ឌឹ ខេមបូឌា ដេលី

រដ្ឋាភិបាលកម្ពុជាព្រមានថាខ្លួននឹងពង្រឹងច្បាប់អន្តោប្រវេសន៍ប្រឆាំងនឹងជនបរទេសដែលកំពុងធ្វើការងារខុសច្បាប់នៅកម្ពុជា ចាប់ពីខែមេសាខាងមុខនេះតទៅ។ របាយការណ៍របស់នាយកដ្ឋានអន្តោប្រវេសន៍នៃក្រសួងមហាផ្ទៃឲ្យដឹងថា យ៉ាងហោចណាស់មានជនបរទេសប្រមាណ១សែននាក់កំពុងធ្វើការងារខុសច្បាប់នៅកម្ពុជា ។ ចាប់ពីខែមេសាខាងមុខនេះតទៅ ជនអន្តោប្រវេសន៍ខុសច្បាប់ទាំងឡាយនឹងអាចត្រូវពិន័យជាប្រាក់អាចជាប់ពន្ធនាគារ និងអាចចាប់បញ្ជូនចេញពីកម្ពុជា។ មន្រ្តីជាន់ខ្ពស់នៃក្រសួងការងារនិងក្រសួងមហាផ្ទៃឲ្យដឹងថា ជនបរទេសណាដែលធ្វើការងារដោយគ្មានច្បាប់អនុញ្ញាតនឹងត្រូវពិន័យជាប្រាក់មួយរយដុល្លារក្នុងមួយឆ្នាំ។ ប្រសិនបើជនណាមិនបង់ប្រាក់ពិន័យពួកគេអាចជាប់ពន្ធនាគាររយៈពេល៣ខែ និងអាចត្រូវបង្ខំបណ្តេញចេញ។ ជនបរទេសមួយចំនួនដែលធ្វើការងារមិនស្របច្បាប់ភាគច្រើនមាននៅតាមសហគ្រាស និងនៅតាមបនល្បែងធំៗ។ រដ្ឋមន្រ្តីក្រសួងមហាផ្ទៃលោក ស ខេងធ្លាប់អះអាងថា ជនបរទេសដែលធ្វើការមិនស្របច្បាប់នៅកម្ពុជា អាចបណ្តាលឲ្យរដ្ឋខ្មែរបាត់ប្រាក់ចំណូលប្រមាណ២៣លានដុល្លារក្នុងមួយឆ្នាំៗ។ ជាងនេះទៀត លោក ស ខេង អំពាវនាវឲ្យនិយោជក...

តុលាការខេត្តសៀមរាបកាលពីថ្ងៃទី២៣ខែកុម្ភៈ បានចោទប្រកាន់អ្នកជំនួញចូលនិវត្តន៍ជនជាតិអង់គ្លេស២នាក់ ពីបទរំលោភផ្លូវភេទលើកុមារខ្មែរ២នាក់អាយុក្រោម១៥ឆ្នាំ ។ ប្រភពពត៌មានដេលីម៉េល (Daily Mail) ដែលមានមូលដ្ឋានក្នុងប្រទេស អង់គ្លេសបានដកស្រង់សំដីមន្ត្រីនាយកដ្ឋានប្រឆាំងការជួញដូរផ្លូវភេទ លោកឌួងថាវរីចុះផ្សាយថាជនសង្ស័យទាំងពីរនាក់នេះ មានឈ្មោះ លេសលី ភីតធឺហ៊េនមែន(Leslie Peter Henman) អាយុ៦៣ឆ្នាំ និងមា្នក់ទៀតឈ្មោះ ដេវីដមែលខុមប្រក់(David Malcolm Brock)អាយុ៦៥ឆ្នាំបានលួងលោមកុមារអាយុ១៣ឆ្នាំនិងម្នាក់ទៀត អាយុ១៥ឆ្នាំឲ្យមកងូតទឹកលេងនៅអាងហែលទឹកនៅផ្ទះរបស់ខ្លួន ក្នុងខេត្តសៀមរាប។ជនសង្ស័យក៏បានផ្តល់ប្រាក់និងសម្ភារៈសាលាផ្សេងៗដល់កុមារទាំងពីរនាក់នេះ។ ជនសង្ស័យពីរនាក់នេះនឹងអាចមានទោសឲ្យជាប់ពន្ធនាគារពី ១ឆ្នាំទៅ៣ឆ្នាំនិងបង់ផាកពិន័យជាប្រាក់ចំនួនពី៥០០ដល់១៥០០...

