TAG
អំពើពុករលួយ
មន្ត្រីនគរបាលជាច្រើននាក់ចោទអធិការស្រុកប្រាសាទបាគងថាបានប្រព្រឹត្តអំពើពុករលួយធ្ងន់ធ្ងរ
មន្ត្រីនគរបាលជាច្រើននាក់ ចោទថា អធិការនគរបាលស្រុកប្រាសាទបាគង ខេត្តសៀមរាប លោក លឹម សម្បត្តិ ថាបានប្រព្រឹត្តអំពើពុករលួយ និងបង្កបាតុភាពគ្មានសណ្ដាប់ធ្នាប់នៅក្នុងទីតាំងមូលដ្ឋានក្នុងដែនសមត្ថកិច្ចរបស់ខ្លួនយ៉ាងអនាធិបតេយ្យ។
មន្ត្រីនគរបាលប្រចាំស្រុកប្រាសាទបាគង ជាច្រើនរូប បានផ្សព្វផ្សាយពាក្យបណ្តឹងរបស់ខ្លួននៅថ្ងៃពុធ ទី២០ តុលា នេះ ក្នុងលក្ខខណ្ឌមិនបញ្ចេញឈ្មោះថា អធិការស្រុកប្រាសាទបាគង លោក លឹម សម្បត្តិ បានប្រព្រឹត្តអំពើពុករលួយជាច្រើនលើកច្រើនសាដែលខុសទៅនឹងតួនាទីភារកិច្ចរបស់ខ្លួនយ៉ាងធ្ងន់ធ្ងរ។
ប្រភពដដែលអះអាងថា សព្វថ្ងៃនេះ អធិការស្រុករូបនេះមិនខ្វល់នឹងការបង្ក្រាបបទល្មើសដែលបានកើតឡើងនៅក្នុងស្រុកដែលខ្លួនបំពេញតួនាទីនោះទេ ប៉ុន្តែបែរជាចូលដៃជាមួយជនល្មើស ដោយការទទួលប្រាក់សំណូកជាថ្នូរនឹងការបើកឱ្យមានល្បែងស៊ីសងគ្រប់ប្រភេទកើតមាននៅក្នុងស្រុកយ៉ាងអនាធិបតេយ្យទៅវិញ។
មន្ត្រីនគរបាលទាំងនោះបញ្ជាក់ថា...
ក្រុមគ្រូពេទ្យចាក់វ៉ាក់សាំងកូវីដកុមារនៃមន្ទីរពេទ្យបង្អែកមិត្តភាពកម្ពុជា-ចិនសែនសុខរងការចោទថាយកលុយជាសាធារណៈ
អាណាព្យាបាលមួយចំនួនបានចោទក្រុមគ្រូពេទ្យនៃមន្ទីរពេទ្យបង្អែកមិត្តភាពកម្ពុជា-ចិន សែនសុខ ថាបានឃុបឃិតគ្នាបង្កើតកម្មវិធីប្រមូលលុយពីអាណាព្យាបាលជាសាធារណៈ លើសេវាចាក់វ៉ាក់សាំងការពារជំងឺ Covid-19 ដល់កុមារ ដែលប្រាសចាកពីការណែនាំរបស់ក្រសួងសុខាភិបាល។
អាណាព្យាបាលម្នាក់មានវ័យជាង ៥០ឆ្នាំ រស់នៅខណ្ឌសែនសុខ ដែលនាំកូនស្រីទៅចាក់វ៉ាក់សាំង បានប្រាប់សារព័ត៌មាន The Cambodia Daily ដឹងតាម Messenger Facebook នៅថ្ងៃចន្ទ ទី១១ ខែតុលា នេះថា រូបភាពនៃការប្រមូលលុយពីអាណាព្យាបាលកុមាររបស់ក្រុមគ្រូពេទ្យនោះ ធ្វើឡើងដោយយកប្រអប់ ឬកេសសម្រាប់ដាក់ម៉ាស់...
