មីន អ៊ុងឡាំង

ប្រធានាធិបតី​ភូមា ឧត្ដមសេនីយ៍ មីន អ៊ុងឡាំង កាលពី​ថ្ងៃ​ព្រហស្បតិ៍ ទី​៣០ ខែ​មេសា ឆ្នាំ​២០២៦ បាន​បញ្ជា​ឱ្យ​ផ្ទេរ​អ្នកស្រី អ៊ុងសាន ស៊ូជី ទៅ​ឃុំ​ខ្លួន​ក្នុង​ផ្ទះ គឺ ៥​ឆ្នាំ​បន្ទាប់ពី​ចាប់​ឃុំ​ខ្លួន​អ្នកស្រី​អំឡុង​ការ​ធ្វើ​រដ្ឋប្រហារ​កាលពី​ឆ្នាំ​២០២១។ បើ​តាម​ការ​ចេញ​ផ្សាយ​របស់​ព័ត៌មាន​អង់គ្លេស The Guardian ដំណឹង​ពី​ការ​សម្រាល​ទោស​អ្នក​នយោបាយ​ជើងចាស់​ភូមា រូប​នេះ ត្រូវ​បាន​គេ​មើល​ឃើញ​តាម​សេចក្ដី​ថ្លែងការណ៍​មួយ​ចេញ​ផ្សាយ​ដោយ​ការិយាល័យ​របស់​ឧត្ដមសេនីយ៍ មីន អ៊ុងឡាំង ។ សេចក្ដី​ថ្លែងការណ៍​បាន​ឱ្យ​ដឹង​ថា លោក មីន...

សំណុំរឿង​ភូមា ចាប់ផ្ដើម​សើរើ​ឡើងវិញ-នៅ​ក្នុង​កិច្ចប្រជុំ​ថ្នាក់​រដ្ឋមន្ត្រី​ការបរទេស​អាស៊ាន​កាលពី​សប្ដាហ៍​មុន ធ្វើ​ឡើង​នៅ​ទីក្រុង​បាងកក រដ្ឋមន្ត្រី​ការបរទេស​នៃ​ប្រទេស​សិង្ហបុរី លោក Vivian Balakrishnan បាន​ព្យាយាម​លើកឡើង និង​និយាយ​ធ្ងន់ៗ​វាយប្រហារ​របប​សឹក​នៅ​ភូមា។ តាម​ការ​ចុះផ្សាយ​របស់​សារព័ត៌មាន​សិង្ហបុរី The Strait Times ប្រមុខ​ការបរទេស​សិង្ហបុរី បាន​ទាមទារ​ឱ្យ​អាស៊ាន​ដើរតួ​ឲ្យ​សកម្ម​ឡើងវិញ​ក្នុង​ការ​ជួយ​ដោះស្រាយ​វិបត្តិ​នៅ​ប្រទេស​ភូមា។ លោក Balakrishnan បាន​ទាមទារ​ឱ្យ​របប​សឹក​ភូមា ដោះលែង​អ្នកស្រី អ៊ុងសាន ស៊ូជី ជាបន្ទាន់ ហើយ​ត្រូវ​បញ្ចប់​ហិង្សា​វាយ​បង្ក្រាប​បាញ់​សម្លាប់​ក្រុម​ប្រឆាំង។ លោក​រដ្ឋមន្ត្រី​ការបរទេស​សិង្ហបុរី ក៏​បាន​អំពាវនាវ​ឱ្យ​លែង​អ្នកទោស​មនសិការ​ទាំងអស់ ហើយ​សម្រប​ស្ថានការណ៍​នយោបាយ​ទៅ​រក​ការ​ចរចា។ លោក​បញ្ជាក់​ថា...

