សេរីភាព​បញ្ចេញ​មតិ

អង្គការ Freedom House ដែល​ជា​អង្គការ​ឃ្លាំមើល​ការ​អនុវត្ត​សិទ្ធិ​សេរីភាព​ក្នុង​ពិភពលោក បាន​ចេញ​ផ្សាយ​របាយការណ៍​ប្រចាំ​ឆ្នាំ​២០២៤ ដោយ​រក​ឃើញ​ថា កម្ពុជា​បន្ត​ជាប់​ចំណាត់ថ្នាក់​ជា​ប្រទេស​មិន​សេរី ដោយសារ​ស្ថិត​នៅ​ក្រោម​ការ​គ្រប់គ្រង​ឯក​បក្ស ហើយ​រដ្ឋាភិបាល​បាន​ដាក់​សម្ពាធ​លើ​គណបក្ស​ប្រឆាំង បណ្តេញ​សារព័ត៌មាន​ឯករាជ្យ​ក្រោម​ហេតុផល​នយោបាយ។ យោង​តាម​របាយការណ៍​របស់​អង្គការ Freedom House បាន​ចេញ​ផ្សាយ​ថ្ងៃទី​២៦ ខែ​កុម្ភៈ ឆ្នាំ​២០២៥ បាន​ឲ្យ​ដឹង​ថា សេរីភាព​ជា​មូលដ្ឋាន​នៅ​ក្នុង​ប្រទេស​កម្ពុជា​បាន​ធ្លាក់​ចុះ​ដល់​កម្រិត​ដុនដាប គឺ​ទទួល​បាន​ពិន្ទុ ២៣/១០០។ ការ​បន្ត​ផ្តល់​ពិន្ទុ​ដល់​កម្ពុជា​ថា​ជា​ប្រទេស​មិន​សេរី ក៏​ព្រោះតែ​ប្រព័ន្ធ​នយោបាយ​របស់​ប្រទេស​កម្ពុជា​បាន​ស្ថិត​ក្រោម​ការ​គ្រប់គ្រង​ដោយ​គណបក្ស​ប្រជាជន​កម្ពុជា និង​លោក ហ៊ុន សែន...

ក្រសួង​មហាផ្ទៃ ជំរុញ​ឱ្យ​អង្គការ​ក្រៅ​រដ្ឋាភិបាល​មើល​សហរដ្ឋ​អាមេរិក​ដែល​ជា​ប្រទេស​ម្ចាស់​ជំនួយ​របស់​ខ្លួន មុន​នឹង​ចោទ​កម្ពុជា​ថា​ជា​ប្រទេស​រឹតត្បិត​សេរីភាព​បញ្ចេញមតិ។ អ្នក​នាំពាក្យ​ក្រសួង​មហាផ្ទៃ លោក ទូច សុខៈ ចេញ​វីដេអូ​បំភ្លឺ​ជុំវិញ​របាយការណ៍​សង្គម​ស៊ីវិល​ស្ដីពី​ការ​រឹតត្បិត​សេរីភាព​បញ្ចេញមតិ កាលពី​ថ្ងៃទី​១១ ខែ​កុម្ភៈ ឆ្នាំ​២០២៥ នេះ​ថា អង្គការ​សង្គម​ស៊ីវិល​ដែល​ពូកែ​រិះគន់​ពី​រឿង​រឹតត្បិត​សេរីភាព​បញ្ចេញមតិ គួរតែ​លើក​យក​ប្រធានបទ​ដែល​សហរដ្ឋ​អាមេរិក​គ្រោង​បិទ​ប្រព័ន្ធ​ផ្សព្វផ្សាយ​នានា​ដែល​ជា​ឧបករណ៍​បម្រើ​ឱ្យ​សេរីភាព​បញ្ចេញមតិ សិទ្ធិមនុស្ស និង​ប្រជាធិបតេយ្យ​នៅ​សហរដ្ឋ​អាមេរិក ក្នុង​ពេលនេះ​ឱ្យ​បាន​សិន​ទៅ។ ប្រភព​ខាងលើ​បញ្ជាក់​ថា នៅ​ប្រទេស​កម្ពុជា​គ្មាន​ការ​ការ​រឹតត្បិត​សេរីភាព​បញ្ចេញមតិ​ទេ គឺ​មាន​តែ​ការ​អនុវត្ត​ច្បាប់​លើ​បុគ្គល​ល្មើស ដែល​ធ្វើ​សកម្មភាព​ហួស​ព្រំដែន​ច្បាប់​ប៉ុណ្ណោះ។ លោក ទូច សុខៈ អះអាង​ថា​បើ​និយាយ​ពី​ច្បាប់​ជួបជុំ​វិញ ទោះ​ប្រទេស​ណា​ក៏​មាន​ដូច​គ្នា​ដែរ ប៉ុន្តែ​ការ​ជួបជុំ​នោះ​ត្រូវ​អនុវត្ត​ទៅ​តាម​លក្ខខណ្ឌ​ច្បាប់​កំណត់។...