បែកធ្លាយមេដឹកនាំកំពូលៗមានប្រាក់វាល់លានយកទៅលាក់នៅដែនកោះសាយប្រឹសនៃទ្វីបអឺរ៉ុបក្នុងនោះមានទាំងលោក ហ៊ុន សែន
ក្រុមហ៊ុនមេធាវីដែលបង្កើតដោយប្រធានាធិបតីនៃប្រទេសដែនកោះសាយប្រឹស (Cyprus) ត្រូវបានចោទថាបានជួយលាក់ទ្រព្យសម្បត្តិរបស់ពួកមន្ត្រីធំៗពុករលួយនៃបណ្ដាប្រទេសមួយចំនួន ដែលឈរក្រោមផ្លាកនៃក្រុមហ៊ុនក្លែងក្លាយមួយចំនួនមានទ្រព្យសម្បត្តិស្ដុកស្ដម្ភ យកមកលាក់ទុកនៅក្នុងដែនកោះមួយនេះ។
សាយប្រឹស ជាប្រទេសមួយនៅក្នុងទ្វីបអឺរ៉ុប ហើយក៏ជាប្រទេសមួយនៃសហភាពអឺរ៉ុប ២៧ប្រទេសផងដែរ។ ដែនកោះមួយនេះមានប្រវត្តិជារដ្ឋាភិបាលផ្ដល់សិទ្ធិរស់នៅដល់បណ្ដាជនទាំងឡាយណាដែលមានប្រាក់ស្ដុកស្ដម្ភមករស់នៅក្នុងប្រទេសនេះ ជាមួយនឹងការបង់ប្រាក់ធានាការរស់នៅរាប់រយលានដុល្លារ។
ឯកសារចំនួន ១២លានរបស់សមាគមអ្នកសារព័ត៌មានអន្តរជាតិដែលហៅថា Pandora Papers រកឃើញមេដឹកនាំ ៣៥រូបមានប្រាក់រាប់ពាន់លានដុល្លារ ដោយគេចពីការបង់ពន្ធក្នុងប្រទេស និងប្រព្រឹត្តអំពើពុករលួយ។
តាមរយៈការស៊ើបអង្កេតអន្តរជាតិមួយមានភស្តុតាងឯកសាររាប់ពាន់ទំព័រត្រូវបានទម្លាយថា អ្នកនយោបាយ និងអ្នកជំនួញដែលមានទ្រព្យសម្បត្តិមហាសាល និងមានអំណាចបានលាក់ការវិនិយោគរបស់ពួកគេទៅលើភូមិគ្រឹះ ទ្រព្យសម្បត្តិជលសា ក៏ដូចជាទ្រព្យអចលនៈដទៃទៀតរាប់រយពាន់លានដុល្លារតាមរយៈវិធីផ្សេងៗ។
ការស៊ើបអង្កេតរបស់ក្រុមអ្នកសារព័ត៌មានជាង ៦០០នាក់មកពីបណ្ដាស្ថាប័នចំនួន១៥០ នៃប្រទេស១១៧...
មន្ត្រីនគរបាលប្តឹងលោកផ្កាយ៣ និងបក្ខពួកទៅលោក ហ៊ុន សែន ថាយកកន្លែងធ្វើការសម្រាប់ជួបជុំផឹកស៊ីនិងច្រៀងឡូឡា
អគ្គស្នងការរងនៃអគ្គស្នងការដ្ឋាននគរបាលជាតិ លោក ឆាយ គឹមខឿន ធ្វើលិខិតសរសេរស្នើលោក សេង យូអ៊ាន់ អគ្គនាយកនៃអគ្គនាយកដ្ឋានភស្តុភារ និងហិរញ្ញវត្ថុនៃក្រសួងមហាផ្ទៃ ឲ្យមានចំណាត់ការផ្លូវច្បាប់ទៅលើឧត្តមសេនីយ៍ឯក វ៉ា វិចិត្រា និងបក្ខពួក ដែលបាននាំគ្នាប្រមូលផ្តុំផឹកស៊ីច្រៀងរាំបង្កសំឡេងរំខាននៅក្នុងអង្គភាពរបស់ខ្លួន នាំឲ្យប៉ះពាល់ដល់កិត្តិយសសេចក្តីថ្លៃថ្នូរ និងកិត្យានុភាពនៃកងកម្លាំងនគរបាលជាតិ។
ការស្នើឲ្យមានវិធានការរដ្ឋបាលចំពោះឧត្ដមមន្ត្រីទាំងនោះ គឺបន្ទាប់ពីម្ចាស់គណនី Facebook ឈ្មោះ San Bora បានខំមិន (Comments) ចូល...
IDEA TALK៖ តើអំពើពុករលួយជះឥទ្ធិពលអាក្រក់បែបណាដល់សង្គមជាតិ?