កាលពី​ថ្ងៃទី​២៧ ខែ​វិច្ឆិកា ឆ្នាំ​២០២៤ រដ្ឋអាជ្ញា​នៃ​តុលាការ​ឧក្រិដ្ឋកម្ម​អន្តរជាតិ​ក្រុង​ឡាអេ ហៅ​កាត់​ថា ICC បាន​ស្នើ​ចេញ​ដីកា​ចាប់​ខ្លួន​មេដឹកនាំ​របប​សឹក​ភូមា ឧត្ដមសេនីយ៍ មីន អ៊ុងឡាំង ក្នុង​បទ​ឧក្រិដ្ឋកម្ម​ប្រឆាំង​មនុស្ស​ជាតិ​ទៅ​លើ​ប្រជាជន​រ៉ូហ៊ីងយ៉ា នៅ​ចន្លោះ​ពី​ឆ្នាំ​២០១៦ ដល់​ដំណាច់ឆ្នាំ​២០១៧ ក្នុង​នោះ​មាន​មនុស្ស​ជាង ៦៧០០​នាក់ មាន​ទាំង​កុមារ​ផង​ដែរ។ ទំនង​ក្រុម​ចៅក្រម​តុលាការ ICC មិន​អាច​ច្រានចោល​ទេ​ចំពោះ​ការ​ស្នើ​ឱ្យ​ចេញ​ដីកា​ចាប់​ខ្លួន​លោក មីន អ៊ុងឡាំង និង​ឧត្ដមសេនីយ៍​ថ្នាក់ក្រោម​នៃ​របប​យោធា​ភូមា ដែល​របប​ខុស​ច្បាប់​នេះ​កើត​ចេញពី​រដ្ឋប្រហារ​កាលពី​ថ្ងៃទី​១ ខែ​កុម្ភៈ ឆ្នាំ​២០២១។...

អ្នក​ឃ្លាំមើល​ស្ថានការណ៍​កម្ពុជា​ថា​ការ​ប្រកាស​ស្វែងរក​ដីកា​ពី​រដ្ឋអាជ្ញា​របស់​តុលាការ​ឧក្រិដ្ឋកម្ម​អន្តរជាតិ (ICC) ក្រុង​ឡាអេ ក្នុង​ការ​ចាប់​ខ្លួន​មេដឹកនាំ​របប​សឹក​ភូមា លោក មីន អ៊ុងឡាំង នៅ​ពេលនេះ ជា​សញ្ញា​ព្រមាន​ដោយ​ត្រង់​ទៅ​កាន់​មេដឹកនាំ​ផ្ដាច់ការ​ផ្សេង​ទៀត ជាពិសេស​គឺ​លោក ហ៊ុន សែន។ ប្រធាន​ក្រុមប្រឹក្សា​ឃ្លាំមើល​កម្ពុជា លោក ម៉ែន ណាត ប្រាប់​សារព័ត៌មាន The Cambodia Daily នៅ​ថ្ងៃទី​២៨ វិច្ឆិកា នេះ​ថា លោក ហ៊ុន...

ដោយឡែក​ពី​ប្រទេស​ភូមា ជាប់​នឹង​ប្រទេស​ថៃ ករណី​ផ្ទុះ​ការ​សង្ស័យ​ថា​មេដឹកនាំ​របប​សឹក​ភូមា ឧត្ដមសេនីយ៍ មីន អ៊ុងឡាំង ត្រូវ​បាន​ឃុំ​ខ្លួន​ក្រោម​រូបភាព​នៃ​រដ្ឋប្រហារ។ យោង​តាម​ការ​ចុះផ្សាយ​ក្នុង​សារព័ត៌មាន​ភូមា ខណៈ​នេះ Myanmar Now មាន​ការ​សង្ស័យ​ថា ក្រុម​មន្ត្រី​យោធា​ជាន់ខ្ពស់​ភូមា បាន​ចាប់​ខ្លួន​ឧត្តមសេនីយ៍ មីន អ៊ុងឡាំង ដោយ​ឧត្ដមសេនីយ៍​នៅ​ជុំវិញ​ខ្លួន​លោក ហើយ​ឃុំ​ខ្លួន​នៅ​ក្នុង​រដ្ឋធានី​ណៃពិដោ។ ការ​ឃុំ​ខ្លួន​លោក មីន អ៊ុងឡាំង ដើម្បី​ផ្លាស់ប្ដូរ​មេដឹកនាំ​រដ្ឋាភិបាល ព្រោះ​ថា​ប៉ុន្មាន​ខែ​មក​នេះ របប​សឹក​បាន​រង​ការ​រិះគន់​យ៉ាង​ខ្លាំង​ពី​សំណាក់​អ្នក​គាំទ្រ​របស់​ខ្លួន ស្រប​ពេល​កងកម្លាំង​យោធា​នៃ​របប​សឹក បាន​បាត់បង់​ទឹកដី​ជា​បន្តបន្ទាប់...