លោកហ៊ុន សែនអះអាងជាថ្មីទៀតថា លោកនឹងទៅចូលរួមកិច្ចប្រជុំនេះកំពូលអាស៊ាន-អូស្រ្តាលីនៅពាក់កណ្តាលខែមីនាតាមការគ្រោងទុកទោះបីមានពលរដ្ឋខ្មែរ-អូស្រ្តាលីកំពុងត្រៀមខ្លួនធ្វើបាតុកម្ម ដុតរូបទីងមោងរបស់លោកក៏ដោយ។កាលពីថ្ងៃសៅរ៍ លោក ហ៊ុន សែន អះអាងថាលោកក៏មានពលរដ្ឋខ្មែរនៅអូស្រ្តាលី រង់ចាំស្វាគមន៍លោកដែរ។ លោកហ៊ុន សែនធ្លាប់ព្រមានតាមវាយដល់ផ្ទះចំពោះពលរដ្ឋខ្មែរ នៅប្រទេសអូស្រ្តាលីណាដែលហ៊ានដុតទីងមោងជារូបរបស់លោក នៅពេលពួកគេនាំគ្នាធ្វើបាតុកម្មនោះ។ ការព្រមានរបស់លោក ហ៊ុន សែន បាននាំឲ្យតំណាងរាស្ត្រអូស្ត្រាលីពីខាងគណបក្សពលករ បាននាំគ្នាចេញមុខជាបន្តបន្ទាប់ រិះគន់ប្រឆាំងនឹងការព្រមានរបស់លោកហ៊ុន សែន។ពួកគេអះអាងថាប្រទេសអូស្ត្រាលីមានប្រវត្តិសាស្ត្រដ៏គួរឲ្យមានមោទនភាពនៃការសម្តែងមតិផ្នែកនយោបាយ ដូច្នេះពលរដ្ឋខ្មែរនៅអូស្ត្រាលីមានសិទ្ធិពេញលេញក្នុងការចេញមុខថ្កោលទោសលោកហ៊ុន សែន ដែលបានបំផ្លាញលទ្ធិប្រជាធិបតេយ្យនោះ។ សមាជិកសភាអូស្ត្រាលីនិងជាសមាជិកគណៈរដ្ឋមន្រ្តីស្រមោល...

លោកហ៊ុន សែន អះអាងថារដ្ឋាភិបាលរបស់លោកនៅតែចង់រក្សាទំនាក់ទំនងល្អជាមួយសហរដ្ឋអាមេរិក ប្រសិនបើអាមេរិកបញ្ឈប់ដាក់ទណ្ឌកម្មមកលើរដ្ឋាភិបាលរបស់លោកនោះ លោកនឹងបន្តសហការក្នុងការស្វែងរកអដ្ឋិធាតុទាហានអាមេរិកនៅកម្ពុជា។ ទន្ទឹមនឹងនេះលោកហ៊ុន សែន ក៏ទាមទារឲ្យឯកអគ្គរដ្ឋទូតអាមេរិកប្រចាំនៅកម្ពុជាលោកវីលៀម ហៃដ៍(William A. Heidt) បកស្រាយអំពីសហរដ្ឋអាមេរិកប្រកាសអំពីការផ្អាកផ្ដល់ជំនួយលើវិស័យពន្ធដានៅកម្ពុជា។លោកហ៊ុន សែនអះអាងថា ជំនួយនេះអាមេរិកបានកាត់ផ្ដាច់តាំងពីឆ្នាំ២០១៦មកម៉្លេះ។ រហូតមកទល់ពេលនេះស្ថានទូតសហរដ្ឋអាមេរិក នៅមិនទាន់បានឆ្លើយតបចំពោះការចោទប្រកាន់របស់លោកហ៊ុន សែន បាននៅឡើយទេ។ទោះជាយ៉ាងណាក៏ដោយសេតវិមានឯណោះទេ ដែលជាអ្នកចេញសេចក្តីប្រកាសកាត់ផ្តាច់ជំនួយដល់កម្ពុជា កាលពីថ្ងៃទី២៧ ខែកុម្ភៈ ដែលមិនមែនជាការទទួលខុសត្រូវរបស់ឯកអគ្គរដ្ឋទូតអាមេរិកប្រចាំនៅកម្ពុជាដូចលោកហ៊ុន សែន។ សេតវិមាន...