សង្គម​ស៊ីវិល​អះអាង​ថា រយៈពេល​ពេញ ១​ឆ្នាំ​ក្នុង​ឆ្នាំ​២០២៤ ការ​រំលោភ​បំពាន​សិទ្ធិ​សេរីភាព​បញ្ចេញមតិ​នៅ​កម្ពុជា តាមរយៈ​ការ​ជួបជុំ​ដោយ​សន្តិវិធី និង​ការ​ផ្សព្វផ្សាយ​អំពី​សិទ្ធិ​មូលដ្ឋាន​របស់​ពលរដ្ឋ បាន​កើន​ឡើង​ជាង ៩០% ដោយសារតែ​អាជ្ញាធរ​មូលដ្ឋាន​រឹតត្បិត។ សមាគម​ការពារ​សិទ្ធិមនុស្ស និង​ការ​អភិវឌ្ឍន៍​នៅ​កម្ពុជា (អាដហុក) ចេញ​របាយការណ៍​ស្ដីពី​ការ​រឹតត្បិត​សេរីភាព​បញ្ចេញមតិ និង​សេរីភាព​ជួបជុំ​នៅ​មូលដ្ឋាន​នៅ​ថ្ងៃទី​១០ កុម្ភៈ នេះ​ថា អាជ្ញាធរ​តាម​សហគមន៍​មូលដ្ឋាន​ក្នុង​ភូមិ​ជិត ៣០០ (២៩៦​ភូមិ) ឃុំ-សង្កាត់​ជាង ១០០ (១១១​ឃុំ-សង្កាត់) និង​ស្រុក-ក្រុង​ជាង ៦០ ក្នុង​ខេត្ត​គោលដៅ​ចំនួន...

