Naga World Archives - The Cambodia Daily Khmer

អ្នកឃ្លាំមើលថាវិវាទការងារនៅក្រុមហ៊ុនណាហ្គាវើលដ៍គ្មានដំណោះស្រាយ គឺធ្វើឱ្យខូចមុខមាត់ប្រទេសជាតិ

ឌឹ ខេមបូឌា ដេលី - November 24, 2025

អ្នកសង្កេតការណ៍ លើកឡើងថា ការបណ្តែតបណ្តោយឱ្យវិវាទរំលោភសិទ្ធិការងារកម្មករជាមួយនឹងថៅកែក្រុមហ៊ុន ណាហ្គាវើលដ៍ ចេះតែបន្តដោយគ្មានដំណោះស្រាយ គឺជាការបំផ្លាញមុខមាត់ប្រទេសកម្ពុជាធ្ងន់ធ្ងរ ដែលទង្វើទាំងនេះគ្មានផលចំណេញអ្វីបន្តិចសោះសម្រាប់ពលរដ្ឋខ្មែរ និងប្រទេសជាតិ។ អ្នកប្រឹក្សាយោបល់ខាងអភិវឌ្ឍន៍ផ្នត់គំនិត និងការស្រាវជ្រាវ លោក សេក សុជាតិ ប្រាប់សារព័ត៌មាន The Cambodia Daily នៅថ្ងៃទី២១ វិច្ឆិកា នេះថា ដើម្បីថែរក្សាកេរ្តិ៍ឈ្មោះ និងផលប្រយោជន៍ប្រទេសកម្ពុជា ឱ្យល្អលើឆាកអន្តរជាតិ ជាពិសេសមុខមាត់រដ្ឋាភិបាល ក្រសួងការងារមានភារកិច្ចចាំបាច់បំផុតក្នុងការធានានូវការអនុវត្តច្បាប់ស្តីអំពីការងារ...

ព័ត៌មានជាតិ

អ្នកសង្កេតការណ៍ថារដ្ឋាភិបាលនឹងចំណេញគ្រប់យ៉ាង បើវិវាទការងារកូដករណាហ្គាត្រូវបានដោះស្រាយ

ឌឹ ខេមបូឌា ដេលី - May 6, 2025

អ្នកសង្កេតការណ៍លើកឡើងថា បើវិវាទការងាររបស់ក្រុមកូដករណាហ្គាវើលដ៍ត្រូវបានដោះស្រាយ នោះរដ្ឋាភិបាលនឹងចំណេញគ្រប់យ៉ាង ព្រមទាំងទទួលបាននូវការសាទរពីភាគីពាក់ព័ន្ធនានា ចំណែកក្រុមហ៊ុនដែលរំលោភបំពានសិទ្ធិកម្មករ ក៏នឹងមិនហ៊ានប្រព្រឹត្តអំពើរំលោភច្បាប់ទៀតដែរ។ អ្នកផ្តល់ប្រឹក្សាយោបល់ផ្នែកអភិវឌ្ឍន៍ផ្នត់គំនិត និងការស្រាវជ្រាវ លោក សេក សុជាតិ ប្រាប់សារព័ត៌មាន The Cambodia Daily នៅថ្ងៃទី៥ ឧសភា នេះថា ការប្រើសិទ្ធិស្របច្បាប់តវ៉ាទាមទាររកយុត្តិធម៌របស់ក្រុមកូដករណាហ្គាវើលដ៍ គឺជាគុណតម្លៃដ៏ធំធេងសម្រាប់យុត្តិធម៌សង្គមផង និងសម្រាប់កម្មករនិយោជិតដែលកំពុងរងនូវការរំលោភបំពានសិទ្ធិការងារដទៃទៀតផង។ លោកបន្តថា រដ្ឋាភិបាលគួរតែអរគុណដល់ក្រុមកូដករទាំងនេះដែលប្តូរផ្តាច់ចេញមុខតវ៉ាទាមទារនូវសិទ្ធិការងារដែលមានចែងក្នុងច្បាប់ ហើយត្រូវបានភាគីនិយោជករំលោភបំពាន។ ផ្ទុយទៅវិញ ការចោទប្រកាន់ថាពួកគេស៊ីឈ្នួលធ្វើកូដកម្មដើម្បីប្រឆាំងនឹងរដ្ឋាភិបាល...

