អ៊ីរ៉ង់

ការ​បង្ក្រាប​របស់​អាជ្ញាធរ​អ៊ីរ៉ង់ កំពុង​រីក​រាលដាល​ទៅ​លើ​វិស័យ​សុខាភិបាល ជាមួយ​នឹង​ការ​កំណត់​គោលដៅ​ទៅ​លើ​វេជ្ជបណ្ឌិត និង​គិលានុបដ្ឋាយិកា​ដែល​បាន​ផ្តល់​ការ​ព្យាបាល​ដល់​អ្នក​តវ៉ា​រង​របួស​ក្នុង​អំឡុង​ការ​ផ្ទុះ​មហា​កុបកម្ម។ តាម​ការ​ចុះផ្សាយ​ដោយ​សារព័ត៌មាន Iran International បាន​ឱ្យ​ដឹង​ថា បុគ្គលិក​មន្ទីរពេទ្យ​ជាច្រើន​សិប​នាក់​ហើយ​ត្រូវ​បាន​ឃុំ​ខ្លួន​ដោយ​កង​សន្តិសុខ​រដ្ឋ​នៃ​រដ្ឋាភិបាល​សាធារណរដ្ឋ​ឥស្លាមិក​អ៊ីរ៉ង់។ តាម​ប្រភព​ព័ត៌មាន​ដដែល​នេះ ឱ្យ​ដឹង​ថា គ្រូពេទ្យ​ដែល​បាន​ព្យាបាល​បាតុករ​នៅ​ទីក្រុង Qazvin Rasht Tabriz Mashhad និង Gorgan ត្រូវ​បាន​ចាប់​ខ្លួន ឬ​បាត់​ខ្លួន​ជាច្រើន​នាក់។ តាម Iran International សកម្មជន​សិទ្ធិមនុស្ស​បាន​ហៅថា​សកម្មភាព​ទាំងនេះ​មិន​ត្រឹម​ជា​ការ​រំលោភ​សិទ្ធិមនុស្ស​ប៉ុណ្ណោះ​ទេ ប៉ុន្តែ​ក៏​ជា​ការ​បំភិតបំភ័យ​ដល់​វិជ្ជាជីវៈ​វេជ្ជសាស្ត្រ និង​ការ​រារាំង​សិទ្ធិ​មូលដ្ឋាន​របស់​ប្រជាពលរដ្ឋ​ក្នុង​ការ​ទទួល​បាន​ការ​ព្យាបាល​ខ្លួន។ ប្រធាន​ក្រុមប្រឹក្សា​វេជ្ជសាស្ត្រ​អ៊ីរ៉ង់...

កាលពី​ថ្ងៃ​ព្រហស្បតិ៍ ទី​៥ កុម្ភៈ រដ្ឋការ​សហរដ្ឋ​អាមេរិក បាន​ចេញ​សេចក្តី​ណែនាំ​ដល់​ពលរដ្ឋ​អាមេរិក ដែល​កំពុង​រស់នៅ​ក្នុង​ទឹកដី​អ៊ីរ៉ង់ ឱ្យ​ចាកចេញ​ពី​ប្រទេស​អ៊ីរ៉ង់ ដោយ​ចាប់ពី​ថ្ងៃ​ជូនដំណឹង​ថ្ងៃទី​៥ ខែ​កុម្ភៈ ឆ្នាំ​២០២៦ នេះ​តទៅ។ ក្នុង​ពេល​ជាមួយ​គ្នា​នេះ កងកម្លាំង​អ៊ីរ៉ង់ បាន​ឃាត់​នាវា​ដឹក​ប្រេងកាត​ពីរ​គ្រឿង ដោយ​ចោទ​ថា​រត់ពន្ធ​ប្រេង ប៉ុន្តែ​មិន​បាន​បញ្ជាក់​ថា​ដោត​ទង់ជាតិ​ប្រទេស​ណា​នោះ​ទេ។ នៅ​ក្បែរ​ទីនោះ​ដែរ យន្តហោះ​ចម្បាំង​អាមេរិកាំង F-35 បាន​បាញ់​ទម្លាក់​គ្រឿងយន្ត​ហោះហើរ​ដ្រូន ពីព្រោះ​ហោះ​ខិត​ជិត​នាវា​ផ្ទុក​យន្តហោះ​ចម្បាំង USS Abraham Lincoln ពេក។...

