ពលរដ្ឋអ៊ីរ៉ង់ ចេញធ្វើបាតុកម្មប្រឆាំងនឹងរបបគ្រប់គ្រងក្រុងតេហេរ៉ង់ ផ្ទុះនៅ ១១១ទីក្រុងក្នុងរយៈពេល ១២ថ្ងៃ

យោងតាមសេចក្តីរាយការណ៍ពីសារព័ត៌មានសកម្មជនសិទ្ធិមនុស្ស ដែលមានមូលដ្ឋាននៅសហរដ្ឋអាមេរិក ប្រជាជនអ៊ីរ៉ង់ បានចេញតាមដងផ្លូវនៅក្នុងទីក្រុងយ៉ាងហោចណាស់ ១១១ទីក្រុង នៅទូទាំងខេត្តចំនួន ៣១ ដែលជាការផ្ទុះការតវ៉ាផ្ដើមពីការប្រឆាំងការរំលំសេដ្ឋកិច្ចឈានដល់ការតវ៉ាទម្លាក់របបដឹកនាំនៃរដ្ឋាភិបាលសាធារណរដ្ឋឥស្លាម។

ប្រព័ន្ធផ្សព្វផ្សាយរដ្ឋអ៊ីរ៉ង់ បានរាយការណ៍អំពីការតវ៉ាលើកដំបូងនៅក្នុងទីក្រុងមួយចំនួននៅក្នុងខេត្តអ៊ីឡាំ កាលពីល្ងាចថ្ងៃពុធ ហើយចូលដល់ថ្ងៃព្រហស្បតិ៍ ទី៨ មករា គឺជាថ្ងៃទី១២ នៃការផ្ទុះបាតុកម្មដ៏មហាធំធេងនៃប្រជាជនក្នុងប្រទេសមានប្រជាជនជាង ៨០លាននាក់។

ភាពចលាចលបានផ្ទុះឡើងនៅថ្ងៃទី២៨ ខែធ្នូ ឆ្នាំ២០២៥ នៅពេលដែលប្រាក់រីយ៉ាល់អ៊ីរ៉ង់ បានធ្លាក់ចុះដល់កម្រិតទាបបំផុតមិនធ្លាប់មាន ធៀបនឹងប្រាក់ដុល្លារអាមេរិក។ អាជ្ញាធរបានព្យាយាមប្រើវិធីសាស្ត្រពីរយ៉ាង ដើម្បីបន្ថយកំហឹងរបស់អ្នកតវ៉ា គឺទទួលស្គាល់វិបត្តិសេដ្ឋកិច្ច និងផ្តល់ការសន្ទនាជាមួយក្រុមបាតុករ ខណៈការផ្ទុះការប្រឆាំងរដ្ឋាភិបាលកាន់តែខ្លាំង និងក៏ផ្ទុះហិង្សាវាយបកវិញលើកម្លាំងសន្តិសុខ។

រដ្ឋាភិបាលអ៊ីរ៉ង់ នៅក្រោមការដឹកនាំរបស់សង្គ្រាជឥស្លាម Ayatollah Ali Khamenei បានចោទប្រកាន់មហាអំណាចបរទេសថាជាអ្នកជំរុញឱ្យមានការតវ៉ា ជាពិសេសចោទទៅលើរដ្ឋការលោក ដូណាល់ ត្រាំ។

ទោះជាយ៉ាងណាក្ដី រដ្ឋាភិបាលអ៊ីរ៉ង់ ទទួលស្គាល់ការទាមទារពីអ្នកតវ៉ា តែស្របពេលជាមួយគ្នានេះ ក៏បានព្រមានប្រឆាំងនឹងការជ្រៀតជ្រែកពីបរទេសផងដែរ។

តាមប្រភពព័ត៌មានសកម្មជនសិទ្ធិមនុស្សដដែល ប្រធានាធិបតីអ៊ីរ៉ង់ លោក Masoud Pezeshkian បានបញ្ជាឱ្យកងទ័ពសន្តិសុខកុំវាយប្រហារដៅទៅលើក្រុមបាតុករដោយសន្តិវិធី ខណៈដែលអ្នកស្លាប់បានកើនឡើងដល់យ៉ាងហោចណាស់ ៣៨នាក់។