កម្មវិធី Idea Talk សម្រាប់រាត្រីថ្ងៃទី៣០ ខែកញ្ញា ឆ្នាំ២០២១ ស្តីអំពី៖ «តើអំពើពុករលួយជះឥទ្ធិពលអាក្រក់បែបណាដល់សង្គមជាតិ?»។
អ្នកឃ្លាំមើល៖ អាជ្ញាធរត្រូវតែស៊ើបអង្កេតលើភាពមិនប្រក្រតីនៅមជ្ឈមណ្ឌលព្យាបាលជំងឺ Covid-19 អូឡាំពិក
ក្រុមអ្នកឃ្លាំមើលសិទ្ធិមនុស្សនៅកម្ពុជា លើកឡើងថា ភាពមិនប្រក្រតីនៅមជ្ឈមណ្ឌលព្យាបាលជំងឺ Covid-19 អូឡាំពិក ត្រូវបានពលរដ្ឋរិះគន់ជាបន្តបន្ទាប់កន្លងមក ប៉ុន្តែដើម្បីឱ្យជាក់ច្បាស់ និងចៀសវាងការចោទប្រកាន់ និងការប្រកែកដោះសា ដូច្នេះអាជ្ញាធរត្រូវតែបើកការស៊ើបអង្កេតឱ្យបានច្បាស់លាស់លើករណីនេះ។
នាយកប្រតិបត្តិមជ្ឈមណ្ឌលសម្ព័ន្ធភាពការងារ និងសិទ្ធិមនុស្ស លោក មឿន តុលា បានប្រាប់សារព័ត៌មាន The Cambodia Daily នៅថ្ងៃទី២៨ កញ្ញា ថា ការស៊ើបអង្កេតលើភាពមិនប្រក្រតីនេះ គឺដើម្បីរក្សាកិត្តិយសរបស់អាជ្ញាធរ និងដើម្បីឱ្យដឹងច្បាស់ថា...
សមត្ថកិច្ចចរាចរណ៍ផ្លូវគោកប្រតិកម្មនឹង The Cambodia Daily ផ្សាយពីការផាកពិន័យដើម្បីរកលុយចូលហោប៉ៅជាជាងពង្រឹងច្បាប់ចរាចរណ៍
អ្នកនាំពាក្យនៃស្នងការដ្ឋាននគរបាលរាជធានីភ្នំពេញ បានបដិសេធព័ត៌មានដែល The Cambodia Daily បានចុះផ្សាយថា សកម្មភាពសមត្ថកិច្ចនគរបាលដាក់ពង្រាយអនុវត្តច្បាប់ចរាចរណ៍ផ្លូវគោកនៅកម្ពុជា ធ្វើឡើងដើម្បីរកប្រាក់ចំណូលចូលហោប៉ៅ ជាជាងការចុះពង្រឹងការអនុវត្តច្បាប់ចរាចរណ៍ឲ្យមានប្រសិទ្ធភាព។
ស្នងការដ្ឋាននគរបាលរាជធានីភ្នំពេញ បានសរសេរលើបណ្ដាញសង្គម Facebook របស់ខ្លួននៅថ្ងៃទី២៧ ខែកញ្ញា ដោយភ្ជាប់រូបភាព print screen របស់គេហទំព័រសារព័ត៌មាន The Cambodia Daily ថាបានផ្សព្វផ្សាយព័ត៌មានមិនពិត ជាពិសេសគឺការចុះផ្សាយមានលក្ខណៈប្រមាថលើមន្ត្រីអនុវត្តច្បាប់ដែលគ្មានមូលដ្ឋានច្បាស់លាស់ ដែលធ្វើឱ្យប៉ះពាល់យ៉ាងធ្ងន់ធ្ងរដល់កិត្តិយសរបស់កងកម្លាំងនគរបាលជាតិ។
The Cambodia...
ពលរដ្ឋរិះគន់ការដាក់គោលដៅត្រួតពិនិត្យចរាចរណ៍ថាជាការរកប្រាក់ចំណូលជាជាងអនុវត្តច្បាប់អំឡុងវិបត្តិកូវីដ-១៩
មន្ត្រីរាជការថ្នាក់ទាប និងសាធារណជនសម្ដែងការហួសចិត្តកាលបើពិនិត្យឃើញថា សកម្មភាពរបស់សមត្ថកិច្ចនគរបាលដែលដាក់ពង្រាយការត្រួតពិនិត្យ និងអនុវត្តច្បាប់ចរាចរណ៍ផ្លូវគោកនៅទូទាំងប្រទេសកម្ពុជា ជាពិសេសនៅរាជធានីភ្នំពេញរាល់ថ្ងៃនេះ ធ្វើឡើងតែដើម្បីរកប្រាក់ចំណូលចូលហោប៉ៅ ជាជាងការចុះពង្រឹងការអនុវត្តច្បាប់ចរាចរណ៍ផ្លូវគោកឲ្យមានប្រសិទ្ធភាព។
មន្ត្រីរាជការ និងពលរដ្ឋមួយចំនួនបានប្រាប់សារព័ត៌មាន The Cambodia Daily តាម Messenger Facebook នៅថ្ងៃសុក្រ ទី២៤ ខែកញ្ញា នេះថា ជារៀងរាល់ថ្ងៃគេសង្កេតឃើញមន្ត្រីនគរបាលចរាចរណ៍ផ្លូវគោកដែលដាក់ពង្រាយកម្លាំងនៅតាមផ្លូវជាតិនានា ឬនៅតាមទីប្រជុំជនក្នុងរាជធានី-ខេត្តទូទាំងប្រទេស គឺបានយកការងារចុះពង្រឹងច្បាប់ចរាចរណ៍ផ្លូវគោកនេះសម្រាប់តែរកប្រាក់ចំណូលប្រចាំថ្ងៃ ដើម្បីចែកគ្នាចាយតែប៉ុណ្ណោះ។
ពលរដ្ឋបានថ្លែងថា ជានិច្ចកាល ពួកគាត់តែងឃើញមន្ត្រីនគរបាលនៅតាមគោលដៅនីមួយៗបានឃុបឃិតជាមួយម្ចាស់យានយន្តល្មើសច្បាប់ចរាចរណ៍មួយចំនួន...