អ៊ីរ៉ង់ ត្រូវ​បាន​គេ​មើល​ឃើញ​ថា​ជា​ប្រទេស​មួយ​ដែល​ជា​ដៃគូ​យុទ្ធសាស្ត្រ​យោធា​ដ៏​ទូលំទូលាយ​ជាមួយ​មហាអំណាច​រុស្ស៊ី និង​ចិន។ នៅ​ខណៈ​ភាព​តានតឹង​ជាមួយ​សហរដ្ឋ​អាមេរិក បាន​និង​កំពុង​កើន​ឡើង ក៏​មាន​ការ​ចោទ​សួរ​ជុំវិញ​ស្ថានការណ៍​ដូចនេះ​ថា តើ​រុស្ស៊ី និង​ចិន អាច​បណ្តោយ​ឱ្យ​អ៊ីរ៉ង់ ធ្លាក់​ទៅ​ក្នុង​សង្គ្រាម​ជាមួយ​មហាអំណាច​សហរដ្ឋ​អាមេរិក​ឬ​ទេ ហើយ​បើ​អាច​ផ្ទុះ​សង្គ្រាម​វាយប្រហារ​ពី​សហរដ្ឋ​អាមេរិក តើ​ប្រទេស​ទាំង​ពីរ​នេះ​នឹង​ជួយ​អ៊ីរ៉ង់ ក្នុង​ទម្រង់​បែប​ណា? ការវិភាគ​ដ៏​សំខាន់​មួយ​បាន​បង្ហាញ​ថា ទាំង​រុស្ស៊ី និង​ចិន មិន​ចង់​ឲ្យ​អ៊ីរ៉ង់ ចូល​ទៅ​ក្នុង​ជម្លោះ​ផ្ទាល់​នោះ​ទេ។ វិធីសាស្ត្រ​របស់​ពួកគេ​ច្រើន​ផ្អែកលើ​ការ​គាំទ្រ​ផ្នែក​យុទ្ធសាស្ត្រ និង​សេដ្ឋកិច្ច ដូចជា ការ​ពង្រឹង​សមត្ថភាព​យោធា​រួម ក្នុង​ការ​ធ្វើ​សមយុទ្ធ​កងទ័ព​ជើងទឹក ការ​វិនិយោគ និង​ការ​ផ្តល់​ការ​ការពារ​សេដ្ឋកិច្ច ដើម្បី​បន្ថែម​ភាព​រឹងមាំ​ទៅ​ឱ្យ​អ៊ីរ៉ង់...