អ្នកនាំពាក្យក្រសួងការពារជាតិ បដិសេធថាគ្មានការបែកបាក់ផ្ទៃក្នុងជួរកងទ័ពដូចព័ត៌មានចចាមអារ៉ាមនានាដែលបានចុះផ្សាយក្រោយពីការផ្ទេរភារកិច្ចសេនាធិការចម្រុះ នៃកងយោធពលខេមរភូមិន្ទពីលោក គន់ គីមទៅលោក ហ៊ុន ម៉ាណែតកូនប្រុសលោក ហ៊ុន សែន។លោក ឈុំ សុជាតិ សរសេរចុះផ្សាយលើគណនីហ្វេសប៊ុករបស់លោកកាលពីថ្ងៃសៅរ៍ថាលោកចាត់ទុកព័ត៌មាននៃការបែកបាក់ផ្ទៃក្នុងកងទ័ពនេះ ថាគ្រាន់តែជាការបំភ្លៃព្រឹត្តិការណ៍របស់ក្រុមដែលមាននិន្នាការប្រឆាំង រដ្ឋាភិបាលប៉ុណ្ណោះ។ លោកបញ្ជាក់ថា ការផ្ទេរសិទ្ធិដឹកនាំសេនាធិការចម្រុះពីលោក គន់ គីមទៅលោក ហ៊ុន ម៉ាណែត នោះវាគ្រាន់តែជាការចែករំលែកការទទួលខុសត្រូវប៉ុណ្ណោះ ដោយសារតែ មួយរយៈនេះ នាយឧត្តមសេនីយ៍គន់...

អគ្គនាយកដ្ឋានពន្ធដារនៃក្រសួងសេដ្ឋកិច្ចនិងហិរញ្ញវត្ថុ បានប្រាប់ទៅស្ថានទូតសហរដ្ឋអាមេរិកប្រចាំនៅកម្ពុជាដោយសម្តែងការភ្ញាក់ផ្អើល និងស្រងាកចិត្តជាខ្លាំង ជុំវិញការប្រកាសផ្អាកជំនួយរបស់អាមេរិក មកកាន់អគ្គនាយកដ្ឋានពន្ធដារកម្ពុជាដោយសារស្ថាប័នមួយនេះ បានចូលរួមធ្វើឲ្យលទ្ធិប្រជាធិបតេយ្យនៅកម្ពុជាដើរថយក្រោយ។អគ្គនាយកនៃអគ្គនាយកដ្ឋានពន្ធដារលោកគង់ វិបុល បានសរសេរលិខិតផ្ញើទៅកាន់ស្ថានទូតអាមេរិកប្រចាំនៅរាជធានីភ្នំពេញ បកស្រាយថាការផ្តល់ជំនួយនេះបានបញ្ចប់តាំងពីខែធ្នូ ឆ្នាំ២០១៦មកម្ល៉េះ(២០០៩-២០១៦)ដែលពេលនោះអគ្គនាយកដ្ឋានពន្ធដារ បានរៀបចំពីធីបំពាក់គ្រឿងឥស្សរិយយសមេដាយសហមេត្រី ជូនលោក Bob Wenzed ជាប្រធានគម្រោងនិងសហសេវិកហើយលោកឯកអគ្គ រដ្ឋទូត William A. Heidt ក៏បានចូលរួមជាអធិបតីក្នុងពេលនោះផងដែរ កាលពីថ្ងៃទី១៤ ខែធ្នូឆ្នាំ២០១៦កន្លងទៅ។ លោកបញ្ជាក់ថាសហរដ្ឋអាមេរិកបែរជាប្រកាសចេញនូវការកាត់ផ្តាច់នេះម្តងទៀតដែលបង្កឲ្យមានយល់ច្រឡំជាសាធារណៈថា អាមេរិកនៅតែបានផ្តល់ជំនួយដល់អគ្គនាយកដ្ឋានពន្ធដារ...