ព័ត៌មានជាតិ

ក្រុមកូដករណាហ្គាវើលដ៍នៅតែមិនទាន់ទទួលបានដំណោះស្រាយពីថៅកែជាង ១ពាន់ថ្ងៃមកហើយ

ឌឹ ខេមបូឌា ដេលី - March 7, 2025

ក្រុមកូដករណាហ្គាវើលដ៍ ត្អូញត្អែរថា អស់រយៈពេលជាង ១ពាន់ថ្ងៃហើយ (១១៧៤ថ្ងៃ) ដែលថៅកែក្រុមហ៊ុនណាហ្គាវើលដ៍ មិនចេញមុខដោះស្រាយសូម្បីតែមួយចំណុចចំពោះលក្ខខណ្ឌទាំង ៨ ដែលកម្មកររងគ្រោះបានស្នើសុំ។ ក្រុមកូដករណាហ្គាវើលដ៍ចេញធ្វើកូដកម្មតវ៉ាទាមទារសិទ្ធិការងារនៅមុខក្រុមហ៊ុនណាហ្គាវើលដ៍២ នៅថ្ងៃទី៦ ខែមីនា ឆ្នាំ២០២៥ នេះ ដោយការលើកផ្ទាំងបដាដែលមានសរសេរលក្ខខណ្ឌទាមទារចំនួន ៨ចំណុច បន្ទាប់ពីពួកគេរងភាពអយុត្តិធម៌ដោយសារការរំលោភសិទ្ធិការងារអស់រយៈពេលជាង ៣ឆ្នាំកន្លងមកនេះ។ ក្រុមកូដករទាំងនេះលើកឡើងថា ជាង ៣ឆ្នាំនៃការទាមទារពីកម្មករមិនមែនជាការស៊ីឈ្នួលទេ ហើយក៏មិនមែនដើម្បីញុះញង់ដែរ ប៉ុន្តែដើម្បីទទួលបានដំណោះស្រាយតែប៉ុណ្ណោះ ដូចជា ការទាមទារឱ្យថៅកែណាហ្គាវើលដ៍ទទួលយកថ្នាក់ដឹកនាំសហជីព និងសមាជិកឲ្យចូលធ្វើការវិញ...

ព័ត៌មានជាតិ

ក្រុមកូដករណាហ្គាវើលដ៍ដង្ហែញត្តិទៅកាន់ក្រសួងការងារសាជាថ្មីដើម្បីសុំពន្លឿនការដោះស្រាយវិវាទការងារ

ឌឹ ខេមបូឌា ដេលី - February 23, 2025

ក្រុមកូដករណាហ្គាវើលដ៍ប្រមាណ ៣០នាក់ បាននាំគ្នាដង្ហែញត្តិទៅកាន់ក្រសួងការងារ និងបណ្តុះបណ្តាលវិជ្ជាជីវៈ សាជាថ្មី នៅថ្ងៃសុក្រសប្ដាហ៍នេះ ដើម្បីជំរុញឱ្យក្រសួងជួយពន្លឿនការដោះស្រាយវិវាទការងារនៃក្រុមហ៊ុនណាហ្គាវើលដ៍។ ក្រុមកូដករណាហ្គាវើលដ៍ បានប្រមូលផ្ដុំគ្នានៅមុខក្រសួងការងារ និងបណ្តុះបណ្តាលវិជ្ជាជីវៈ នៅថ្ងៃទី២១ ខែកុម្ភៈ ឆ្នាំ២០២៥ នេះ ដើម្បីតាមដានញត្តិរបស់ខ្លួនដែលបានដាក់ជូនក្រសួងឱ្យជួយដោះស្រាយវិវាទក្នុងក្រុមហ៊ុនណាហ្គាវើលដ៍កន្លងមក ព្រោះអស់រយៈពេលជាង ១ខែមកហើយ ពួកគេមិនទាន់ទទួលបានដំណឹងណាមួយពីក្រសួងការងារនៅឡើយទេចំពោះសំណើនេះ។ តំណាងកូដករដែលចូលរួមតាមដានញត្តិនេះ លើកឡើងថា ក្នុងញត្តិដែលក្រុមកូដករបានដាក់ជូនក្រសួងការងារ គឺទាមទារឱ្យក្រុមហ៊ុនណាហ្គាវើលដ៍ទទួលយកកម្មករនិយោជិតផ្នែកមជ្ឈមណ្ឌលបណ្ដុះបណ្ដាល (Naga Academy) ចំនួន ២៩នាក់ឱ្យចូលធ្វើការវិញ។ ជាងនេះទៀត...