ប្រធានាធិបតី​សហរដ្ឋ​អាមេរិក ដូណាល់ ត្រាំ កំពុង​ពិចារណា​លើ​ជម្រើស​ជាច្រើន​ប្រភេទ​ប្រឆាំង​នឹង​របប​សាធារណរដ្ឋ​ឥស្លាមិក​អ៊ីរ៉ង់ ក្នុង​នោះ​រួម​មាន​ទាំង​ជម្រើស​ការ​វាយប្រហារ​កំណត់​គោលដៅ​លើ​កងកម្លាំង​សន្តិសុខ និង​មេដឹកនាំ​អ៊ីរ៉ង់ ដើម្បី​លើក​ទឹកចិត្ត​ដល់​ក្រុម​បាតុករ​ឱ្យ​បះបោរ​ជា​ថ្មី​ទាញ​ទីក្រុង​តេហេរ៉ង់ ធ្លាក់​ក្នុង​ការ​គ្រប់គ្រង​របស់​បាតុករ។ គំនិត​នេះ ចេញ​មក​ស្រប​ពេល​ក្រុម​មន្ត្រី​អ៊ីស្រាអែល យល់​ថា​ការ​វាយប្រហារ​តាម​ផ្លូវអាកាស​តែ​មួយ​គត់​មិន​អាច​ផ្ដួល​រំលំ​របប​ដឹកនាំ​ទីក្រុង​តេហេរ៉ង់ បាន​ក៏ដោយ ត្រូវតែ​មាន​ការ​ផ្ទុះ​ផ្ទៃក្នុង​នៃ​ប្រទេស​អ៊ីរ៉ង់ ដូចជា​ការ​បះបោរ​ពី​ពលរដ្ឋ​ប្រឆាំង​របប​ផ្ដាច់ការ​នៅ​អ៊ីរ៉ង់។ តាម​ការ​ចេញ​ផ្សាយ​ដោយ​ទីភ្នាក់ងារ​ព័ត៌មាន Reuters នៅ​ថ្ងៃ​ព្រហស្បតិ៍ ទី​២៩ ខែ​មករា លោក ត្រាំ ចង់​បង្កើត​ឱ្យ​មាន​លក្ខខណ្ឌ​ដែល​នាំ​ទៅ​រក​ការ​ផ្លាស់ប្ដូរ​របប​ដឹកនាំ​អ៊ីរ៉ង់ សព្វថ្ងៃ បន្ទាប់ពី​កងកម្លាំង​សន្តិសុខ​អ៊ីរ៉ង់ បាន​បង្ក្រាប​យ៉ាង​សាហាវ​វាយប្រហារ​លើ​ក្រុម​បាតុករ​នៅ​ទូទាំង​ប្រទេស​កាលពី​ដើម​ខែ​មករា នេះ...

នាវា​ផ្ទុក​យន្តហោះ​ចម្បាំង​សហរដ្ឋ​អាមេរិក​មួយ​គ្រឿង USS Abraham Lincoln អមដំណើរ​ដោយ​នាវា​ពិឃាដ​ជាច្រើន​គ្រឿង បាន​ទៅ​ដល់​តំបន់​មជ្ឈិមបូព៌ា​ហើយ ជា​ការ​ជួយ​ពង្រឹង​សមត្ថភាព​ប្រធានាធិបតី​អាមេរិក លោក ដូណាល់ ត្រាំ ដើម្បី​ការពារ​កងកម្លាំង​អាមេរិកាំង ឬ​ក៏​ចាត់​វិធានការ​យោធា​ណា​មួយ​វាយប្រហារ​លើ​របប​សាធារណរដ្ឋ​ឥស្លាម​អ៊ីរ៉ង់ ដែល​គេ​ថា​ជា​ការ​សងសឹក ព្រោះ​កង​សន្តិសុខ​អ៊ីរ៉ង់ វាយប្រហារ​សម្លាប់​បាតុករ​យ៉ាង​រង្គាល។ នេះ​បើ​តាម​ការ​ចេញ​ផ្សាយ​ដោយ​ទីភ្នាក់ងារ​សារព័ត៌មាន AP នៅ​ថ្ងៃទី​២៧ ខែ​មករា ឆ្នាំ​២០២៦។ នាវា​ផ្ទុក​យន្តហោះ​ចម្បាំង USS Abraham Lincoln ដែល​បាន​មក​ដល់​តំបន់​មជ្ឈិមបូព៌ា​នៅ​ពេលនេះ​ធ្វើ​តាម​ការ​បញ្ជា​របស់​លោក ត្រាំ...