ក្រុមសិទ្ធិមនុស្សមានមូលដ្ឋាននៅសហរដ្ឋអាមេរិក ដែលទទួលរបាយការណ៍ពីបណ្ដាញសកម្មជនរបស់ខ្លួននៅក្នុងប្រទេសអ៊ីរ៉ង់ ដោយបានកត់ត្រាថា កងទ័ពសន្តិសុខព្យាយាមបំបែកក្រុមបាតុករដោយប្រើកាំភ្លើងបាញ់គ្រាប់ពិត និងឧស្ម័នបង្ហូរទឹកភ្នែកវាយប្រហារលើបាតុករ។

កាលពីថ្ងៃពុធ សង្គ្រាជ Ayatollah Ali Khamenei ក៏បានចោទប្រកាន់សហរដ្ឋអាមេរិក និងអ៊ីស្រាអែល ថាកំពុងរុញរលកកំហឹងប្រជាជនជាមួយនឹងការបញ្ជូនចារកម្មចូលក្នុងហ្វូងបាតុករ។

ក្រសួងការបរទេសអ៊ីរ៉ង់ បានថ្កោលទោសបរទេសថាជាអ្នកជ្រៀតជ្រែកចូលកិច្ចការផ្ទៃក្នុងប្រទេសអ៊ីរ៉ង់ ដោយចោទប្រកាន់ទីក្រុងវ៉ាស៊ីនតោន ថាបានព្យាយាមញុះញង់អំពើហិង្សា និងភាពចលាចលនៅក្នុងទីក្រុងតេហេរ៉ង់។

លោក Ayatollah Ahmad Jannati លេខាធិការក្រុមប្រឹក្សាអាណាព្យាបាលអ៊ីរ៉ង់ បានរិះគន់ប្រធានាធិបតីអាមេរិក លោក ដូណាល់ ត្រាំ (Donald Trump) និងនាយករដ្ឋមន្ត្រីអ៊ីស្រាអែល លោក Benjamin Netanyahu ចំពោះការប្រើភាសាអាណិតអាសូរប្រជាជនអ៊ីរ៉ង់ តែជាការពិត រុញប្រជាជនអ៊ីរ៉ង់ ឱ្យធ្លាក់ក្នុងជម្លោះប្រដាប់អាវុធជាមួយកងសន្តិសុខរបស់ខ្លួនទៅវិញ។

សេដ្ឋកិច្ចអ៊ីរ៉ង់ កំពុងស្ថិតនៅក្រោមសម្ពាធជាបន្តបន្ទាប់ដោយសារទណ្ឌកម្មអន្តរជាតិ ទាក់ទងនឹងកម្មវិធីនុយក្លេអ៊ែររបស់ខ្លួន។ ជាមួយនឹងការហក់ឡើងតម្លៃទំនិញលើទីផ្សារ បានធ្វើឱ្យប្រាក់អ៊ីរ៉ង់បាត់បង់តម្លៃជាងមួយភាគបីធៀបនឹងប្រាក់ដុល្លារ ខណៈដែលទិន្នន័យផ្លូវការបង្ហាញថា អតិផរណាប្រចាំឆ្នាំលើសពី ៥០ភាគរយ គឺជាការទាញសញ្ញាអាសន្នថាសេដ្ឋកិច្ចអ៊ីរ៉ង់ ជិតក្រឡាប់ហើយ។

ទាំងសហរដ្ឋអាមេរិក និងអ៊ីស្រាអែល នៅពេលនេះ បានបង្ហាញការគាំទ្រចំពោះការតវ៉ានៅក្នុងប្រទេសអ៊ីរ៉ង់ ក្នុងរយៈពេលប៉ុន្មានថ្ងៃថ្មីៗនេះ ដោយទីក្រុងវ៉ាស៊ីនតោន គំរាមអន្តរាគមន៍ ប្រសិនបើរដ្ឋអំណាចនៅទីក្រុងតេហេរ៉ង់ បង្ក្រាបបាតុកម្មដោយបាញ់សម្លាប់បាតុករគ្មានត្រាប្រណី។