របប​សឹក​នៅ​ប្រទេស​មីយ៉ាន់ម៉ា (ម្ញ៉ាន់ម៉ = Myanmar) ឬ​ភូមា បាន​បដិសេធ​សំណើ​របស់​លោក ហ៊ុន សែន ប្រធាន​ព្រឹទ្ធសភា​នៃ​ប្រទេស​កម្ពុជា ដែល​ស្នើសុំ​ជួប​សួរ​សុខទុក្ខ​អ្នកស្រី អ៊ុងសាន ស៊ូជី មេដឹកនាំ​បក្ស​ប្រឆាំង​ដែល​កំពុង​ជាប់​ឃុំ​ខ្លួន​ក្នុង​គេហដ្ឋាន​ក្នុង​ទីក្រុង​ណៃពិដោរ ដោយ​អះអាង​ថា រដ្ឋាភិបាល​យោធា​មិន​មាន​ហេតុផល​ក្នុង​ការ​សម្របសម្រួល​ជំនួប​ក្នុង​ពេលនេះ​ឡើយ។ យោង​តាម​ការ​ចុះផ្សាយ​របស់​ទីភ្នាក់ងារ​ព័ត៌មាន AFP នៅ​ថ្ងៃទី​៨ ខែ​ឧសភា បាន​ឲ្យ​ដឹង​ថា ក្នុង​សារ​ជា​សំឡេង​បញ្ចេញ​ដោយ​ក្រុម​ព័ត៌មាន​របស់​យោធា​មីយ៉ាន់ម៉ា អ្នក​នាំពាក្យ​រដ្ឋាភិបាល​លោក Zaw Min Tun...

អ្នក​ឃ្លាំមើល​សង្គម អំពាវនាវ​ឱ្យ​មេដឹកនាំ​បក្ស​កាន់​អំណាច​លោក ហ៊ុន សែន ធ្វើជា​គំរូ​ក្នុង​ការ​ផ្សះផ្សា​នយោបាយ​ផ្ទៃក្នុង​ជាមួយ​ប្រធាន​គណបក្ស​សង្គ្រោះ​ជាតិ​លោក កឹម សុខា ដែល​កំពុង​ត្រូវ​ឃុំ​ខ្លួន​នៅ​ក្នុង​ផ្ទះ មុន​នឹង​ចូល​ខ្លួន​ទៅ​សម្របសម្រួល​ទំនាស់​នយោបាយ​ផ្ទៃក្នុង​របស់​ភូមា ដោយសារ​ស្ថានភាព​អ្នក​នយោបាយ​ទាំង​ពីរ​នាក់​នេះ​ដូច​គ្នា។ អ្នក​សិក្សា​ផ្នែក​ច្បាប់ លោក វ៉ន ចាន់ឡូត បាន​សរសេរ​លើ​គណនី​ហ្វេសប៊ុក​របស់​លោក​នៅ​ថ្ងៃទី​៨ ឧសភា នេះ​ថា សំណើ​របស់​លោក ហ៊ុន សែន ទៅ​កាន់​មេដឹកនាំ​រដ្ឋប្រហារ​យោធា​ភូមា លោក មីន អ៊ុងឡាំង ក្នុង​បំណង​ចង់​ជួប​ពិភាក្សា​ជាមួយ​ប្រធាន​គណបក្ស​សម្ព័ន្ធ​ជាតិ​ដើម្បី​ប្រជាធិបតេយ្យ...