ក្នុង​ពេល​ថ្មីៗ​នេះ ចំ​ពេល​ដែល​ការ​តវ៉ា​របស់​ប្រជាជន​កាន់តែ​ផ្ទុះ​ខ្លាំង​ឡើង ហើយ​សម្ពាធ​សេដ្ឋកិច្ច​កាន់តែ​គាបសង្កត់​យ៉ាង​ធ្ងន់ធ្ងរ​ទៀត​នោះ មាន​ប្រធានបទ​មួយ​ដ៏​ក្តៅ​គគុក​ក្រោម​ការ​ចោទ​សួរ​របស់​ប្រជាជន​អ៊ីរ៉ង់ ជាច្រើន​លាន​នាក់ ក៏ដូចជា​សហគមន៍​អន្តរជាតិ​ផង​ដែរ។ សំណួរ​សួរ​ថា តើ​របប​នៃ​សាធារណរដ្ឋ​ឥស្លាម អាច​ត្រូវ​បាន​ទាញ​ទម្លាក់​ដោយ​មធ្យោបាយ​ណា​ខ្លះ? យ៉ាងណា ប្រវត្តិសាស្ត្រ​បង្ហាញ​ថា របប​នេះ​មាន​ភាព​រឹងមាំ​ដែល​មាន​អាយុកាល ៤៧​ឆ្នាំ​មក​ហើយ និង​មិន​ងាយ​បំបែក​បាន​នោះ​ឡើយ។ ម្យ៉ាង​ទៀត របប​នេះ​មិន​ទុក​ឱកាស​ឱ​សង្គម និង​ប្រទេស​ជាតិ​ធ្លាក់​ក្នុង​សង្គ្រាម​ស៊ីវិល​ឡើយ។ របប​សាធារណរដ្ឋ​ឥស្លាម​អ៊ីរ៉ង់ ដែល​មាន​អាយុកាល ៤៧​ឆ្នាំ​មក​នេះ កំពុង​គ្រប់គ្រង​យ៉ាង​រឹងមាំ​នៅ​ក្រោម​មហាជិក​សាសនា Ayatollah Ali Khamenei និង​គ្រួសារ​របស់​គាត់ ហើយ​គាំទ្រ​ដោយ​ប៉ូលិស កងកម្លាំង​សន្តិសុខ...

យោង​តាម​របាយការណ៍​ដែល​បាន​ចេញ​ផ្សាយ​ពី​មន្ទីរពេទ្យ​នៅ​ទូទាំង​ប្រទេស​អ៊ីរ៉ង់ និង​ចុះផ្សាយ​ដោយ​សារព័ត៌មាន The Sun times បាន​ឱ្យ​ដឹង​ថា បាតុករ​អ៊ីរ៉ង់ យ៉ាងតិច ១៦៥០០​នាក់​បាន​បាត់បង់​ជីវិត រង​របួស ៣៣​ម៉ឺន​នាក់ ដែល​ក្នុង​នោះ​មាន​បាតុករ​ដែល​បាន​ខ្វាក់​ភ្នែក​មាន​ចំនួន ១​ពាន់​នាក់។ នៅ​ខណៈ​នេះ មន្ទីរពេទ្យ​ជាច្រើន​នៅ​ទូទាំង​ប្រទេស​អ៊ីរ៉ង់ ត្រូវ​បាន​គេ​រាយការណ៍​មក​ថា កំពុង​ខ្វះ​ឈាម​ដើម្បី​ជួយ​សង្គ្រោះ​អ្នក​រង​របួស​ដែល​ត្រូវ​ព្យាបាល​ភ្លាមៗ ត្រូវ​បាន​គេ​មើល​ឃើញ​ថា​វា​ជា​រឿង​គ្រោះថ្នាក់​បំផុត​សម្រាប់​អ្នក​រង​របួស​ក្នុង​អំឡុង​ពេល​ការ​ផ្ទុះ​បាតុកម្ម ដែល​អាច​នាំ​ពួកគេ​ងាយ​នឹង​ឈាន​ទៅ​រក​ការ​បាត់បង់​ជីវិត។ នៅ​មន្ទីរពេទ្យ​នានា​នៅ​ក្នុង​ទីក្រុង​តេហេរ៉ង់ ខណៈ​នេះ កំពុង​ស្ថិត​ក្នុង​ស្ថានភាព​អាសន្ន​ដោយសារតែ​កង​ឆ្មាំ​បដិវត្តន៍​អ៊ីរ៉ង់ ចូល​ទៅ​ចាប់​ខ្លួន​បាតុករ​ទាំង​ដែល​ពួកគេ​កំពុង​រង​របួស​ធ្ងន់ យក​ទៅ​ឃុំឃាំង និង​ធ្វើការ​កាត់ទោស។ អ្នក​ស៊ើបអង្កេត​នៃ​អង្គការ​សិទ្ធិមនុស្ស​អ៊ីរ៉ង់ មាន​មូលដ្ឋាន​នៅ​ន័រវែស...