ក្រុម​អង្គការ​សង្គម​ស៊ីវិល​មាន​ការ​ព្រួយបារម្ភ​ថា ប្រទេស​កម្ពុជា​នឹង​យក​គំរូ​តាម​ប្រទេស​វៀតណាម បន្ទាប់ពី​ច្បាប់​អ៊ីនធឺណិត​ថ្មី​នៅ​ប្រទេស​វៀតណាម បង្ខំ​ឱ្យ​ក្រុមហ៊ុន​បច្ចេកវិទ្យា​យក្ស​ចែករំលែក​ទិន្នន័យ​អ្នក​ប្រើប្រាស់​ជាមួយ​អាជ្ញាធរ​ក្នុង​រយៈពេល ២៤​ម៉ោង​នៃ​ការ​ស្នើសុំ ដោយ​តម្រូវ​ឲ្យ​អ្នក​ប្រើប្រាស់​ត្រូវតែ​ផ្តល់​លេខ​ទូរសព្ទ ឬ​លេខ​អត្តសញ្ញាណ​វៀតណាម សម្រាប់​ការ​ផ្ទៀងផ្ទាត់​គណនី។ ប្រធាន​អង្គការ​ប្រជាធិបតេយ្យ​ខ្មែរ​ក្នុង​ប្រទេស​អូស្ត្រាលី លោក ស៊ឹង សែនករុណា លើកឡើង​ថា ប្រទេស​កម្ពុជា​កំពុង​សម្លឹង​មើល​ពី​របៀប​ដែល​ប្រទេស​ជិតខាង​របស់​ខ្លួន ដូចជា​ប្រទេស​វៀតណាម ជាដើម ធ្វើការ​ជាមួយ​នឹង​ក្រុមហ៊ុន​បណ្ដាញ​សង្គម​យក្ស ដូចជា ហ្វេសប៊ុក តិកតុក និង​យូធូប​របស់​ហ្គូហ្គល ដើម្បី​ទប់ស្កាត់​មាតិកា​ដែល​ពួកគេ​ចាត់ទុក​ដោយ​ខ្លួនឯង​ថា​ជា​មាតិកា​ខុស​ច្បាប់ ឬ​ធ្វើ​ឲ្យ​ប៉ះពាល់​ដល់​វប្បធម៌​ប្រពៃណី​ទំនៀមទម្លាប់​សម្រាប់​ប្រទេស និង​សន្តិសុខ​ជាតិ ដែល​ជា​ទូទៅ​គេ​សង្កេត​ឃើញ​ថា​វា​ជា​លេស​ក្នុង​ការ​ចាប់​អ្នក​រិះគន់...

សារព័ត៌មាន​បរទេស​នៅ​ប្រទេស​សេរី បាន​ចុះផ្សាយ​អំពី​សិទ្ធិ​សេរីភាព​ពលរដ្ឋ​នៅ​ប្រទេស​កម្ពុជា ថា​កាន់តែ​រួញ​តូច​ចង្អៀត​ទៅៗ បន្ទាប់ពី​លោក ហ៊ុន ម៉ាណែត ឡើង​កាន់​តំណែង​ជំនួស​ឪពុក ហើយ​លោក ហ៊ុន សែន ជា​ឪពុក​វិញ ក៏​នៅតែ​មាន​ឥទ្ធិពល​ពីក្រោយ​ខ្នង​កូន​ហាក់បីដូចជា​ចាំ​តែ​ញាក់​ខ្សែ​ដូច្នោះ​ដែរ។ សារព័ត៌មាន Japan Times បាន​ស្រង់​ផ្សាយ​បន្ត​ពី​កាសែត The New York Times នៅ​ថ្ងៃទី​២៤ ខែ​ធ្នូ នេះ​ថា មក​ទល់​នឹង​ឆ្នាំ​ទៅ ពលរដ្ឋ​ខ្មែរ​បាន​រស់​ឃើញ​តែ​មេដឹកនាំ​ម្នាក់​រាប់​សិប​ឆ្នាំ...