ព័ត៌មានជាតិ

ក្រុមកូដករណាហ្គាវើលដ៍ត្អូញត្អែរថាគ្មានដំណោះស្រាយទាល់តែសោះពីការតវ៉ារយៈពេលជាង៣ឆ្នាំមកនេះ

ឌឹ ខេមបូឌា ដេលី - February 17, 2025

ក្រុមកូដករនៃក្រុមហ៊ុនណាហ្គាវើលដ៍ (NagaWorld) ត្អូញត្អែរថា រយៈពេល ៣ឆ្នាំនៃការធ្វើកូដកម្មទាមទារសិទ្ធិការងារពីក្រុមហ៊ុនណាហ្គាវើលដ៍ មិនទទួលបានដំណោះស្រាយសូម្បីតែមួយចំណុច។ សហជីពទ្រទ្រង់សិទ្ធិការងារបុគ្គលិកកម្មករខ្មែរនៃក្រុមហ៊ុនណាហ្គាវើលដ៍ ដែលហៅកាត់ថា LRSU ចេញធ្វើកូដកម្មតវ៉ាទាមទារសិទ្ធិការងារនៅថ្ងៃទី១៤ កុម្ភៈ ដោយការលើកផ្ទាំងបដាធំៗដែលសរសេរលក្ខខណ្ឌទាមទារ ៨ចំណុច បន្ទាប់ពីពួកគេរងភាពអយុត្តិធម៌ដោយសារការរំលោភសិទ្ធិការងារអស់រយៈពេលជាង ៣ឆ្នាំដោយគ្មានដំណោះស្រាយ។ ក្រុមកូដករទាំងនេះអះអាងថា ជាង ៣ឆ្នាំនៃការទាមទាររបស់ពួកគេមិនមែនជាការស៊ីឈ្នួលទេ ហើយក៏មិនមែនដើម្បីញុះញង់ដែរ ប៉ុន្តែដើម្បីទទួលបានដំណោះស្រាយប៉ុណ្ណោះ ដូចជាការទាមទារឱ្យថៅកែណាហ្គាវើលដ៍ ត្រូវទទួលយកថ្នាក់ដឹកនាំសហជីព និងសមាជិកឲ្យចូលធ្វើការវិញ និងត្រូវគិតគូរប្រាក់បំណាច់បញ្ចប់កិច្ចសន្យាការងារឲ្យបានត្រឹមត្រូវតាមច្បាប់ ជាដើម។ ជាងនេះទៀត ត្រូវគិតគូរប្រាក់បញ្ចប់កិច្ចសន្យាការងារបន្ថែមឲ្យបានត្រឹមត្រូវសម្រាប់កម្មករដែលត្រូវបានបញ្ឈប់ក្នុងឆ្នាំ២០២០...

ព័ត៌មានជាតិ

ក្រុមកូដករណាហ្គាវើលដ៍បន្តចេញធ្វើកូដកម្មទាមទារលក្ខខណ្ឌជិត ១០ចំណុច ក្រោយគ្មានដំណោះស្រាយជាង៣ឆ្នាំ