កាលពីសប្តាហ៍មុន លោក ត្រាំ បានព្រមានថា លោកកំពុងតាមដានយ៉ាងដិតដល់ ប្រសិនបើរដ្ឋាភិបាលអ៊ីរ៉ង់ ចាប់ផ្តើមសម្លាប់មនុស្សដូចដែលពួកគេធ្លាប់ធ្វើកាលពីអតីតកាល លោក ត្រាំ ព្រមានថា សហរដ្ឋអាមេរិកត្រូវចូលជួយបាតុករ។

ចំណែកនាយករដ្ឋមន្ត្រីអ៊ីស្រាអែល លោក Netanyahu បានសម្ដែងសាមគ្គីភាពជាមួយក្រុមបាតុករអ៊ីរ៉ង់។

របបដឹកនាំបែបធម្មាធិបតេយ្យ ដែលលោកខាងលិចចាត់ទុកជារបបផ្ដាច់ការបន្តពីបដិវត្តន៍ផ្តួលរបបសេរីនិយមនៃស្តេច ស្ហា ព្រះចៅ Muhammad Reza Pahlavi នាឆ្នាំ១៩៧៩ ក្រោមមេដឹកនាំមានគោរមងារថា Ayatollah ឬប្រែថា អច្ឆរិយបុគ្គល គឺពី Ayatollah Rohulllah Khmomeini ដល់ Ayatollah Ali Khamenei មានអាយុកាល ៤៦ឆ្នាំ៕

ពលរដ្ឋអ៊ីរ៉ង់ ចេញធ្វើបាតុកម្មប្រឆាំងនឹងរបបគ្រប់គ្រងក្រុងតេហេរ៉ង់ ផ្ទុះនៅ ១១១ទីក្រុងក្នុងរយៈពេល ១២ថ្ងៃ

បទវិភាគ

បទវិភាគ៖ ហេតុអ្វីបានជារុស្ស៊ី ខ្លាចមីស៊ីល Tomahawk អាមេរិក? ធ្វើដូចម្ដេចអ៊ុយក្រែន បានអាវុធនេះពីលោក ត្រាំ?

បទវិភាគ៖ ពីឧក្រិដ្ឋជនសង្គ្រាមក្លាយជាភ្ញៀវរបស់អាមេរិក លោក ត្រាំ ទាញលោក ពូទីន ចេញពីភាពឯកា

បទវិភាគព័ត៌មាន៖ មិនអាចប្ដូរមេដឹកនាំផ្ដាច់ការនៅបេឡារូស លើកលែងតែដូចប្រទេសបង់ក្លាដេស

បទវិភាគ៖ របបផ្ដាច់ការនៅប្រទេសស៊ីរី ដល់ពេលត្រូវបាត់បង់ហើយ

បទវិភាគ៖ ប្រទេសមួយក្រោមឥទ្ធិពលចិនខ្លាំង ហើយពីរទៀតក្រោមឥទ្ធិពលវៀតណាមផងចិនផង

បទវិភាគ៖ ផ្លែការ៉ុតនិងដំបងដាក់នៅចំពោះមុខកម្ពុជាក្នុងភូមិសាស្ត្រនយោបាយរវាងអាមេរិកនិងចិន

បទវិភាគ៖ តើប៉ាឡេស្ទីន អាចក្លាយជាសមាជិកពេញសិទ្ធិនៃអង្គការសហប្រជាជាតិបានដែរឬទេ?