សម្ព័ន្ធភាព​សកល​នៃ​អង្គការ​សង្គម​ស៊ីវិល (CIVICUS Monitor) បាន​ដាក់​ប្រទេស​កម្ពុជា​នៅ​ក្នុង​ចំណាត់ថ្នាក់​ជា​ប្រទេស​មាន​លំហ​សេរីភាព​ផ្នែក​ស៊ីវិល​តូច​ចង្អៀត​ក្នុង​ឆ្នាំ​២០២៤។ បន្ទាប់ពី​លោក ហ៊ុន ម៉ាណែត ឡើង​កាន់​តំណែង​ជា​នាយករដ្ឋមន្ត្រី​បន្ត​ពី​ឪពុក​កាលពី​ខែ​សីហា ឆ្នាំ​២០២៣ មក សកម្មភាព​រំលោភ​លើ​សេរីភាព​ជា​មូលដ្ឋាន​នៅតែ​កើត​មាន​ជា​ហូរហែ។ នៅ​ក្នុង​សេចក្តី​រាយការណ៍​ដែល​មាន​ជាង ៦​ទំព័រ សម្ព័ន្ធភាព​អង្គការ CIVICUS បាន​ផ្តល់​ពិន្ទុ​ឱ្យ​ប្រទេស​កម្ពុជា​ត្រឹមតែ ២៧​ប៉ុណ្ណោះ ដែល​ជា​ពិន្ទុ​មួយ​ស្ថិត​ក្នុង​កម្រិត​ពណ៌​លឿងទុំ​ក្បែរ​ពណ៌​ក្រហម ដោយសារ​តែ​មាន​ការ​ចាប់​ខ្លួន​សកម្មជន​ធ្វើការ​លើ​ផ្នែក​សិទ្ធិមនុស្ស និង​បរិស្ថាន​ជា​បន្តបន្ទាប់។ ប្រភព​ដដែល​អះអាង​ថា ការ​ចាប់​ខ្លួន​លោក កើត សារ៉ាយ ប្រធាន​សមាគម​សម្ព័ន្ធ​និស្សិត​បញ្ញវន្ត​ខ្មែរ ការ​ធ្វើ​សវនកម្ម​លើ​អង្គការ​ស្រង់តាល់...

មជ្ឈមណ្ឌល​សិទ្ធិមនុស្ស​កម្ពុជា អះអាង​ថា ការ​បំភិតបំភ័យ ការ​គំរាមកំហែង​ពី​សំណាក់​រដ្ឋាភិបាល និង​ការ​យាយី​តាម​ប្រព័ន្ធ​តុលាការ គឺជា​វិធានការ​ដែល​ត្រូវ​ប្រើប្រាស់​សម្រាប់​កំណត់​មុខសញ្ញា​អ្នក​ហ៊ាន​បញ្ចេញមតិ ឬ​អ្នក​ហ៊ាន​រិះគន់​រដ្ឋាភិបាល។ មជ្ឈមណ្ឌល​សិទ្ធិមនុស្ស​កម្ពុជា (CCHR) បាន​ចេញ​ផ្សាយ​របាយការណ៍​របស់​ខ្លួន​កាលពី​ថ្ងៃទី​២៦ ខែ​វិច្ឆិកា ឆ្នាំ​២០២៤ ថា សិទ្ធិ​សេរីភាព​បញ្ចេញមតិ សេរីភាព​សារព័ត៌មាន និង​សិទ្ធិ​ទទួល​បាន​ព័ត៌មាន​នៅតែ​បន្ត​វាយប្រហារ​នៅ​ក្នុង​ប្រទេស​កម្ពុជា​ចាប់តាំងពី​ដើម​ខែ​កញ្ញា ឆ្នាំ​២០២៣ រហូត​ដល់​ចុង​ខែ​សីហា ឆ្នាំ​២០២៤ កន្លង​ទៅ​នេះ។ CCHR ថា​អ្នក​សារព័ត៌មាន​នៅ​កម្ពុជា ជាពិសេស​អ្នក​ដែល​ដើរ​តួនាទី​ឃ្លាំមើល និង​ជា​អ្នក​រាយការណ៍​ព័ត៌មាន​សម្ងាត់ ជារឿយៗ​តែង​ប្រឈម​នឹង​ការ​គំរាមកំហែង​ដល់​សុវត្ថិភាព​រូបរាងកាយ ក្នុង​នោះ​ក៏​មាន​ការ​គំរាមកំហែង​ដល់​អាយុជីវិត​ផង​ដែរ។ ប្រភព​ដដែល​លើកឡើង​ថា...