មន្រ្តីជាន់ខ្ពស់នៃក្រសួងធម្មការនិងសាសនា កាលពីថ្ងៃសុក្របានហៅព្រះតេជគុណប៊ុត ប៊ុនតិញស្ថាបនិកនៃបណ្តាញព្រះសង្ឃឯករាជ្យ ថា ជាសង្ឃចោរជាសង្ឃក្លែងភេទ ហើយបួសដើម្បីបំផ្លាញសាសនារបស់រដ្ឋយ៉ាងធ្ងន់ធ្ងរ។ សាព័ត៌មានដែលស្និទ្ធនឹងលោកហ៊ុន សែនបានដកស្រង់សំដី អ្នកនាំពាក្យក្រសួងធម្មការលោកសេង សុមុនីចុះផ្សាយថាថ្នាក់ដឹកនាំព្រះសង្ឃនៅកម្ពុជានឹងមានវិធានការតាមធម៌វិន័យ មុននឹងបន្តឲ្យក្រសួងធម្មការនិងសាសនា ដាក់ពាក្យបណ្តឹងជាផ្លូវការទៅកាន់តុលាការដើម្បីចាត់វិធានការចំពោះបុគ្គលសង្ឃអង្គនេះ។វិធានការរបស់ក្រសួងធម្មការនិងសាសនា ធ្វើឡើងបន្ទាប់ពីព្រះតេជគុណប៊ុតប៊ុនតិញផ្តល់បទសំភាសន៍មួយដល់វិទ្យុអាស៊ីសេរី កាលពីថ្ងៃទី២៧ខែកុម្ភៈថាព្រះមហាក្សត្រខ្មែរបានសោយទឹកនោមរបស់ជនជាតិវៀតណាម ដោយសារជនជាតិវៀតណាមខុសច្បាប់ជាច្រើនបាននាំគ្នាបន្ទោរបង់ដាក់ទន្លេហើយទាំងសេ្តច ទាំងនាយករដ្ឋមន្រ្តីទាំងនាមឺុនកំពុងនាំគ្នាផឹកទឹកទន្លេនោះទាំងអស់គ្នា។ ក្រសួងធម្មការនិងសាសនាគ្រោងដាក់ពាក្យបណ្តឹងទៅតុលាការ ប្រឆាំងព្រះតេជគុណប៊ុតប៊ុនតិញពីបទប្រមាថអង្គព្រះមហាក្សត្រ ដែលនឹងត្រូវទទួលទោសជាប់ពន្ធនាគារពី១ឆ្នាំដល់៥ឆ្នាំ និងពិន័យប្រាក់២លានដល់១០លានរៀល។ ព្រះតេជគុណប៊ុតប៊ុនតិញដែលកំពុងមានវត្តមានក្នុងសហរដ្ឋអាមេរិកមានថេរដីកាប្រាប់ក្រុមអ្នកសាព័ត៌មានថា រដ្ឋាភិបាលកម្ពុជាចាប់ផ្តើមប្រើវិធីរកលុយថ្មីតាមរយៈការប្តឹងទារលុយពីក្រុម អ្នករិះគន់។ព្រះអង្គបន្តថាព្រះអង្គមិនព្រួយបារម្ភចំពោះការប្តឹងរបស់រដ្ឋាភិបាល នោះទេដោយសារព្រះអង្គបានមកកាន់ទីមានសុវត្ថិភាពក្នុងសហរដ្ឋ...

តុលាការកំពូលនឹងបើកសវនាការលើបណ្ដឹងសុំនៅក្រៅឃុំរបស់ប្រធានគណបក្សសង្គ្រោះជាតិលោក កឹម សុខា នៅថ្ងៃទី០៩ ខែមីនា វេលាម៉ោងប្រាំបីព្រឹក។ មេធាវីរបស់លោក កឹម សុខាគឺលោកជួង ជូងី បានប្រាប់ក្រុមអ្នកសាព័ត៌មានកាលពីថ្ងៃសុក្រថា បណ្ដឹងសុំនៅក្រៅឃុំទៅតុលាការកំពូលដើម្បីទាមទារឱ្យលោកកឹម សុខា អាចសម្រាកព្យាបាលជំងឺនៅខាងក្រៅពន្ធនាគារ ខណៈលោកកំពុងប្រឈមនឹងបញ្ហាជំងឺធ្ងន់ធ្ងរដែលចាំបាច់ត្រូវការគ្រូពេទ្យឯកទេសជំនាញព្យាបាលជាបន្ទាន់ បើមិនដូច្នេះទេស្ថានភាពជំងឺនេះនឹងអាចមានគ្រោះថ្នាក់ដល់អាយុជីវិត។ លោក កឹម សុខា ត្រូវបានសមត្ថកិច្ចក្រុងភ្នំពេញ ចាប់ឃុំខ្លួនដោយចោទប្រកាន់ពីបទក្បត់ជាតិ។លោកត្រូវបានឃុំខ្លួននៅពន្ធនាគារត្រពាំងផ្លុង។រហូតមកទល់ពេលនេះ គឺមានរយៈពេល៦ខែគត់ ដែលលោកកឹមសុខាត្រូវបានឃុំឃាំងទាំងអយុត្តិធម៌ ។ការចាប់ខ្លួនលោកកឹម...

