រុស្ស៊ី-អ៊ុយក្រែន

ប្រធានាធិបតី​ប្រទេស​អ៊ុយក្រែន លោក វូឡូឌីមៀ ហ្សេឡេនស្គី បាន​ធ្វើ​ដំណើរ​ទៅ​ដល់​ទីក្រុង​វ៉ាស៊ីនតោន កាលពី​យប់​ថ្ងៃ​អាទិត្យ ទី​១៧ ខែ​សីហា ហើយ​បាន​ទទួល​ស្វាគមន៍​នៅ​ឯ​សេតវិមាន​វេលា​ម៉ោង ១:១៥​នាទី រសៀល​ថ្ងៃទី​១៨ ខែ​សីហា ដោយ​ប្រធានាធិបតី​សហរដ្ឋ​អាមេរិក លោក ដូណាល់ ត្រាំ។ មុន​ទៅ​ដល់​រដ្ឋធានី​វ៉ាស៊ីនតោន ប្រធានាធិបតី​អ៊ុយក្រែន បាន​និយាយ​ថា ភាគី​ទាំងអស់​សុទ្ធតែ​ចង់​ស្វែងរក​ការ​បិទ​បញ្ចប់​សង្គ្រាម​ក្នុង​ប្រទេស​អ៊ុយក្រែន ឱ្យ​ឆាប់ ប៉ុន្តែ​មេដឹកនាំ​អ៊ុយក្រែន រូប​នេះ បាន​អំពាវនាវ​ឱ្យ​មាន​សន្តិភាព​មួយ​ដែល​ឋិតថេរ​យូរអង្វែង។ មេដឹកនាំ​ដែល​អម​ដំណើរ​លោក ហ្សេឡេនស្គី...

ជំនួប​កំពូល ត្រាំ-ពូទីន ធ្វើ​ឡើង​នៅ​រដ្ឋ​អាឡាស្កា ដែនដី​សហរដ្ឋ​អាមេរិក ត្រូវ​បាន​គេ​មើល​ឃើញ​ថា​វា​ជា​ដំណើរ​ទស្សនកិច្ច​លើកដំបូង​របស់​ប្រធានាធិបតី​រុស្ស៊ី រូប​នេះ ទៅ​ជាន់​ដែនដី​សហរដ្ឋ​អាមេរិក​ក្នុង​រយៈពេល​មួយ​ទសវត្សរ៍​នេះ។ វា​បាន​បង្ហាញ​ជា​សញ្ញា​ថា រុស្ស៊ី និង​លោក ពូទីន ចាប់ផ្ដើម​ចាកចេញ​ពី​ភាព​ឯកា​នៃ​វេទិកា​ការទូត បន្ទាប់ពី​លោក​បាន​បញ្ជា​ឱ្យ​លើក​ទ័ព​បើក​ការ​ឈ្លានពាន​ទៅ​លើ​អ៊ុយក្រែន ក្នុង​ខែ​កុម្ភៈ ឆ្នាំ​២០២២ បង្ក​វិនាសកម្ម​យ៉ាង​ឃោរឃៅ។ ដំណើរ​ទស្សនកិច្ច​របស់​ប្រធានាធិបតី​រុស្ស៊ី លោក វ៉្លាឌីមៀ ពូទីន ជា​លើកដំបូង​រយៈពេល​មួយ​ទសវត្សរ៍​នេះ ធ្វើ​ឡើង​ក្នុង​គោលបំណង​ជំរុញ​ឱ្យ​មាន​កិច្ចព្រមព្រៀង​ឈប់​បាញ់​ជាមួយ​អ៊ុយក្រែន ប៉ុន្តែ​អ្នកជំនាញ​ព្រមាន​ថា វា​អាច​នាំ​ឱ្យ​លោក វ្ល៉ាឌីមៀ ពូទីន...