តាមរយៈ​កិច្ចសន្ទនា​ជាមួយ​លោក មីន អ៊ុងឡាំង (Min Aung Hlaing) មេ​រដ្ឋប្រហារ​យោធា​ភូមា តាម​ប្រព័ន្ធ​វីដេអូ​នៅ​ថ្ងៃទី​៧ ឧសភា លោក ហ៊ុន សែន ប្រធាន​ព្រឹទ្ធសភា​កម្ពុជា បាន​ស្នើសុំ​ជួប​សួរ​សុខទុក្ខ​អ្នកស្រី អ៊ុងសាន ស៊ូជី មេដឹកនាំ​បក្ស​ប្រឆាំង​ដែល​កំពុង​ជាប់​ឃុំ​ខ្លួន​ក្នុង​គេហដ្ឋាន​ក្នុង​ទីក្រុង​ណៃពិដោរ។ លោក ហ៊ុន សែន បាន​សរសេរ​នៅ​លើ​គណនី​ហ្វេសប៊ុក​របស់​លោក​នៅ​ថ្ងៃទី​៧ ឧសភា នេះ​ដែល​បាន​ស្រង់​ខ្លឹមសារ​នៃ​កិច្ចពិភាក្សា​គ្នា​នេះ បាន​ឲ្យ​ដឹង​ថា សំណើសុំ​ជួប​នេះ...

ក្រុម​អ្នកវិភាគ​លើកឡើង​ថា ការ​ប្រកាស​របស់​មេដឹកនាំ​បក្ស​កាន់​អំណាច​លោក ហ៊ុន សែន សុំ​ជួប​ជាមួយ​មេ​យោធា​នៃ​របប​សឹក​ភូមា​លោក មីន អ៊ុងឡាំង នៅ​ពេលនេះ គឺ​ដើម្បី​បង្កើត​ចំណង​ទំនាក់ទំនង​អំណាច​គ្រួសារ​របស់​គាត់​ឱ្យ​កាន់តែ​រឹងមាំ​ប៉ុណ្ណោះ មិនមែន​ដើម្បី​ដោះស្រាយ​វិបត្តិ​ភូមា ទេ ព្រោះ​វិបត្តិ​ភូមា មាន​ប្រធាន​អាស៊ាន​ចូល​ទៅ​ដោះស្រាយ។ អ្នកវិភាគ​នយោបាយ និង​ជា​ប្រធាន​វេទិកា​ពលរដ្ឋ​លោក គឹម សុខ បាន​ប្រាប់​សារព័ត៌មាន The Cambodia Daily នៅ​ថ្ងៃទី​០៩ មេសា នេះ​ថា លោក...

នៅ​ភូមា របប​សឹក​ភូមា ដាក់​ច្បាប់​កាតព្វកិច្ច​យោធា​ចាប់​បង្ខំ​យុវជន។ ច្បាប់​ថ្មី​នេះ សូម្បីតែ​ស្ត្រី​ភេទ​ក៏​តម្រូវ​ឲ្យ​យុវជន​ភូមា ទាំង​ប្រុស​ទាំង​ស្រី​ចាប់ពី​វ័យ ១៨​ឆ្នាំ ត្រូវ​បំពេញ​ករណីយកិច្ច​យោធា​យ៉ាង​តិច​រយៈពេល​ចំនួន ២​ឆ្នាំ។ ច្បាប់​កាតព្វកិច្ច​យោធា​នេះ ប្រកាស​ភ្លាម ហើយ​ចូល​ជា​ធរមាន​ភ្លាម​តែម្តង​នៅ​ថ្ងៃទី​១០ ខែ​កុម្ភៈ ឆ្នាំ​២០២៤។ នេះ​បើ​តាម​សារព័ត៌មាន​ភូមា ឈ្មោះ Myanmar Now ចុះផ្សាយ​កាលពី​ថ្ងៃទី​១១ កុម្ភៈ។ បើ​តាម​ប្រព័ន្ធ​ផ្សព្វផ្សាយ​ព័ត៌មាន​នៃ​របប​សឹក​ភូមា ក្រសួង​ការពារ​ជាតិ ត្រូវ​ផ្សព្វផ្សាយ​លម្អិត​អំពី​បទដ្ឋាន និង​បែបបទ​ណែនាំ​ការ​ចូល​បម្រើ​កងទ័ព ប៉ុន្តែ​របប​សឹក​ភូមា នៅ​ពុំ​ទាន់​ឲ្យ​ដឹង​អំពី​កាតព្វកិច្ច​យោធា...