ាងណា...