ពិភពលោក​នៅ​ខណៈ​នេះ កំពុង​សម្លឹង​ទៅ​រដ្ឋ​អាឡាស្កា ទី​ដែល​កិច្ចប្រជុំ​កំពូល​រវាង​ប្រធានាធិបតី​រុស្ស៊ី លោក វ៉្លាឌីមៀ ពូទីន និង​លោក ដូណាល់ ត្រាំ ប្រធានាធិបតី​សហរដ្ឋ​អាមេរិក ជួប​គ្នា ខណៈ​ប្រជាជន​អាមេរិក​មួយ​ចំនួន​នៅ​រដ្ឋ​អាឡាស្កា ជំទាស់​វត្តមាន​លោក ពូទីន ដោយ​ចាត់ទុក​ថា​លោក ពូទីន ជា​ឧក្រិដ្ឋជន​សង្គ្រាម​ទៅ​លើ​ប្រជាជន​អ៊ុយក្រែន។ កិច្ចប្រជុំ​កំពូល​រវាង​លោក វ៉្លាឌីមៀ ពូទីន និង​លោក ដូណាល់ ត្រាំ កំណត់​ជួប​គ្នា​នៅ​រដ្ឋ​អាឡាស្កា អតីត​ដែនដី​រុស្ស៊ី...

កំពូល​មេដឹកនាំ​ផ្ដាច់ការ​កូរ៉េខាងត្បូង លោក គីម ជុងអ៊ុន សច្ចា​គាំទ្រ និង​ជួយ​ប្រតិបត្តិការ​សង្គ្រាម​របស់​ប្រធានាធិបតី​រុស្ស៊ី លោក វ៉្លាឌីមៀ ពូទីន នៅ​លើ​ប្រទេស​អ៊ុយក្រែន ខណៈ​សង្គ្រាម​បាន​អូស​ពេល ៣​ឆ្នាំ ៦​ខែ ជាមួយ​នឹង​ការ​បាត់បង់​ទ័ព​រុស្ស៊ី ហក់​ឡើង​ជាង ១​លាន ៦​ម៉ឺន​នាក់។ តាម​បណ្ដាញ​ផ្សាយ​ព័ត៌មាន​របស់​អ៊ុយក្រែន ឲ្យ​ដឹង​ថា រុស្ស៊ី​កំពុង​បង្កើន​ការ​វាយលុក​ខ្លាំង​នៅ​សមរភូមិ​នៅ​តំបន់​ដុនបាស់ ភាគ​ខាងកើត​អ៊ុយក្រែន។ នៅ​ក្នុង​កិច្ចសន្ទនា​គ្នា​តាម​ទូរសព្ទ លោក គីម ជុងអ៊ុន បាន​បង្ហាញ​ការ​គាំទ្រ​ឥត​ងាករេ​សង្គ្រាម​រុស្ស៊ី...

៣​ថ្ងៃ​ទៀត ប្រធានាធិបតី​សហរដ្ឋ​អាមេរិក លោក ដូណាល់ ត្រាំ នឹង​ត្រូវ​ជួប​មុខ​ផ្ទាល់​ជា​លើកដំបូង​ជាមួយ​សមភាគី​រុស្ស៊ី លោក វ្ល៉ាឌីមៀ ពូទីន តែ​នៅ​ពេល​ជាមួយ​គ្នា​នេះ​នៅ​ថ្ងៃ​អង្គារ ទី​១២ ខែ​សីហា ក្រុម​មេដឹកនាំ​សហភាព​អឺរ៉ុប បាន​នាំគ្នា​សង្កត់​ធ្ងន់​អំពី​សិទ្ធិ​របស់​អ៊ុយក្រែន ក្នុង​ការ​ជ្រើសរើស​ជោគវាសនា​ខ្លួនឯង បន្ទាប់ពី​ដឹង​ថា​លោក ត្រាំ កំពុង​គាប​លោក ហ្សេឡេនស្គី ឱ្យ​កាត់​ទឹកដី​ទៅ​ឱ្យ​រុស្ស៊ី ដើម្បី​បាន​សន្តិភាព​ពី​វិមាន​ក្រឹមឡាំង សម្រាប់​ប្រជាជន​អ៊ុយក្រែន វិញ។ បើ​តាម​ប្រធានាធិបតី​អ៊ុយក្រែន លោក...