ក្រុមឈ្មួញចោទប្រធានគយចល័តតំបន់៣ និងបក្ខពួកថាប្រព្រឹត្តអំពើពុករលួយធ្ងន់ធ្ងរនាំឲ្យប៉ះពាល់ដល់ការដឹកជញ្ជូនទំនិញ
មេឈ្មួញប្រកបរបររកស៊ីដឹកទំនិញឆ្លងកាត់តាមផ្លូវជាតិលេខ៤៨ ផ្លូវជាតិលេខ៣ និងផ្លូវជាតិលេខ៤ ជាដើម ចោទលោក នុត លីឆូយ ប្រធានការិយាល័យស្រាវជ្រាវ និងបង្ក្រាបអំពើរត់ពន្ធតំបន់៣ ដែលទទួលបន្ទុក ៥ខេត្ត រួមមានខេត្តកោះកុង ព្រះសីហនុ កំពត កែប និងកំពង់ស្ពឺ ថាបានគាបសង្កត់សកម្មភាពដឹកទំនិញរបស់ពួកគាត់ គំរាមជំរិតទារប្រាក់តាមតែចិត្តចង់បាន។
ឈ្មួញមួយចំនួនបានអះអាងថា ជាបន្តបន្ទាប់មកនេះ រាល់ការដឹកទំនិញរបស់ពួកគាត់ ទោះបីការដឹកជញ្ជូនទំនិញទាំងនោះបានបង់ពន្ធនាំចូលត្រឹមត្រូវបែបណាក្តី ក៏ចៀសមិនផុតពីក្រុមមន្ត្រីគយចល័តតំបន់៣ ដឹកនាំដោយលោក នុត...
អ្នកវិភាគ៖ មេដឹកនាំខ្មែរគួរតែប្រើភ្នែកនិងដៃទិព្វរាប់ពាន់ដែលមានដើម្បីតាមដានមន្ត្រីខិលខូចជាជាងគាបសង្កត់ពលរដ្ឋ
អ្នកឃ្លាំមើលសង្គមប្រតិកម្មថា មេដឹកនាំខ្មែរគួរតែប្រើភ្នែកទិព្វ និងដៃទិព្វរាប់ពាន់ដែលខ្លួនមាន តាមដានមន្ត្រីខិលខូចដែលធ្វើបាបពលរដ្ឋ ជាជាងការប្រើភ្នែក និងដៃទិព្វរាប់ពាន់ទាំងនោះទៅគាបសង្កត់សិទ្ធិបញ្ចេញមតិរបស់ពលរដ្ឋដែលបានចូលរួមក្នុងជីវភាពនយោបាយ សេដ្ឋកិច្ច និងសង្គម ដូចមានចែងក្នុងរដ្ឋធម្មនុញ្ញនាពេលកន្លងមក។
អ្នកវិភាគនយោបាយ និងសង្គម បណ្ឌិត ឡៅ ម៉ុងហៃ បានសរសេរលើគណនី Facebook របស់លោកនៅថ្ងៃទី២០ ខែកញ្ញា ឆ្នាំ២០២១ ថា ប្រសិនបើរដ្ឋាភិបាលកម្ពុជាប្រើភ្នែកទិព្វរាប់ពាន់ និងដៃទិព្វរាប់ពាន់របស់ខ្លួនសម្រាប់ចាប់មន្ត្រីពុករលួយ មន្ត្រីរំលោភអំណាច មន្ត្រីបំពានសិទ្ធិមនុស្ស មិនបម្រើរាស្ត្រ...