លោកហ៊ុន សែន កាលពីថ្ងៃសុក្រប្រកាសថាលោកនឹងបន្តក្រាញអំណាច១០ឆ្នាំទៀតទោះបីមានសំពាធពីសហគមន៍អន្តរជាតិដូចជា សហរដ្ឋអាមេរិកនិងសហគមន៍អឺរុបក៏ដោយ។ លោកបន្តថានឹងចុះចេញពីអំណាចនៅពេលក្រុមបក្សប្រឆាំងរំលំរលាយគ្មានសល់ហើយសភាពការនយោបាយមានស្ថេរភាពឡើងវិញ។ ជាងនេះទៀត លោកអះអាងថាព្រោះអ្នកដែលអាចត្រួតត្រាក្រុមមនុស្សដូចជាក្រុមប្រឆាំងនឹងលោកទាំងឡាយបានមានមិនច្រើននោះទេ។ ការថ្លែងរបស់លោកហ៊ុន សែន ធ្វើឡើងក្នុងជំនួបជាមួយក្រុមគ្រូពេទ្យនៅសាលមហាស្រពកោះពេជ្រកាលពីម្សិលម៉ិញ។ ទោះជាយ៉ាងណាក៏ដោយលោកហ៊ុន សែន ហាក់បានផ្តល់ភ្លើងខៀវខ្លះក្នុងការចរចានយោបាយ។លោកបញ្ជាក់ថាលោកបើកទ្វារចំហរទៅលើកិច្ចការសន្ទនាជាមួយអ្នកនយោបាយណាក៏បានលើកលែងតែអ្នកនយោបាយណា ដែលតុលាការរបស់លោកកាត់ឲ្យជាប់ទោសនិងហាមឃាត់មិនឲ្យធ្វើនយោបាយ។ វិទ្យុអាស៊ីសេរីកាលពីថ្ងៃពុធបានដកស្រង់សំដីលោកសម រង្សី ប្រធានចលនាសង្គ្រោះជាតិចុះផ្សាយថាប្រសិនបើគណបក្សកាន់អំណាចចង់ចរចាគឺត្រូវធ្វើឡើង ដោយមានការចូលរួមពីសហគមន៍អន្តរជាតិ ក្នុងលក្ខខណ្ឌឲ្យមានការដោះលែងលោក កឹម សុខា ប្រធានគណបក្សសង្គ្រោះជាតិនិងអ្នកទោសនយោបាយជាច្រើនរូបទៀត។របទនយោបាយរបស់លោកហ៊ុន សែននៅពេលនេះ ស្ថិតក្នុងចំនុចទាល់ច្រកមួយ...

ក្រុមសមាជិកសភាអាស៊ាន អំពាវនាវជាថ្មីឲ្យដោះលែង លោក កឹម សុខាប្រធានគណបក្សសង្គ្រោះជាតិ មុនបោះឆ្នោតជាតិនៅថ្ងៃទី២៩ខែកក្កដាខាងមុខ។ប្រធានអង្គការអន្តរសភាអាស៊ានលោក ឆាល សាន់ទីយ៉ាហ្គោ(Charles Santiago)កាលពីថ្ងៃសុក្រអះអាងថាសមាជិកសភាពីបណ្តាប្រទេសអាស៊ាន បារម្ភចំពោះការឃុំខ្លួនលោក កឹម សុខា ពី ព្រោះដោយសារតែហេតុផលនយោបាយ។ ពួកគេទាមទារឲ្យមានការដោះលែងលោក កឹមសុខា ជាបន្ទាន់ដើម្បីអាចឲ្យលោកវិលមកចូលរួមឆាកនយោបាយឡើងវិញ។ លោកឆាលសាន់ទីយ៉ាហ្គោ(Charles Santiago)បន្តថាការប្រឌិត បទចោទដើម្បីចាប់ខ្លួនលោកកឹមសុខាគឺបង្ហាញឲ្យឃើញកាន់តែច្បាស់ ថាតុលាការគឺជាឧបករណ៍នយោបាយរបស់លោក ហ៊ុន សែន ក្នុងការបំបិទសំឡេងប្រឆាំង។លោកបន្ថែមទៀតថា...