នៅ​លើ​ទឹកដី​នៃ​ប្រទេស​អ៊ីរ៉ង់ នៅ​ខណៈ​នេះ គេ​សង្កេត​ឃើញ​ហេតុការណ៍​កំពុង​ផ្ទុះ​ឡើង​នូវ​ការ​តវ៉ា​ទ្រង់ទ្រាយ​ធំ​ពី​សំណាក់​បាតុករ​ប្រឆាំង​នឹង​រដ្ឋាភិបាល​របស់​ខ្លួន។ របប​នៅ​អ៊ីរ៉ង់ ដែល​បស្ចិម​ប្រទេស​ហៅថា​ជា​របប​ផ្ដាច់ការ​ដ៏​រឹងមាំ​ស្ថិត​ក្រោម​ការ​ដឹកនាំ​របស់​មេដឹកនាំ​ផ្ដាច់ការ​លោក អាយ៉ាតូឡា អាលីខេមីនី។ ប្រទេស​អ៊ីរ៉ង់ មាន​ប្រជាជន​ជាង ៩២​លាន​នាក់។ អ៊ីរ៉ង់ ត្រូវ​បាន​ហៅ​ជា​ផ្លូវការ​ថា​សាធារណរដ្ឋ​ឥស្លាម។ ប្រជាជន​អ៊ីរ៉ង់​ជាច្រើន​ម៉ឺន​នាក់​កំពុង​ប្រមូលផ្ដុំ​គ្នា​នៅ​តាម​ដង​វិថី និង​ទីក្រុង​នៅ​ទាំង ៣១​ខេត្ត-ក្រុង ដោយ​ដើរ​ចេញ​តវ៉ា​ប្រឆាំង​នឹង​មេដឹកនាំ​ផ្ដាច់ការ​របស់​ខ្លួន គឺ​លោក អាយ៉ាតូឡា អាលីខេមីនី និង​រដ្ឋាភិបាល​របស់​លោក ហើយ​ទាមទារ​ឱ្យ​មាន​ការ​ផ្តួល​រំលំ​របប​នេះ​តែម្តង។ បាតុកម្ម​នេះ​ត្រូវ​បាន​គេ​ដឹង​ថា បាន​ផ្ទុះ​ឡើង​តាំងពី​ថ្ងៃទី​២៨ ខែ​ធ្នូ ឆ្នាំ​២០២៥ ដោយសារ​ប្រជាជន​បាន​រង​នូវ​ភាព​អយុត្តិធម៌ ការ​ដកហូត​នូវ​សិទ្ធិមនុស្ស...