សារព័ត៌មាន​ដែល​មាន​មូលដ្ឋាន​នៅ​ប្រទេស​បារាំង Le Figaro បាន​ចុះផ្សាយ​ថា លំហ​សេរីភាព​នៃ​ការ​បញ្ចេញមតិ​នៅ​ប្រទេស​កម្ពុជា​កំពុង​រួម​តូច​ក្រោម​ការ​គ្រប់គ្រង​នៃ​រដ្ឋាភិបាល​គណបក្ស​ប្រជាជន​កម្ពុជា ដែល​មិន​ស្ទាក់ស្ទើរ​ក្នុង​ការ​ចាប់​ឃុំ​ខ្លួន​អ្នក​សារព័ត៌មាន សកម្មជន​បរិស្ថាន សកម្មជន​នយោបាយ​ដែល​ប្រឆាំង​នឹង​ខ្លួន។ សារព័ត៌មាន​បារាំង Le Figaro បាន​ចេញ​អត្ថបទ​ចុះផ្សាយ​កាលពី​ថ្ងៃទី​២៩ ខែ​តុលា នេះ ដោយ​ដាក់​រូបថត​លោក ហ៊ុន ម៉ាណែត ភ្ជាប់​នឹង​ចំណងជើង​ថា «នៅ​កម្ពុជា សេរីភាព​នៃ​ការ​បញ្ចេញមតិ​កំពុង​រួម​តូច» ដោយសារ​រដ្ឋាភិបាល​ក្រុង​ភ្នំពេញ​ដែល​មាន​អាយុ ១៥​ខែ​នេះ គ្មាន​ភាព​ស្ទាក់ស្ទើរ​ក្នុង​ការ​ចាប់​អ្នកកាសែត សកម្មជន ឬ​សូម្បីតែ​ប្រជាពលរដ្ឋ​សាមញ្ញ...

កម្មវិធី Idea Talk សម្រាប់​រាត្រី​ថ្ងៃទី​០១ ខែ​តុលា ឆ្នាំ​២០២៤ ស្តីអំពី៖ «សេរីភាព​នៃ​ការ​បញ្ចេញមតិ​នៅ​ប្រទេស​កម្ពុជា ស្ថិត​ក្នុង​ភាព​ប្រកាស​អាសន្ន?»។

សមត្ថកិច្ច​ចាប់​ខ្លួន​អ្នក​សារព័ត៌មាន​សេរី (Freelance Journalist) លោក ម៉ិច ដារ៉ា នៅ​ក្នុង​ស្រុក​ស្រែអំបិល ខេត្ត​កោះកុង ខណៈ​លោក​កំពុង​ឈប់​រថយន្ត​នៅ​បញ្ជរ​បង់ប្រាក់​នៅ​លើ​ផ្លូវ​ល្បឿន​លឿន ដោយ​ផ្អែក​តាម​ដីកា​របស់​តុលាការ​ដែល​បញ្ជា​ឱ្យ​ចូល​ខ្លួន ទាក់ទង​ទៅ​នឹង​ការ​បង្ហោះ​រូបភាព​ចំនួន​ពីរ​សន្លឹក​ដែល​បង្ហាញ​ពី​ប្រតិបត្តិការ​យក​ថ្ម​ភ្នំ​នៅ​រមណីយដ្ឋាន​បាភ្នំ ស្ថិត​ក្នុង​ខេត្ត​ព្រៃវែង។ បើ​យោង​តាម​សាច់ញាតិ​របស់​លោក ម៉ិច ដារ៉ា បាន​ឲ្យ​ដឹង​ថា សមត្ថកិច្ច​ចាប់​ខ្លួន​លោក ម៉ិច ដារ៉ា នៅ​រសៀល​ថ្ងៃទី​៣០ ខែ​កញ្ញា ខណៈ​លោក​កំពុង​ឈប់​រថយន្ត​នៅ​បញ្ជរ​បង់ប្រាក់​លើ​ផ្លូវ​ល្បឿន​លឿន​ក្នុង​ស្រុក​ស្រែអំបិល ខេត្ត​កោះកុង។ រហូត​មក​ដល់​ពេលនេះ គ្រួសារ​របស់​លោក​មិន​ទាន់​ដឹង​ថា...