ឌឹ ខេមបូឌា ដេលី - January 28, 2025

ក្រុមកូដករណាហ្គាវើលដ៍ បន្តចេញទាមទារឱ្យថៅកែក្រុមហ៊ុនណាហ្គាវើលដ៍ បញ្ឈប់ការរើសអើងសហជីពគ្រប់រូបភាព ព្រោះថ្នាក់ដឹកនាំ និងសមាជិកសហជីពក្នុងក្រុមហ៊ុនបនល្បែងមួយនេះ នៅតែត្រូវរងនូវការរំលោភបំពានសិទ្ធិការងារកាន់តែធ្ងន់ធ្ងរពីមួយថ្ងៃទៅមួយថ្ងៃ។ ក្រុមកូដករណាហ្គាវើលដ៍ ចេញធ្វើកូដកម្មតវ៉ាទាមទារសិទ្ធិការងារនៅមុខក្រុមហ៊ុនណាហ្គាវើលដ៍២ កាលពីថ្ងៃទី២៦ ខែមករា ឆ្នាំ២០២៥ នេះ ដោយលើកផ្ទាំងបដាធំៗដែលបានសរសេរលក្ខខណ្ឌទាមទារជិត ១០ចំណុច និងប្រើឧបករណ៍បំពងសំឡេងក្នុងការទាមទារយុត្តិធម៌នេះ បន្ទាប់ពីពួកគេរងភាពអយុត្តិធម៌ពីការរំលោភសិទ្ធិការងារអស់រយៈពេលជាង ៣ឆ្នាំដោយគ្មានដំណោះស្រាយ។ ប្រភពដដែលអះអាងថា រយៈពេលជាង ៣ឆ្នាំនៃការទាមទាររបស់កម្មករមិនមែនជាការស៊ីឈ្នួលទេ ហើយក៏មិនមែនដើម្បីញុះញង់ដែរ ប៉ុន្តែដើម្បីទទួលបានដំណោះស្រាយសមរម្យតែប៉ុណ្ណោះ ដូចជាការទាមទារឱ្យថៅកែណាហ្គាវើលដ៍ ទទួលយកថ្នាក់ដឹកនាំសហជីព និងសមាជិកឲ្យចូលធ្វើការវិញ និងត្រូវគិតប្រាក់បំណាច់បញ្ចប់កិច្ចសន្យាការងារឲ្យបានត្រឹមត្រូវតាមច្បាប់ផងដែរ។ ក្រៅពីនេះទៀត...

ព័ត៌មានជាតិ

អ្នកឃ្លាំមើលនៅតែបន្តទទូចសុំឱ្យរដ្ឋាភិបាលដោះស្រាយបញ្ហាកម្មករបុគ្គលិកណាហ្គាវើលដ៍

ឌឹ ខេមបូឌា ដេលី - December 31, 2024

អ្នកឃ្លាំមើលជំរុញឱ្យរាជរដ្ឋាភិបាលកែសម្រួលការដឹកនាំ ដោយការលើកស្ទួយសិទ្ធិការងារដល់និយោជិតសម្រាប់ឆ្នាំថ្មី ឆ្នាំ២០២៥ ខាងមុខ ដើម្បីកែប្រែមុខមាត់ប្រទេសកម្ពុជា ឱ្យស្របទៅនឹងផែនការដែលខ្លួនមានបំណងចង់ទាក់ទាញអ្នកវិនិយោគឱ្យទៅរកស៊ីនៅកម្ពុជា។ អ្នកផ្តល់ប្រឹក្សាយោបល់ផ្នែកអភិវឌ្ឍន៍ផ្នត់គំនិត និងការស្រាវជ្រាវ លោក សេក សុជាតិ ប្រាប់សារព័ត៌មាន The Cambodia Daily នៅថ្ងៃទី៣០ ធ្នូ នេះថា ការទាក់ទាញអ្នកវិនិយោគមានកត្តាជាច្រើន ប៉ុន្តែការលើកស្ទួយសិទ្ធិការងារសម្រាប់កម្មករ គឺជាកត្តាសំខាន់ដែលរដ្ឋាភិបាលត្រូវតែធានាឱ្យបាន ព្រោះអ្នកវិនិយោគល្អៗដែលគោរពច្បាប់ ពួកគេផ្តល់ជាអាទិភាពបំផុតលើសិទ្ធិការងាររបស់កម្មករនិយោជិត។ ប្រភពដដែលថា បញ្ហាពាក់ព័ន្ធនឹងការវិនិយោគនៅកម្ពុជាដែលគេមើលឃើញថាមិនទទួលបានការចាប់អារម្មណ៍ពីអ្នកវិនិយោគិនបរទេសសព្វថ្ងៃនេះ ក៏ដោយសារតែប្រទេសកម្ពុជាត្រូវបានគេរិះគន់អំពីការមិនធានាបាននូវសិទ្ធិការងាររបស់កម្មករ...