ប្រធានាធិបតី​សហរដ្ឋ​អាមេរិក លោក ដូណាល់ ត្រាំ និយាយ​នៅ​ថ្ងៃ​អាទិត្យ ទី​១១ ខែ​មករា ឆ្នាំ​២០២៦ ថា លោក​កំពុងតែ​ថ្លឹងថ្លែង​អំពី​ជម្រើស​ដើម្បី​ឆ្លើយតប​នឹង​ភាព​ចលាចល​ដែល​កំពុង​កើន​ឡើង​នៅ​ក្នុង​ប្រទេស​អ៊ីរ៉ង់ រួម​ទាំង​ជម្រើស​យោធា​ដែល​អាច​ធ្វើ​ទៅ​បាន​ផង​ដែរ។ លោក ត្រាំ ព្រមាន​ថា អន្តរាគមន៍​របស់​កងទ័ព​សហរដ្ឋ​អាមេរិក​ជួយ​បាតុករ គឺ​មាន​ភាព​ខ្លាំងក្លា​ប្រឆាំង​អាជ្ញាធរ​អ៊ីរ៉ង់ បាញ់​សម្លាប់​បាតុករ​យ៉ាង​រង្គាល​នៅ​ប៉ុន្មាន​ថ្ងៃ​ចុងក្រោយ​នេះ។ នេះ​បើ​តាម​ការ​ចុះផ្សាយ​ដោយ​សារព័ត៌មាន Asia One News ចុះផ្សាយ​នៅ​ថ្ងៃទី​១២ ខែ​មករា ឆ្នាំ​២០២៦។ នៅ​ពេល​អ្នក​សារព័ត៌មាន​សួរ​នៅ​លើ​យន្តហោះ Air...

យោង​តាម​សេចក្តី​រាយការណ៍​ពី​សារព័ត៌មាន​សកម្មជន​សិទ្ធិមនុស្ស ដែល​មាន​មូលដ្ឋាន​នៅ​សហរដ្ឋ​អាមេរិក ប្រជាជន​អ៊ីរ៉ង់ បាន​ចេញ​តាម​ដងផ្លូវ​នៅ​ក្នុង​ទីក្រុង​យ៉ាងហោចណាស់ ១១១​ទីក្រុង នៅ​ទូទាំង​ខេត្ត​ចំនួន ៣១ ដែល​ជា​ការ​ផ្ទុះ​ការ​តវ៉ា​ផ្ដើម​ពី​ការ​ប្រឆាំង​ការ​រំលំ​សេដ្ឋកិច្ច​ឈាន​ដល់​ការ​តវ៉ា​ទម្លាក់​របប​ដឹកនាំ​នៃ​រដ្ឋាភិបាល​សាធារណរដ្ឋ​ឥស្លាម។ ប្រព័ន្ធ​ផ្សព្វផ្សាយ​រដ្ឋ​អ៊ីរ៉ង់ បាន​រាយការណ៍​អំពី​ការ​តវ៉ា​លើកដំបូង​នៅ​ក្នុង​ទីក្រុង​មួយ​ចំនួន​នៅ​ក្នុង​ខេត្ត​អ៊ីឡាំ កាលពី​ល្ងាច​ថ្ងៃ​ពុធ ហើយ​ចូល​ដល់​ថ្ងៃ​ព្រហស្បតិ៍ ទី​៨ មករា គឺជា​ថ្ងៃទី​១២ នៃ​ការ​ផ្ទុះ​បាតុកម្ម​ដ៏​មហា​ធំធេង​នៃ​ប្រជាជន​ក្នុង​ប្រទេស​មាន​ប្រជាជន​ជាង ៨០​លាន​នាក់។ ភាព​ចលាចល​បាន​ផ្ទុះ​ឡើង​នៅ​ថ្ងៃទី​២៨ ខែ​ធ្នូ ឆ្នាំ​២០២៥ នៅ​ពេល​ដែល​ប្រាក់​រីយ៉ាល់​អ៊ីរ៉ង់ បាន​ធ្លាក់​ចុះ​ដល់​កម្រិត​ទាប​បំផុត​មិន​ធ្លាប់​មាន ធៀប​នឹង​ប្រាក់​ដុល្លារ​អាមេរិក។ អាជ្ញាធរ​បាន​ព្យាយាម​ប្រើ​វិធីសាស្ត្រ​ពីរ​យ៉ាង ដើម្បី​បន្ថយ​កំហឹង​របស់​អ្នក​តវ៉ា គឺ​ទទួលស្គាល់​វិបត្តិ​សេដ្ឋកិច្ច...