បទវិភាគ៖ អាហ្វ្រិកខាងត្បូងអូសអ៊ីស្រាអែលឡើង ICC តែផ្ដល់ឱកាសឱ្យរុស្ស៊ីបន្តវិនាសកម្មនៅអ៊ុយក្រែន

អត្ថបទទាក់ទង

មេបញ្ជាការកងទ័ពអាមេរិកបង្ហាញផែនការថ្មីបើកប្រតិបត្តិការវាយប្រហារអ៊ីរ៉ង់លើកទីពីរ

ប្រធានាធិបតីសហរដ្ឋអាមេរិក អះអាងថាអ៊ីរ៉ង់ប្រាប់ថាទីក្រុងតេហេរ៉ង់ នឹងដួលរលំឆាប់ៗ

ច្រកសមុទ្រហ័រមូស នៅតែមិនទាន់មានសេរីភាពធ្វើនាវាចរណ៍សម្រាប់កប៉ាល់ដឹកប្រេងពីមជ្ឈិមបូព៌ា

អ៊ីរ៉ង់បញ្ជូនសំណើបញ្ឈប់ការឡោមព័ទ្ធច្រកសមុទ្រហ័រមូស និងបញ្ចប់សង្គ្រាមទៅកាន់សហរដ្ឋអាមេរិក

លោក ដូណាល់ ត្រាំ ព្រមានពីរលកនៃការវាយប្រហារថ្មី ប្រសិនបើកិច្ចព្រមព្រៀងជាមួយអ៊ីរ៉ង់បរាជ័យ

លោក ត្រាំ ជឿថាការចរចាអាចមានវិញនៅ ៣ថ្ងៃទៀត តែអ៊ីរ៉ង់ថាទាល់តែអាមេរិកបើកផ្លូវសមុទ្រឡើងវិញ

អត្ថបទអានច្រើន

និស្សិតភូមា យករូបមេដឹកនាំកម្ពុជាលោក ហ៊ុន សែន ទៅជាន់ឈ្លីនិងដុតចោលតាមទីសាធារណៈ

លោក ហ៊ុន សែន គំរាមមិនឱ្យលោក ស ខេង ឈរជាបេក្ខភាពនាយករដ្ឋមន្ត្រីបន្ទាប់ពីលោកជាដាច់ខាត

អតិថិជនទិញអចលនទ្រព្យពីអ្នកឧកញ៉ា ឡេង ណាវ៉ាត្រា ទាមទារផ្ទះតាមកិច្ចសន្យា

អតិថិជនទិញផ្ទះល្វែងពីបុរីពិភពថ្មីកំបូលខកចិត្តនឹងគុណភាពសំណង់ផ្ទះល្វែង និងសេវាមួយចំនួនរបស់ក្រុមហ៊ុននេះ

លោក ជា សុផារ៉ា រងការចោទប្រកាន់ថាប្រព្រឹត្តអំពើពុករលួយក្នុងជួរបក្សកាន់អំណាចរបស់ខ្លួន

លោក សម រង្ស៊ី ប្រកាសរកការរួបរួមជាមួយបក្សកាន់អំណាចរបស់លោក ហ៊ុន សែន ដើម្បីជាតិខ្មែររុងរឿង

សេចក្ដីរាយការណ៍ពិសេស

លោក ចេន ហ្ស៊ី បាត់មុខពីកម្ពុជា ស្របពេលអាមេរិកលាតត្រដាងអំពើឆបោកនិងលាងលុយកខ្វក់ក្នុងប្រព័ន្ធគ្រីបតូ

តើព្រះសង្ឃ និងមេដឹកនាំខ្មែរ បានធ្វើអ្វីខ្លះដើម្បីជាប្រយោជន៍ដល់ព្រះពុទ្ធសាសនា និងសង្គមជាតិរបស់ខ្លួន?

តើកាកបាទក្រហមកម្ពុជាទទួលអំណោយសប្បុរសដោយកុសលកម្ម ឬអកុសលកម្មបថ?

លោក ហេង សិទ្ធី អំពាវនាវឱ្យពលរដ្ឋខ្មែរចូលរួមរំដោះប្រទេសចេញពីអំណាចប្រមូលផ្ដុំគ្រួសារតែមួយ

មេធាវី៖ ការចាប់ខ្លួនលោក ហេង សិទ្ធី ដោយសារដឹងអំពីផែនការបង្កើតបក្សនយោបាយប្រឆាំងត្រកូលហ៊ុន