ព័ត៌មានជាតិ

ជីវភាពប្រចាំថ្ងៃនៃក្រុមកូដករក្រុមហ៊ុនណាហ្គាវើលដ៍បីឆ្នាំក្រោយការធ្វើកូដកម្ម និងការចរចាអំពីសិទ្ធិការងារ

ឌឹ ខេមបូឌា ដេលី - December 19, 2024

បីឆ្នាំក្រោយការចរចាអំពីរឿងសិទ្ធិការងារនៃពលរដ្ឋខ្មែរ ក្រុមកូដករនៃក្រុមហ៊ុនណាហ្គាវើលដ៍ លើកឡើងថា ការធ្វើកូដកម្មទាមទារសិទ្ធិការងារពីក្រុមហ៊ុនណាហ្គាវើលដ៍ មិនទទួលបានដំណោះស្រាយសូម្បីតែមួយករណី ខណៈអំពើគាបសង្កត់បុគ្គលិកក្នុងក្រុមហ៊ុនក៏រឹតតែសាហាវជាងមុន។ សាធារណជនតែងតែសួរថា តើនៅប្រទេសមានច្បាប់ណាមួយក្នុងពិភពលោក ដែលរដ្ឋាភិបាលអនុញ្ញាតឲ្យក្រុមហ៊ុនឯកជនប្រព្រឹត្តបំពានបែបហ្នឹងលើពលរដ្ឋខ្លួន? សហជីពទ្រទ្រង់សិទ្ធិការងារបុគ្គលិកកម្មករខ្មែរនៃក្រុមហ៊ុនណាហ្គាវើលដ៍ ដែលហៅកាត់ថា LRSU ចេញសេចក្តីថ្លែងការណ៍ថា នៅថ្ងៃទី១៨ ខែធ្នូ ឆ្នាំ២០២៤ នេះ គឺជាខួប ៣ឆ្នាំហើយដែលបុគ្គលិកនៃក្រុមហ៊ុនណាហ្គាវើលដ៍ បានចេញមកធ្វើកូដកម្មដើម្បីទាមទារឲ្យការពារសិទ្ធិការងារក្នុងប្រទេសកម្ពុជា។ សេចក្តីថ្លែងការណ៍នេះរៀបរាប់ថា ដោយសារតែគ្មានសហជីពឯករាជ្យ ក្រុមហ៊ុនណាហ្គាវើលដ៍បានធ្វើទុក្ខបុកម្នេញកាន់តែខ្លាំងឡើងៗលើកម្មករនិយោជិតដែលកំពុងបម្រើការងារ ដោយការបង្ខំឱ្យបុគ្គលិកទាំងនោះចុះហត្ថលេខាលើកិច្ចសន្យាការងារថ្មីដែលមានថេរវេលាកំណត់ ទោះជាបុគ្គលិកទាំងនេះមានកិច្ចសន្យាការងារមានថេរវេលាមិនកំណត់ និងបានបម្រើការងារជាយូរឆ្នាំមកហើយក្តី។ ការធ្វើបែបនេះ គឺដើម្បីចៀសផុតពីការផ្តល់ប្រាក់អតីតភាពការងារដល់បុគ្គលិកដែលបានបម្រើការងារយូរឆ្នាំទាំងនោះ...

ព័ត៌មានជាតិ

កញ្ញា ឈឹម ស៊ីថរ ប្ដេជ្ញាបន្តជំហរការពារសិទ្ធិនិងការងារតស៊ូមតិឱ្យបុគ្គលិកកម្មករនៅកាស៊ីណូណាហ្គាវើលដ៍