នៅ​ថ្ងៃទី​១៥ ខែ​សីហា ក្នុង​សប្ដាហ៍​នេះ ដែនដី​អាឡាស្កា អតីត​ដែនដី​រុស្ស៊ី ដែល​រុស្ស៊ី បាន​លក់​ឱ្យ​អាមេរិក ក្នុង​តម្លៃ​ជាង ៧​លាន ២០​ម៉ឺន​ដុល្លារ​កាលពី​ក្នុង​ឆ្នាំ​១៨៦៧ នៃ​សតវត្ស​ទី​១៨ នៅ​លើ​ដែនដី​រដ្ឋ​ទី​៤៩ របស់​សហរដ្ឋ​អាមេរិក នេះ នឹង​មាន​ព្រឹត្តិការណ៍​ជា​ប្រវត្តិសាស្ត្រ​មួយ គឺ​ជំនួប​កំពូល​ប្រធានាធិបតី​សហរដ្ឋ​អាមេរិក លោក ដូណាល់ ត្រាំ និង​សមភាគី​រុស្ស៊ី លោក វ៉្លាឌីមៀ ពូទីន ហើយ​អាច​រំពឹង​ថា​នឹង​មាន​ជំនួប​ត្រីភាគី​រវាង​លោក...

នៅ​សល់​តែ ៤​ថ្ងៃ​ទៀត ឱសានវាទ​របស់​លោក ដូណាល់ ត្រាំ ដែល​ដាក់​សង្កត់​ក​លោក ពូទីន ឱ្យ​ព្រម​បញ្ឈប់​សង្គ្រាម​នៅ​អ៊ុយក្រែន នឹង​ផុត​រលត់។ តែយ៉ាងណា លោក ពូទីន ដូចជា​មិន​បារម្ភ​បន្តិច​ទេ​ចំពោះ​ទណ្ឌកម្ម​បន្ថែម​ទៀត​របស់​សហរដ្ឋ​អាមេរិក​ទៅ​លើ​សេដ្ឋកិច្ច​រុស្ស៊ី។ កាលពី​ថ្ងៃទី​៣ សីហា បណ្ដាញ​ផ្សាយ​ព័ត៌មាន BBC បាន​ចុះផ្សាយ​ថា ប្រធានាធិបតី​រុស្ស៊ី លោក វ្ល៉ាឌីមៀ ពូទីន នៅតែ​បង្ហាញ​ក្តី​សង្ឃឹម​ចំពោះ​កិច្ចចរចា​សន្តិភាព​ជា​ថ្មី​ម្តង​ទៀត​ជាមួយ​ប្រទេស​អ៊ុយក្រែន ខណៈ​លោក ពូទីន...

វិមាន​ក្រឹមឡាំង បន្ត​ទាមទារ​ឱ្យ​អ៊ុយក្រែន ចុះចាញ់​មុន​ពេល​សន្តិភាព​កើតឡើង ដោយ​ព្រមាន​ថា សន្តិភាព​ចុងក្រោយ​បង្អស់​របស់​វិមាន​ក្រឹមឡាំង ផ្ដល់​ឱ្យ​អ៊ុយក្រែន លុះណាតែ​អ៊ុយក្រែន យល់ព្រម​សម្រប​ទៅ​តាម​អ្វី​ដែល​ជា​គោលបំណង​ដើម​របស់​រុស្ស៊ី ដែល​នាំ​ឱ្យ​មាន​សង្គ្រាម​នៅ​លើ​ទឹកដី​អ៊ុយក្រែន។ នេះ​បើ​តាម​សេចក្តី​រាយការណ៍​ដោយ​វិទ្យាស្ថាន​សិក្សា​សង្គ្រាម ដែល​បាន​ចុះផ្សាយ​ដោយ​សារព័ត៌មាន EUROMAIDAN កាលពី​ថ្ងៃទី​២១ ខែ​កក្កដា ឆ្នាំ​២០២៥។ កាលពី​ថ្ងៃទី​២០ ខែ​កក្កដា អ្នក​នាំពាក្យ​វិមាន​ក្រឹមឡាំង លោក Dmitry Peskov អះអាង​ជា​សាធារណៈ​ថា ទីក្រុង​មូស្គូ បាន​ត្រៀម​ខ្លួន​សម្រាប់​ការ​ចរចា​យ៉ាង​ឆាប់​រហ័ស ប៉ុន្តែ​លុះត្រាតែ​លក្ខខណ្ឌ​ទាំងអស់​របស់​រុស្ស៊ី ត្រូវ​បាន​ទទួលយក​ជា​មុន​សិន​ពី​ភាគី​អ៊ុយក្រែន។ ចាប់តាំងពី​ឆ្នាំ​២០២២...

ថ្មីៗ​នេះ ប្រធានាធិបតី​សហរដ្ឋ​អាមេរិក ដូណាល់ ត្រាំ ព្រមាន​ថា ប្រសិនបើ​ប្រទេស​រុស្ស៊ី មិន​ព្រម​ចូលរួម​ចរចា​រក​សន្តិភាព​ជាមួយ​ប្រទេស​អ៊ុយក្រែន នៅ​ក្នុង​រយៈពេល ៥០​ថ្ងៃ​ទៀត​នេះ​ទេ សហរដ្ឋ​អាមេរិក​នឹង​ដាក់​ពន្ធ​ធ្ងន់​លើ​ប្រទេស​ដែល​បង្ក​សង្គ្រាម​ឈ្លានពាន​ប្រទេស​អ៊ុយក្រែន ហើយ​និង​ប្រទេស​មាន​ទំនាក់ទំនង​ពាណិជ្ជកម្ម​ជាមួយ​នឹង​រុស្ស៊ី។ ជាមួយ​គ្នា​នេះ លោក ត្រាំ ក៏​បាន​ប្រកាស​ផ្តល់​ជំនួយ​យោធា​ថ្មីៗ​ដល់​អ៊ុយក្រែន មាន​ដូចជា ប្រព័ន្ធ​ការពារ​ដែនអាកាស និង​អាវុធ​ដែល​អាច​បាញ់​ទៅ​ដល់​ទីក្រុង​មូស្គូ។ វិធានការ​ថ្មី​នេះ បង្ហាញ​អំពី​ការ​ប្រែប្រួល​នយោបាយ​អាមេរិកាំង​ចំពោះ​រុស្ស៊ី និង​ជម្លោះ​នៅ​អ៊ុយក្រែន ប៉ុន្តែ​ការ​ប្រកាស​របស់​លោក ត្រាំ អាច​ធ្វើ​ឲ្យ​សេដ្ឋកិច្ច​រុស្ស៊ី រង​ការ​ប៉ះពាល់​ធ្ងន់ធ្ងរ​ជាមួយ​នឹង​ការ​ដាក់​ទណ្ឌកម្ម​ទំហំ​ទណ្ឌកម្ម ៥០០​ភាគរយ​ទៅ​លើ​ប្រទេស​ទិញ​ប្រេង​រុស្ស៊ី...

ទីភ្នាក់ងារ​ព័ត៌មាន​រុស្ស៊ី TASS បាន​រាយការណ៍​ថា ភាគី​រុស្ស៊ី បាន​ត្រៀម​ខ្លួន​រួច​ជាស្រេច​ក្នុង​ការ​បន្ត​ការ​ចរចា​ជាមួយ​អ៊ុយក្រែន ដើម្បី​ដោះស្រាយ​វិបត្តិ​សង្គ្រាម​ជាមួយ​នឹង​អ៊ុយក្រែន។ បើ​តាម​អ្នក​នាំពាក្យ​វិមាន​ក្រឹមឡាំង Dmitry Peskov ភាគី​រុស្ស៊ី បាន​យល់ព្រម​ថា​ការ​ចរចា​ជុំ​ទី​៣ ជាមួយ​អ៊ុយក្រែន គួរ​មាន​ឡើង​វិញ។ លោក Peskov បាន​បញ្ជាក់​ថា «ជា​ការ​ប្រសើរ​ណាស់ ហើយ​ច្បាស់​ណាស់​ថា​ទីក្រុង​គៀវ មើល​ទៅ​ដូចជា​មិន​ចង់​ប្រញាប់​ចរចា​ទេ។ តែ​សម្រាប់​ក្រុង​មូស្គូ តែង​រង់ចាំ​ការ​បញ្ជាក់​ពេលវេលា ដើម្បី​បើក​ចរចា ហើយ​ភាគី​រុស្ស៊ី ត្រៀម​ខ្លួន​ជាស្រេច​ដើម្បី​បន្ត​ចរចា​ឡើងវិញ។» ប៉ុន្តែ​អ្នក​នាំពាក្យ​វិមាន​ក្រឹមឡាំង ព្រមាន​ថា ការ​ចរចា​អាច​នឹង​កើតមាន​វិញ​បាន...