ឌឹ ខេមបូឌា ដេលី - September 17, 2024

ប្រធានសហជីពទ្រទ្រង់សិទ្ធិការងារបុគ្គលិកកម្មករខ្មែរនៃក្រុមហ៊ុនណាហ្គាវើលដ៍ កញ្ញា ឈឹម ស៊ីថរ បញ្ជាក់ថា កញ្ញាមិនប្តូរជំហរការពារសិទ្ធិ និងការងារតស៊ូមតិឱ្យបុគ្គលិកកម្មករនៅកាស៊ីណូណាហ្គាវើលដ៍ជាដាច់ខាត បន្ទាប់ពីសាលាដំបូងរាជធានីភ្នំពេញដោះលែងឱ្យមានសេរីភាពឡើងវិញនៅថ្ងៃចន្ទនេះ ក្រោយពីបានអនុវត្តទោសក្នុងពន្ធនាគារអស់រយៈពេលជិត ២ឆ្នាំ។ កញ្ញា ឈឹម ស៊ីថរ នៅថ្ងៃទី១៦ ខែកញ្ញា ឆ្នាំ២០២៤ នេះ បានចាកចេញពីពន្ធនាគារព្រៃស ឬមណ្ឌលអប់រំកែប្រែ ម២ ហើយបន្ទាប់ពីកញ្ញាត្រូវបានសមត្ថកិច្ចចាប់ឃុំខ្លួនតាំងពីចុងខែវិច្ឆិកា ឆ្នាំ២០២២ មក ហើយបើគិតមកទល់នឹងពេលនេះ កញ្ញាត្រូវបានឃុំខ្លួនក្នុងពន្ធនាគារអស់រយៈពេល...

ព័ត៌មានជាតិ

មន្ត្រីជាន់ខ្ពស់រដ្ឋាភិបាលថាលោក ហ៊ុន ម៉ាណែត ចាត់ទុកក្រុមកូដករណាហ្គាស៊ីឈ្នួលធ្វើកូដកម្មដូចលោក ហ៊ុន សែន

ឌឹ ខេមបូឌា ដេលី - August 7, 2024

មន្ត្រីជាន់ខ្ពស់ក្នុងជួររដ្ឋាភិបាល លើកឡើងថា វិវាទក្នុងក្រុមហ៊ុនណាហ្គាវើលដ៍ ទំនងជាគ្មានដំណោះស្រាយទេ ព្រោះលោក ហ៊ុន ម៉ាណែត ក៏ចាត់ទុកក្រុមកូដករទាំងនោះជាកូដករស៊ីឈ្នួលធ្វើកូដកម្មដូចលោក ហ៊ុន សែន ឪពុករបស់គាត់ដែរ។ មន្ត្រីជាន់ខ្ពស់ក្នុងជួររដ្ឋាភិបាលកម្ពុជាមួយរូប បានប្រាប់សារព័ត៌មាន The Cambodia Daily ក្នុងលក្ខខណ្ឌមិនបញ្ចេញឈ្មោះដើម្បីរក្សាសុវត្ថិភាពផ្ទាល់ខ្លួននៅថ្ងៃទី៥ សីហា នេះថា សព្វថ្ងៃនេះ បើក្រុមកូដករទាំងនោះមានការប្រមូលផ្ដុំច្រើនជាងនេះ រដ្ឋាភិបាលរបស់លោក ហ៊ុន ម៉ាណែត នឹងចេញបង្ក្រាបដូចរដ្ឋាភិបាលលោក...

Naga World

Latest news

ស្ថាប័នហិរញ្ញវត្ថុអន្តរជាតិ ព្យាករសេដ្ឋកិច្ចប្រទេសកម្ពុជា នឹងស្រុតចុះតទៅទៀតដល់៣%

មន្រ្តីរាជរដ្ឋាភិបាល នៅតែនិយាយហើយ និយាយទៀតថា ប្រាសាទតាមាន់ធំ នៅក្នុងដីខ្មែរ

នាយករដ្ឋមន្រ្តីខ្មែរ សម្ពោធថ្នល់ជាតិលេខ៧ ប្រើថវិកាចិន ក្នុងគម្រោង ខ្សែក្រវាត់និងផ្លូវ

ជនបរទេសធ្វើបាតុកម្មឲ្យសកម្មជនខ្មែរ នៃអង្គការ មាតាធម្មជាតិប្រាំនាក់ នៅក្រុងប៉ារីស

ប្រមុខរាជរដ្ឋាភិបាល ប្តេជ្ញាអភិរក្សប្រាសាទ ព្រះវិហារ